اهدى خالص، أنتِ تمرين بفترة ضغط شديدة، ومع ذلك ما زال ممكن تقسيم الوقت والمواد إلى خطوات صغيرة بدل التفكير في كل شيء دفعة واحدة. خذي كل مادة على حدة، وابدئي بالمراجعات النهائية والتلخيصات والنماذج الاسترشادية والامتحانات السابقة، حتى لو كانت البداية بسيطة. ولو التوتر شديد أو أفكار الموت بتتكرر، مهم تكلمي شخصًا موثوقًا من أهلك أو مدرستك وتطلبي مساعدة مختص نفسي بأسرع وقت، لأن الدعم المناسب في الوقت ده مهم وليس ضعفًا منكِ.
العفو 🤍 ربنا يوفقكم جميعا ويجبر بخواطركم
تم النشر الخميس، ١١ يونيو ٢٠٢٦
حاضر بإذن اللّه هحاول اعمل كده ، شكرا لحضرتك
تم النشر الخميس، ١١ يونيو ٢٠٢٦
بصى انتى هتذاكرى المنهج بطريقة سريعة بحيث على الأقل لو حد شوفتى سؤال عن معلومة معينة حتى لو مش عارفاها تبقى عارفة مكانها فين وأساسها ايه طب داوقتى مثلا عملتى كدا وبدأتى حل وفيه سؤال قابلك عن معلومة معينة وانتى مش عارفها هتروحى تذاكرى المعلومة دية بس وبعدين ترجعى تحليها بحيث لو اتسألتى تاتى فيها او جات قدامك تانى خلاص الفكرة دية انتى حافظاها وفاهماها وفية فيديوهات كويسة يوتيوب ممكن تساعدك فية حاجات كتير والله نفسى أساعدكم بيها هنا بس مش عارف ... المهم لازم متصيعيش دقيقة حتى لو نفسيا تعبتى روحى مثلا كسرى عضم المخدة وطلعى غلك فيها وارجعى كملى مذاكرة 😅 المهم مش عايزين نتأثر بأى حاجة الوقت دا نجتهد فية واللى بعد الامتحانات دا بتاع ربنا مش بتاعنا فاهمانى
تم النشر الخميس، ١١ يونيو ٢٠٢٦
سيستم ايه طيب ازاي هحل وانا مش مذاكره حتى لأول مره
تم النشر الخميس، ١١ يونيو ٢٠٢٦
هحاول من تاني واللّه أنا علاقتي بربنا وصلاتي ووردي الحمد للّه كويسين ومش شطارة مني ابدا بل توفيق وفضل من اللّه ، ديما بنصح كل صحابي واننا فدار بلاء ومده قصيره جدا والعوض عند ربنا ولكن اللي مدايقني اني عارفه كل دا وعارفه الصح فين ولكن مش قادرة اعمله بطمن الكل ومش عارفه احسن من نفسي ..اللّه المستعان .
تم النشر الخميس، ١١ يونيو ٢٠٢٦
اهدى بالله عليكى والله ما فية حاجة مستاهلة موت اية بس .... بصى هى مش الإمتحانات دية وقت والوقت مسيرة يعدى صح ف انتى قاعدة دلوقتى بكرة تلاقى نفسك خلصتى وطلعت من الهم دا يا عمنا بس الفكرة مش ان احنا نفكر فى العواقب الفكرة ان والله لو اجتهدنا وتعبنا وحسينا ب دا أيا كانت النتيجة هنكون راضيين .... كل الطلبة متوترين وكلهم نفس تفكيرك بس والله اللى هيفرق فيهم اللى مش هيخلى التفكير دا يأثر علية حلو جدا ... طب أنا راكمت أنا معملتش حاجة ومش هلحق فية قاعدة جميلة جدا اسمها إية ما لا يدرك كلة لا يترك كلة مش معنى ان احنا مقصرين من اول السنة نكمل تقصير بقى لا طبعا ... بصى يا عمنا انتى اهم حاجة هتراجعى صلاتك وعلاقتك بربنا لازم لازم قبل ما تذاكرى تقرأى قرآن حاجة بسيطة كدا وكذلك بعد ما تخلصى علشان ربنا يبارك ويحفظلك اللى ذاكرتية علاقتك بربنا هتخفف من اللى انتى فية تانى حاجة هتبدأى تحطى سيستم للمواد ولو عايزانى أساعدك انا عنيا ليكى تشوفى مستواكى فى كل مادة وتحددى نقاط قوتك وضعفك هتبدأى مراجعة على المواد سريعة كدا مش فيديوهات مفيش وقت بنفسك وهتبدأى تحلى شامل طب أنا أصلا فية حاجات كتير مش عارفاها أيوه عارف أى سؤال مش هتعرفية هترجعى ل الدرس بتاعة تحفظية كويس وتفهمية وترجعى تحلية وهكذا وبكدا هتكونى بتضربى عصفورين بحجر بتذاكرى وفى نفس الوقت بتحلى شامل فاهمانى
تم النشر الخميس، ١١ يونيو ٢٠٢٦
واللّه انا معدتش فاهمه نفسي حتى ولا عارفه انا حاسه بإيه من أول السنه ومن الكلام اللي بسمعه كنت ديما خايفه ومش عارفه اذاكر بطبيعتي مجرد م افتح كتاب اصدع واحس ثقل الدنيا كلها على قلبي وفضلت اراكم واراكم لحد شهر ٣ وقلت خلاص هحاول تاني وبدأت يوم واحد وبعدها بقى عندي مش عارفه صدمة ولا لامبالاة رهيبه ومش قادره استوعب حتى وعمالة اضيع فوقتي وانا عارفه العواقب وعارفه اني كدا بضيع نفسي ولكن مش قادره اتحرك ولا خطوه دماغي شبه اتشلت وفارغه تماما من اي تفكير ومش قادره اذاكر اي حاجه . وديما فدماغي فكره بهرب بيها وهي ان ممكن ربنا يرحمني من كل دا واموت على حسن خاتمه لأن معدش عندي لا اهداف ولا رغبة فأي حاجه في الدنيا غير اني اعمل لآخرتي وبس .
تم النشر الخميس، ١١ يونيو ٢٠٢٦
لعرض الإجابة في فدني اضغط هنا