𝓝𝓮𝓼𝓶𝓪 𝓐𝓹𝓭_𝓮𝓵𝓻𝓪𝓱𝓲𝓶

كملي محاوله ولو فشلتي مره واتنين ومليون حاولي تاني طول ما انتي عايشه واللي بيحاول ومصرّ مفيش حاجه هتوقفه وهيوصل للجنة بإذن الله، الشيطان مش هيسيبك بسهوله حتي لو استحملتي مره واتنين وعشره الشيطان ذات نفسه مبيأسش فتخيلي انتي مسلمه هتيأسي قصاده؟ لازم تغيري إسلوب حياتك قولتي انك مقصره في جامعتك وان اكتر الأوقات اللي بتجيلك فيها لما تكوني لوحدك وهو دا مدخل الشيطان ف كل اللي عليكي انك تفضلي مشغولة طول اليوم بمذاكره او شغل او تنضيف او طبخ بمعني أصح متسيبيش نفس في يومك وبرضو الشيطان هيدخلك من مدخل تاني فبالتالي انتي اللي لازم تجاهدي والمجاهده صعبه جدا مش حاجه سهله اعتبري نفسك صايمه وعطشانه هتروحي تشربي؟ اكيد هتستني للمغرب والمغرب دا هو الجنه مشي يومك كدا كأن طول اليوم دنيا ووقت المغرب دا الدنيا خلصت ودخلنا الجنه علشان صبرنا، ف انتي لازم يكون معاكي صبر علشان تقدري تجاهدي وتكملي وكملي في طاعاتك زي ما انتي وحاولي تصلي القيام وتدعي كتير اوي من قلبك ان ربنا يهديك ويعفو عنك، باين فيكي الخير اوي ف اوعي تستسلمي علشان ربنا قبل اي حد تاني وخدت بالي ان حد قالك فوق ان لازم يكون حد جمبك يشجعك ويلازمك هو تفكيرهم صح بس لو بعيد عن معصيه ك حياة عامة لكن لو فكرتي تحكي لحد عن حاجه زي كدا ف انتي بتجاهري بالمعصيه والنبيﷺ قال: كل أمتي معافي إلا المجاهرون فـ أوعي تقولي كدا لحد وحتي وان الحد دا ساعدك هيجي في يوم من الأيام يعايرك ولو حتي بنظره ف متحطيش نفسك في المكان دا وانا هحاول منساكيش في دعائي لعل وعسي ربنا يتقبل مني، ربنا يهديك ويوفقك لما يحبه الله ويرضاه 💗

