حاسه إن الشخص الي هتخطبله معندهوش شخصية او رأي و سهل يغير رأيه و يسمع لكلام غيره بس معنديش دليل واضح أو موقف واضح
وكمان مامته بتدخل في تفاصيل صغيرة هو ده طبيعي ولا هي كده هتدخل في كل حاجة في حياتي؟ وازاي اكشف إذا كانت هي شخصية متحكمة وعايزة تفرض سيطرتها على خطيبي ولا لا
ازاي اعرف الحاجات دي و ازاي اختبره فيها
حاولي تلاحظي لو بيسمع كلام اهله او اصحابه منغير م يفكر فيه وحاولي تشوفي طريقه كلامه نسبه ثقته في نفسه وشوفي اسلوبه وقت الخلافات ولو بيحترم حدودك لان الي عنده شخصيه مش بيقلل من حد ولو فعلا معندوش رأي بلاش هتتعبي جدا معاه لانه هيحاول يفرض رأيه عليكي لانه مش بيعمل دا مع الناس
تم النشر الاثنين، ٢٩ يونيو ٢٠٢٦
السلام عليكم ورحمة الله وبركاته. لو حاسه ومعندكيش دليل اصبري شوية المواقف هتيجي كلها بس اوعي تتحوزي جوازه تندمي عليها بعدين بتاع امه متتجوزيهوش ماشي يحب امه على عينا وعلى راسنا ونحترمها بس متتدخلش في حياتك في كل كبيرة وصغيرة وكلامها يمشي علي ابنها فاهماني؟ صدقيني الراجل ال معندوش شخصية هتعاني معاه ف خلي بالك من نفسك.... تعرفي ازاي او تتأكدي بيروح ياخد رأيها في كل كبيرة وصغيرة في حياتكم بيخاف على زعلها ومش بيفرق معاه زعلك..... أي مشكله حصلت بينكم هي بتعرفها... مثلا لو سألتيه سؤال وحاوبك وبعدين سألتيه لمامته ورجعتي اتأكدتي كمان فتره شوفيه لو غير رأيه زي مامته تبقى واضحه وضوح الشمس.... بس اوعي اوعي اوعي بجد تتجوزي حد مش مرتاحة ليه ولا لأهله.... دايما بيكون احساسنا صح واحنا ال بنعاند وبنشوف آخرتها بس غلط نجازف بحياتنا... ربنا ينور بصيرتك ويدلك على الطريق الصحيح يارب.. لو كان خير ليكي ربنا يتمملك على خير ولو مش خير ربنا يبعده عنك يارب.
تم النشر الاثنين، ٢٩ يونيو ٢٠٢٦
أولاً، أقدر شعورك بالقلق ده، وهو طبيعي جداً في فترة الخطوبة لأنها مرحلة مهمة للتعرف على الشخص وأسرته قبل الارتباط الرسمي. الفترة دي مش بس للفرحة، لكنها فرصة للملاحظة والحوار الهادئ عشان تتأكدي إن الشخص ده مناسب لكِ ولحياتكِ المستقبلية، وده يتوافق مع القيم الإسلامية اللي بتؤكد على اختيار الزوج ذو الخلق والدين. بالنسبة لملاحظتك عن شخصيته، حاولي تركزي على مواقف يومية طبيعية بدل ما تعملي "اختبارات" مباشرة قد تسبب توتر. مثلاً، ناقشي معاه قرارات بسيطة زي اختيار مكان للخروج أو رأيه في موضوع عائلي، وشوفي إذا كان بيستشيركِ أو بيغير رأيه بسرعة بناءً على كلام الآخرين. لو لاحظتِ إنه بيحتاج دايماً موافقة أمه أو أصدقائه في كل حاجة، ده ممكن يكون إشارة لضعف في الشخصية، وهنا ممكن تسأليه أسئلة مفتوحة