أحمد سعيد

مش لازم تتطورى من نفسك الفترة دية العبى ورفهى عن نفسك الشهر دا بس لازم تقللى فون لازم لازم مش لازم تحددى هدف او كلية بس على الأقل لازم تدركى انك لازم تجتهدى وتجيبى أخرك وهدفك يكون ان انتى تعملى اللى عليكى علشان دية سنة مهمة فى حياتنا ف لازم نديها كل طاقتنا ربنا يوفقك 🤍

أعتقد القرآءة لما تبدأى تقرأى هتلاقى نفسك تلقائيا عايزه تكتبى لا إراديا وفى الغالب فقدان الشغف ناتج عن ظروف فى حياتك انتى

كل ما الحاجة اللى منقدرش نستغنى عنها بعدنا عنها كل ما الوقت زاد كل ما الاحتياج قل او حتى الاحساس ب دا ف انتى بتحاربى نفسك فى الأول زى ما انتى فعلا عملتى ب انك منعتى دا بتغير الباسورد وهكذا بيعدى ٢١ يوم بتلاقى الأمر بقى عادى وكل ما المدة تتطول من غير استخدامك دا بيزود نسبة استغنائك + زاحموا السيئة بالحسنة حاولى تعملى حاجة جديدة ولنعتبر ورد قرآن مثلا فاهمة

ممكن الإنجازات اللى بيعملها مش لازم انجاز بمعنى كلمة انجاز بس بتبقى حاجات بسيطة مع الوقت بتكبر فاهمانى زى انك تقولى هعمل كذا النهاردة وفعلا تعمليها وهكذا ممكن برضة الثقافة العامة والقراءة ممكن برضة الاهتمام بنفسك

بما انى كليتى معتمدة على الكيمياء ك ركن أساسى وبما إنى عمرى ما حبيتها بس هقولك طريقتى فى الثانوية ببساطة الحل ايوه الحل انا كنت ببدأ أذاكر الدرس مثلا بس مبستنفذش فية طاقتى بعرفه وبفهم فكرته الأساسية ولو فيه معادلات بحاول أفهمها لكن مبحفظهاش بتبدأ مذاكرتى الأساسية بقى فى الحل اللى طبعا بلاقى فيه صعوبة طبقا لإنى مذاكرتش الدرس كويس أصلا بس كنت باخد مثلا اول سؤال وارجع اشوف اجابته من الدرس وايه فكرته وممكن يلعب عليا فيه ازاى وهكذا وبعدين أحفظ دا كله وأرجع أجاوبه عادى كأنى لسة شايفة كدا ابقى ضمنت السؤال دا لو جالى هو او حاجة نفس الفكرة أقدر أجاوبه ببساطة وبس كدا 🙂

الله يرحم أمك المتوفاة ويغفر لها ويجعل قبرها روضة من رياض الجنة _ مبقتيش تؤمنى بأى دين ؟ انتى مدركة يا بنتى انتى بتقولى ايه ياربى 😢😢 اهدى انتى غالبا متدمرة اووى لازم تتعرضى على دكتور نفسى ضرورى ضرورى ولازم تبعد عن الصحاب والبيئة اللى حواليكى لأن غالبا ليهم تأثير فى تفكيرك دا وحوار الحجاب اهدى ومتاخديش أى قرار بالله عليكى وشوفى اول ما قررتى تقلعى الحجاب علشان انتى بعيدة عن أهلك دا تأثير بيئة واضح جدا والله والله والله ولا كلية ولا جامعة ولا أى حاجة فى الدنيا دية يقابلة شئ أسوأ من كلمة مبقيتش أؤمن بأى دين دا لازم لازم تتعرضى على دكتور انتى مدمرة وعندك مشكلة نفسية كبيرة بالنسبة للكلية ف عادى احنا فى المجال الطبى دايما فى فرصة تانية حاولى تشوفى ايه اللى دمرك وابعدى عنه وابدأى اعملى خطة وشوفى كورسات كويسة على كل بلوك او موديول شيلتيه وباللة عليكى متاخديش اى قرار ممكن يدمر دنيتك وآخرتك ربنا يعينك ويهديكى ويهدى قلبك ويوفقك فى كليتك

وعليكم السلام ربنا يبارك فيكم ويحفظكم لبعض ​في علم النفس السلوك اللي أخوكي بيعمله ده العزلة والعناد وإنه مبيقبلش النقد وعايز يطلع صح دايماً مبيكونش وراه شخص وحش على قد ما بيكون حاجة بيخبى بيها حاجة تانية جواه أخوكي عنده 23 سنة يعني في سننا ودا اللى بنبدأ نفكر فيه فى تكوين مستقبل وضغوطات وبداية مرحلة الشباب والنوع ده من التصرفات غالباً بيكون بسبب ضغط نفسي أو إحباط او ​إحساس بالمقارنة أو التهميش او ​تجنب الصدام علشان يريح دماغه.

السلام عليكم ​ أول حاجة عايزك تعرفيها وتتأكدي منها: إنتي مش شخصيتك ضعيفة اللي إنتي فيه ده اسمه إنهاك نفسي واحتراق من كتر ما بتيجي على نفسك عشان ترضي اللي حواليكي إنتي شيلتي أدوار مش بتاعتك زى حوار جدتك دا وده طبيعي يخليكي مجهدة ومصدعة ومش طايقة كلمة. ​إنتي مش مسؤولة عن علاقة مامتك بجدتك الساعتين اللي بتنزليهم عشان تحمي مامتك من الكلام هما هما الساعتين اللي بيسحبوا من طاقتك وبيخلوكي تكرهي النزول. حاولي توازني، لو النزول ده هيأذيكي نفسياً وبقيتي مش طايقاه، قلليه بالتدريج علشان مع الوقت هيحصل تراكم نفسيا وتتأذى نفسيا أهلك بيحبوكي، بس طريقتهم ونبرة التقليل اللي بيتعاملوا بيها دي مشكلتهم هما وأسلوب تربيتهم اللي اتعودوا عليه، مش معناها إنك قليلة أو ملكيش قيمة متخليش رأيهم في أي حاجة بتعمليها يحدد إنتي مين. ​جربي واغلطي.. دي حياتك: مفيش حد بيتعلم من غير ما يغلط ويمشي في السكة بنفسه لو فضلتي مستنية موافقتهم وتشجيعهم على كل خطوة، مش هتحركي من مكانك. اعملي الحاجات اللي بتحبيها وشايفاها صح طالما مش بتغضبي ربنا حتى لو هما عارضوها في الأول مع الوقت لما يلاقوكي صممتي ونجحتي هيتعودوا ويثقوا فيكي + اتعلمى تقولى لا الكبت اللي جواكي ده غلط وطالما هما مش بيستحملوا نبرة الحزن وبيشوفوها نكد متشتكيش ليهم. أخرجي بره الدايرة دي اتكلمي مع صاحبة بتثقي فيها أو اكتبي اللي جواكي في ورق وفضّي شحنتك بعيد عنهم عشان تعرفي تتعاملي معاهم ببرود أعصاب ربنا يعينك وييسر أمرك

انتى مبتلبسيش الحجاب علشان حضرتة ميتفتنش انتى بتلبسية علشان ربنا أمرك ب دا وعايزة تخشى الجنة وخايفة فى النار زى ما أنا واجب عليا حتى لو بنت قالعة الحجاب أغض بصرى مش علشان مثلا أنت مش عايز دا لا علشان ربنا أمرنى ب دا وعايز أخش الجنة وخايف من النار ليه هما بيركلوا عجل و و و بصى كل واحد فينا خلق ل حاجة معينة والرجال فيهم بعض الصفات اللى تميزهم وكذلك النساء فاهمانى ف مثلا النساء اهم صفة الحياء مثلا العفة والوقار ف لو عندكم بيت واسع جدا يا ستى اركبى عجل واعملى اللى انتى عايزاه لكن متعمليش دا قدام الناس بالنسبة للطبخ ف النبى صلى الله علية وسلم كان فى خدمة أهلة وعادى الراجل يطبخ بس شوية عقل راجل فى الزمن دا بيشتغل شغلانتين علشان يقدر يستر على زوجتة واولادة وراجع يادوب يلحق يغمض عينة علشان يرجع يعيد اليوم من تانى هتقوليلة انا مش ملزمة أطبخ لك فاهمة ؟ طب ما المتعارف علية ان الراجل اللى بيشتغل هو اللى بيتعامل هو اللى بيتحمل المخاطر انا أعترض واقول لية الأنثى متشاركنيش دا لا فاهمة حاجات كتير بس انتى شوية متأثرة بأفكار من السوشيال ربنا يرزقك بالسكن اللى يعاملك معاملة حسنة يغير أفكارك دية ويعوضك عن وحدتك اللهم أمين

