السلام عليكم ورحمه الله وبركاته
انا لسه هبدأ ثانويه عامه بسبب ظروف حصلت معايا
خايفه جدا فاضل شهرين م عارفه هلحق الم ولا لا
بنزل دروس سنتر ساعه رايح وساعه جاى
اخلى دروس كلها اون لاين ؟ ابدا من فين ؟
واخد مع مين ؟ هل الم محاضرات من الاو ل ف المواد العلميه ولا اسمعهم ف المراجعه ؟
اجيب كتب ايه المراجعه ؟
انظم وقتي ازاى ؟
بالله عليكم ممكن تفيدوني
متقلقيش لسه في وقت والمدرسين بيراعوا ان في طلبة لسة هتبدأوهيشرحوا من الاول وبالتفصيل كمانوالاحسن طبعا تحولي اونلاين دا هيوفر وقت كتير المدرسين انا مش عارفة اذا انتي علمي علوم ولا رياضة بس انا علم علوم ف هقولك علي مدرسين موادي 1- عربي مستر محمد صلاح عامل في المراجعة نظام حمادة ونجيب . حمادة للي ميعرفش حاجة في المنهج نجيب دا مخلص للي مذاكر والمراجعة بدات يوم 11 المحاضرة الاولي والتانية يوم السبت ف الحقي اشتركي وذاكري الاولي 2-انجلش مستر محمود رضوان (انجلشاوي ) طريقته حلوة جدا في تبسيط الجرامر وحتي الكلمات بيقولها علي شكل قصة ف بتثبت في دماغنا 3- كيمياء مستر خالد صقر ودا غني عن التعريف اكيد 4- فيزياء مستر محمود مجدي دا اللي بينفع معانا بيشرح بشكل مبسط وفي نفس الوقت بيبقي عامل حساب للطلبة اللي زي حالاتي كدا مش بتطيق الفيزياء ف بيعمل بردو طرق تبسيط وبصمجة تثبت في الدماغ يعني بيحولنا من الطالب ضعيف الجناح للواد الجامد ابو سلاح (دا الشعار ) 5- الاحياء والجيولوجيا دكتور محمد ايمن ودا فعلا بيشرح ادق ادق التفاصيل ومتعة كبيرة وانتي بتسمعيه بالنسبة للكتب هاتي باكدج كل واحد فيهم هيبقي كافي ووافي لان كل باكدج فيهم هتلاقي كمية اسئلة رهيب بس الحقي احجزي قبل ما الكمية تخلص انا حاجزة بقالي اسبوعين مجاش غير الفيزياء ف شوفي بسرعة -ومتقلقيش هتلحقي بس انت قولي يا رب وادعي وان شاء ربنا هيكرمك ويوفقك
تم النشر الأربعاء، ١٥ أبريل ٢٠٢٦
بصى حاليا انا وانتى زى بعض 😂 بس الفرق انا ازهر علمى وانتى عام بصى بالنسبه للدروس برا انا بطلت انزل غير للفيزياء و دى يوم واحد بس ف الاسبوع اما كل المواد اون لاين طب بالنسبه للمذاكرة وهل الحق ولا لا!؟ بصى ابدأي جد و حاولى تخلصى ف الشهرين دول شرح.وف نفس الوقت حل يعنى تسمعى مراجعه مثلا الباب الاول احياء و تذاكرى الباب الاول احياءو بعدين تحلى عليه دى الطريقه اللى انا ماشيه بيها حاليا انا مش بفكر ف الوقت انا بعمل كل اللى عليا ف الشهرين دول اه عدا وقت كتير و باقى القليل بس مين يعرف ممكن اجيب مجموع كبير لما ابطل تفكير واذاكر بجد ف الشهرين دول معظم الطلبه زينا علفكرا احنا مش لوحدنا بس الشاطر الى هيعرف يتعامل مع الموقف و يبطل تفكير ف الوقت و يقوم يكمل ف النهاية ابدأى و كمان متقصريش ف صلاتك و إن شاءالله خير
