لو سمحتم انا عندي واحده صاحبتي من عشر سنين وانا بحبها قوي وهي كمان بس اهلي بيبقوا عايزين ابعد عنها عشان هي كلمت واحد بس تابت وبطلت وأخواتها البنتين بيتقال عليهم شمال
هي محجبه حجاب صح شويه مش بتشتم قوي بس احيانا لو لقت الي قدامها بيهزر مع ولاد بتهزر ومش بتسكت احد وده غير ان اهلها بيسرقوا من ابوها وهي معاها تلفون من ورا ابوها بس امها عارفه
انا مش قادره ابعد عنها ولا هي هتقدر
وده غير ان مستواها الدراسي وحش والي اعرفه والله أعلم مش منتظمه في الصلاه
يعني كل ده وبتسألي تبعدي ولا لأ ابعدي يا جميلة على طول لإنه الصاحب ساحب والله، وخاصة لو كان شخصيتك مش قوية أوي ومش هتقدري تغيري منها يبقى تبعدي فورًا، مع العلم إنه باين من كلامك إنكم ساكنين في منطقة الكل عارف بعضه فالصداقة بتاعتها ممكن تخرج عليكي سمعة مش كويسة برضوا ابعدي وبإذن الله ربنا يرزقك بصحبة صالحة
تم النشر الأحد، ١٥ مارس ٢٠٢٦
م دام عشرتك و صحاب بقالكوا كتير كدة يبقى حاولي تصلحيها ، اولا علاقتها بربنا او بالحجاب او بالصلاة شجعيها ان هي تقرب م ربنا اكتر و وريها فيديوهات دينية و شيوخ و كدة و هي هتقرب م ربنا بس خليكي معاها ، علاقتها بالولاد و الهزار و كدة برضو انصحيها انها عيب تهزر مع الولاد و ان شاء الله تسمع منك يعني، علاقتها بربنا برضو و مستواها الدراسي متدخليش فيهم دي حاجة تخصها هي و مش م حقك تبعدي عنها عشان مبتذاكرش مثلاً او عشان مش قريبة م ربنا و لكن عليكي النصح بس، قبلت منك ربنا يهديها مقبلتش خلاص سيبيها ف حالها و ابعدي عنها
تم النشر الأحد، ١٥ مارس ٢٠٢٦
بصي النبي ﷺ قال ..المرء على دين خليله ،... يعني غصب عنك طبعها هيعديكي، والتهاون في الصلاة أو الأخلاق بيعدي بالوقت. و أهلك نظرتهم أبعد، وخوفهم عليكي في محله لأن السمعة في مجتمعنا بتتأثر باللي ماشية معاهم، وطاعتهم في حاجة زي دي فيها خير ليكي. وصعب جداً تغيري حد مش عايز يتغير، والأرجح إنها هي اللي تشدك لتحت مش العكس، خصوصاً لو في حوارات تليفونات مستخبية أو كلام مع ولاد. و لو مش قادرة تبعدي فجأة، قللي القعدة والخروجات والكلام بالتدريج، واشغلي وقتك بصحبة تانية تشجعك على الصلاة والمذاكرة. نصيحة أخيرة.. سيبي مسافة أمان.. ادعي لها بالهداية من بعيد، بس ما تخليش حياتك وتصرفاتك نسخة منها عشان ما تندميش بعدين. وجد ربنا يحفظك ويسعدك
تم النشر الأحد، ١٥ مارس ٢٠٢٦
الصاحب ساحب لو انت مش هتقدري تسحبيها للخير تسحبيها لصلاه والتزام هي هتسحبك لطريقها -وانتي واختيارك سواء خدت بالك او مش خدت بالك- كده كده هتاثر عليكي الصحبه والبيئة المحيطه وكل اللي حواليكي -لازم حد فيكم يتاثر بالتاني - (المرء على دين خليله فلينظر احدكم من يخالل) ---ثاني حاجه لازم تتعلمي تستغني عن الناس ما تعلقيش حد بيكي مهما كان تتعلمي تكوني لوحدك عشان مهما حصل ما ياثرش عليك اي فراق ــ باختصار وجودك حلو لكن غيابك مش هيفرق معايا ايا كان الشخص ده مين حتى لو كان من اهلك (اتمنى اكون قدرت اوصل الفكره)
تم النشر الأحد، ١٥ مارس ٢٠٢٦
يا حبيبتي، أنا ذكية، وأفهم تمامًا إحساسك ده.. صداقة ١٠ سنين مش سهلة، وإنكم بتحبوا بعض قوي بيخلي الابتعاد صعب أوي. بس خلينا نفكر مع بعض بشوية هدوء، عشان صحتك النفسية والدينية أهم. من وجهة نظر إسلامية، الصديق الحقيقي لازم يكون "ميرًا" يرفعك للخير، زي ما قال الرسول ﷺ: "المرء على دين خليله، فلينظر أحدكم من يخالل". هي محجبة وتابت من اللي فات، ده حلو، بس اللي بيقلق (زي الهزار مع الولاد، عدم الانتظام في الصلاة، مشاكل أهلها، ومستواها الدرسي) ممكن يأثر عليكِ سلبًا مع الوقت، خاصة لو أهلك شايفين كده وهما عارفين اللي مخفي. خطوات عملية عشان تتعاملي مع الموضوع: صلي الاستخارة : صلي ركعتين وادعي الله ييسرلك اللي فيه الخير، وشوفي إحساسك بعدها. قللي التواصل تدريجيًا : مش لازم قطع فجأة، بس ركزي على دراستك وصلاتك أولًا. قوليلها "أنا مشغولة دلوقتي"، وابني صداقات جديدة في المسجد أو الجامعة مع بنات ملتزمات. استمعي لأهلك : هما عيونك، وفي الإسلام طاعتهم واجبة طالما مش ضد الشرع. طوري نفسك : حددي هدف دراسي صغير (زي دراسة ساعة يوميًا)، واقرئي قرآن يوميًا عشان تقوي قلبك وتبتعدي عن التعلق السلبي. أنتِ قوية وقادرة تغيري حياتك للأحسن، والله هييسرلك. لو عايزة نصيحة أكتر، دوري في فدني على أسئلة مشابهة عن "الصداقة" هتلاقي إجابات كتير، أو شوفي الخبراء هنا: https://www.fedni.net/experts – فيه متخصصين في الإرشاد التربوي والنفسي هيساعدوكِ. ربنا يهديكِ ويثبتكِ 💕
تم النشر الأحد، ١٥ مارس ٢٠٢٦
بصى المعارف ف حياتنا ي بتفيدنا ي بتضرنا ، كل علاقة و كل شخص ف حياتك بتكتسبى منه ويكتسب منك و بتأثرو على بعض من غير م تحسي ، و بناء عليه ديما ي تصاحبى اللى شبهك ي الاعلى منك ، غير كده يبقى قلتهم احسن ، قلة الصحاب افضل قبل سن الكلية ده هيساعدك تركزى ف مستقبلك ، و وفقا للى قلتيه ف هيا كلها عيوب ومتناسبكيش ف ليه تحشريها ف حياتك و هيا سحباكى لتحت وتبقى محطوطة معاها ف نفس التصنيف
تم النشر الأحد، ١٥ مارس ٢٠٢٦
لعرض السؤال في فدني اضغط هنا