الله يعينك وييسر أمرك ويهديكى ويهدى قلبك فى هنا على التطبيق أعتقد أخصائيين ممكن تروحى لخبراء فدنى وتختارى حد مناسب ليكى وتوجهي له سؤال

فى الغالب نقص فيتامينات وانيميا ... مع عدم التزامك بالروتينات اللى الدكاترة بتكتبها لأن أقل حاجة كورس بروتين معين لشعرك ميقلش عن ٣ شهور مستمرين بدون انقطاع

روتين كامل من غسول كويس +مرطب جيل نوع سيروم كويس والأهم صن سكرين وحاجة للحبوب بس الترشيحات لازم تعتمد على شكل الحبوب ونوع البشرة والحاجات اللى انتى جربتيها قبل كدا

ملكيش صحاب فى دايرة كليتك مثلا وازاى تجذبى البنات ؟

حد شافك بدأ يكلمك بقى فيه ريلاشين غير رسمية = استحالة يكون غرضة كويس هو بس بيتسلى حاولى تهتمى بنفسك وتثقى فى نفسك أكتر وأهم من دا كلة حافظى على نفسك وقلبك

ممكن تسمعى الفيديو دا ممكن يفيدك https://youtu.be/T9Cb17X3Big?si=uUEMSJVBAl8314Fn وعموما حل الخوف من الحاجة هو انك تنزل وتواجهى دا وتكرريها بمعنى اول مرة هتتوترى جدا ومع الوقت هتتعودى ويبقى عادى وهكذا فاهمانى

اسمع الفيديو دا ممكن يفيدك https://youtu.be/T9Cb17X3Big?si=uUEMSJVBAl8314Fn

وعليكم السلام ورحمة الله وبركاتة انتى بتقولى كنتى علمى وبتحبى الرياضة وبتلاقى دلوقتى صعوبة فى حفظ الأحاديث والتفسير بس احنا فى الأزهر عندنا على مدار ٣ سنين ثانوى كنا بناخد تفسير و حديث عادى فى العلمى قصدى ان دا مكانش مقتصر على الأدبى المهم بصى هو أول حاجة دا قضاء الله عز وجل وقدرك والحمد لله انتى راضية بدا وخلى بالك ممكن جدا تخلصى الكلية دية وتبدأى فى مكان تانى تكون حاجة حابها ولاقيه شغفك فيها فاهمانى بالنسبة للشغل ف انتى قولتى مجال والله لو اتطورتى واهتميتى بيه وركزتى على نفسك فيه هتبقى أفضل من ١٠٠ كلية حرفيا ألا وهو تعليم الأعاجم بس دا بيتطلب مهارات معينة كان حد زميلى قالى على الأقل تبقى كويس فى الإنجليزى وتبقى كويس جدا فى القرآن وكذلك اللغة العربية أما عن طريق معين ف ممكن تبحثى عن منصة أساكيب أو فيه كتاب لصاحب المنصة ديه أعتقد بتبقى البداية دا من كلام حد زميلى اشتغل فى المجال دا ربنا يوفقك وييسر أمرك

السلام عليكم غالبا عندك نقص فيتامينات عام خاصة فيتامين د ممكن تاخدى كورس فيتامين د كويس +ممكن انيميا ف ممكن تاخدى حديد ومعاه فيتامين سى مهم جدا علشان التصبغات اللى بتظهر ديه

ربنا يوفقك ويكرمك ويجبر بخاطرك وتحلى كويس فى الامتحانات وتقدرى تذاكرى كويس وإن شاء الله تجيبى المجموع اللى بتحلمى بيه ركزى واجتهدى ربنا ييسر أمرك بالتوفيق

وعليكم السلام ورحمة الله وبركاتة كلامك من منظور معين صح بس لو بصيتى من منظور تانى هتفهمى لية الإجابات بتبقى متشابهة والإجابة من سؤالك نفسة " أنا شايفة إن مش كل مشكلة محتاجة نصيحة ، ساعات المشكلة محتاجة نقاش " هل انتى شايفة لما انا مثلا نزلت مشكلة على العام هنا انتى شايفة بيبقى فية مجال للنقاش ؟ أكيد لا ف أقل حاجة ممكن اللى هنا يقدموها هى النصيحة أتذكر اول ما نزلت التطبيق كان فيه حد منزل مشكلة ممكن تؤدى لطلاق ف مينفعش هنا النصيحة لازم تفهم الموقف الأول دخلت لقيت اللى بيقول انفصلوا واللى بيقول الموضوع مش مستاهل من غير ما حد يحاول يفهم ما عليا الا انى بدأت أسأل وأستفسر أكتر عن طبيعة المشكلة جيس وات ايه اللى حصل 🙈 لقيت صاحب البوست وكذا حد معترضين وبيقولولى لو عندك نصيحة قولها غير كدا متسألش 😀 ف لو فيه مشكلة وحد عايز حد يقدملة حل زى ما قولتى لازم نقاش وتفهم للموقف ومعرفة أسبابة وكل حاجة ودا طبعا مش هيحصل فى العام هنا ودا اللى بيقدمة مثلا الدكاترة النفسيين أو حتى صاحبتك اللى عايزة تسمعى منها لما تقعدى تحكيلها أما بالنسبة ل إن التطبيق عديم الفايدة ف انتى غلط جدا لأن أنا شوفت ناس استفادت جدا كون تجربتك الفردية منجحتش مينفعش نعمم ونقول يبقى الكل كدا ساعات بتبقى الأسئلة غبية أحيانا ((عارف إن كلامى مش هيتقرأ غير سطرين منة😒))

السلام عليكم كلامك غلط جدا ربنا عمرة ما كان ظالم حاشاه عز وجل استغفرى ربك وتوبى ليه هو اللى فى ايده نجاحك وتوفيقك السنة دية بصى أيا كان حصل ايه على مدار السنة وايا كان هيحصل ايه بعد الامتحانات والنتيجة مطلب منك لا تفكرى فى دا ولا فى دا ركزى ركزى ركزى اعتزلى الدنيا واللى فيها سيبى الفون دا تماما خدى كل مادة على حدا وهاتى أخرك حتى لو هتذاكرى ال ٢٤ ساعة فى ال ٢٤ ساعة اجتهدى اووى ابعدى عن اى سبب للتوتر او سبب للتوهان او الحسرة او الخوف او الندم مش وقتة نهائى مش وقتة أبدا اجتهدى الفترة دية وهاتى أخرك طول فترة الامتحانات وأيا كان النتيجة ف انتى هتكونى اجتهدتى وخدتى بالأسباب والله أعلم مكتوبلنا ايه اوعى تتدمرى نفسك بنفسك انتى كويسة ركزى الفترة دية بس واجتهدى فيها ربنا يوفقك وييسر أمرك ويجعل الصعب سهل عليكى إن شاء الله

السلام عليكم أهلا بيكى ممكن فترة تسلية مثلا ؟ مش عارف ممكن ودا برجحه لأنة كونه ابن خالتك ليه مقالكيش من زمان او مثلا بيبقى فيه تلميح واضح ف برجح انها ممكن تكون تسلية مش أكتر أما بالنسبة ليكى انتى فمينفعش تعلقى نفسك بحد سواء ابن خالتك او غيره انتى لسة صغيرة متربيش تروما لنفسك لو أهلك شايفين الجواز خطوة دلوقتى وانتى ممكن تتقبلى دا ادى فرصة لحد من اللى بيتقدموا واقعدى وشوفى أما بالنسبة لابن خالتك ف اعملى لنفسك قيمة وعرفيه ان ليكى باب بيت يخبط عليه واقطعى التواصل تماما ربنا ييسر أمرك ويوفقك للى فيه الخير ليكى

