السلام عليكم، من طفولتي مع ابويا و امي حصلت خناقات كتيرة بينهم ما تتعدش على الصوابع ولغاية دلوقتي، في الخناقات بينهم ابويا بيشتم بأفظع الشتايم لأمي و لأهلها كمان (مش قدام اهلها) زمان كان بيضربها ومابقاش يضرب ولكن بقا بيعمل حاجات غريبه جدا حتى شكيت انه ممكن يكون عنده مرض نفسي ولازم يتعالج، ابويا من زمان وهو مابيدفعش مصاريف البيت اللي عليه اصلا بيدفع 10% (مثال: مابيدفعش فواتير النت-مابيجيبش خضار ولا فاكهة) منها تقريبا ولا حتى بيصرف على مراته و كل فين وفين بيجبلها حاجه و اصلا امي هي اللي متعودة انها تشتريلنا لبس انا واخويا، و بابا مابقاش يعمل كده وتقريبا كل كم سنة يجيبلي تيشيرت ولا حاجه، انا شايف ان ابويا للأسف مابيحققش معنى الأب و الزوج فعلا، وطبعا امي عاملة اكتر من اللي عليها في البيت ماديا ومعنويا و متدمرة نفسيا بسببه، وهي مابترضاش انها تقول لأهلها على اللي بيحصل بينهم و على الظلم اللي بتتعرضلها، اعمل ايه انا اخويا الصغير تقريبا ما بيحبش بابا اصلا و علاقته معاه مش كويسة بسبب اللي كان بيعمله زمان من الخناقات و الشتايم و الضرب قدامنا لما كنا صغيرين ده كمان ساعات او دايما كان بيكلم عياله على الخناقات اللي بتحصل بينهم، انا شايف ان لو الوضع استمر كده، ماما هتبقى في عذاب و اخويا الصغير مش هيفهم معنى الأب و اكيد هتحصله مشاكل نفسيه كتير، اعمل ايه انا بفكر اني اكلم جدي ابو امي و اقوله على كل حاجه عشان يخلصنا من العذاب ده وحاسس ان مفيش حل غير ده (ياما اهل ماما وبابا حاولوا يحلوا المشاكل بينهم و مفيش فايدة في الاخر)
وعليكم السلام ورحمة الله، أخي الكريم. أنا أفهم تمامًا مدى الألم والضغط النفسي اللي بتمر بيه، وأنت شايف أبوك بيؤذي أمك ويهمل الأسرة ماديًا ومعنويًا من سنين، وده بيأثر على أخوك الصغير وعلى نفسيتك كمان. اللي بتحكيه موقف صعب جدًا، ومش هقولك "اصبر بس" بدون حلول عملية، لأن الإسلام بيأمرنا بحماية الأسرة من الظلم والإيذاء، وفي نفس الوقت بيحث على الإصلاح بين الزوجين بحكمة. أول خطوة مهمة هي التركيز على السلامة النفسية والجسدية لك ولأمك وأخوك. حاول تكون سند لأمك بدون ما تدخل في مواجهات مباشرة مع أبوك قد تؤدي لتصعيد، وشجع أمك على التعبير عن مشاعرها بطريقة هادئة أو البحث عن دعم من أهلها إذا أمكن، حتى لو هي مترددة دلوقتي. أما فكرة إنك تكلم جدك أبو أمك، فده خيار ممكن يكون مفيد لو كان شخص حكيم وموثوق، لكن اعمله بحذر شديد: اختار وقت مناسب، وابدأ بالحقائق بدون مبالغة، وركز على طلب الإصلاح والمساعدة في حل المشاكل المالية والنفسية بدل ما يبدو الأمر كـ"فضيحة". لو سبق وحاولوا أهل الطرفين وما نفعش، يبقى لازم تفكر في خيارات أخرى زي استشارة شخص موثوق من العائلة الكبيرة أو حتى جهة رسمية متخصصة في شؤون الأسرة لو وصل الأمر للإهمال الشديد اللي بيأثر على الأطفال. من ناحية عملية، ركز على بناء استقلالك تدريجيًا: طور مهاراتك الدراسية أو المهنية عشان تقدر تساعد أمك وأخوك ماديًا في المستقبل، وخلي علاقتك بأخوك الصغير قوية عشان تعوضه عن غياب دور الأب الإيجابي وتعلمه قيم الاحترام والمسؤولية. لو لاحظت أعراض نفسية على أي حد في العائلة زي الاكتئاب أو الخوف المستمر، حاول تشجعهم على زيارة متخصص نفسي إذا أمكن، لأن الإهمال والعنف اللفظي بيترك آثار طويلة الأمد. أنت مش مسؤول لوحدك عن إصلاح كل حاجة، لكن جهودك الصغيرة في الدعم والحماية هتفرق. ابحث عن أسئلة مشابهة على فدني عشان تشوف تجارب ناس تانيين وتاخد أفكار إضافية. أنا هنا دايمًا لو عايز تتكلم أكتر، وأتمنى ربنا ييسر أمركم ويصلح حال أبوك ويبعد عنكم الأذى.
تم النشر السبت، ٢٠ يونيو ٢٠٢٦
معلش انت بتقول انه ساعات كان بيكلم عيالة على الخناقات اللى بتحصل بينهم قصدك بيكلمكم انتم لأن انتوا عيالة ؟
تم النشر السبت، ٢٠ يونيو ٢٠٢٦
المشكله مش في الشغل أو في أن حد يحل المشاكل دي المشكله اصلا الي فيه طبع عمره ابدا ما هيغيره حتي لو اي الي حصل ليه وحتي لو جدك ادخل هيعمل اي ؟طالما مامت حضرتك مش بتتكلم هيفضل يعمل كدا الاحسن تكلم مامتك في المواضيع دي وتفتح عينيها كدا كدا هو مش بيعمل لكم حاجه غير الزعيق والضرب والاحسن تدعي ليه بالهدايه ممكن في حاجات كتير حصلت ليه خلاه يوصل لكدا
تم النشر الاثنين، ٢٢ يونيو ٢٠٢٦
يعني اهل ماما وبابا حاولو بيحلو ومعرفوش جدك اللي هيحل؟ لو تعرف تنزل تتشتغل انزل ومش تحوج مامتك لحد
تم النشر الاثنين، ٢٢ يونيو ٢٠٢٦
لعرض السؤال في فدني اضغط هنا