هل أبقى كما أنا أم أنني أحتاج أن أتغير؟

Question

السلام عليكم اللي هقوله مش مشكله بالنسبالي بس انا مش فاهمه ليه التغير دا عموما يعني، من شهر او اتنين كانت صحبتي عاملة حادثه وفاقدة الذاكرة وكدا ف انا كنت مضغوطه في مذاكره وفي نفس الوقت هي كانت حالتها مش كويسة وقولت هنزلها بس واحده تانيه صحبتي برضو هما الإتنين يعتبرو نفس القسم احنا تالته أزهر انا علمي وهما الإتنين أدبي قالتلي ان أهلها مانعين الزيارة عنها علشان حالتها مش كويسة ف انا قولت هستني انزل في يوم لوحدي واروحلها واقعد معاها وقت حلو لأن هي صحبتي اوي يعني بمعني الكلمة عدى اسبوع او اسبوعين مش فاكره وهي بقيت كويسه ونزلت وصادفت ان نزلت مع البنات وهما رايحين هناك دروس وكدا هي من قرية وانا من قرية جنبها المهم روحنا هي كانت برضو تايهه شوية ومش عارفه حد لسه قد كدا آخر مره شوفتها فيها من السنه اللي فاتت ولما روحتلها انا كنت في تانيه مش منتقبه بس أخدت الخطوه وهي متعرفش ومع ان اشك لو عيوني ظاهره هتعرفني منها بس انا مش ببينها المهم روحت انا والبنات عندها وانا بتكلم معاها كدا وبهزر مع اخواتها الصغيرين لينا علاقه ببعض حلوه فهي بدأت تسأل وتقول انتي مين والصوت دا مش غريب عليا فلما البنات قالولها اسمي وبيقلولها انتي فاكراها قالتلهم انا مش ناسياها أصلا مع ان طول فترة تالته وتانيه واولي البنت التانيه معاها علطول ومعرفتهاش في البداية ومتأكده ان لو كنت روحتلها ايام ما كانت لسه جايه من المستشفي كانت هتعرفني صحبتنا التانيه دي قالت هي بس علشان بقيت كويسه عن الأول افتكرتك حسيتها ادايقت بس انا مش في دماغي اصلا تفكر زي ما تفكر المهم هي أخدت رقمي وانا قولتلها ابعتيلي علشان نبقي نتكلم لأن الفتره دي مضغوطه جامد ومش عارفه ممكن أنزلك تاني ولا لا بس هحاول روحت ولقيتها مبعتتش ولا رنت حتى فأخدت رقمها من صحبتنا دي ورنيت عليها ف مردتش قولت يمكن تعبانه ومش قادره ترد او مشافتش الفون أصلا عدت اسابيع حرفيا هي اهاا صحبتي المقربه بس الموضوع معلقش معايا اوي يعني انها مشافتش الرنه وكدا ومرنتش تاني وكدا ف كنت بتكلم في يوم مع صحبتنا التانيه دي ولقيتها تعبانه وكدا وقالتلي ان صحبتي اللي كانت عامله حادثه راحتلها البيت وقعدت معاها وبترن عليها وبيذاكرو بالليل الفكره ان انا ملاحظه في نبرة صوتها انها بتقول الكلام بعفوية لأن انا اللي جرجرتها أصلا بمزاجي لما فلتت منها وقالت دا هي جاتلي فقعدت اجيب منها الكلام اللي ان هي بترن عليها اصلا وبتشوف الفون ما شاء الله يعني مفرقش معايا غير موضوع انها تشوف رنتي ومتردش او مترنش تاني او اصلا المفروض كانت تبعت لانها قالتلي هبعتلك نتكلم أنا حكيت الموقف من بداية تعبها كشهادة ان فيه بينا صداقه قوية برغم ان كل واحده فينا في قسم تاني أصلا ف انا مش فاهمه ليه هي عملت كدا الغريبه بقا ان انا يومها مزعلتش ولا رفلي جفن انا اهاا حصلتلي صدمه بسيطه وفيه فرق بين صدمه وزعل انا مصدومه ومستغربه اي العذر بعد اللي سمعته كل الأعذار بتقول لا نمت نومتي المعتاده لما بتصدم في حد او بتصدم من حاجه عموما وقومت عادي ومسحت رقمها وقولت مش هعتب بيتها تاني ولا اعرفها من انهارده شوفتها تاني او اتكلمنا ف اخبارك اي الحمد لله وصدق الله العظيم ولا حرف زياده ولا اي شئ تاني حطيت حدود هي لسه متعرفهاش اصلا بس انا فاهمه انا بعمل اي علشان ما اتأذاش من بعد المره دي مبقاش عندي عزيز ولا غالي واهي دي النقطه الي مش فاهمالها معنى انا بقيت قاعده في اوضتي اربعه وعشرين ساعه مذاكره على الفون اسمع ريلز او بودكاست او اي حاجه عامة ومش فارق معايا حد نهائي لدرجة ان اللي بقى يبعتلي والاقي طريقته معايا مش عاجباني بقيت اطيره من حياتي بلا رجعه ولا بتهز حاجه غريبه عليا ك شخصيه بتأثر ب اي حاجه حرفيا بتحصلي اتفه الأسباب كنت بتأثر بيها لكن دلوقتي لا انا عارفه انه شعور حلو وحاجه كويسه بالنسبالي مش عارفه حاجه كويسه بالنسبالكم ولا اي بس ساعات بقول هو ليه ميكونش عندي حد عزيز اوي عليا ازعل عليه لو فارقني او حصل بينا مشكله، حتى أهلي بقو زيهم بالظبط ممكن اتأثر بيهم اهاا بس مش زي الأول لأن طبعا مكانتهم غير اي حد حاسه ان بقيت قاسيه وقلبي ميت مع اني مش كدا ولا شايلة ضغينه في قلبي لحد كل اللي عملته قفلت باب الأذي ولقيت نفسي حاطه قانون اللي يغلط ميتسامحش هو دا شيء كويس أفضل عليه ولا اي؟ عارفه زودتها في الكلام بس دي كانت البداية ولازم تذكر طالما هحكي حاجه وحاسه ان الموقف انا مفخماه على الفاضي أصلا وهو مالوش لازمه بس ساعات اما حد بيكون قريب منك حتى لو فيه ايام ومسافات بعدتكم لو حركه بسيطه منه بتغير كل حاجه في تفكيرنا برغم ان مش زعلانه بس للآن بقول يمكن فيه عذر ودماغي بتقولي عذر اي تبقي عبيطه لو ادتيلها عذر أصلا + انا معنديش رهاب اجتماعي بالعكس اما بنزل بحس الرهاب ذات نفسه بيخاف مني ف انا بقدر اقعد لوحدي منعزله ومحسش بضيق ولا زهق وكذالك اما بنزل بتكلم وبهزر ومقبوله من اللي حواليا.