تم النشر الأربعاء، ١٥ أبريل ٢٠٢٦
ان شاء الله تلحقي تلمي بس اول حاجه لو تعرفي تقعدي من السناتر خالص ياريت ودا هيخلي عندك وقت ويوفر مجهود اكتر فا انتي استغلي الوقت ده ورتبي حياتك بمعني مثلا انتي عندك خمس مواد شوفي ايه المواد الي بتفهميها ورتبهم علي حسب حبك ليهم يعني مثلا انا بحب الفيزيا فا انا النهارده هدخل الاوضه ويا انا يا الفيزياء النهارده وذكري ب تركيز وحلي كتير جدا جدا اقولك لو مالكيش في المذاكره والحفظ وكده حل اساله محلوله وحيب امتحانات السنين الي فاتت وحليها وربنا يوفقك يارب
تم النشر الاثنين، ٢٠ أبريل ٢٠٢٦
1. النصيحة الذهبية: حوّلي دروسكِ لـ "أونلاين" فوراً توفير ساعتين يومياً (وقت الذهاب والعودة من السناتر) سيعطيكِ 60 ساعة إضافية شهرياً للدراسة. الدراسة في البيت توفر الجهد والتركيز وتسمح لكِ بتسريع الفيديو (سرعة 1.25x أو 1.5x) لإنجاز محاضرات أكثر. 2. خطة الدراسة (من أين أبدأ؟) لا تشتتي نفسكِ بجمع المحاضرات القديمة كلها الآن. القاعدة هي: "ابدئي بالمراجعات النهائية فوراً". المواد العلمية (فيزياء، كيمياء، أحياء): أغلب المدرسين في المراجعة النهائية يشرحون "ملخصاً شاملاً" لكل فصل قبل حل الأسئلة. اسمعي شرح المراجعة بتركيز، وإذا وجدتِ جزءاً لم تفهميه أبداً، ارجعي لمحاضرة الشرح التفصيلي لهذا الجزء فقط. المواد الأدبية واللغات: اعتمدي على المراجعات التي تربط المنهج ببعضه، وحل الامتحانات الشاملة. 3. المدرسون المقترحون (أونلاين - يوتيوب) هؤلاء يتميزون بتبسيط المنهج في وقت قياسي: الفيزياء: قناة "المهندس في الفيزياء" أو "مستر محمد عبد المعبود". الكيمياء: قناة "خالد صقر" (ممتاز في المراجعات النهائية). الأحياء: "دكتور محمد أيمن" أو "الموسوعة في الأحياء". اللغة العربية: "محمد صلاح" (قناة بسطتهالك). اللغات: قناة "الخطة التعليمية" أو قنوات المراجعة المكثفة. 4. تنظيم الوقت (سيستم الـ 3 فترات) قسمي يومكِ لثلاث فترات ذهبية: الفترة الصباحية (بعد الفجر): لأصعب مادة (فيزياء أو كيمياء) لأن التركيز يكون في قمته. الفترة المتوسطة (الظهر - العصر): لمذاكرة الدروس الجديدة أو مشاهدة المحاضرات. الفترة المسائية: للحل والتطبيق واللغات (إنجليزي/فرنساوي). 5. نصائح إضافية: الكتب: اعتمدي على كتاب واحد للمراجعة النهائية في كل مادة (مثل الامتحان، نيوتن، أو الوافي) ولا تشتري كتباً كثيرة فتتشتتي. الحالة النفسية: "الخوف" هو أكبر عدو الآن. الشهرين وقت كافٍ جداً للحصول على مجموع كبير إذا استغليتِ كل ساعة بتركيز. الامتحانات: ابدئي بحل "امتحانات السنين السابقة" من الآن، حتى لو لم تنتهي من المنهج، لتعرفي شكل الأسئلة وأهم النقاط. توكلي على الله وابدئي الآن، فما زال هناك متسع من الوقت للنجاح والتفوق!