السلام عليكم يارب تكونى بخير الله يعينك ويهون عليكى ما انتى فية ويؤجرك على كل الرعب اللى انتى شوفتية دا يا بنتى ويرجع والدتك سالمة غانمة ليكم ويهدى ابوكى انا والله ما عارف اقول ايه سوى انى أدعيلك قربى من ربنا اووى هو ملجأك الأول والأخير ربنا يرزقك السكينة فى الحياة يارب 🖤

الحل انك تقعدى مع أبواها أكتر من مرة أما بالنسبة لحدتك معاها ف دا بيبقى رد فعل على اللى هى بتعملة بس لازم تعرفى تصرفاتها ما هى الا رد فعل عن اللى بتشوفه ف لازم متابعة وللأسف مش منك لأن انتى مشغولة فى دراستك الله يعينك لازم تتكلمى مع أبواها خصوصا من كلامك انها ذكية جدا فلازم نستغل دا ونطوره عندها ربنا يبارك فيها ويحفظها لأبيها وأمها 🖤

ليس هناك بيت واحد خالى من المشاكل أبدا ولكن كل ما يجب علينا كيف نتعامل مع تلك المشاكل المعاناة والحزن والضغط بسبب المشاكل دية بتبقى صعبة جدا للأسف الله الله يعينك وييسر أمرك ويهدى زوجك لكى ويخفف من تلك المشاكل وللأسف انتى صغيرة جدا على هذه المشاكل الله يعينك ويخفف عنك 🤍

اهدى وركزى للأسف معظم الأهالى فى مجتمعنا دا كدا بس بالله عليكى الحياة حياتك انتى والمستقبل بتاعك لازم تعرفى ان اللى حصل معاكى دا قضاء من ربنا واللى انتى فية دا ابتلاء من الله عز وجل للأسف والديكى مش قادرن يتعاملوا مع دا وانتى نفسيا شبة مدمرة بس واجب عليكى تتحملى كلامهم لأنهم ببساطة والديكى وعايزك تعذريهم بس لازم تتعلمى ازاى الكلام أيا كان الشخص اللى قايلة ميأثرش عليكى ولا على نفسيتك وحياتك عايزك تفهمى ان تأخيرك دا بيأثر على حياتك انتى وملكيش دعوة بكلام الناس نصيحتى ليكى يا بنتى حاولى تتماسكى تانى تقربى من ربنا أكتر هو اللى بإيدة نجاتك ومهما يكن أهلك عملوا ايه اوعى تخشى بسماعة اوعى تتحدى ربنا ركزى وتعاملى نفسيا مع حالتك انها فترة وهتعدى وحصل دروب ووقعتى مرة لازم تقومى وتثبتى دا وانتى إن شاء الله قادرة على دا ربنا يوفقك ويكرمك وإن شاء الله هتعدى على خير 🖤

السلام عليكم اللى انتى فيه دا طبيعى جدا وحصل لينا كلنا حالة التوهان مع الخوف والتوتر اللى بيعمل نتيجة عكسية الا وهى حالة اللامبالاة بس الفكرة ان فى الوقت دا مينفعش اطلاقا حالتنا النفسية تأثر علينا لان انتى فى وقت حرج ويكاد يكون اهم فترة فى حياتك هتلتزمى بالعبادة وتقربى من ربنا اووى علشان التوتر والقلق يهدى لازم متفكريش أبدا فيما بعد الإمتحانات حطى مجهودك وكل اللى تقدرى علية فى الفترة دية بعد كدا بقى دية بتاعت ربنا حاولى قبل ما تبدأى مذاكرة تقرأى قرآن وكذلك بعد ما تخلصى علشان ربنا يبارك مذاكرتك ويحفظهالك اما بالنسبة للمواد ف خليكى ذكية فى المذاكرة الأهم ف المهم بمعنى مثلا هتذاكرى فيزياء ابدأى على طول بالباب التالت لأن دا تقريبا تلت الإمتحان وكذلك فى الكيمياء ابدأى بالعضوية وهكذا والحل الحل الحل الحل حل شوامل لازم تدربى نفسك فى المادة كتير كتير كتير حتى لو فيه سؤال وقف معاكى ارجعى للدرس بتاعه افهمى فكرتة واحفظية وبعدين كملى حل عادى وثقى غى نفسك كدا وانتى شاطرة وهتعديها ربنا يوفقك ويكرمك وييسر أمرك إن شاء الله 🖤

أكيد هيسامحك أكيد ان صدقت التوبة بس تسمحيلى أبدى اعجابى بطريقة الكلام واللغة العربية الفصحى وطريقة السرد والكتابة حاجة جميل اووى اوووى اووى ربنا يبارك فيكى ويحفظك انتى ممكن فى فترة متلغبطة فيها اووى ودا مسببلك ضيق ممكن ترجعى تحاولى تنظمى يومك تحاولى ترتبى اولوياتك وتهتمى بنفسك ممكن دا يساعدك تكونى متزنة أكتر ونفسيا أفضل تحاولى لما تحسى ان فيه حاجة هتعكر مزاجك هتفكرى فيها تقومى من مكانك فورا وتنشغلى باى حاجة انى بس ممكن تايه شوية ربنا ييسر أمرك ويكتب لكِ الخير 🖤

اهدى وصلى على النبى ولازم تتطردى كل الأفكار الانتحارية اللى بتجيلك دية بصى احنا ك بنى آدمين بيجيلنا فترات بنبقى فيها شبه مدمرين بس لازم نعرف نتعامل مع دا واهم حاجة حياتنا الشخصية متتأثرش ب حالاتنا الشخصية فاهمانى اسألى نفسك علاقتك ايه مع ربنا ؟ مع أهلك ؟ شوفى لو فيه أسباب للى انتى فيه دا ممكن لما تتعصبى اوووى بدل ما تشدى فى شعرك او تعضى اصابعك ممكن تقومى من مكانك خالص او مثلا تقومى تعملى حاجة تنشغلى بيها او مثلا تقومى تصلى ركعتين فاهمانى الحاجة الأخير تعلقنا بأشخاص تانية بيأذينا نفسيا ويهلكنا وبيأثر على الحاضر والمستقبل والله كمان ولو الموضوع زايد اوووى فى حتة التعلق دية ممكن تسمعى شرح كتاب الداء والدواء على اليوتيوب وتقرأى الكتاب دا بس اهم حاجة اهدى بالله عليكى ومتأذيش نفسك وخليكى شاطرة كدا مفيش حاجة تستاهل وربى 🖤

اول حاجة لازم ترجعى للخمار لازم لازم تانى حاجة انتى فى مرحلة تكاد تكون أهم مرحلة فى حياتك وعموما الثانوية مش محتاجة صاحب اطلاقا محتاجة تركيز لان سنة هتتبنى عليها حياة عايزاهم يحبوكى ويتقربوا منك انجحى بجد والله ركزى على حياتك انتى واحنا فى الأزهر المواد كتير ومحتاجة اجتهاد يا بنتى ونصيحة متبدأيش فى شهر ٧ لا خليكى فى أول ٨ نصيحة من أخ مجرب العبى الشهر دا او اعملى اى حاجة المهم متبدأيش دراسة ومذاكرة فى شهر سبعة

بيتك ثم بيتك ثم بيتك ومتنزلش زوجتك تشتغل مهما كان طالما دا اقتناعك بس وانت بتتكلم خلى طريقتك معاهم كويسة وطالما انت ممعاكش فعلا ف ميعبكش حاجة ولا يضرك ولا تأثم حتى انت ممكن مع تراكم حاجة زى كدا وزيادة الضغوط على زوجتك بيتك يتخرب ركز فى بيتك وخلى طريقة كلامك ألطف مع والديك

ممكن تلعبى على المضمون ممكن تخشى علمى علوم لأن فرَصه أكتر ومجالاته أكتر وتزودى نفسك وثقافتك فى الحاجة اللى بتحبيها وشغفك بس بلاش نبرة التأكد انا هخش كذا وهخش كذا ممكن تقولى إن شاء الله اجتهدى بالتوفيق ليكى 🖤 وبعدين إيه حبك للجرايم المفروض البنات رقيقة وبتاع وانتى شغفك وحبك الجرايم 😅

