بدايةً مفيش حاجه من اللي عملتها علشان حاجه بمعني ان السرقة والسحر وكل اللي عملته مش علشان عندك حاجه دا شيطانك اللي مسولك دا والمفروض تعرف حاجه زي دي الأول علشان تعالج نفسك لازم تعرف ان المعصيه مش بسبب حاجه في حياتك وانما بسبب شيطانك وانك اتبعته ولازم تفهم نفسك كويس علشان تغلبه وتقوي إيمانك وتقرب من ربنا وتحصن نفسك عارف ليه بقول مش علشان دي؟ لأن كلنا او يعتبر المعظم والأغلبيه عندهم النقص دا ومفيش حد حياته كويسه وكامله من كل الجوانب اصلا فلما انا مثلا أبص علي جانب عندي ناقص واروح أعمل عليه معصيه واجي أقول علشان اعوض النقص دا يبقي انا محتاجه أعيد تفكيري تاني في الجانب دا وإلا كنت شوفت كل الناس بتعوض النقص اللي عندها كلها حرفيا وعموما ناس كتير بتعمل كدا ومتبعه هواها وشيطانها الا قله وهما دول اللي دايما القرآن بيتكلم عنهم انهم هيدخلو الجنه حتي لو انت مسلم بس عصيت وعملت دا هتكون بمشيئة ربنا تدخل النار الأول وتلقي عذابك وبعد كدا تدخل الجنه او تدخل الجنه علطول بمشيئه ربنا برضو وانا ك انسانه مقدرش اقول كدا بس احنا عارفين ان في فئه هتدخل تاخد عذابها وتطلع ف انا ليه أكون منهم ومتعلمش من أخطاء غيري يمكن كلامي كتر في النقطه دي بس الكلمه بتسحب كلمه تانيه علشان تفسرها ف عموما يعني كويس اوي والحمدلله انك عندك قلب حي وبيحس حتي لو أذنبت كتير فلازم لازم تقعد قعده رايقه مع نفسك وتفكر هتظبط حياتك ازاي ولازم تكتر من الأعمال الصالحه لأن الصالحات يذهبن السيئات فلازم تعمل أعمال صالحه كتير علشان ذنوبك كلها تغتفر وابدأ بالعبادات اللي هي السنن والنوافل واحده واحده ومتضغطش علي نفسك علشان متتعبش وتقف لا خدها واحده واحده الإسبوع دا مثلا نافله الفجر اللي بعده اول اتنين من الضهر اللي بعده اجيب سنه الضهر كامله لأنها أربعه غير الفرض وهكذا لحد ما تثبت وزدو من الذكر واعمل سيرش عن العبادات البسيطه اللي ثوابها كبير علشان هيتبعها اعمال كبيره وقليل دائم خير من كثير منقطع وأخر حاجه بالنسبه لأهلك، احنا دايما لازم نحسن الظن بغيرنا فمابالك بأهلنا يعني هما ممكن مش قادرين يشوفو انت محتاج اي ولا يهتمو بيك علشان عندهم ضغط تاني وكل واحد فينا عنده اللي مكفيه انا ك حد لسه معداش العشرينات عندي حمل لو اشتالته مش هتقدر عليه لأن كل واحد همه علي مقاسه يعني بمعني أصح حتي اللي عنده اربع سنين مدايق وعنده هم في حياته وكل واحد همه علي حسب سنه وظروف حياته هما ناس كبيره طبيعي الهم عليهم أكبر وحتي ان شوفت دا من اهلك عيني عينك دا وقاصدين اديلهم العذر برضو كدا كدا باباك ومامتك سيدنا ابراهيم علي ما اظن كان والده كافر وبرغم دا قال واغفر لأبي وياما بنشوف ناس أهلها قاسيين عليهم وبيبروهم برضو ف انا علي ما اظن لأن انا مش شايفه حياتك دا شيطان برضو وعاوز يفرق بينك وبين أهلك علشان دي خطوه عظيمه عنده أصلا إنما يختار الذئب من الغنم القاصيه يعني الشيطان بيحب انه يوسوس للي بعيد عن اهله او الصحبه بتاعته علشان بيكون أضعف ف ممكن دا سبب برضو اسمع بودكاست كتير اوي الفتره دي هيفيدك اوي واسمع دورة شجرة الخلد لشريف علي بنصح اي حد بيها بالذات لو شيطانه موقعه في ذنوب كبيره لأن يعتبر الدوره بتتكلم عن افعال الشيطان وازاي بيوقعك وازاي تقدر تبعد عنه ف ان شاء الله تفيدك الكلام كتير شويتين بس ان شاء الله يفيدك بالتوفيق وان شاء الله نلتقي في الجنه وتدخلها بغير حساب ولا سابقة عذاب ان شاء الله 💗
آمين
تم النشر الأحد، ٢٣ أغسطس ٢٠٢٦
اللهم آمين ولك بالمثل أضعاف مضاعفه وبارك فيك وجعلك عبدا من عباده الصالحين التوابين المتحابين في الله، وعموما اللي بيردو عليك أحسن مني كتير اوي حتي لو انا انسانه كويسه بس هما أحسن مني بالكتير "ألا وهم الملائكة" في كل دعاء بتدعيه لحد او دعوه بتدعيها علي حد بيتقالك ولك بالمثل ودي دعوه ملك دعائه مستجاب ف دايما ادعي لأخوك المسلم ما تحب لنفسك بل وادعي انه يكون أحسن منك ودا يعتبر قمة التصالح النفسي وذات البين وبتحس انك شخص سوي نفسيا وان شاء الله بعد كم سنه تلاقي نفسك أحسن من ناس صالحين بجد لأن الله يحب التوابين ف توب دايما وتذلل لربنا واظهر ضعفك بس للخالق وعموما كلام والدك انك متعيطش قدام حد انت ممكن وقتها تفكره انه مش بيحبك بس لا بالعكس هتلاقيك حاليا فهمت هو ليه قالك كدا ودي حاجه كويسه اني مظهرش ضعفي ولا عياطي لأي بشر وبالتوفيق في حياتك ان شاء الله 💗
تم النشر الأحد، ٢٣ أغسطس ٢٠٢٦
ربنا يغفرلك ويرحمك ويعافيكى ويعفو عنك ويزيل همك ويكتبك عنده من الصالحين ويديلك الخير من امنياتك ويديلك خير اكتر من الى انتى عايزاه ويرفع من شأنك فى الدنيا والآخره ويتوب عليكى من اى معصيه ويقهر شيطانك ويحبب فيكى خلقه كمان وكمان يدخلك الفردوس الاعلى بدون حساب وبدون سابقه عذاب فى الدنيا والآخره ويردك اليه رد جميل ويحفظك انت واهلك ومن كل سوء ولا يحرمك من لذه النظر لوجهه الجميل .اللهم آمين .. ادعلى بالمثل ما اظنك ببخيله قولى ..وأنت فجزاك الله خيراً ومثل ما دعوت" أو "ولك بمثل ما دعوت وزيادة". "آمين، ولك بالمثل وأفضل"
تم النشر السبت، ٢٢ أغسطس ٢٠٢٦
لعرض الإجابة في فدني اضغط هنا