تالته إعدادي حاجه وتالته ثانوي حاجه رابعه خاالص اصلا وعاوزه أفهمك ازاي هتكون بتعصي ربنا وتقول يارب وفقني، هيوفقك لأي بالظبط، الغش؟! وبعدين نفسك في طب هل لو دخلتها هتبقي بمجهودك او انت تستاهلها ودي مهنه اصلا يعتبر لازم تكون أمين فيها هل دخولك ليها كانت بـ أمانه؟ عموما مش هتفهم معني الخير غير اما تجرب الشر علشان تفرق بين الإتنين انت بس شايف نفسك في تالته انت وصلت ل اي بالغش لكن مفكرتش لو مكنتش غشيت كنت وصلت لأي، هديك نظرة من واقع تجربتي انا ممكن توصلك انا تالته أزهر برضو في اولي كنت بغش وببرشم وبكتب علي ايدي والدنيا كانت فل عادي وايامها كنت بنزل دروس في كل المواد ونجحت عادي وجيبت درجات مقبوله في تانية بقا ما نزلتش لا شرعي ولا عربي ولا أعرف شكل الكتاب اي ولا اي منهجنا أصلا دا غير الثقافي اللي هي المواد العلمية أخر شهر من كل ترم مبقيتش أنزله يعني قول داخله إمتحانات لا افقه شئ بس سبحان الله وقتها مش عارفه اي حصلي ودخلت امتحانات في مواد الشرعي والعربي وعاهدت نفسي قدام ربنا ما هاخد حاجه من حد ولا هغش من كتاب ولا الكلام دا انا فاكره ان يوم الرياضه دا المس قالتلي خلصتي كله قولتلها لا قالتلي طب خدي ورقتك واقعدي وفيه بنات هتجيب دلوقتي اجابات ليكم قولتلها لا مش هغش ولو محليتش كلمه مش هغش وسيبت اللجنه ونزلت وعادي مع ان كنت حاله بس يعتبر 75% غلط أصلا وفيه متحلش خالص والفيزيا اللي مكنتش فاكره فيها حاجه ونصها ما أخدتوش علشان نوييت بس نية صادقه ان هذاكر في البريك علشان أعرف أحل خلصت المنهج كله قراءة بفهم في البريك وحليت ونقصت حوالي من 3 ل 4 درجات مادة التفسير الي معرفش عندنا سور اي اصلا ك منهج حليت بدماغي ونقصت تلات درجات من 20 ازاي برضو متسألنيش انا مش بحكي ك تفاخر او شئ من هذا القبيل لأن في الاول والآخر دي كانت هداية من ربنا وفضل من ربنا عليا بس خلاني أشوف فرق تانية من أولي علشان تالته ابقي. فاهمه انا علي اي في اللجنه وقت امتحاني هختار أغش ولو كلمة علشان الكلية اللي عاوزاها ولا هقول ربنا هيساعدني ومش محتاجه حاجه من حد، انا جربت الغش وجربت ان مغشش وانت بنفسك اكيد شايف فرق بين المرحلتين ودا ثانوي مش. هقولك اعدادي فـ نصيحه بجد متغشش ان كان. الغش هيزودلك درجه فهينزلك مراتب كتيره اوي دا. غير ان النبي ﷺ قال من غشنا فليس منا، انوي انك متغشش بنية دخولك طب والنية الصادقة بتفرق اوي، ربنا معاك ويوفقك يارب وتدخل الكلية اللي نفسك فيها ونصيحه تانيه مني وانت بتدعي بيها قول يارب إكتبهالي وإكتبلي فيها الخير وادعي كتير علشان تستجاب منك اهم حاجه الإلحاح الصياغة دي بالدعاء ممكن تغير اللي مكتوبلك فعلا لو ربنا أراد.

