ممكن تلعبى على المضمون ممكن تخشى علمى علوم لأن فرَصه أكتر ومجالاته أكتر وتزودى نفسك وثقافتك فى الحاجة اللى بتحبيها وشغفك بس بلاش نبرة التأكد انا هخش كذا وهخش كذا ممكن تقولى إن شاء الله اجتهدى بالتوفيق ليكى 🖤 وبعدين إيه حبك للجرايم المفروض البنات رقيقة وبتاع وانتى شغفك وحبك الجرايم 😅
بقرأ روايات جرايم وبكتب بردو روايات، كتبت روايه متكونه من 4 أجزاء ولسه مسميتهمش ف مش هنشرها دلوقتي دا غير الغلاف لسه مصممتهوش، هنشرها بعد تالته باذن الله. وثانكيوو علي كلماتك 🤍🤍
تم النشر السبت، ١٣ يونيو ٢٠٢٦
اسمعى من هنا وطلعى من هنا .. انتى بس حاولى تبريها وتستحملى لله عز وجل ومتتأثريش بكلامها وابن عمك دا ولا تشغلى بالك بيه كل واحد لية حياتة وانتى ركزى على حياتك الشخصية انتى داخلة على سنة مهمة جدا والسنة دية كدا كدا بتحب يكون الشخص منعزل غلشان يبقى مركز اهتمى بنفسك فى البيت وكذلك ركزى على دراستك وقللى تعاملك مع كل اللى بيأذيكى نفسيا وبما انك بتحبى القرآة ممكن تطورى من قرآتك وتشوفى مجالات تانية او حاجات مختلفة القرآة عموما جميلة اووى اووى وبتعيشك فى عوالم مختلفة وحاسس القرآة بتحافظ على صحتنا النفسية والله واهم حاجة ولا تشغلى بالك بكلام جدتك ولا ابن عمك دا يجى على بالك اصلا هو عمل ايه ولا معملش ايه كل واحد ليه حياتة الشخصية وكذلك صحابك اللى بيقعدوا بره دول غالبا مش كويسين ف ركزى على حياتك وحطى كل مجهودك وطاقتك فى السنة اللى انتى داخلة عليها
تم النشر السبت، ١٣ يونيو ٢٠٢٦
كل رواياتك ؟! انتى بتكتبى روايات ... ولا قصدك كل الروايات اللى بتقرأيها
تم النشر السبت، ١٣ يونيو ٢٠٢٦
ابن عمي علمي علوم بردو وبيفكر في الطب، هو عكسي لأن ابوه ضابط ف هو زهق من الضباط ف عايزه طب، وتيتا بحسها عايزاني اكرهه، هي طول الوقت ( اسمه مصطفي) مصطفي كسب المركز التاني في السباحه، مصطفي كسب المركز الاول في القرآن، مصطفي دخل مسابقه العباقره، مصطفي ومصطفي ومصطفي، انا مش بكرهه والله بس بسببها كل ما اشوفه افتكر كل دا رغم ان وقت تعبها فعلا انا اللي بشيلها مش هو واحيانا بتبقي مش قادره تكنس السلم، انا في بيت وهما في بيت، فإنا اللي بروح اكنسلها وهو قاعد باشا هناك ورغم دا هي بتكره البنات اساسا وبتحاول تكره بابا في البنات واحنا تلات بنات و والد اخويا الصغير لسه في الحضانه ف بجد حاجه تشل، قولتلها قبل كدا مليش دعوه بمصطفي قالتلي حنين (صحبتي وجارتها) بتطبخ وتكنس وتمسح، حنين عمتا مش بتعرف تطبخ دا غير ان تيتا لما تقعد معايا ساعه بتقارنني وليه مبتعمليش وايش عرفها اني مش بعمل انا بقعد وبحاول احترمها عشان مردش عليها احتراما لبابا بس مش ليها، ويوم ما اسيبها تقول قليله الادب مش بتقعد معايا وتقولي دايما افردي وشك واضحكي انتي ليه منعزله شوفي العيال في الشارع، عمتا انا تانيه ثانوي وثانيا صحابي في الشارع قدي وبينزلو الشارع بس مليش دعوه بيهم لأن موضوعاتهم مش زي موضوعاتي وهما مختلفين عني ف بقعد معاهم ساكته وبمسك الموبايل واسيبهم يتكلمو ف دا سبب مش بحب اقعد في الشارع دا غير انهم بيعشقو حاجه اسمها نميمه وان سألتهم سؤال ملوش علاقه بالمنهج بس احيانا بسرح واسأل اسأله غريبه يقولولي متعمليش فيها اينشتاين واحفظي اللي مكتوب وخلاص ف قطعت علاقتي بيهم، بقت علاقتي ازيك عامله اي وبس، تيتا بقا مش عارفه اعملها اي انا بقيت اعاندها واحاول اثبتلها اني فاشله حتي لو نجحت في حاجه مش بقولها، بقولها منجحتش اللي هو ايوا انا فاشله عندك مانع! حياتي وانا حره فيها. بس مش عارفه اللي بعمله صح ولا لأ
تم النشر السبت، ١٣ يونيو ٢٠٢٦
بعشقهم عشققق وصلني اني بعشقق الضباط بردو وكل رواياتي عن الجرايم والسايكو وبرتاح نفسيا لما اتفرج عليهم وتقولي بنت رقيقه، Just A Girl 🙂🙂😂
تم النشر السبت، ١٣ يونيو ٢٠٢٦
لعرض الإجابة في فدني اضغط هنا