تم النشر السبت، ١٨ أبريل ٢٠٢٦
خلي دروسك كلها اون لاين لو تعرفي تركزي ساعات طويله اجعلي الاستاذ على 1.5 في شرح و الحل على 1 نامي الساعه ١١ عشان ساعتها بتكون هرمونات في ذروتها و تظبط معلومات ويثبتها و تنقلها من الذاكرة قصيره المدى إلى الذاكرة طويله المدى و اصحي الفجر و صلي اقرأي ورد صفحتين من قرأن و بعدها هيكون عقلك في أعلى نشاطه ، ابدأي ذاكري اصعب مواد محتاجه فهم ممكن تذاكري اكبر كميه في 6 ساعات وباقي اليوم تحلي عليهم لو عندك ذاكره و تركيز قوي و ابعدي الفون عن يدك بسبب انه تشتيت لا نهائي طيب لو بتذاكري عليه؟؟ استعملي برنامج focuslook بيساعد في قفل تلفون ويجعلك تركزي علي اربع تطبيقات بس و اهم عامل هو نوم وتليفون بعيد و حل كثير باقي يوم دروس قليله بس في طمطيت من مدرسين و أسئلة كثيرر جدا فهتخلص بعد الفجر اكبر قدر من إمكان حفظ و فهم و باقي اليوم تكملي حل تبدأي بماده سهله ساعه او نص ساعه تخلصي فيها الي تخلصين ثم تبدأي بباقي المواد الصعبه عشان متخليش عقلك يستسلم تقللي الاكل على قدك و امنعي سكر كم اسبوع هتحسي بفرق و اجعلها 50 دقيقه دراسه و 10 راحه بعيده عن شاشات و بس . في امل دايما طول مش بكرة امتحان اتبقى شهرين لو ربنا ضاف ممكن خير ان شاء الله هيوفقك ليه و متسبيشي نفسك للنوم و الخمول عشان متضيعيش يوم زياده و بدون توتر و ارتباك فاهم شعورك انا كمان مراكم و حالتي مش احسن حال بس عندي طرقي و انتي كمان هتكوني احسن لو فكرتي ب 24ساعه قادمين وليس الشهور ضايعه او حتى قادمه بس ركزي على 24 ساعه قادمه هتستفيدي منها في ايه صدقيني اي حد ممكن ينصحك بكذا بس محدش هيساعدك غير نفسك تجربتي مش تجربك و قدراتي مش زي قدراتك واتمنى تكوني استفدتي وفقك الله ورزقك علم نافع
تم النشر الخميس، ١٦ أبريل ٢٠٢٦
وعليكم السلام ورحمة الله وبركاتة لسة بدرى ومش قادرة تلمى الدنيا بس لا انتى قادرة تجيبى مجموع كويس بإذن الله كمان أول حاجة تمنعى السنتر تمام وتوفرى الوقت اللى بيضيع دا وتخلى كله أون لاين أهم حاجة أهم حاجة انتى لازم تستغلى كل دقيقة مفيش دقيقة تضيع اوعى الإكتئاب أو الاستسلام أو أى حاجة من الحاجات ديه تدمر طاقتك وتقولك خلاص مفيش آمل لازم تعرفى تبعدى كل الوساوس ديه عنك أولا لأنها لا تثمن ولا تغنى من جوع احنا فى أمر واقع دلوقتى ثانيا بتاخد من وقتك وجهدك واحنا محتاجينة هتبدأى تقيمى نفسك فى كل المواد أو على الأقل ترتيبهم من الأصعب للأسهل وبعدين على هذا الترتيب هنبدأ نزود ضغط على المواد الأعلى صعوبة هتهتمى أكتر انك تعرضى نفسك يوميا لإمتحانات المجمعة بتاعت أخر السنة وتحلى امتحان كامل فى مادة مثلا وتحفظية تماما هتقوليلى أنا لسة هبدأ أصلا ف أكيد مش هعرف أحل الإمتحان