سلام عليكم..
من فتره سمعت كلام عن عمي قال عليا فيه اني خفيفه او عبيطه والكلمه دي اترددت عليا كتير جدا من ولدتي وآخرها من شخص صديق عائله امي او جارهم مكنش ليا كلام معاه تماما فجأة ارسل لي طلب صداقه وقبلته بعد مشورة امي واخذ رأيها وتحدث معي عن الانتاجيه والكورسات وعرفته ايه الاحسن ويعمل ايه وهكذا قال لي انه مكنش مفكرني كده لاني ميبنش عليا ان دماغي كده يبان عليا عيله او خفيفه
في العموم انا مش عارفه اي اللي بتصرفه يخلي الناس تشوفني كده انا دايما مبتسمه ودايما اضحك واهزر لأني اكره ان حد يقول عليا اني تنكه او انطوائيه وده مش فيا
ودايما في صراع بيني وبين نفسي اني اغير من طباعي دي بس كان دايما برضو بيجي ف بالي ان دي طبيعتي وشخصيتي وده اللي برتاح عليه اغيره ليه عشان ناس
الفكره اني ابتديت احس ان كل الناس شيفاني كده
اعمل ايه افضل زي م انا ولا اغير من نفسي وازاي
و عليكم السلام ، الشخصية اللي انتي عليها حالياً دي ، دي نعمة كبيرة اوي من ربنا حاولي تحافظي عليها ، ده فلتر داخلي ليكي علشان تقدري تعرفي هل انتي في بيئة مناسبة ليكي و لا لأ ، و هل اللي حواليكي على نفس التردد ولا مختلفين ، فاللي يشوفك بالطريقة اللي انتي وصفتيها فلا يقلل منك و لا يأثر فيكي ، لأنه حكم على شخص من غير ما يتعامل معاه ، و حكم عليه من الانطباع الاولي ، و بالتالي الانطباع الاولي وارد جدا يختلف من شخص لتاني ، واحد يشوفك زيهم ، واحد يشوفك ع حقيقتك ، واحد يشوفك شئ تالت ، طب هو كل ما حد يشوفنا بطريقة مش عجبانا هنغير من نفسنا ، أكيد لأ ، فنحن نبقى كما نحن طالما هذا ما يسعدنا مع انفسنا ، انتي كده كسبانه نفسك ، فبلاش تخسريها علشان تكسبي رأي الناس ، صدقيني مش هتلاقي اقربلك منها في النهاية بعد ربنا ، و بالتوفيق 😊
تم النشر الأربعاء، ٢٥ مارس ٢٠٢٦
وعليكم السلام ورحمة الله وبركاته يا قمر! 😊 أول حاجة، أنتِ مش "خفيفة" ولا "عبيطة" خالص – ده رأي ناس مش فاهمين جمال شخصيتك اللي بتضحكي وتهزري فيها. الابتسامة والمزاح هدية من ربنا، بيجيبوا السعادة للناس حواليكِ، وده مش عيب، ده ميزة! بس أحيانًا الناس بيسيئوا الفهم لأنكِ بتبيني مرحة، فبيفكروا إن اللي جواكِ كده كله. اللي حصل مع الصديق ده دليل: لما عرفتيه بنفسك الحقيقية (الإنتاجية والكورسات)، غير رأيه تمامًا! الصراع ده طبيعي جدًا ، وأجمل حل: ابقي زي ما أنتِ، بس طوري الثقة من جوا . مش هتغيري طبيعتك عشان كلام ناس، لأن ربنا خلقكِ كده عشان ترتاحي فيها (القرآن بيقول: "وَفِطْرَتَ اللَّهِ الَّتِي فَطَرَ النَّاسَ عَلَيْهَا" – فطرة الله اللي بتريح الإنسان). اللي هيغير النظرة هو اللي بتعمليه، مش اللي بتقوليه. خطوات عملية سريعة عشان تبني الثقة (ابدئي النهارده): سجلي إنجازاتك يوميًا : حتى لو صغيرة زي "نصحت حد في كورس" أو "خلصت درس". اقريها كل صباح، هتحسي بقيمتك. في الكلام، خلي توازن : اضحكي واهزري، بس أضيفي كلام ذكي قوي زي اللي قلتيه للصديق (عن الإنتاجية). مثلاً: "أنا بحب أضحك، بس دماغي شغاله 24/7 في الكورسات دي!" روحي لربنا : صلي الاستخارة لو محتاجة قرار، واقري سورة الشرح يوميًا: "أَلَمْ نَشْرَحْ لَكَ صَدْرَكَ" – بتوسع الصدر وتزيد الثقة. ممارسة صغيرة : قدام المراية، قولي 3 مرات: "أنا ذكية وقوية، وشخصيتي هدية". هتضحكي أولًا، بس هتشتغل! 😂 كده الناس هيشوفوا اللي جواكِ الحقيقي، وأنتِ هترتاحي. لو عايزة أكتر، ابحثي في فدني عن "بناء الثقة بالنفس" هتلاقي إجابات كتير، أو شوفي الخبراء هنا: https://www.fedni.net/experts – فيه متخصصين رائعين في التنمية الذاتية. أنتِ جوهرة، استمري تضيئي! لو عايزة تتكلمي أكتر، أنا هنا يا ذكية الصغيرة. 💕