بصي طبيعي تخافي بس خلي خوفك إيجابي يشجعك تكملي وتحاولي كتير اوي ومتستسلميش ابدا أنا ثانوية برضو وبالنسبه لموضوع النوم انا عانيت منه برضو وهقولك حل انا استخدمته انا عارفه نفسي مش هاجي غير بالإجبار فكنت لازم اعمل كدا نزلت ابلكيشن هو منبه ذكي بتعملي الوقت وجمبه لعز او مسأله رياضيه انا برشح اللغز مش المسأله ولا باقي الإختيارات اللي هتشوفيها وقت ما تستخدميه هقولك ليه لان ممكن تحسبي وتكوني شاطره رياضه او ممكن تقومي تجيبيها بالآلة الحاسبه انا مشيت بالمسأله ولقيتها مش بتفوق عقلي ف كنت بنام بعدها عادي لدرجه قولت هصعبها وهخليها ضرب وقسمه وطرح وجمع ارقام كبيره تتعدي الميه وهحلها بالآله بس هخلي الآله بعيد برا الأوضه يعني كل اللي عملته ان ناديت علي اخويا وقولتله علي مكانها وجابها وحليتها ونمت تاني اما الغز اللي هو الأرقام التصاعديه والتانزليه لا مفر منها ولازم هتفكري ومتعمليهاش سهل ولا تصعبيها خالص لأن لو صعبتيها هيفضل الصوت شغال لا هتعرفي تنامي ولا هتعرفي تذاكري وهياخد وقت خليه 75% اللي هو التلات ارباع يعني من مستوي الذكاء ودا بقا يخليني افكر وعقلي يشتغل ف بالتالي بصحي ومبنامش تاني بس لازم تفهمي حاجه انتِ الحل مش المنبه انتي اللي لازم يكون عندك اصرار وعزيمه علشان تكملي وبالنسبة للدروس الخصوصي لو قادره تكملي فيها ولا مفر خلاص كملي وحاولي انك تتدربي كتير في الماده دي علشان كتر التدريب فيها هيخليكي سريعه وطبيعي قلة الممارسه في ماده حتي لو ذكائك خارق هتكوني بطيئه في البدايه فلازم ممارسه علطول اما لو حاسه ان الدرس بيضغط علي اعصابك ونفسيتك ف صدقيني مهما تعملي مش هتعرفي تذاكري بسبب النفسيه انا من اولي ثانوي وانا بقول هذاكر كويس ونيتي المذاكره بس تحصلي مشاكل ونفسيتي تتعب ف مش بعرف اذاكر ولا أكمل والسنه دي انا اشتريت نفسيتي وبعدت اي حاجه تخلي نفسيتي تتعبني والنفسيه من اللي حواليكي غير النفسيه اللي تتعبك من المذاكره في فرق كبير اوي وكلها شهرين وتنتهي اهم حاجه تكوني راضيه وواثقه في نفسك علي قد ما تقدري ومتخليش حد يهز ثقتك في نفسك لأنهم أكيد كانو كدا او كدا اصلا بس في مواد تانيه الإنسان مش كامل انتي هتلاقي عندك مميزات هما عندهم مميزات غيرك فمتقارنيش نفسك بيهم علشان هتتعبي وربنا يوفقك يارب وتنالي اللي بتتمنيه واطلبي من ربنا التوفيق هو دا اللي هيخليكي تكملي وتنجزي وتبقي اسرع

برغم ان الإنسان بيستصغر مشاكل غيره وبيعظم مشاكله دي حاجه سلبيه عند ناس بس هي ايجابيه عند الشخص ذات نفسه لأنها بتطبطب عليه وتعرفه ان الحمل تقيل وان ميتحملش التقيل الا البطل فعلا فبيبدأ يكافح ويطور من نفسه علشان بس نفسه طبطبت عليه، انا عيشت الشعور دا قبل كدا بس حاليا الشعور اتقلب بقيت استصغر مشاكلي واعظم مشاكل غيري حتي لو غيري دا اتقاله كلمه بس وزعلته بقول لا دا اكيد وجعه صعب لكون انا بس كنت في نفس الحاله ومالقيتش اللي يقف جنبي فعظمتها هناك فلما الحال اتقلب اتعظمت برضو عنده وبقيت استخف بتعبي ووجعي لمجرد ان مستحملاه ومكمله حياتي عادي وبجد دي قمة الوجع الأكبر اصلا انك تشيل نفسك فوق طاقتها وتقولها دا شئ تافهه انتي ازاي مش مستحملاه ف انت بتقسي مش بتطبطب عليها زي الحاله الأولي ففكرة انك شايف حاجه زي دي مشكله فلازم تدور تاني في الحكمه من ربنا ب استصغار وجع غيرنا وتعظيم وجعنا ومش حد بيحس بالفرق بين الميه والنار غير لما يجربهم الإتنين انت جربت شعور ومجربتش ضده ف بمجرد ما جربت الشعور دا ولقيت ناس كتير زيك حكمت من غير ما تعرف اي اللي فيها واي الجزء المستخبي وانا مش بألف لا دا من واقع تجربتي وإحساسي بنفسي يعني مش كلام قرأته وكتبته لا دا كلام حسيته

