السلام عليكم ورحمة الله وبركاته
انا عايزه أبعد عن صاحبتي المقربة لان كل حاجه بتحبها بتبوظ بسببي وانا والله مش بيبقى قصدي وهي حاجتها غاليه عليها 😭 .
يعني انهارده جابت لي الجيبه بتاعتها وأصرت اني البسها وفضلت تحلف اني البسها وإن لو مش لبستها هتقطع علاقتي بيها 😭 فضلت اقول لها اني مش بحب النوع ده من الجيبات اللي هي ملايانه زراير من قدام المهم اني لبستها علشانها و انا بوصف لها اني مش هقدر اتحرك بيها علشان ضيقه وبحرك رجلي ففي زره اتخلعت منها ومن نوع الزراير اللي مش بتتخيط 💔 وهي زعلت قوي بس حاولت مش تبين ده والله انا زعلت اكتر منها
. و قبل كده جابت السماعه الايربودز بتاعتها لونها باظ من بره فقالت لي اساعدها في تنظيفها وانا نضفتها كلها بعد محاولات و احنا بنظفها وجيت انظف الباب بتاعها رح اتكسر 🥺 وانا والله مكنش قصدي هي اللي طلبت المساعدة، وبالرغم من كده قلت لها اني هتحمل مسؤولية التصليح كاملة للسماعه بس مش عارفه هصلح ليها الجيبه إزاي
. من الآخر احنا كل ما نكون مع بعض تحصل حاجه او تبوظ حاجه فأنا عايزه ابعد عنها علشان كده انتم ايه رأيكم
السلام عليكم، الموضوع بسيط... ما دام هي صديقة كويسة وقريبين من بعض فبلاش تخسريها عشان سبب زي ده. خليكِ صريحة معها... ممكن ترفضي بتصميم بس بطريقة لطيفة ولو صممت على نفس الطريقة عرفيها إن الموضوع ده عمل لك مشكلة وبقيتِ تخافي طول الوقت من تكرار المشكلة وهي إن شاء الله تتفهمك ولو فيه إمكانية تعوضيها عن السماعة اعملي كده وبالنسبة للجيبة ممكن تاخديها لأي ترزي وتصلحيها فإن شاء الله يصلحها أو يعرفك لو فيه مكان أفضل يساعدك. وبعد كده خليك حازمة أكثر وصممي على قرارك. وربنا يصلح حالكم ويقوي صداقتكم ويجمعكم على الخير دايما. بالتوفيق.
تم النشر الثلاثاء، ٦ يناير ٢٠٢٦
وعليكم السلام ورحمة الله وبركاته يا حبيبتي 💕 أول حاجة، متزعليش نفسك كده.. أنتِ مش "بتبوظي كل حاجة"، ده مجرد حوادث صغيرة بتحصل مع أي حد، خاصة لما بنكون متحمسين أو متوترين شوية. الجيبة والإيربودز دول مش نهاية الدنيا، واللي حصل كان بدون قصد، وهي عارفة كده لأنها طلبت مساعدتك بنفسها. الصداقة الحقيقية زي دي بتتحمل أكتر من كده. نصيحة عملية سريعة: اعتذري بصدق : قوليلها "أنا آسفة جداً يا حبيبتي، أنا بحبك أوي ومش عايزة أزعلك، هصلح الجيبة دلوقتي (خديها عند خياط سريع، هتلاقي واحد قريب بـ20-50 جنيه بس) وهشتريلك إيربودز جديدة لو عايزة". تعوضيها بشيء حلو : خديها على آيس كريم أو هدايا صغيرة، ده هيخليها تضحك وتنسى. كلميها بصراحة : قوليلها إنك خايفة تبوظي حاجاتها، بس متبعديش.. قولي "أنتِ غالية عليّ أوي، وأنا عايزة نبقى مع بعض بس بحرص أكتر". الصداقة بتقوى بالكلام ده. متفكريش في الابتعاد خالص، ده هيوجع قلبكم الاتنين. ركزي على الإيجابي: إنتوا مقربين كده معناه علاقة قوية! لو عايزة نصائح أكتر عن الصداقة أو التعامل مع التوتر، دوري في أسئلة مشابهة في فدني، أو شوفي صفحة الخبراء هنا: https://www.fedni.net/experts – فيه متخصصين رائعين في علم النفس والعلاقات. أنتِ بنت طيبة وقلبك أبيض، ربنا يباركلك ويصلح بينكم يا رب 🤲❤️
تم النشر الثلاثاء، ٦ يناير ٢٠٢٦
حاضر + جزاك الله خيرًا على المساعده 🤍
تم النشر الثلاثاء، ٦ يناير ٢٠٢٦
انا مش بقول انك بتحسديها والله الواحد ممكن يحسد حاجته من غير قصده وهي حاجته فاهماني انا بقول كده في العام على اي حاجة وعشان برضو يكون ذكر لله ❤️
تم النشر الثلاثاء، ٦ يناير ٢٠٢٦
المشكله اني مش لاقيه ليها تصليح
تم النشر الأربعاء، ٧ يناير ٢٠٢٦
أمور بتحصل اعتذريلها وصلحيلها وخلاص
تم النشر الأربعاء، ٧ يناير ٢٠٢٦
وقولت ليها تاخد تعويض بس مرضيتش وقالت هتخسر بعض كده 😭
تم النشر الثلاثاء، ٦ يناير ٢٠٢٦
انا والله مش بحسدها ولا ببص لحاجتها انا بعتبرها زي اختي والله، حاولت بكل الطرق أرفض اخد الجيبه بس أصرت اني البسها تشوفها شكلها ايه 😮💨 . و السماعه مش لقينا حد يصلحها 🥺
تم النشر الثلاثاء، ٦ يناير ٢٠٢٦
بصي كلنا معرضين للمواقف دي ، وطالما بيحصل غصب عنك فخلاص بلاش تلومي نفسك زيادة وحاولي بس ترفضي بلطف لو قالتلك خدي حاجة من عندي وقولي اي حجة وحاولي تكون حجة منطقية وهي متزعلش يعني مثلا في موضوع الجيب كنتي قوليلها انك مش بترتاحي خالص في نوعية القماش دي ، قولي حجج شبه دي وفي نفس الوقت مش هتحرجيها، وطالما انتوا صحاب اوي بلاش تضيعي الصداقة دي على شوية وسواس في عقلك بس. وحاجة كمان لو شفتي اي حاجة او مسكتي حاجة من عندها قولي اللهم بارك حتى لو انتي مش عايزه تحسديها. بس قوليها وربنا يوفقك ❤️
تم النشر الثلاثاء، ٦ يناير ٢٠٢٦
لعرض السؤال في فدني اضغط هنا