تم النشر الأربعاء، ٢٥ مارس ٢٠٢٦
بصي المشكلة مش فيكي المشكلة في برواز الصور اللي الناس حاطاكي فيه إنتي طبيعتك بشوشة وبتحبي تضحكي وده في حد ذاته ذكاء اجتماعي ونقاء مش هبل ولا خفة زي ما هما فاهمين افصلي بين الود والرسمية الضحك والهزار خليهم مع الناس القريبة بس ومع الأقارب البعاد أو الناس اللي مفيش بينك وبينهم عشرة خليكي بشوشة بابتسامة هادية وكلام قليل وموزون ده بيدي انطباع بالرزانة من غير ما تبقي تنكة اتعلمي السكوت الواعي يعني اسمعي وبصي للي قدامك بتركيز قبل ما تردي السكوت ده بيخلي الناس تعمل ألف حساب لكلامك متغيريش نفسك عشانهم لو غيرتي طبيعتك وبقيتي انطوائية أو مكشرة هتتعبي لأنك بتمثلي خليكي زي ما أنتي بس فلتري مين يستحق يشوف جانبك الفرفوش ومين لازم يشوف جانبك الجاد الثقة هي الحل طول ما أنتي مهزوزة من كلامهم هيفضلوا يضغطوا عليكي لو حد قال كلمة مش عاجباكي ردي بأدب وثبات أنا طبيعتي بحب الحياة والضحك وده مش معناه إني مش فاهمة اللي بيدور حواليا باختصار خلي ضحكتك غالية متبخليش بيها على اللي يحبها ومتوزعيهاش ببلاش على اللي ميفهمهاش وجد ربنا يحفظك ويسعدك
تم النشر الأربعاء، ٢٥ مارس ٢٠٢٦
السلام عليكم - بصي التصنع صعب ومش هتقدري طول الوقت بتتصنعي الجمود او الجدية ولو قدرتي هتلاقي نفسك تايهة وعايشة حياة مش حياتك بشخصية مش شخصيتك وفي الوقت دا هتتعبي لانك هتحسي انك مش انتي دا اولا - ثانيا ليه تسمي نفسك خفيفة ليه مش فرفوشة ليه مش عفوية وطبيعية وحلو ان يكون ليكي جانب خفي مش كل الناس تعرفة انك في العادي فرفوشة وعفوية لكن في وقت الجد او الدراسة او الشغل ذكية وواعية -خليكي زي ما انتي بلاش حد ياثر عليكي واجتهدي لارضاء ربك وبس لان الناس مش بيعجبها العجب ومهما حاولتي بردو مش هتعجبي ف ليه تضيعي عمرك علشان ترضي حد مش مهم اصلا ترضيه
تم النشر الأربعاء، ٢٥ مارس ٢٠٢٦
متغيريش من نفسك لانك مهما تعملي الناس هتفضل تتكلم و تطلع فينا عيوب طالما دي شخصيتك و بترتاحي كده اختاري راحتك عشان راحه الناس عمرك ما هتعرفيه توصليلها
تم النشر الأربعاء، ٢٥ مارس ٢٠٢٦
المشكله مش فيكي المشكله إنهم شايفينك كدا لأنهم بيحكموا عليكي من الخارج متحاوليش تغيري من نفسك علشان حد ..زي ما في ناس شايفااكي خفيفه في ناس شايفاكي تقيله المشكله في دماغ بعض الناس اللي عاوزين الشخص يبقي متصنع علشان يعجبهم سيبك منهم بلاش تصنّع خليكي انتي بعفويتك بس ممكن تبقي اكثر حكمه علشانك انتي وعلشان الناس نظرتها تتغير اللي هما أصلا نظراتهم مش مهمه واللي أصلا تفكيرهم راجعي ومتخلف وميعرفوش الطبيعه الانسانيه الحقيقيه اللي مفيهاش تكلف
تم النشر الأربعاء، ٢٥ مارس ٢٠٢٦
الصفات اللي عندك دي مفهومه جدا وعند ناس كتير ، بس محتاجه تكوني كاريزما شويه
تم النشر الأربعاء، ٢٥ مارس ٢٠٢٦
غيري من نفسك طبعا
تم النشر الأربعاء، ٢٥ مارس ٢٠٢٦
لعرض السؤال في فدني اضغط هنا