اهلا انا بنت عندها 22 سنه.. وعندي اب نرجسي.. من سببو كرهت حياتي ومن وانا صغيره بدخل في اكتئاب كتير وبطلع نفسي منو بالعافيه.. وحقيقي تعبت.. ودايما بفكر اني اسيب البيت وامشي.. لانو حابسني بالبيت ومش بيصرف عليا زي اي اب وفين وفين لما يديني مصروف..
وكذا مره قلتلو يسيبني اشتغل واصرف ع نفسي واجيب احتياجاتي... للعلم هو مقتدر وحالتو الماديه حلوه.. بس كل فلوسو ع الغريب... وبيتنا كئيب.. وماما مكمله ومستحمله عشان خايفه تاخدنا وتمشي ومتعرفش تخلينا نعيش واصلا هيا كانت هتعمل كده.. لأنو خانها كذا مره. وهيا اكتشفت ده من فونو واخواتي الصغيرين لما كانو معاه...
رجعت في كلامها ع اساس الفلوس اللي معانا مش هتكفي عيشتا واجار ... بس انا شفت في عيونها الخوف مش اكتر... واصلا اهلها مش كويسين... انا مخنوقه من كل ناحيه.. وبقعد اعيط كتير... واوقات بفكر في حاجات ممكن تاخدني لبعيد وتضيعني حرفيا من السبب الضغط اللي انا فيه... من خنقه ومشاكل.
وانا الحمدلله بنت حلوه وذكيه وعندي مهارات نفسي استغلها واحلام وطموح بس بيئتي وحشه ومش مساعدة اني احقق اي حاجه من اللي بحبها... قلت لماما اني عايزة اسيب البيت واستقل لوحدي.. بالنسبالها اني مجنونه ومش عارفه اي... قلتلها ده الحل الوحيد... قلتلها يعني عاجبك حالي كده وهي شايفه اد اي بعاني 💔
أهلا بيكى انتى بتقولى أنا ساعات بفكر فى حاجات هتاخدنى لبعيد وهتضيعنى حرفيا دية أخطر حاجة قولتيها الفكره فى حد ذاتها مرعبة انتى ماضيكى مش حلو بس لسة فيه أمل فى مستقبل كويس فانتى بالأفكار دية بتدمرى مستقبلك وماضيكى ونفسك بالأشمل حياتك كليا وتقطعى أى فرصه ليكى للنجاه من المستنقع اللى انتى فية ........ _ انتى بتقولى انك بنت حلوة وذكية وعندك مهارات وأحلام وطموح أصبح دية فرصة لمستقبل أفضل من حيث شغل كويس طبقا لمهاراتك مثلا عريس كويس طبقا لشخص وجمالك وذكائك بيئة سوية فى المستقبل نقطتين بس حبيت أوضحهم قبل ما أرد عليكى ... إية الحل ؟ لازم قبل ما تفكرى فى أى حاجة تحطى على عاتقك ان والدتك استحملت كتير وشبة مدمرة أو عايشة ومش عايشة حرفيا فتحطى دايما قدامك انك انتى لازم تنتشلى نفسك وأمك من البيئة السامة المدمرة اللى انتوا فيها بما إنك شبة محبوسة فلازم تستغلى مهاراتك دية وطموحك فى انك تتطورى نفسك فى حاجة اونلاين تشتغليها من البيت من غير ما تخرجى أصلا اللغات ودا مجال واسع جدا الجرافيك الموديتور مجال الكتابة و إدارة السوشيال شوفى الأقربك لشغفك أو مهاراتك وابدأى وطورى لأن اللى هينقذك من اللى انتى فية استقلالك بنفسك فاهمانى + الأهم من دا كلة بالنسبالى انتى فى ابتلاء وابتلاء صعب لأن مشكلتك مع أهلك حرفيا والشيطان بيستغل الإنسان فى ابتلائه وضعفة ويسوس له أفكار ما كانت تخطر على بالة قط ويسوقة إلى نهايته ب يده فلازم تحفظى نفسك من وساوس الشيطان قربى من ربك وحافظى على صلاتك ( مهمة مهمة مهمة مش كلام وخلاص) ادعى كتير أووى أووى ربنا يخلصك مما انتى فيه ويرزقك الزوج الصالح اللى ينتشلك من حياتك ديه الأذكار الأذكار علشان تحفظك وتكون هى حصنك اليومى وديه حاجة فى حياتك بقت واجبة مش رفاهية +الحل السحرى اللى فيه شفائك المواظبه على قرآة سورة البقرة يوميا وستجدين وكأن الحياه حرفيا سخرت لأجلك خلى يقينك فى ربنا كبير وما هى الا دنيا والمؤمن ظائما مبتلى الله يهدى قلبك وعقلك ويهدى لكِ والدك ويكتب لك اللى فيه الخير
تم النشر السبت، ٢٨ مارس ٢٠٢٦
يا حبيبتي، أهلاً بيكي 💕 أنا ذكية، وسمعت كلامك كله، وأنا حزينة جداً على اللي بتعيشيه. أنتِ بنت قوية وذكية وعندك طموح، وده واضح من كلامك، بس البيئة دي فعلاً سامة وبتخنق الروح. أب نرجسي زي ده بيدمر الثقة بالنفس، وأمك خايفة طبيعي، بس مش معناها إنك تقفلي أحلامك. الحل مش "أمشي دلوقتي" ولا "أفضل وأتحمل"، ده خطة ذكية خطوة بخطوة عشان تحمي نفسك وتحقق استقلالك بدون ما تقطعي الرحم نهائي (زي ما الإسلام بيأمر بالبر بالوالدين قدر الإمكان، بس لو الضرر كبير، العلماء بيسمحوا بالابتعاد مؤقتاً). ابني استقلالك المالي أولاً : ابدئي شغل أونلاين أو فريلانس بمهاراتك (زي اللي قلتِ عليها) من البيت، زي تصميم، كتابة، تسويق رقمي. هدفك: ادخري 3-6 شهور مصروف. لو ممكن، سجلي في كورسات مجانية أونلاين (Coursera، YouTube) عشان تقوي CV وتدوري على وظيفة خارجية تسمح لكِ تخرجي باحترام. كلمي أمك بهدوء ومنطق : قوليلها "أنا بحبكم وبحترمكم، بس أنا محتاجة أعيش حياتي وأساعد نفسي. مش هسيبكم، بس هعمل خطة عشان نعيش كلنا أحسن." وريها إنك مش مجنونة، أنتِ بتفكري صح. رعاية نفسك يومياً : صلي وادعي ربنا يفتحلك أبواب الرزق والفرج (زي سورة الشرح: "فَإِنَّ مَعَ الْعُسْرِ يُسْرًا"). حددي هدف صغير يومي: اقرئي كتاب نفسي زي "حدود" لهنري كلاود (عن التعامل مع النرجسيين)، أو اكتبي إنجازاتك اليومية عشان تبني ثقتك. لو الأفكار السودا زادت، اتصلي بخط مساعدة نفسي مجاني زي "بيت السلام" أو "الخط الساخن للصحة النفسية" في مصر ( 16328 ) ( 0220816831 ). أنتِ مش لوحدك، كتير بنات زيك نجحوا بالصبر والعمل. لو عايزة دعم أكتر، دوري في فدني على أسئلة مشابهة أو روحي صفحة الخبراء https://www.fedni.net/experts وابحثي عن متخصص نفسي أو مدرب حياة لاستشارة خاصة. أنتِ هتقدري، يا قمر! خطوة صغيرة النهاردة، وهتشوفي الفرق. 🤗
تم النشر السبت، ٢٨ مارس ٢٠٢٦
اولا حابه اقولك انك بنت عاقلة وقوية وربنا اكيد شايلك حاجة كبيرة جدا علشان صبرك دا - ثانيا للاسف في مجتمعنا وفي بلادنا مش هينفع تعيشي لوحدك لعدة اسباب 1- مش امان تعيشي لوحدك 2- الناس للاسف مش هتفهم انك عايشة حياة صعبة لاء هتقول بنت عاقة سابت ابوها علشان اكيد حاجات وحشة 3- ممكن لا قدر الله فرصتك في الجواز تقل لانك اي حد ممكن يفكر ان ابوكي اتخلي عنك علشان غلط كبير ارتكبتيه ووالدتك عندها حق لان الواحدة لما بتحب تتطلق بتبقي محتاجة اهلها في ضهرها وانتي قولت ان اهلها مش كويسين يعني ممكن ميسمحوش انكم تعيشوا معاهم او حتي يرفضوا طلاق والدتك ويمنعوها وموضوع انها تأجر مكان وتعيشوا فيه صعبة ومسئولية كبيرة لانها اكيد هتنزل تشتغل علشان تصرف عليكم وهتسيبكم لوحدكم ممكن حد من اخواتك لا قدر الله يحصله حاجة او يتجرح وهي مش موجودة ويمكن شغلها يكون مرتبه قليل وميكفيش ف كل دا هيكون حمل صعب عليها (وهنا انا مش قصدي اعقدك بس بخليكي تشوفي الموضوع من كل جوانبه ) انتي اصبري واحتسبي وان شاء في يسر بعد كل عسر بس انتي خلي عندك ايمان بربك وهو هيجبر بخاطرك ان شاء الله - حاولي تشوفي شغل اونلاين تشتغلي من وانتي في البيت زي ابحثي عن شغل في Linked in او علي فيسبوك لغاية ما ربنا يكرمك بالزوج الصالح اللي يعوضك عن كل دا بس نصيحة من اختك بلاش مهما كانت ظروفك في البيت انك تقبلي ب اي عريس لمجرد انك عايزة تهربي من اللي انتي فيه اياك علشان لو لا قدر الله طلع وحش للاسف هتعيشي زي والدتك غصب عنك علشان ولادتك لان في الوقت دا ابوكي ممكن يرفض طلاقك او حتي يرفض انك ترجعي ليه بعد الطلاق لا قدر الله ف حاولي تختاري راجل كويس وصلي استخارة كتير قبل ما توافقي اسفة علي الاطالة وربنا يعينك ويصبرك علي اللي انتي فيه ويوفقك الي ما يحبه ويرضى وربنا يهدي والدك وينور بصيرته اللهم امين
تم النشر السبت، ٢٨ مارس ٢٠٢٦
الجفاف العاطفي الأسري صعب جداً على الأطفال ، و انا دايما بقول أن اطفال عايشين بين اتنين مطلقين بيحترموا بعض افضل بكتير من حياتهم تحت ضغط نفسي مع اتنين مش طايقين بعض ، بس ده مش قرارك ده قرار والدتك فيبقى تشيليه من دماغك ، ان والدك يتغير ده مش قرارك ده قراره يبقى تشيليه من دماغك ، انك تهربي ده قرارك بس تأثيره هيكون سلبي اكتر من إيجابي خصوصاً انك هتخسري والدتك فشيليه من دماغك ، يبقى بناءً على وضعك و ظروفك الأسرية و مشكلتك ، انتي محتاجه طريقة دخل مادي من غير ما تسيبي البيت او تنزلي تشتغلي ، في الزمن ده ، ده سهل جداً و له اكتر من طريقة ممكن و تقدري تعمليها من موبايلك ، دروس اون لاين ، كتابة محتوى ، تسويق ، تحارة إلكترونية ، تسويق بالعمولة اونلاين ، افكار تطبيقات موبايل و تخلي الذكاء الاصطناعي يعملها ، كتييييييرررر ، دوبلاج ، تعليق صوتي ، اكتشفي نفسك ، انتي حياتك مش شبه القطيع و مش شبه الطبيعي و اللي حواليكي و غير تقليدية ، ف ليه حابسه نفسك في انك تدوري على حلول تقليدية طبيعية بديعية للناس اللي حياتهم عادية ، عيشي نفسك و اكتشفيها و هتلاقي حلول مش على بالك ، و خليكي فاكره ان ربنا لما يحطنا في أي مشكلة بيحطلنا معاها الحل ، بس احنا اللي محتاجين ندور ، إن مع العسر يسرا ، مع مش بعد ، و بالتوفيق 😊
تم النشر السبت، ٢٨ مارس ٢٠٢٦
لعرض السؤال في فدني اضغط هنا