وعليكم السلام ورحمة الله وبركاتة لسة بدرى ومش قادرة تلمى الدنيا بس لا انتى قادرة تجيبى مجموع كويس بإذن الله كمان أول حاجة تمنعى السنتر تمام وتوفرى الوقت اللى بيضيع دا وتخلى كله أون لاين أهم حاجة أهم حاجة انتى لازم تستغلى كل دقيقة مفيش دقيقة تضيع اوعى الإكتئاب أو الاستسلام أو أى حاجة من الحاجات ديه تدمر طاقتك وتقولك خلاص مفيش آمل لازم تعرفى تبعدى كل الوساوس ديه عنك أولا لأنها لا تثمن ولا تغنى من جوع احنا فى أمر واقع دلوقتى ثانيا بتاخد من وقتك وجهدك واحنا محتاجينة هتبدأى تقيمى نفسك فى كل المواد أو على الأقل ترتيبهم من الأصعب للأسهل وبعدين على هذا الترتيب هنبدأ نزود ضغط على المواد الأعلى صعوبة هتهتمى أكتر انك تعرضى نفسك يوميا لإمتحانات المجمعة بتاعت أخر السنة وتحلى امتحان كامل فى مادة مثلا وتحفظية تماما هتقوليلى أنا لسة هبدأ أصلا ف أكيد مش هعرف أحل الإمتحان كامل هقولك عندك حق لكن هتمسكى الإمتحان اللى فى إيدك والسؤال اللى متعرفيهوش هترجعى للدرس بتاعة وتحلية وتحفظية وهكذا لحد لما تخلصى امتحان كامل هتبدأ تعمل جدول كامل للأساتذة اللى عاملة مراجعة نهائية وتشتركى معاهم كلهم وتركزى مع كل كلمة بيقولوها تبعدى عن أى حاجة ممكن تتضيع وقتك ولو دقيقة من غير ما تنجزى حاجة فيها حتى لو كان التليفون اللى انتى ماسكاه دا تقربى من ربنا أكتر وأكتر ربنا اللى بإيده كل شئ قادر انه يحققلك حلمك بمجرد ما يقول له كن ف يكون ربنا يوفقك ويكرمك ويعديهالك على خير 🤍
أيوه بطلى وخليهم أون لاين ....... فيه دروس تتجاب فى المراجعة عادى وفيه دروس تقيلة يتسمعلها الدرس الأساسى انتى قسميهم وشوفى مستواكى
تم النشر الأربعاء، ١٥ أبريل ٢٠٢٦
انا بنزل انجليزي وفيزيا بي سنتر ابطلهم ؟وكمان المواد العلميه زى الفيزياء والاحياء والكيمياء اعتمد ع المراجعه؟ولا اسمع المحاضرات الاساسيه ؟
تم النشر الأربعاء، ١٥ أبريل ٢٠٢٦
لعرض الإجابة في فدني اضغط هنا