أهلين وسهلين فيكى رفيقتك كتير غلطانة وكان ما عندها أى حق تعمل هيك شغلات انتى شو تعملى ؟ رح تتركيها وما تشغلى بالك بيها ولا بحبيبها والله بيجيب حق قهرتك منها بس انتى ابعدى عنها وما تركزى فى أى اشى يخصها ولا تعملى مشكله مع حبيبها ولا غيروا اتركيهم وابعدى عنها لأنا بتأذيكى كتير واشترى راحتك النفسية وكذلك ابعدى عن الشخص اللى قالك انه بيحبك لأنه غير مؤتمن وبيحكى عنك وانتى مو موجودة ودا لا يدل أنه رجل إطلاقا

لازم تبعدى عموما مفيش حاجة اسمها اشوف واعرف الشخص دا هو الصح ولا لا وبعدين اخد الخطوة الجد معاه انتى كدا البداية بتبقى على باطل .. انتى بس حاولى يكون ليكى شغف تجاه حاجة معينة اعملى مثلا عادة جديدة زى القراءة ابعدى عن كل حاجة ممكن توصلك انك تروحى للسكة دية فاهمانى

كون ان رغم المعاملة دية انتى مش عايزه تسيبها وتمشى علشانها ف دية حاجة جميلة منك ويعتبر من البر ف استحملى وحاولى فى قاعدة صفا تكلميها + ركزى فى كليتك دلوقتى وصبى كل تركيزك عليها وطورى من نفسك واشغلى نفسك هتلاقى نفسك تلقائيا بتتحسنى

الكيمياء ابدأى مراجعة مع نفسك من العضوية خلصيها وابدأى من الحديد تانى كل دا بشكل سريع مش لازم مراجعة زى ما بيقول الكتاب وبعدين هتشتغلى شغل أساسى على الحل واعتمدى على النماذج الكاملة والحتة اللى متعرفيها ارجعى ذاكريها واحفظيها وهكذا ....... الإنكليزى فى ملخصات صغيرة بنزل مع المراجعات مش فاكر كان كتاب اسمه الزتونة وغيرة مصادر كتير الحاجات دية بتجمعلك المنهج ككل مهم جدا شوفى مصدر كويس واقعدى علية ذاكرى فية هو بس .. ربنا يوفقك ويكرمك يارب 🤍

اهدى خالص، أنتِ تمرين بفترة ضغط شديدة، ومع ذلك ما زال ممكن تقسيم الوقت والمواد إلى خطوات صغيرة بدل التفكير في كل شيء دفعة واحدة. خذي كل مادة على حدة، وابدئي بالمراجعات النهائية والتلخيصات والنماذج الاسترشادية والامتحانات السابقة، حتى لو كانت البداية بسيطة. ولو التوتر شديد أو أفكار الموت بتتكرر، مهم تكلمي شخصًا موثوقًا من أهلك أو مدرستك وتطلبي مساعدة مختص نفسي بأسرع وقت، لأن الدعم المناسب في الوقت ده مهم وليس ضعفًا منكِ.

دا استهلاك ليكى ولنفسيتك وانتى لسة صغيرة ٢٠ سنة وهما مجرد بيتسلوا وأتحداكى اذا كان حد فيهم هيدخل البيت من بابة ابعدى عنهم الاتنين حفظا لنفسك ونفسيتك وحياتك .. طبعا الكلام دا لو انتى على دين غير الإسلام + لكن لو انتى مسلمة ف الكلام دا محرم يا بنتى اتقى الله

فية لزقات كافيين فى الصيدليات حاجة اسمها نركافيكس ودية ٤٠ مللى كافيين وحاجة اسمها ليميتلس كافيين ودية ٨٠ مللى كافيين الأولى ب ٣.٥ والتانية ب ٧ جنية تقريبا دول للفوقان علشان متناميش والتركيز وممكن تجيبى اوميجا ٣ وتاخدى حبايتين فى اليوم واشربى ماية كتير كتير + الثانوية والامتحانات اهدى خالص واعرفى ان أيا كان الإمتحانات كدا كدا هتعدى ف لازم نستغل الوقت أحسن استغلال ونطلع ب أعلى المكاسب وأقل الخساير فاضل تقريبا ١٠ أيام على الامتحانات قسمى المواد على حسب مذاكرتك ليها والأيام اللى قبلها وركزى طبعا على المراجعات الشاملة وحلى كتير كتير اووى فيه كلام كتير والله عايز أقوله بس عموما ربنا يوفقكم جميعا يارب وتخلصوا وانتوا مجبورين الخاطر 🤍

وعليكم السلام ملهاش حل غير الخوف منها هرد عليكى رد تفصيلى تحت فى إجابة وعليكم السلام ورحمة الله وبركاته اول حاجة لازم تبقى عندك يقين ومؤمنة انها حرام وتخوفى نفسك من انك تعمليها لأن حلها الوحيد انك تخافى تعالي ناخدها واحدة واحدة هي بقي حرام لعدة اسباب منها: -» انها ليها اضرار نفسية وجسدية وجنسية وصحية وكمان عقلية يعني هي كدا باب من ابواب التهلكة وسيدنا النبي صلى الله عليه وسلم قال ( لا ترمو بأنفسكم في التهلكة ) واظن مفيش اكتر من كدة تهلكة -» حضرتك دلوقتي علشان تعملى الفعل المشين دا لازم تستحضرى حاجة تعلي بيها شهوتك يعني هتجيب موبايلك اللذيذ وتفتحى موضع من اياهم وتتفرجى علي فيديو يدمر عقلك ويبوظ طريقة تفكيرك ودا في حد ذاته تهلكه وكمان حرام لان من تقوي الله عز وجل غض النظر وبكدا حضرتك بتطلقى النظر في غير محله ودا ذنب كبير ودا كمان استغلال لنعم الله اللي هي النظر والموبايل في معصية الله يعني ربنا مديكى نعمة وانتى بتعصيه بيها ودا ذنب تاني -» حضرتك معدتش عليكى معلومة ان سيدنا النبي صلي الله عليه وسلم قال ان في ناس هتيجي يوم القيامة معاها جبااااال من الحسنات وربنا هيقول للجبال دي كوني هبائاً منثورا مع ان الناس دي كانت بتصلي وبتصوم وبتزكي وبتتصدق كمان ولما الصحابة سئلو سيدنا النبي طيب ليه ربنا هيمحو كل الحسنات دي عارفه كان رده ايه كان رده ان الناس دي ( كلما خلو بمحارم الله انتهكوها ) ودا اللي حضرتك بتعمليه وانتى بتمارسى العادة بتدخلى مكان فيه خلوة علشان تنتهكى حرمات الله -»طيب معداش علي حضرتك حديث النبي صلى الله عليه وسلم ( من يضمن ليه ما بين لحييه وما بين فخذيه واضمن له الحنة ) يعني حضرتك لو مصونتش ما بين لحييك ( لسانك ) وما بين فخذيك ( فرجك ) مش هتبقي مضمونة بالنسبالك الجنة -» حضرتك لما بتيجي تعملى العادة المنيلة بتدخلى في اكتر مكان متأكد ان مفيش بشر هيشوفك فيه ودا طبيعي بس في حاجة غايبة عن حضرتك انا ربنا قال في كتابه العزيز ( يستخفون من الناس ولا يتخفون من الله وهو معهم ) يعني حضرتك هنا بتجعل ربنا عز وجل اهون الناظرين ليكى ودا ذنب خطير جدا جدا جدا وذنب يصل لدرجة الشرك لانك بكده بتثبت لنفسك ان خوفك من الناس اقوي من خوفك من ربنا . وبالنسبة لعلاجها فهو دينى و جزء سلوكي ولكن لا يغير الله ما يقوم حتي يغيرو ما بأنفسهم يعني زي ما في جانب نفسي وسلوكي برضو في جانب اكبر وهو الجانب الديني ولازم انا وانت واي حد يكون علي يقين انه مش هيقدر يتغير أو يتقدم أو يتعافي غير لو ربنا اراد دا مش هتقدر تمشي خطوة واحدة لقدام او ترجعها غير لو ربنا اعانك علي دا أما على الجانب السلوكى ف فى تطبيق اسمه واعى عليه كل حاجة عن طرق علاجها وايه اللى بيؤدى ليها وكل حاجة خاصة بيها ابحثى على التطبيق وشوفيه هدانا الله وإياكى وردك إلى أفضل مما كنتى علية

التعليقات مغلقة ؟ ايه نوع الغسول اللى بتستخدمية أو الروتين اللى ماشية علية عموما واستخدمتيلها إيه قبل كدا

السلام عليكم أنا مش عارف انت دلوقتى خايف من معصية الله عز وجل وانك هتتحاسب على كل جنية هتصرفة ؟ ولا خايف علشان ممكن تضرك وصدرك وكدا ؟ ع العموم هقولك معلومة أتمنى توصلك كان فيه شيخ بيشرح بيقول ان عمرنا ما بنعمل ذنب مره واحدة كدا طب ازاى يا شيخ ؟ قال ان فيه حاجة اسمها ذنب وفيه حاجة اسمها مقدمات الذنب يعنى فيه حاجة اسمها زنا وفيه حاجة اسمها مقدمات الزنا فيه حاجة اسمها الحاد وفيه حاجة اسمها مقدمات الإلحاد .. مقدمات ديه يعنى خطوات بتوصلك شئت ام أبيت للذنب يعنى من الأخرة فكرة خطوات الشيطان مش معقول الشيطان هيجى يقولك اشرب فيب براحتك و٥٠ مللى نيكوتين وعيش لا طبعا لازم الأول زى ما انت ذكرت بالظبط ايه رأيك نجرب يعم طيب نشوف من غير نيكوتين طب يعم لو طلبت نخليها ٣ مللى وهكذا بقى لحد لما يوصلك للى هو عايزة ف نصيحة أخوية من أخوك اللى عمرة ما جرب سجاير ولا حاجة من اللى الحاجات ديه لأنى خايف لما أقف قدام ربى وربك عز وجل ويسألنى جسدى فيما أبليتة ومالى فيما أنفقتة هرد أقوله إية وما كنتش بسمح لنفسى انى حتى مجرد أفكار انى عايز أجرب تجيلى لأنى مثلا مكنتش بحط نفسى وسط ناس بتعمل كدا لأن من عاشر قوما تخلق بخلقهم يعنى هيعمل زيهم انت شكلك كويس ومحترم اوعى يخويا تجرب واطرد الحوارات ديه من دماغك وخاف ربنا لأن دا اثم ومعصية ليه عز وجل حتى لو كل الناس بتعمل هدانا الله وإياك إلى ما يحبة ويرضاه 🤍

السلام عليكم أهلا بيكى ممكن دية تكون طبيعة شخصيتها بس عمرها ما تغير منك إطلاقا ممكن هى ديه طباعها وأكيد انتى أعلم بيها مننا لأنك عايشة معاها وبتبقى صعب جدا تتغير للأسف تتعاملى معاها ازى ؟ هى فى الأول والآخر والدتك يعنى جنتك ونارك بس تحاولى بقدر الإمكان متتأثريش نفسيا تتعاملى على أساس ان ديه طباعها وشخصيتها وتتعاملى معاها دون تأثير عليكى شخصيا خلى الموقف يأثر فى وقته بس مياخدش حيز أكبر من كدا وممكن بقى فى ساعة روقان كدا وهى فرحانة وانتى رايقة وانتوا الاتنين سمنة على عسل مع بعض تقعدى معاها وتقوليلها وتفهميها احساسك ومشاعرك ديه عادى مرا واتنين وتلاته وتذكرى ان صبرتى على دا تؤجرى بل يمكن صبرك على طباعها اللى بتأذيكى وبرك ليها يكون سبب فى دخولك الجنة محدش عارف ممكن ندخل الجنة ب إية صح كدا ربنا يهون عليكى ويهديكى ويهدى والدتك ليكى

السلام عليكم أهلا بيكى بالله عليكى اوعى تسيبيها بالله عليكى اوعى اوعى تسيبيها مش علشانها أو هى لا اعتبرى ان ربنا حطك فى موقف زى دا وممكن تنقذى البنت ديه ابتغاء مرضاتة عز وجل بصى أول حاجة فى علم النفس الإنسان بيميل ب اللى بيحسسه بقيمتة أو بيكلمة بطريقة حلوه أو بيهتم بيه وخصوصا البنات تمام طب مين أول ناس لازم يدوله الإهتمام دا هما الأهل طب دلوقتى الأهل مادولوش دا بل بالعكس عنفوه هيفض طول عمرة بيدور على الإهتمام ودية حالة البنت ملقيتش الحب من أهلها ف توهمتة وصدقتة ملقيتش الإهتمام من أهلها ف بقيت بتدور علية طب الولد دا بيعمل إية .. بيديها حب بيديها اهتمام بيديها حنية وحاجات كتير طب هل كل دا ببلاش لا طبعا دا هيستغلها أحسن استغلال سواء نفسى فى انه يأمرها ويمشى كلمتة عليها ويخليها متعلقة بيه أو جسدى فى انه يعمل اللى هو عايزة معاها وهى مش هتقدر ترفض وفى الأخر هيسيبها وهيدمرها من كل النواحى بعد ما خلاص خد اللى هو عاوزة منها وتبدأ هى تموت بالبطئ سواء من معاملة أهلها أو من عيل استغلها أحسن استغلال ودمرها ودمر مستقبلها طب انتى دورك إية بصى مش لازم تكونى بتحبيها أوى مش لازم تكون صاحبتك أووى انتى زى ما قولتلك هتعملى دا إرضاء لوجة الله وممكن تكونى سبب فى ستر مسلمة مش فاهمة هى بتعمل إية أول حاجة هتصاحبيها أوى هتديها اهتمام غير مشروط خليها تحبك وتتعلق بيكى وعلقيها بربنا وحب الدين وفى وسط كل دا انصحيها والوقت اللى المفروض هتقابله فيه تكونى انتى بتكلميها أو موجودة معاها بحيث متعرفش تروحلة انصحيها مرا واتنين وتلاتة عرفيها ان دا حرام وغلط ودا بيستغلك ولو حبيتك اووى خليها تفتح الواتس قدامك وتعمله بلوك وتمسح رقمة حبيبها فيكى وخلى صُحبتك صُحبتها بالله عليكى اوعى تسيبيها اوعى تسيبيها الواد دا هيستغلها وهيدمرها وافتكرى انك ممكن بكدا تسترى مسلمة فى الدنيا وتحفظيها من شيطانها وممكن دا يكون سبب فى سترك يوم القيامة ... دا كله لو قصدك انها بتروحلة مكان تقابلة فى شارع مثلا أو كافية لكن لو قصدك انها بتقابلة فى مكان مغلق لوحدهم ف دا يتطلب تدخل سريع من الأهل تبلغى أهلها فورا من غير كل الكلام اللى فوق دا فورا هى حرفيا بتبقى مغيبة معاه ولقيت معاه الاهتمام ف بتسيبلة نفسها وتسمع كلامة وهو هيستغلها ف الحقيها الله سترك دنيا وآخره

طبيعى جدا هيعيش حياتة وللأسف الشباب كلها كدا بنحذر دايما من العلاقات المحرمة لأن والله ما فيه شاب هيتجوز ولا هيرتبط بواحدة كان ماشى معاها مهما أقنعها بحب وغيره ..... بس المهم انتى دلوقتى ... أول حاجة تخلصى النية لله وتتوبى عن الماضى دية وتسألية عز وجل أن يبعد عنك التعلق دا يبقى خلاص أخلصنا النية للتوبة وأيقنتى انها كانت علاقة محرمة ....تانى حاجة هتمسحى كل حاجة خاصة بية عندك ولو لية حسابات أو أى حاجة بتظهر قدامك تبلكيها المهم مش عايزين سيرتة أو أى حاجة خاصة بال بنى آدم دا تيجى على بالك حتى .... تهتمى بنفسك آووى لبسك وشكلك وحبك لنفسك لازم ثقتك فى نفسك تعلى خالص ..... تحاولى تعملى عادة جديدة فى حياتك تشغلك وتلجأى ليها لما تزهقى زى انك تبدأى تقرأى روايات أو تتعلمى مهارة حاجة جديدة فى حياتك تحبيها وتشغل وقتك .... اوعى تسيبى نفسك لدماغك أو فراغك متقعديش على السرير غير على النوم غير كدا ف تكونى بتعملى أى نشاط ... آخر حاجة أول ما تحسى انك هتفكرى فيه قومى من مكانك تماما قومى اعملى أى حاجة المهم تغير مكانك مثلا أو سكونك .. لازم تقربى من ربنا أكتر وتسألية التوبة وأن يعفو عنكِ ويخلصك مما أنتِ فيه .... وحافظى على نفسك يا بنت الحلال وحافظى على قلبك من الفتن وأشباه الرجال ديه هدانا الله وإياكى ورزقكى السكينة والطمأنينة فى حياتك