حبي بس بحدود بما إنه خطيبك ف الله أعلم هل هتكمل ولا لا وان شاء الله اللي فيه الخير يقدمه ربنا بس اما تحبي بحدود متبالغيش خير الأمور أوسطها علشان مهما يحصل بينكم من مشاكل ومفيش علاقه تخلو من المشاكل اصلا متتأثريش بيها اوي وتبقي عادي بالنسبالك وعموما في رجاله بتحب من قلبها عادي بس انتي اللي تعرفي هل بيحبك بجد ولا لا من تصرفاته معاكي واي مواقف بتستدعي انه يقف جمبك وخليكي تقيله عليه شويه الواحد بيحس بقيمة الحاجه اللي معاه اما يجيبها بصعوبه ويتعب فيها ف كل اما تتقلي بعقل هيقع اكتر وانتي ثابته علي وضعك بتحبيه بحدود علشان اي حاجه عموما في حياتنا بتزيد عن الحد بتتقلب للضد وفكره ان مش حابه الجواز علشان هو محتاجك ف دا حقه وانتي هيكون ليكي حقوق برضو ووقت ما تكوني زوجه هتعرفي ان دا مش احتياج وبس دا حب وموده ورحمه بينك وربنا حللها لاكن بالحلال

وعليكم السلام ورحمة الله وبركاته اولا لازم تتعلم تثق في نفسك ولازم تحط حدود مع الناس ومن تجاربي في الحياة انا لسه صغيره عادي بس الفكره اتحطيت في مشاكل أكبر مني بس كل اللي اعرفه ان اتعامل مع الناس بحب وخلاص وميطلعش مني غير الكلمه الحلوه ومزودش في الكلام واكون اجتماعيه والكل يحبني ووقت الفضفضه ادور علي اللي يحتويني مش اي حد وخلاص ولو مالقيتش صلي القيام وادعي لربنا بس كل اللي عليك برا في حياتك العمليه انك تتعامل عادي خالص ك هزار خفيف وتكون خفيف علي القلوب وتحط حدود دي أهم حاجه وقت الجد جد ووقت الهزار هزار تعرف تدافع عن نفسك وقت ما انت عارف انك صح اثبت انك صح بكل ثقه وقت ما انت عارف انك غلط قول انا غلطت وهصلح من غلطي دا ميقللش منك بل بالعكس واثق من نفسك وعارف انه عادي ومتشغلش دماغك باللي حواليك أهم حاجه انت وعلاقتك بربنا وعموما الثقه وانك تحط حدود مش بتيجي من يوم وليله لازم هتغلط مره واتنين وتحاول مليون مره عما تتعلم وصدقني وقت ما تثق في نفسك مفيش كلمه هتهزك انا بتكلم من طابع شخصيتي أنا واعتقد انا انسانه وانت انسان زيي وانا اصغر وكانت صعبه عليا وطلعت وانا كويسه برغم ان كنت وحشه في حاجات كتير وكانت ثقتي في نفسي قليله وبقي دلوقتي الكل يتمنو بس يتكلمو معايا خد كل موقف يوجعك علي انه درس يعلمك وانت واحده واحده هتتعلم ازاي تبقي مكتفي بنفسك ومش هامك حد ابدا

لو بتسعي ف انتي بتعملي اللي عليكِ غير كدا ف لا وطلاما بتسعي وبتذاكري وطبيعي تراكمي وممكن تعدي السنه وانتي مخلصتيش المتراكم بس كنتي كل يوم بتذاكري حتي ولو قليل فـ قليل دائم خير من كثير منقطع، ذاكرتي = سعيتي، سعيتي = لازم ترضي باللي مكتوبلك فالخير فيما إختاره الله لنا وان لم يكن ما نريد، بالتوفيق ي جميله 💗🎀

لا ما انا أكيد الشخص الي هختاره أزعل عليه ويهمني غيابه فعلا مش اي حد مش اي حد والسلامه وشكرا جدا لنصيحتك جزاك الله كل خير يارب 🤍

مبنزلش معاها دروس ولو بنزل مكنتش هسكت وكنت هقولها عادي بس انا مش زعلانه عليها هي فتره وراحت أصلا بس الفكره دماغي مش مستوعبه التناقض ازاي تعرفيني من بينهم وتقولي انك منستينيش اصلا وطريقة تعاملها بتقول ان انا عندها غير وفي نفس الوقت تعملي كدا انا شايفه ان الموضوع عادي وحاسه اني مكبراه بس برضو انا لو واحده زميلتي مش بحبها بترن عليا ومشوفتش الرنه هرن عليها تاني ما بالك بحبها جدا دي فضلت اسابيع ويعتبر دلوقتي شهور ودماغي عاوزه تطلعلها مبرر وعذر بس مش لاقيه وفي نفس الوقت انا مش عاوزاها في حياتي تاني ونقطة أهلي اثرت عليا من بعد اللي حصل دا يعني مش ب ايدي اصلا وبرضو نقطة ان افضل كدا لوحدي ف لا برضو عاوزه اتغير بس مش عارفه محتاجه يكون حد في حياتي بعد كدا أزعل واحس انه فارق معايا بجد، عارف شعور اما تلاقي حد بعد وانت كنت بتحبه وقولت مع السلامه واي حد بتعامله كدا وكلهم سواسيه الا أهلي طبعا مختلفين شويه بس انا أكيد ليا مستقبل مع زوج وكدا ف دا هيأثر عليا انا قبله وبرضو الموضوع من شهور مش عارفه دماغي لازم تفكرني ليه مش عارفه

انا لما عرفت استنيت يومين اتنين بس انظم اموري وانزلها للدرجه ان كنت عاوزه اروحلها وقت ما عرفت بس لما لقيت صحبتي بتقول ان اهلها مانعين عنها الزياره فقولت تخف شويه واروحلها علشان كل اللي بيروحلها بيتعبها أكتر ما بيداويها وبرضو لأن الدكتور اللي كانت عنده عطالها ادوية غلط أثرت بالسلب عليها ف انا كنت كل يوم أقول للبنات هتروحو امتي اروح معاكم يقولو مش هنروح انهارده وممكن نروح في يوم تاني وحدد يوم هيروحو فيه وروحت معاهم فعلا وهي ذات نفسها قالتلي انتي جاية هنا علشاني قولتلها اهاا علشانك أكيد يعني واستقبالها ليا كان جميل اوي لدرجة كانت كل شوية تحضني يعني ما اتأخرتش عليها أصلا أنا عموما هسألهم الإتنين وهشوف اي الموضوع دا بس صدقني انا حسبت كل كلمه وكل حرف اتقال يومها يزعلها او حركه مش لاقيه خالص دماغي نفسها تديلها عذر بس مش لاقيه

لو هفكر زي ما بتقول ف انا ممكن احط احتمال زي دا بنسبة 0.1% لأن انا مشوفتهاش من السنه الي فاتت اصلا دا حتي أنا اخترت كتاب من عندي أنا بحبه جدا وعلشان البنت التانيه كانت معايا ف حطيتلها كتاب من عندي اسمه حب كبير محبيتوش ف عطيتهولها علشان ما تزعلش بس لو شافتني وانا بعطيهولها وسيبت الكتاب التاني لصحبتي المقربة وفي كل صفحه كنت بكتبلها حاجه جميله اوي ف هي مكانتها عندي كانت كبيره ف انها تعاملني كدا من غير ما أكون عملت حاجه ف هي جرحتني مهما كان العذر بجد وبعدين دا انا طلعتلها جميع الأعذار بس مش لايقة لدرجة شكيت في نفسي وحسيت امها مثلا ما ارتاحتليش وقالتلها متكلميهاش تاني بس أمها دي بتحبني أصلا لما كنت بروحلها في تانية كانت بتحبني وعارفاني مش اول مره تشوفني هي يعني بس برغم انها صدمتني فيها بس محسيتش بألم فقدان حد ولا اي حاجه قولت خدت الشر وراحت عادي بس دماغي بتقولي يمكن ليها عذر ولو ليها عذر انا مش هروحلها ولا هكلمها تاني اصلا انا بالنسبالي وجودها او عدمه مش فارق أصلا لحد ما هي تبقي تبعت دا لو يعني عندها عذر اصلا

انتي صح، واللي عملتيه صح برضو مينفعش تباني قدامه ضعيفه برغم انك كذبتي وبرغم انك اتأذيتي واكيد عاوزه فترة تتخطي بس هو كان عاوزك متاحه علطول وقت ما يبقي عاوز يتكلم يلاقيكي علشان كدا قالك استنيني ويرجع يقولك اصل فكرتك هتفهمي لوحدك وغالبا هيرجع يكلمك تاني ف اقطعي العلاقه من جذرها وكأنك معرفتهوش وهتتخطي وهتعيشي وهتبقي اقوي من الاول بس متسيبيش نفسك لدماغك تسوحك وتخليكي في نفس الدوامه وانك مش قادره تتخطي لا احنا بنتخطي عادي بس الأثر بيفضل ومبيأثرش علي حياتنا عادي ونصيحه بلاش ارتباط لأنه في الاول وفي الاخر حرام وكدا كدا مكتوبلك أحدهم واكيد هو دا الخير ليكِ، واعتبري دي مرحله تتطور في شخصيتك انك تبقي اقوي من دلوقتي، بالتوفيق ي سكره 💗

عاوزه اغير نفسي علشان نفسي بجد يكون معايا شخص احس ان بزعل منه لو حصل بينا مشكله او بعد عني احس بحد فارقني فعلا مش عاوزه وجع اكيد بس الشعور لوحده انك عندك حد مهم في حياتك جميل اوي اصلا بس كل الي جاي في حياتي مالوش لازمه انا هكون علاقه عادي وممكن أخلي اللي قدامي يحبني ويتعلق بيا بس انا ولا الهوا اصلا

انتي مش فاهمه انا عاوزه أوصل فكرة اي وان ابعتلها تاني دي من سابع المستحيلات اصلا بس الفكره ان مهما اكون علاقات مع اي حد بعد. كدا هيكون نفس التعامل من يومها انا شخصيتي بقيت كدا مبتتأثرش بحد حتي لو الشخص دا بحبه جدا ويظهر لأي حد اني مقدرش اعدي يومي من غيره بس بالعكس لو حصل حاجه هتشوفيني مزعلتش أصلا ولا حصلي اي حاجه مش بقول دا مدارية للزعل لا بالعكس انا فعلا مش حاسه بزعل ولا اي حاجه زي ما تقولي واحده غريبه معرفهاش بجد اتحولت ازاي كدا مش فاهمه بس الفكره اللي بتراودني هي ممكن كان ليها عذر وانا مش بطلعلها عذر علشان تكون العلاقه بينا زي الأول لا علشان حاسه اني ظلمتها وحاسه اني مكبره الموضوع وهو ميستاهلش كل التفكير دا انا تفكيري كله هل انا اتسرعت وظلمتها لكن هي مش في بالي ولا فارقالي اصلا

انا فاهمه جدا ان كلامك طالع من وجع حقيقي وأذي نفسي وجسدي بس مينفعش نقول كدا علي ربنا مع ان ممكن الشيطان الي يكون مسولك دا بس انتي لو دورتي في روحك هتلاقي بتحبي ربنا ودي فطره اصلا بس اكيد كلامك الي بيقول انا أكره وغاضبه منه نابع من ان ربنا مساعدكيش بس ممكن ربنا ساعدك في حاجات انتي مش واخده بالك منها وربنا رحيم بينا واكيد هتلاقي الحياه الجميله في يوم من الايام بس حاولي تلاقي حد كويس تفضفض معاه بس حد تثقي فيه وبلاش علاقات محرمه علشان هتسيب أثر نفسي وحاولي تغيري دكتورتك وتحطي أهداف لنفسك لو حابه أساعدك انا معاك ومش بقول كدا ك مجامله لا انا بتكلم حقيقي وهحاول اساعدك حتي لو بالدعاء وان شاء الله ربنا يوفقك لحياة أفضل وأحلي ويعوضك عن الاهل بشخص يحتويكِ ويكون فاهمك أكتر من نفسك، ربنا يوفقك لما يحبه ويرضاه 💗