Accepted Answer

واللة كل دا كان ممكن يتحل لو بس فى الأول أول ما بدأتى تحسى انها بتتجاهلك تقابليها فى درس او حاجه وتقوليلها أنا برن وبكلمك وكدا وساعتها بس كنتى ممكن تاخدى موقف هى باين عليها انها بنت كويسة وانتى محصلش منك أى حاجة وحشة ف غالبا دا سوء تفاهم أو يا بنتى ممكن علشان انتوا فى ثانوى وانتوا قسمين مختلفين ف ممكن هى مشغولة بالدراسة فاهمانى ... مش عايزك تبقى واثقة أوى من حتة ان صاحبتكوا التالتة طلعت الكلام دا ب عفوية ها وركزى على الحتة دية ... أما انتى بقى طالما بتعاملى الناس كويس ومعاملتك حسنة مش فارقة بقى عزيز ولا غالى وحتة مش عايزة أتعلق بحد دا ممكن شئ كويس بس طبيعة العلاقات البشرية مش مبنية على كدا يا بنتى ف عادى انتى حابة تبقى لوحدك ومتتعلقيش شئ كويس بس مع استمرار المعاملة الحسنة والله عاوزة تتعاملى ووتكونى بيست فريند بقى وكدا ديه حاجة كويسة برضه ف الحالتين كويسين على حسب انتى شخصيتك هتميل ل إيه ..... أهلك مينفعش يتعاملوا زى البشر يا بنت الناس انتى بسم الله ما شاء الله منتقبه وكمان مش بتبينى عينيكى يعنى فاهمه وعارفه مش هكلمك فى بر والدين وصلة رحم انا انتى المفروض دلوقتى عملة نادرة ربنا يكرمك ويثبتك + نحاول نركز على الثانوى أكتر ونعدى المرحلة ديه لأنها مرحلة فيصليه ربنا يوفقك ويكرمك

Answer

وعليكم السلام ورحمة الله يا نسمة الغالية 💕 أول حاجة، شكراً إنك شاركتيني القصة دي كلها بتفاصيلها.. أنا فاهمة تماماً إحساسك بالصدمة الخفيفة دي، وإزاي حولتيها لحدود قوية عشان تحمي نفسك. ده رد فعل طبيعي جداً بعد خيبة أمل زي دي، خاصة مع صحبتك اللي كانت قريبة أوي. مش غلط إنك قفلتي الباب ده، ولا إنك بقيتِ أقوى وأقل تأثر بأي حاجة صغيرة – ده نمو شخصي حلو، ويثبت إنك بتتعلمي تحافظي على طاقتك للي يستاهل. هل محتاجة تتغيري؟ لا، مش محتاجة تغيير جذري خالص. القانون اللي حطيتيه ("اللي يغلط ميتسامحش") ده حكمة، مش قسوة أو قلب ميت. بس خلي بالك إنه يبقى متوازن: الصداقة الحقيقية تحتاج جهد متبادل. لو حسيتِ إنها تستاهل فرصة تانية (بعد ما تهدي)، جربي ترسلي رسالة بسيطة وصريحة زي "وحشتيني، عايزة أعرف إيه اللي حصل؟" – ولو مردتش، خلاص، قفلي الصفحة نهائي واستمري في مذاكرتك وريلزك اللي بتحبيها 😊. الانعزال ده حلو دلوقتي عشان التركيز على نفسك والدراسة، بس متخليهيش دائم – الله خلقنا نتواصل، وفي ناس كتير هتستاهل مكانة في حياتك. ركزي على بناء علاقات جديدة مع اللي بيقدركِ فعلاً، زي زملاء القسم أو أنشطة في الجامعة. وتذكري: العفو أحسن لو في خير، بس الحفاظ على حدودكِ أولوية. لو عايزة نصائح أكتر عن بناء صداقات قوية أو التعامل مع الخيبات، ابحثي في فدني عن أسئلة مشابهة، أو شوفي الخبراء هنا: https://www.fedni.net/experts. أنتِ قوية وبتعملي الصح، استمري كده يا بطلة! 🌟 إيه رأيك نحدد هدف صغير للأسبوع ده؟

هل أبقى كما أنا أم أنني أحتاج أن أتغير؟

اجتماعية

نفسية

أصدقاء

سؤال من 𝓝𝓮𝓼𝓶𝓪 𝓐𝓹𝓭_𝓮𝓵𝓻𝓪𝓱𝓲𝓶

تم النشر السبت، ٤ أبريل ٢٠٢٦

2 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك