السلام عليكم أهلا بيكى بالله عليكى اوعى تسيبيها بالله عليكى اوعى اوعى تسيبيها مش علشانها أو هى لا اعتبرى ان ربنا حطك فى موقف زى دا وممكن تنقذى البنت ديه ابتغاء مرضاتة عز وجل بصى أول حاجة فى علم النفس الإنسان بيميل ب اللى بيحسسه بقيمتة أو بيكلمة بطريقة حلوه أو بيهتم بيه وخصوصا البنات تمام طب مين أول ناس لازم يدوله الإهتمام دا هما الأهل طب دلوقتى الأهل مادولوش دا بل بالعكس عنفوه هيفض طول عمرة بيدور على الإهتمام ودية حالة البنت ملقيتش الحب من أهلها ف توهمتة وصدقتة ملقيتش الإهتمام من أهلها ف بقيت بتدور علية طب الولد دا بيعمل إية .. بيديها حب بيديها اهتمام بيديها حنية وحاجات كتير طب هل كل دا ببلاش لا طبعا دا هيستغلها أحسن استغلال سواء نفسى فى انه يأمرها ويمشى كلمتة عليها ويخليها متعلقة بيه أو جسدى فى انه يعمل اللى هو عايزة معاها وهى مش هتقدر ترفض وفى الأخر هيسيبها وهيدمرها من كل النواحى بعد ما خلاص خد اللى هو عاوزة منها وتبدأ هى تموت بالبطئ سواء من معاملة أهلها أو من عيل استغلها أحسن استغلال ودمرها ودمر مستقبلها طب انتى دورك إية بصى مش لازم تكونى بتحبيها أوى مش لازم تكون صاحبتك أووى انتى زى ما قولتلك هتعملى دا إرضاء لوجة الله وممكن تكونى سبب فى ستر مسلمة مش فاهمة هى بتعمل إية أول حاجة هتصاحبيها أوى هتديها اهتمام غير مشروط خليها تحبك وتتعلق بيكى وعلقيها بربنا وحب الدين وفى وسط كل دا انصحيها والوقت اللى المفروض هتقابله فيه تكونى انتى بتكلميها أو موجودة معاها بحيث متعرفش تروحلة انصحيها مرا واتنين وتلاتة عرفيها ان دا حرام وغلط ودا بيستغلك ولو حبيتك اووى خليها تفتح الواتس قدامك وتعمله بلوك وتمسح رقمة حبيبها فيكى وخلى صُحبتك صُحبتها بالله عليكى اوعى تسيبيها اوعى تسيبيها الواد دا هيستغلها وهيدمرها وافتكرى انك ممكن بكدا تسترى مسلمة فى الدنيا وتحفظيها من شيطانها وممكن دا يكون سبب فى سترك يوم القيامة ... دا كله لو قصدك انها بتروحلة مكان تقابلة فى شارع مثلا أو كافية لكن لو قصدك انها بتقابلة فى مكان مغلق لوحدهم ف دا يتطلب تدخل سريع من الأهل تبلغى أهلها فورا من غير كل الكلام اللى فوق دا فورا هى حرفيا بتبقى مغيبة معاه ولقيت معاه الاهتمام ف بتسيبلة نفسها وتسمع كلامة وهو هيستغلها ف الحقيها الله سترك دنيا وآخره
العفو 🤍 ربنا يبارك فيكم جميعا
تم النشر السبت، ١٨ أبريل ٢٠٢٦
تمام شكرا لحضرتك
تم النشر السبت، ١٨ أبريل ٢٠٢٦
كويس جدا بس لازم يكون شيخ عاقل هين لين يعرف تعامل مش منفر يعنى بس الحل الأفضل بقى ممكن مثلا مقرأة الخاصة بالسيدات اللى هى بتبقى فيها مقرآة بتحفظكم ديه وبعدين تروحلها وتفهموها وضع البنت دية وبعدين تتفقوا معاها انكم هتجيبوهالها تقعد معاها وبعدين تروحوا للبنت ديه وتفهموها انكم رايحين المقرآة ديه وتاخدوها معاكم وبعدين تقعد مع المعلمة ديه أو شيخ أيا كان ... المهم أهم حاجة عندى تحاوطوها كلكم وتشغلوها بالحلال والحرام وتجروها ناحيتكم اوعوا تسيبوها ولازم فى أسرع وقت تنهى علاقتها مع الواد دا فاهمانى
تم النشر السبت، ١٨ أبريل ٢٠٢٦
تمام احنا بنحاول بس عايزه اخذ راي حضرتك في حاجه واحده من صحابنا واللي هي اقرب واحده للبنت مقترحه علينا ان احنا نتواصل مع شيخ عشانها لان هي تعرفها من زمان وبتقول ان هي شكه انه ممكن يكون حد اذاها فهل نتواصل مع الشيخ ولا اعترض على الموضوع ده
تم النشر السبت، ١٨ أبريل ٢٠٢٦
أكيد اهتمامكم ميجيش حاجة جنبة وان هى هتسمع للطرف التانى أكتر لأن دا طبيعى كلا الجنسين يميل للأخر علشان كدا ربنا حط حدود للتعامل وحط قوانين وعقوبات ف انتى هتديها كل الإهتمام وبعد ما تحبك وتسمع منك وخلاص تتصاحب عليكوا ابدأى خوفيها قوليلها الحرام والحلال خوفيها من عقاب ربنا وقوليلها اللى بتعملة دا كارثة وذنب عظيم عرفيها مفيش حاجة اسمها حب فى سن زى دا قوليها لو هى بيحبك فعلا هيتقدملك متقدملكيش لية ؟ خوفيها من ربنا وعذابة بس دا طلعا بعد ما تحتويها وتحببيها فيكى واوعى تسيبيها ل كلاب السكك يلعبوا بيها حتى لو كانوا بيدفعوا بعض للصلاة دا ديه كارثة أكبر قوليلها انتى بتعبدى ربنا علشان ربنا ولا علشان الواد دا أهم حاحة افتكرى انها مريضة نفسيا وأى حد ممكن يلعب بيها واحتسبى اللى بتعملية دا لله عز وجل وإنه يؤجرك عليه ويرزقك ما تتمنى رب عمل صالح لا نعلمه كان سببا لنعيمنا فى الدنيا والآخرة وهذا والله عمل عظيم انك بتحاولى تحفظى وتسترى مسلمة من شيطانها ربنا يبارك فيكى ويحغظك ويثبتك
تم النشر السبت، ١٨ أبريل ٢٠٢٦
هقول لحضرتك حاجه المخيف في الموضوع ان هي معجبه بيه وهو لسه ما عملش ده كله ولمجرد اسمه كان اسم حد في حياتها،( احنا فهمنا ان هي مضطربه نفسيا وبنحاول قدر الامكان نمشي في خيالاتها وان احنا مصدقينها ومدينها اهتمام جدا) بس اكتشفنا ان هي مش مهتمه بالاهتمام بتاعنا او بالنسبه لها كويس بس لا حاجه ثاني جنبه هي بتقول لنا ان هي نازله دروس بس بتروح له الكافيه كنت بقصد ان هو بيفرد سيطرته عليها من ناحيه قال لها انت لو لبست جوانتي هتبقي احلى فلبست الى اخره
تم النشر الجمعة، ١٧ أبريل ٢٠٢٦
لعرض الإجابة في فدني اضغط هنا