برغم ان الإنسان بيستصغر مشاكل غيره وبيعظم مشاكله دي حاجه سلبيه عند ناس بس هي ايجابيه عند الشخص ذات نفسه لأنها بتطبطب عليه وتعرفه ان الحمل تقيل وان ميتحملش التقيل الا البطل فعلا فبيبدأ يكافح ويطور من نفسه علشان بس نفسه طبطبت عليه، انا عيشت الشعور دا قبل كدا بس حاليا الشعور اتقلب بقيت استصغر مشاكلي واعظم مشاكل غيري حتي لو غيري دا اتقاله كلمه بس وزعلته بقول لا دا اكيد وجعه صعب لكون انا بس كنت في نفس الحاله ومالقيتش اللي يقف جنبي فعظمتها هناك فلما الحال اتقلب اتعظمت برضو عنده وبقيت استخف بتعبي ووجعي لمجرد ان مستحملاه ومكمله حياتي عادي وبجد دي قمة الوجع الأكبر اصلا انك تشيل نفسك فوق طاقتها وتقولها دا شئ تافهه انتي ازاي مش مستحملاه ف انت بتقسي مش بتطبطب عليها زي الحاله الأولي ففكرة انك شايف حاجه زي دي مشكله فلازم تدور تاني في الحكمه من ربنا ب استصغار وجع غيرنا وتعظيم وجعنا ومش حد بيحس بالفرق بين الميه والنار غير لما يجربهم الإتنين انت جربت شعور ومجربتش ضده ف بمجرد ما جربت الشعور دا ولقيت ناس كتير زيك حكمت من غير ما تعرف اي اللي فيها واي الجزء المستخبي وانا مش بألف لا دا من واقع تجربتي وإحساسي بنفسي يعني مش كلام قرأته وكتبته لا دا كلام حسيته
@زِي • فعلا عندك حق والحمد للة إنك مريتى بتجربة واتعلمتى منها إن مينفعش أستصغر ألم اللى قدامى مهما كان بالنسبالى تافه ودية حاجة جميلة منك ... بس فية نقطة هنا ألا وهى إن طبيعة الإنسان مننا لما يحس بضيق أو ألم بيحس إنة بحاجة لحد يلجألة حد يروحلة وبكلمة حد يحكيلة مشاكلة ف فكرة السؤال اللى أنا كتبتة خلى ملجأك الأول اللة عز وجل مش أى إنسان مهما كان قريب منك سلمها للة وقول يارب أنا عاجز . عجزك هنا هى بالفعل منتهى القوة ودا برضة مش كلام مرسل لأن لو حكيت ل حد مهما كان قريب منك ب عجزك حتى لو هو كويس ومحسسكش ب حاجة انت فى قرارة نفسك هتحس ب ضعف أو ندم ودا شعور مش هيريحك أبدا
تم النشر الأربعاء، ٢٥ مارس ٢٠٢٦
لعرض الإجابة في فدني اضغط هنا