زي "إيه رأيك لو حصل كذا في حياتنا بعد الجواز؟" عشان تشوفي رد فعله بدون ضغط. أما بالنسبة لتدخل أمه في التفاصيل الصغيرة، فده أمر شائع في مجتمعاتنا، لكن المهم هو معرفة الحدود. راقبي إذا كانت التدخلات دي بتأثر على قراراته الشخصية أو بتفرض رأيها عليكِ بشكل غير مباشر. جربي تتكلمي معاه عن توقعاتكِ للحياة الزوجية، زي "إزاي هنحافظ على خصوصيتنا كزوجين؟"، وشوفي إذا كان بيقدر يرسم حدود واضحة مع أمه بطريقة محترمة. لو كانت متحكمة، هيظهر ده في مواقف زي التخطيط للجواز أو الزيارات العائلية، وهنا الصلاة والاستخارة مهمة جداً عشان تطلبي الهداية من ربنا. نصيحتي العملية: استغلي الفترة دي في حوارات صادقة وملاحظة سلوكياته في مواقف حقيقية، ولو حسيتِ بالحاجة لمزيد من الوضوح، استشيري أهلك أو شخص موثوق. كمان، ابحثي عن أسئلة مشابهة على فدني عشان تشوفي تجارب أخرى. ربنا يوفقكِ ويختار لكِ الأفضل، وخدي وقتكِ في التفكير بهدوء.
تم النشر الأحد، ٢٨ يونيو ٢٠٢٦
بكل بساطه مستحيل تحسي بهيك شي وهوا مش موجود خرجك تعملي اختبار بسيط اسئليه شو بتعمل بيومك ازا ما عنده جوابات واضحه يعني ما عنده رئي اسئلي اسئلي مثال لو الله رزقنا في اطفال شو رح تسميهم ازا ما خلا لك اي قرار بل موضوع فا ما عنده رئي واهله مجبرينه يسمي علا اسمهم غيره كتير لو طلعت من بيت مندون ما اخبرك لما ارجع شو ممكن تعمل ازا كنت تعبانا وما عملت غدا شو بدك تعمل كلها وغيرهم كتير لو غرقت في البحر انا وامك مين رح تئنقذ اوا ما عنده رئي او شخصيه رح يقلك امه اما ازا عنده رئي رح يقول بئنقزكم تنتين
تم النشر الاثنين، ٢٩ يونيو ٢٠٢٦
انا شايفه ان لما الموضوع بيبدأ بحاجة صغيرة بيبقى فحاجة كبيرة بعدين فامشى ورا احساسك بجد لانو بيحاول يقولك حاجة لان لو انتى اصلا وصلك احساس انو معندوش شخصية يبقى اكيد مكنش من موقف ولا اتنين اكيد حصل كتير بس دى بدايات للتدخل فكل حياتكو بعدين ولو سألتى اى حد هيقولك كدا ولكن عشان تكونى عملتى اللى عليكى حاولى تاخدي رأيو فكذا حاجة من وقت لتانى في حاجات كبيرة مش صغيرة عشان تعرفى برضو وتتأكدى هو مستقل بذاته وهيعرف يكون صاحب كلمة وقرار فحياتكم بعد كدا ولا لأ ماماتو هتكون داخلة فكل شئ؟ ربنا يقدملك اللى فيه الخير وينورلك بصيرتك اتمنى اكون فدتك 😊
تم النشر الاثنين، ٢٩ يونيو ٢٠٢٦
بأسئلة معينة زى مثلا تبقى عارفة رأى والدته فى حاجة معينة وتناقشيه فى الحاجة ديه وتخليه يقول رأيه او تستنى رد مثلا او ماشابه وتشوفى هيعمل ايه حاجات كتير بس كدا كدا مع الوقت هتعرفى الحتة دية
تم النشر الأحد، ٢٨ يونيو ٢٠٢٦
لعرض السؤال في فدني اضغط هنا