بصراحه انا شايفه انها مرحلة نضج مش أكتر واللي بتمر بيه وقت وهيعدي وبعدها هتحس انك كنت بتتأهل للي بعد كدا وعموما خليك في تفريغ اللي جواك في الورقه واتعلم المناجاة مع ربنا هترتاح والمعامله طلاما انت بتعرف تفتح مواضيع وتتكلم وتضحك ف انا مش شايفه اي مشكله انت كنت في مرحله وطالع لمرحلة تانيه ف هي غريبة عليك بس وبعد ما تتعود عليهاا هتعرف ان ربنا حطك في المواقف دي علشان تبقي أقوي وهتعرف كلامي دا بعدين وكذالك برضو خليك عارف انك كل اما هتكبر في السن مش هترتاح لان الدنيا مفيهاش راحه اصلا وان حتي اعتزلت وبعدت عن الناس ومعملتش مشاكل مع حد جسمك ومشاعرك مش هتريحك ف فكلتا الحالتين او الحالات عموما مش هترتاح ولازم تكون عارف دا ومقتنع بيه علشان تقدر تكمل حياتك

جرافيك ديزاين دا لو عاوز يشتغل حاليا هيتعلم ويشتغل علي اي موقع عادي لاكن هو لازم يركز وياخد كورس في تخصصه هو بس علشان الدنيا متوسعش منه وميعرفش يعمل حاجه ومفيش ضرر من تعلم حاجه زي دي تنفعه بس الاولي ما يخص الدراسة

كورس البرمجه اولي من الإنجلش لأنه يعتبر منهجك اصلا بس مفيش ضرر لو اخدت جمبه انجلش والمنصه اللي قولتهالك متوفر فيها كل حاجه

فاهمه ان الدراسه ذات نفسها انجلش انت محتاج فعلا كورس بس كورس برمجه انا مش حاسبات انا ثانوي اصلا بس الفكره بما انك حاسبات ومعلومات وكلها شغل برمجه وكدا فلازم كورس برمجه لان الإنجلش العادي زيه زي العربي بالظبط وأشمل وأوسع يعتبر مالوش حدود ف اللي ينفعك فعلا ولازم تتعلمه اللي هو في حدود دراستك فيه منصة عليها كل الكورسات عموما يعني للبرمجه بلغات كتير زي البايثون والسي بلس وبالعريي ولغة الترميز وكورسات من الصفر حرفيا وهي مجانية وعليها برضو كورسات انجلش زي ما انت عاوز سواء محصلة لغويه او نطق انجلش او المحادثه والترجمه لو دخلت بس جوجل وكتب منصة معارف هتظهرلك سجل دخول وشوف الدورات التدريبيه ومعاها شهادات ممكن تشتغل بيها بس شهادتها مش زي شهادة الجامعة عموما بس هي دليل انك أتممت تعلم كورس او جزء من كورس واهم حاجه التطبيق علي كل اللي بتعمله علشان يترسخ في ذهنك وتكون شخص مجتهد وشاطر في مجالك وحتي لو مش معاك شهاده جامعه ومعاك شهادة معارف او اي منصة تانيه وانت شاطر في مجالك هتتوظف عادي الفكره مش فكرة شهاده الفكره في عقلك انت وانك تستغلها صح ونصيحة مني كل اما تقع قون تاني أقوي من ذي قبل متخليش شيطانك يقف يضحك عليك انت اضحك عليه كل اما تبقي اقوي مش معني اني اصغر يبقي لسه ما اتعلمتش اوي واتحطيت تحت ضغط لا خد مني النصيحه وصدقني هتفرق معاك النصيحه بالمعني مش بالسن