وعليكم السلام ورحمة الله وبركاتة لسة بدرى ومش قادرة تلمى الدنيا بس لا انتى قادرة تجيبى مجموع كويس بإذن الله كمان أول حاجة تمنعى السنتر تمام وتوفرى الوقت اللى بيضيع دا وتخلى كله أون لاين أهم حاجة أهم حاجة انتى لازم تستغلى كل دقيقة مفيش دقيقة تضيع اوعى الإكتئاب أو الاستسلام أو أى حاجة من الحاجات ديه تدمر طاقتك وتقولك خلاص مفيش آمل لازم تعرفى تبعدى كل الوساوس ديه عنك أولا لأنها لا تثمن ولا تغنى من جوع احنا فى أمر واقع دلوقتى ثانيا بتاخد من وقتك وجهدك واحنا محتاجينة هتبدأى تقيمى نفسك فى كل المواد أو على الأقل ترتيبهم من الأصعب للأسهل وبعدين على هذا الترتيب هنبدأ نزود ضغط على المواد الأعلى صعوبة هتهتمى أكتر انك تعرضى نفسك يوميا لإمتحانات المجمعة بتاعت أخر السنة وتحلى امتحان كامل فى مادة مثلا وتحفظية تماما هتقوليلى أنا لسة هبدأ أصلا ف أكيد مش هعرف أحل الإمتحان كامل هقولك عندك حق لكن هتمسكى الإمتحان اللى فى إيدك والسؤال اللى متعرفيهوش هترجعى للدرس بتاعة وتحلية وتحفظية وهكذا لحد لما تخلصى امتحان كامل هتبدأ تعمل جدول كامل للأساتذة اللى عاملة مراجعة نهائية وتشتركى معاهم كلهم وتركزى مع كل كلمة بيقولوها تبعدى عن أى حاجة ممكن تتضيع وقتك ولو دقيقة من غير ما تنجزى حاجة فيها حتى لو كان التليفون اللى انتى ماسكاه دا تقربى من ربنا أكتر وأكتر ربنا اللى بإيده كل شئ قادر انه يحققلك حلمك بمجرد ما يقول له كن ف يكون ربنا يوفقك ويكرمك ويعديهالك على خير 🤍

وعليكم السلام ورحمة الله وبركاتة أهلا بيكى بصى كل اللى انتى فيه دا من أول الموضوع لأخرة هى مجرد مسكنات من الأوهام والخوف من الشيطان علشان يسحب منك الوقت بهدوء كدا وكل ما الوقت بيجرى الخوف والرعب وكل اللى انتى فية دا بيزيد .... طب الواقع . الواقع بيقول إن فية وقت ولسة بدرى كلام من حد خاض التجربة وعارف يعنى إيه فاضل شهرين كاملين على إمتحانات الثانوية .... خلينى بقى أرد على حاجة حاجة انتى قولتيها .. أول حاجة هو انا لو بدأت دلوقتى هل أستاهل؟هل ربنا هيساوينى باللى بيذاكر من أول السنة ؟ وهنا هجاوبك هل انتى فضل ربنا ليه مفاتيح وليه أخر يعنى هل كرمة لية حدود يعنى حضرتك دلوقتى لو دخلتى كلية كويسة وربنا كتبهالك هتأذى حد انتى بتتعشمى فى كرم وفضل ربنا وغير كدا أصلا مبتتحسبش كدا فيه ناس بتبقى مجتهدة طول عمرها وذاكرت من أول السنة لأخرها وفى الأخر موفقتش هل كدا ربنا ظلمها والعياذ بالله أكيد لا بس لكل منا طريقة الخاص وربى وربك عز وجل حياتنا بإيديه يصرفها كيفما يشاء واحنا ما علينا ان احنا نرجو منه ما نريد ونرضى بنصيبنا الذى كتبة عز وجل ف ادعى وارجو من الله عز وجل الكرم الواسع كرم وفضل ربنا مش حكر على حد __ نيجى بقى لأهلك وتعالى ناخدها واحدة واحدة ... احساسك بالعبء ناتج عن حاجات كتير انتى شايفاه من وجهة نظرك عبء بس تعالى نطرح شوية أسئلة انتى شايفة انك صرفتى كتير ومصاريف دراسة وخلافة ... هل انتى لوحدك ؟ أكيد لا كل من مر بالثانوية صرف آللاف الجنيهات ف ديه حاجة طبيعية وغصب إنا وانتى وغيرنا صرفنا نفس مصاريفك ديه يمكن أكتر كويس جدا طب احنا مطلوب مننا إية ؟ مطلوب مننا نسعى بس كدا نسعى مش مطلوب مننا غير السعى _ طب أنا أصلا مش قادرة ؟ حضرتك كل ديه زى ما قولتلك فوق وساوس من وساوس الشيطان وأوهام بيعيشهالك علشان الوقت ينسحب منك __طب أنا أعمل إية ؟ لازم لو انتى صادقة فى إحساسك وعايزة تتغيرى فعلا تبدأى بخطوات عملية أول حاجة تقفلى التليفون تماما والفترة الجاية متعرفيش يعنى إية تليفون أصلا تشوفى إيه اللى بيضيع ولو دقيقة من وقتك وتمنعية تماما كل الحاجات ديه بتبقى سبب عدم مقدرتك على المذاكرة تحاولى تنظمى يومك ووقتك وتحددى كل يومك حاجة تخلصيها وتنجزيها لسة بدرى وبدرى أووى ولو بدأتى صح وتغلبتى على الزعل دا والشيطان دا تقدرى تعملى حاجة السنة صدقينى ولو احتاجتى أى حاجة تخص تالتة ثانوى اسألينى وأنا أساعدك بعينى ربنا يوفقك ويكرمك يارب 🤍

طب انتى ليه حاسة إنك عبء على والديكى ؟ إيه الأسباب اللى خليتك تقولى كدا ... انت غالبا أهلك من صغرك كانوا بيقارنوكى كتير والمقارنة أسلوب حياة ف دا نشأ عندك عدم حب لحياتك لأنك بتقارنيها بزميلة ليكى لأنك مهما كانت حياة الشخص حلوة وفيها مميزات كتير وفيها من الجمال ما فيها بيبقى معمى عن دا كله ومش شايفة بمجرد ما يدخل حياته بمقارنة وغالبا ببنشأ شئ من الحقد والحسد اللى انتى بتكررى بنفيه بس للأسف دا واقع بس انتى نيتك صالحة .... المهم دلوقتى بداية علاجك وحبك لحياتك أن تتعلمى الحمد وهو أن تتعلمى كيف نحمد الله لازم تعرفى ان حياتنا ديه كلها ربنا كاتبهالنا سواء شايفينها حلوه بقى وحشة المهم أيا كان الحمد لله وفيه حاجات كتير يوتيوب تقربك وتعلق قلبك بالحتة ديه أى الحمد لله فى السراء والضراء فى الخير والشر، أولا وأخرا حاولى لسانك دايما مربوط بالحمد لله ودا يساعدك جدا فى التعافى من إحساسك دا ....... تانى حاجة المقارنة لازم تمسحى البنت ديه من دماغك بأستيكة لأن المقارنة بتمحى من قدامك الحلو اللى عندك وهتفضلى شايفه نفسك وحشة وقليلة لازم متفكريش فيه ولا فى حياتها لكل منا طريقة الخاص لازم لازم لازم .... تالت حاجة شوفى انتى بتحبى إيه وقادرة تعملي إيه وكافئى نفسك بمعنى يوميا مثلا عندنا خمس صلوات لو مثلا صلتيهم كلهم فى معادهم دون تأخير هتلاقى نفسك تحسى بالإنجاز ودا هيجيب انجاز وهكذا مثلا الكلية اجتهدى فيها وطلعى كل طاقتك فيها واثبتى لنفسك انك كويسة اعملى مثلا خطة معينة تنجزى فيها أشياء بسيطة كل دا هيرفع إحساسك وحبك لذاتك .... أما بقى بتعملى ذنوب ولولا ستر الله عليكى فدا كل البنى آدمين مش انتى بس احنا يا بنتى ماشيين بستر ربنا أصلا محدش خالى من الذنوب...... ربنا يوفقنا ويوفقك 🤍

يا بنتى اللى انتى بتقوليه دا غلط كلامك وحش جدا بيدى انطباع عنك سئ جدا جدا .... لو هتسمعى نصيحة من أخ ليكى وتنفذيها فورا ف أول حاجة حضرتك قولتى انك اتعلقتى ومش قادرة تبعدى وطبعا كل ما بيعدى يوم بنتعلق أكتر وأكتر وكل ما العلاقة طولت التعلق بيزيد حلو جدا طب هو هيتجوزك بالتأكيد بنسبة مليون الماية لا استحالة يتجوزك ف لما حضرتك تكملى وتتعلقى وبعدين يسيبك بطريقة أو بأخرى هيحصلك انتى تروما هتفضلى فيها طول حياتك قادرة تدمر مستقبلك بالكامل .... طب هو بيقولى بيحبنى وهنتجوز لما أخلص جيش وكلام من دا ليه ؟ أومال عايزاه يعلقك ازاى هو عايز بنت فى حياته يتسلى معاها شوية أيا كان نوع التسلية بقى ف لازم علشان البنت تقتنع شوية اهتمام على شوية حنية على كلام حب وغرام وبعدين وعود وأوهام كدا الخلطة ديه انت ضمنت انك تعلق البنت بيك وتعيش حياتك معاها يعنى حضرتك مجرد محطة مش أكتر تسلية يعنى ..... حضرتك بتقولى عايزة أكمل معاه من غير مسئولية وبتاع الجملة دية وحشة فى حقك لو حد سامعها منك هيقول على طول انك بنت مش كويسة معذرة جدا يعنى لازم تعرفى مفيش علاقة ما بين ولد وبنت تحت أى مسمى وبأى شكل واللى بتعملبه دا حرام شرعا وخيانة للعهود ... طب أنا أعمل إيه يا دكتور ؟ أول حاجة من غير تبريرات ولا تفاصيل بلوك للواد دا واقع ومواقع من غير حتى ما تبعتيلة ليه تشوفى الرسالة تطلعى تعملى بلوك وتمسحى الرقم وأى حاجة خاصة بيه أو اللى قبله تمسحيها من حياتك واقع ومواقع .. تتقى الله وتحاولى تقربى من ربنا وتسأليه أن يبعدك عن العلاقات المحرمة وأن يرزقك الزوج الصالح قوليلى ذنبة إيه زوجك دا اللى هيختارك من وسط بنات العالم وجايلك راجل من باب بيتك مش عيل داخلك من شات ذنبة إيه وانتى ممكن تكونى نفسيا مش كويسة بسبب ماضى ليكى حافظى على قلبك يا بنت الحلال انتى لسة صغيرة واهتمى بنفسك وبحياتك واصنعى عادات جديدة هدانا الله وإياكى إلى ما يحبة ويرضاه🤍

وعليكم السلام ورحمة الله وبركاته اول حاجة لازم تبقى عندك يقين ومؤمنة انها حرام وتخوفى نفسك من انك تعمليها لأن حلها الوحيد انك تخافى تعالي ناخدها واحدة واحدة هي بقي حرام لعدة اسباب منها: -» انها ليها اضرار نفسية وجسدية وجنسية وصحية وكمان عقلية يعني هي كدا باب من ابواب التهلكة وسيدنا النبي صلى الله عليه وسلم قال ( لا ترمو بأنفسكم في التهلكة ) واظن مفيش اكتر من كدة تهلكة -» حضرتك دلوقتي علشان تعملى الفعل المشين دا لازم تستحضرى حاجة تعلي بيها شهوتك يعني هتجيب موبايلك اللذيذ وتفتحى موضع من اياهم وتتفرجى علي فيديو يدمر عقلك ويبوظ طريقة تفكيرك ودا في حد ذاته تهلكه وكمان حرام لان من تقوي الله عز وجل غض النظر وبكدا حضرتك بتطلقى النظر في غير محله ودا ذنب كبير ودا كمان استغلال لنعم الله اللي هي النظر والموبايل في معصية الله يعني ربنا مديكى نعمة وانتى بتعصيه بيها ودا ذنب تاني -» حضرتك معدتش عليكى معلومة ان سيدنا النبي صلي الله عليه وسلم قال ان في ناس هتيجي يوم القيامة معاها جبااااال من الحسنات وربنا هيقول للجبال دي كوني هبائاً منثورا مع ان الناس دي كانت بتصلي وبتصوم وبتزكي وبتتصدق كمان ولما الصحابة سئلو سيدنا النبي طيب ليه ربنا هيمحو كل الحسنات دي عارفه كان رده ايه كان رده ان الناس دي ( كلما خلو بمحارم الله انتهكوها ) ودا اللي حضرتك بتعمليه وانتى بتمارسى العادة بتدخلى مكان فيه خلوة علشان تنتهكى حرمات الله -»طيب معداش علي حضرتك حديث النبي صلى الله عليه وسلم ( من يضمن ليه ما بين لحييه وما بين فخذيه واضمن له الحنة ) يعني حضرتك لو مصونتش ما بين لحييك ( لسانك ) وما بين فخذيك ( فرجك ) مش هتبقي مضمونة بالنسبالك الجنة -» حضرتك لما بتيجي تعملى العادة المنيلة بتدخلى في اكتر مكان متأكد ان مفيش بشر هيشوفك فيه ودا طبيعي بس في حاجة غايبة عن حضرتك انا ربنا قال في كتابه العزيز ( يستخفون من الناس ولا يتخفون من الله وهو معهم ) يعني حضرتك هنا بتجعل ربنا عز وجل اهون الناظرين ليكى ودا ذنب خطير جدا جدا جدا وذنب يصل لدرجة الشرك لانك بكده بتثبت لنفسك ان خوفك من الناس اقوي من خوفك من ربنا . وبالنسبة لعلاجها فهو دينى و جزء سلوكي ولكن لا يغير الله ما يقوم حتي يغيرو ما بأنفسهم يعني زي ما في جانب نفسي وسلوكي برضو في جانب اكبر وهو الجانب الديني ولازم انا وانت واي حد يكون علي يقين انه مش هيقدر يتغير أو يتقدم أو يتعافي غير لو ربنا اراد دا مش هتقدر تمشي خطوة واحدة لقدام او ترجعها غير لو ربنا اعانك علي دا أما على الجانب السلوكى ف فى تطبيق اسمه واعى عليه كل حاجة عن طرق علاجها وايه اللى بيؤدى ليها وكل حاجة خاصة بيها ابحثى على التطبيق وشوفيه هدانا الله وإياكى وردك إلى أفضل مما كنتى علية

عبارة عن ركعتين و بتنوى قبلها انك هتصلى استخارة لله عز وجل وبتصلى عادى زى اى صلاة وبعد ما تخلص ب تبدأ تدعى الله عز وجل

@No No اتفضلى

بس دية مش قلة ثقة يا عمنا 🙂

اتمنى تعملى كدا فعلا 🤍 ربنا يوفقك وييسر أمرك 🖤

بصىى هو فية قرار فيه بعض الأنانية بس الأنسب ... والدتك كدا كدا طول عمرها معاها وطول عمرها بتتعامل معاها ف حاولى تعملى نفسك من بنها فى التعامل ما بينهم لازم تحاولى تقللى دا لأن ضغطك وتعبك ممكن يتراكم مع الوقت ونفسيتك وشخصك هى الأهم من دا كلة

يعنى انتى فى امتحانات وبتفكرى فى الشغل ولا لسة داخلة ثانوية

لا طبعا كل الجديد كوبى بس فيه كتب أصلية بس طبعات قديمة وحاجات قديمة ودية لو انتى بتروحى هناك كتير بتعرفى تميزيها

غالبا انت لسة بادئ امتياز صح ؟

أصلا 🙂 طب ما تخلى والدتك متتأثرش بالكلام دا وتتعامل بمعاملتها هى مع خالاتك وكدا وانتى لازم تقعدى مع جدتك مره واتني وتلاتة وانتوا رايقين تفهميها ومتمليش من دا فاهمة

الله يعينك ويرد ليك فلوسك يارب

مش فى المجال بس أتوقع المحاسبة 🙂

اقرأى كتاب الداء والدواء واسمعى شرحة يوتيوب هيفيدك جدا جدا ولازم تتخلصى من دا علشان متندميش عمرك كلة ربنا يوفقك ويكتب لك اللى تتمنية

الله يعينك الله يعينك ويؤجرك على ذلك ..... طالما نيتك لله عز وجل استحملى وبجد معظم الجدات كدا فى حتة التقليل من زوجة ابنها بس فى الغالب بيبقى قلبهم طيب ف استحملى لعل ربنا يرزقك أحلامك بعملك دا الله يعينك وييسر أمرك 🤍

العفو 🤍

هو المفروض دكتور هشام من أفضل الدكاترة فى أسيوط هنا بس انتى قصدك انه حجزك شهر واحد لسة ؟؟

يعنى ايه دخلت بسماعة وجبت درجة مش درجتى ؟

اشتغل فى محل عطارة 🙃 علشان تبقى فاهم الدنيا الأول

ربنا يعينك وييسر أمرك ويرزقك من حيث لا تحتسبى

بص هو عموما مينفعش توقفه فترة طويلة لأنه أصلا ممكن يعمل نتيجة عكسية وشعرك يوقع

جاب نتيجة فعلية معاك ؟

سيبية أصلا مفيش هزار فى الصلاة

وهو مبانش علية فى الخطوبة حبة للخروج ولا لا ؟

zak كويس جدا ك سبراى او رول .. دراكون كويس للجنسين برضة

اقرأى كتاب الداء والدواء ل الإمام ابن القيم واسمعى شرحه يوتيوب هيفيدك جدا جدا جدا

مفيش طريقة .. روحى لحد بتاع صيانة بس أهم حاجة يكون آمين أمين وبتتعاملوا معاه كتير

مفيش حاجة اسمها هشيل ذنبه .. العلاقات المحرمة لا يوجد حقوق فيها أصلا هو أيا كان هيعمل ايه يستاهل لأنه اللى بدأ غلط فى علاقة محرمة ابعدى انتى وانجى بنفسك + احنا بنحاول نعمل كدا علشان نأثر على البنت ونلعب على مشاعرها ومتبعدش

جروب no zero days على فيسبوك كويس جدا

وعليكم السلام ورحمة الله وبركاته .... استخدمته لمدة قد ايه وايه النتيجة الفعلية اللى قدامك

الله يعينك وييسر أمرك يارب ويرحم والدك

ازاى متعرفوش أهلة كويس ؟!

بأسئلة معينة زى مثلا تبقى عارفة رأى والدته فى حاجة معينة وتناقشيه فى الحاجة ديه وتخليه يقول رأيه او تستنى رد مثلا او ماشابه وتشوفى هيعمل ايه حاجات كتير بس كدا كدا مع الوقت هتعرفى الحتة دية

مركز كويس ويكون أوف لاين أى حاجة اون لاين فاكس

الله يعينك وييسر أمرك ... ملكش صحاب او دراسة ؟

علمى نفسك الأول لأن هى عموما رد فعلا بمعنى لما تشوفك بتصلى ومنتظمة على الصلاة هى بتتأثر بدا ف لما تيجى تنصحيها هتتقبل وهكذا فاهمانى

ربنا يهديه+ محدش فينا رزقه بإيديه ربك اللى بيرزقنا وهو اللى بإيديه رزقنا ومستقبلنا وممكن لما تتجوزى تتجوزى على الشرع بحيث العريس هو اللى يجهز كل حاجة وبكدا انتوا مش محتاجين حد يجوزكم + الله يرحم والدك ويصبركم على فراقه

ربنا ييسر أمرك ويهديك مما أنت فيه ويوفقك فى حياتك يارب

حاولى تشوفى مجتمع صالح تتصاحبى فيه على ناس جداد زى مثلا تشوفى محفظة قرآن وتروحيلها وتتصاحبى هناك على البنات الموجودة وهكذا

ممكن تقرأ كتاب الداء والدواء ل الإمام ابن القيم وتسمع شرحه يوتيوب

لو معندكيش مهارة معينة اون لاين لازم تنزلى وتتدورى بنفسك محلات ملابس مثلا او حاحة شبيهه

ابدأى أونلاين الأول شوفى المجال هترتاحى فية ولا لا وشايفة نفسك فيه ولا لا وبعد كدا لو عايزة تتطورى من نفسك شوفى الأوف لاين

ممكن يكون فراغ كبير أووى بالنسبالك ف ممكن تقلل وقت الفراغ دا فاهمنى

فيه أقراص وفية نقط وفيه أمبولات .... بس أفضلهم الأمبولات ... هتروحى الصيدلية هتجيبى ديفارول امبول او ديكابرينو أمبول ... هتاخدى أمبول على كوباية لبن او زبادى وبعديها ب أسبوعين تكرريها وكمان مرة بعد أسبوعين وبس خلاص كدا تبقى خلصتى

أكيد زى ما احنا هنتحاسب على بر الوالدين وعقوقهم كذلك كل والد بيبقى عليه واجب تجاه أبناءه زى ما النبى صلى الله عليه وسلم قال كلكم راعِ وكلكم مسئول عن رعيته بس الأهم انتى تحاولى تخلى الأمور وسط بحيث ميكونش عقوق وفى نفس الوقت حافظى على نفسك ونفسيتك منعا من انهيارك فاهمانى

الحمد لله انه بيدى والموضوع مشكلة كلامة عارف ان دا بيزعل وبيأثر بس استحملى وفى نفس الوقت حاولى تسمعى من هنا وتتطلعى من هنا أهم شئ يبقى قدامك مصلحتك وبس

ممكن موقف معين مثلا او حاجة مخلياه خايف دايما فكرى فى الجزء الإيجابى خليها خايف بدل شاكك فاهمانى .. لكن الحل عندك انعزلى مع نفسك اهتمى بنفسك وشكلك اهتمى بثقافتك طول ما انتى فى البيت ممكن مثلا تشوفى كورس اون لاين تنسغلى بيه ودايما ردى وخلى كلامك منطقى ومتسكتيش عن حقك عارف انك الحلقة الأضعف وهيستقوى عليكى بس الرد لوحدة بيأثر وقادر انه يغير وخلاص تخرجك بيقرب اهو وتبدأ كارير خاص بيكى وفى نفس الوقت فى أى لحظة ممكن تنخطبى وتبقى عروسة 😄 قصدى يعنى خلينا نبص على الجوانب الإيجابية

طب هو بعد مشكلتك فى عينك او جلسات أسنانك مبيديكيش فلوس ولا بيدى بس طبعا مع كلام ان والدتك اللى بتقولك كدا وما إلى ذلك ؟

معلش انت بتقول انه ساعات كان بيكلم عيالة على الخناقات اللى بتحصل بينهم قصدك بيكلمكم انتم لأن انتوا عيالة ؟

يمكن كان خايف عليكى مثلا ؟

لو اتقابلتوا فى أى حاجة او سهرة مثلا كلمة ولا كأن حاجة حصلت هتكبر فى نظرة اووى وفى نفس الوقت هتاخد انت الأجر والثواب لأن انت اللى بادئ

وبعدين انتى بسم الله ما شاء الله ٣ تربية يعنى مش صغيرة يعنى