كامل هقولك عندك حق لكن هتمسكى الإمتحان اللى فى إيدك والسؤال اللى متعرفيهوش هترجعى للدرس بتاعة وتحلية وتحفظية وهكذا لحد لما تخلصى امتحان كامل هتبدأ تعمل جدول كامل للأساتذة اللى عاملة مراجعة نهائية وتشتركى معاهم كلهم وتركزى مع كل كلمة بيقولوها تبعدى عن أى حاجة ممكن تتضيع وقتك ولو دقيقة من غير ما تنجزى حاجة فيها حتى لو كان التليفون اللى انتى ماسكاه دا تقربى من ربنا أكتر وأكتر ربنا اللى بإيده كل شئ قادر انه يحققلك حلمك بمجرد ما يقول له كن ف يكون ربنا يوفقك ويكرمك ويعديهالك على خير 🤍
تم النشر الأربعاء، ١٥ أبريل ٢٠٢٦
وعليكم السلام ورحمة الله وبركاته يا حبيبتي 🌸 أول حاجة، متخافيش خالص! شهرين دول كفاية تمامًا إن شاء الله لو نظمتي وقتك واتبعِتِ خطة واضحة. ربنا يوفقك وييسر أمرك، وأنتِ قوية وقادرة تلحقي كل حاجة. خلينا نرتب مع بعض خطوة بخطوة: 1. الدروس: سنتر ولا أونلاين؟ ابدئي بمزيج : خدي السنتر للمواد الصعبة عليكِ (زي الفيزياء والكيميا) ساعة رايح وساعة جاي، عشان الشرح الحي والأسئلة المباشرة. الأونلاين للباقي، خاصة الرياضيات والبيولوجي. ده هيوفر وقت وفلوس، وتقدرِي ترجعِي الفيديوهات أي وقت. 2. ابدئي من فين ومع مين؟ ابدئي بالأساسيات : ركزِي أول أسبوعين على فهم الدروس الأولى في كل مادة (مش مراجعة بس). خدِي مع مدرس سنتر قوي في العلمي، أو مجموعة صغيرة (3-5 بنات) لو ممكن تشاركِي معاهم تكاليف. لو ميزانيتك ضيقة، ابدئي لوحدك أونلاين ثم انضمِي لسنتر بعدين. 3. المحاضرات في العلمي: من الأول ولا مراجعة؟ من الأول 100% : العلمي مبني على الأساسيات (معادلات، قوانين، رسوم بيانية). اسمعِي المحاضرات الكاملة أولًا (أونلاين)، ثم راجعِي و حلِّي تمارين. متستعجليش على المراجعة قبل الفهم. 4. تنظيم الوقت إزاي؟ (جدول يومي بسيط) 6 صباحًا: صلاة + إفطار خفيف. 7-10: دراسة مادة رئيسية (محاضرة + تمارين). 10-10:30: راحة قصيرة (مشي أو قرآن). 10:30-1: مادة ثانية. 1-2: غداء + صلاة. 2-4: سنتر أو أونلاين. 4-5: مراجعة يومية + أسئلة. مساء: صلاة + نوم باكر (10 مساءً). يوميًا 5-6 ساعات دراسة فقط ، مع يوم إجازة أسبوعيًا. استخدمِي تطبيق "Forest" أو ورقة للجدول. حددِي أهداف يومية صغيرة (مثل: "أخلص درس 1 فيزياء") وكافئِي نفسك (شوكولاتة صغيرة 😊). كل يوم صلِّي ركعتين حاجة وقولِي: "اللهم يسر ولا تعسر". هتبقِي تمام إن شاء الله! لو عايزة تفاصيل أكتر، ابحثِي في فدني عن "ثانوية عامة" هتلاقِي إجابات كتير من خبراء. ولو محتاجة استشارة متخصصة، روحِي https://www.fedni.net/experts واختارِي خبير تعليمي. أنتِ هتنجحِي يا قمر، متتردديش! 💪
تم النشر الأربعاء، ١٥ أبريل ٢٠٢٦
لعرض السؤال في فدني اضغط هنا