عموما اللي حصلك دا عادي فيه طلاب كتير بيشيلو في اول سنه ليهم لكون لسه النظام غريب وكمان الأساس في الدراسه اللي هي الإنجلش مش كويسه ف دا شئ متوقع انه يحصل بس الفكره في اي؟ ان متيأسش ابدا وحاول مره واتنين وتلاته وعشره وميه لحد ما توصل للي عاوزه حتي وان كان اللي عاوزه تنجح بس واللي بيحاول عمره ما بيفشل ابدا ومحاولاتك دليل انك عندك يقين في ربنا وبرضو انت محتاج تمشي دماغك مش دماغك اللي تمشيك ان دماغك تهربك من المذاكره وتديك ادرينالين ودوبامين في حاجات بتفرحك عن المذاكره وترفعلك مستوي السعاده مشي دماغك وحط في دماغك ان لازم هتتعب وهتتعب تعب صعب انت مش عاؤف طاقتك قد اي بس عموما الإنسان يقدر يتحمل حاجات كتير اوي ولا يحمل الله نفسا الا وسعها ذاكر بس انت وهتلاقي بس ذاكر بجد وذكاء الإنجليزي مش صعب للدرجه اللي هي هو محتاج بس وقت لو هتخصصله بس كل يوم ساعه من يومك جمب المذاكره هتلاقيك بقيت احسن اوي اوي وعموما كل دي اختبارات هتعلمك لبعدين الإنسان مبيظهرش الشخصيه المعافره اللي جواه الا لما يتحط في ضغط وتوتر وخوف بس خلي خوفك إيجابي ويحفزك انك تكمل وموضوع انك خايف اللي بتعمله يكون رياء ف طلاما انت اعترفت بنفسك انك خايف من شئ زي دا ف دا اعتراف من نفسك انك بتعمله لله اللي بيصورلك الرياء دا هو الوسواس ودي حاجه جواك انت مش شيطان ولا حاجه ولا غني برضو عن الشيطان في كل حاجه ماشاء الله عليه يعني من غير مبالغه ففكرة انك تكون المسيطر هتدفع عنك وسواسك وهتمشيك في طريق النجاح طلاما انت واعي ل دا واخر حاجه متحطش رد فعل والدك قدامك علطول دا ممكن يحبطك مع انه ممكن يخوفك ويخليك تكمل بس هيقلل من عزيمتك لازم يكون خوفك نابع عنك انت مش من والدك والدك عرف قوله انا عملت اللي عليا والحمدلله علي كل حال قدر الله ما شاء فعل وهكمل ومش هوقف لحد ما اوصل مجرد ما يشوف اصرارك هيعرف ان الفشل مش هيعرفلك طريق ابدا وبالتوفيق متيأسش أهم حاجه عزيمتك واصرارك هما اللي هيخلوك تكمل وياما ناس كانت كدا وبقت كويسه في حياتها لكونهم طورو من نفسهم بس في اوقات الشده اللي زي دي

بالنسبه للي قولته ف دا شئ عادي بس المعروف من التملك انه حاجه متتطاقش اصلا بس لو غيرتك زادت عن الحد هتتقلب للضد وعموما فيه بنات كدا واولهم المنتقبات والمختمرات اللي عارفين دينهم كويس ربنا يوفقك وتلاقي اللي نفسك فيها بجد

بصراحه انت صح وغلط في نفس الوقت الصح من ناحيه انك مش عاوز تعبها يروح علي الفاضي وعاوز بنت محترمه وكويسه بس الجانب الغلط عنك هو التملك مينفعش اصلا تتحكم في انسان كل انسان وليه طاقته بالذات اما تمنعها تتكلم مع حد هو اهاا في حدود بس كل اللي اعرفه عن الناس اللي عندها حب تملك انها بتخسر الحاجه اللي معاها لأن طبيعي البنت اللي هتكون معاك من كتر التملك هتزهق منك حتي لو بتحبك حاول تغير نفسك بس في النقطه دي لاكن خليك زي ما انت بحدودك في الأدب والإحترام اللي عاوزها تكون عليه وغير طبعك دا وتغيره صعب شويه بس هيحافظلك بعد كدا علي اللي بين ايديك