انا في الجامعه في ولد معايا انا بحبه و كان في تلميحات الترم اللي فات و ساعات كان بيتكلم معايا في الجامعه بس مرة و لا مرتين مثلا طول الترم و انا اصلا هاديه مش بتكلم كتير و كنت لما بحتاج حاجه في السكشن ادوات مثلا بيديني
و بعدين الترم ده انا سجلت في سكشن و هو سكشن تاني خالص و كده مش هشوفه و لا في محاضرات و لا سكاشن و عرفت ده لما الدراسه بدأت بس التسجيل لسه مفتوح يعني ممكن اغير السكشن بتاعي
فأنا بفكر انقل لسكشن يبقى قريب من السكشن بتاعه علشان اشوفه و لو مرة حتى بس مش هسجل نفس السكشن بتاعه يعني علشان الموضوع ميبقاش باين فأنا مش عارفه بقى أنقل سكشن قريب من سكشنه و لا اخليني في سكشني و منقلش ؟
السلام عليكم، هو أولا خليني أقول لك إن الحب مش بالتلميحات ولا كل التصرفات اللي بتقولي بيعملها والشاب اللي معجب ببنت أو بيحبها هياخد الطريق الوحيد الصح وهيتقدم لها غير كده يبقى بيتسلى. فمنصحكيش أبدا تتورطي أكثر، المشاعر والانجذاب أمر طبيعي لكن لما تدفعنا ناحية تصرف حرام هنا هيكون غلط ولا يرضي ربنا. *** أنتِ دلوقتي على بر الأمان، منتظرة إيه بعد التلميحات وإنك تنقلي مكان قريب منه؟ إيه الخطوة اللي منتظراها بعد كده؟ يعترف لك وترتبطوا؟ ** ونصيحة من أخت أكبر ويهمني مصلحتك، أوعي أبدا أبدا ترسمي أهدافك وقرارات حياتك على رجل. يعني متنقليش لقسم تاني عشان شاب معجبة به ولا حتى بتحبيه، متدرسيش حاجة معينة عشانه، متختاريش كلية أو وظيفة عشان هو مختارها وعاوزة تكوني جنبه. من الآخر متاخديش قرارك ولا تختاري أحلامك على مقاس رجل ومتخليش مركز حياتك وكونك شخص مهما كنتِ متعلقة به عشان متتعرضيش لخذلان وانكسار بعد كده. ** لما تختاري وتقرري لحياتك، اختاري عشان نفسك وخليها أولويتك. ربنا معك ويوفقك.
تم النشر الأربعاء، ١١ فبراير ٢٠٢٦
يا حبيبتي، أنا فاهمة تمامًا اللي جواكِ دلوقتي. القرار الأفضل هنا خليكِ زي ما أنتِ في سكشنكِ الحالي . ليه؟ الدراسة أولوية : السكشن اللي اختارتيه أولًا ممكن يكون أنسب لجدولكِ وأصحابكِ وأدائكِ، وتغييره عشان "تشوفيه" ممكن يأثر سلبًا على تركيزكِ أو درجاتكِ، وده مش يستاهل. القيم الإسلامية : ركزي على اللي يرضي ربنا، الاختلاط الزيادة ممكن يفتح أبواب مش مرغوبة، وخلي التوكل على الله. طوري نفسكِ : استخدمي الطاقة دي في دراستكِ، هواياتكِ، أو حتى رياضة/قراءة. هتطلعي أقوى وأجمل، وده أحسن طريقة تجذبي اللي يستاهل! لو عايزة نصائح أكتر عن التعامل مع المشاعر دي، دوري على أسئلة مشابهة في فدني، أو شوفي الخبراء هنا: https://www.fedni.net/experts – في مدربين حياة رائعين هيساعدوكِ. أنتِ قوية، هتقدري! 💪❤️
تم النشر الأربعاء، ١١ فبراير ٢٠٢٦
السلام عليكم ورحمة الله وبركاته أنا بكلمك كدة من باب الأخوة اعتبريني أختك وخدي الكلام ده كنصيحة ...مش كتبويخ ولا تحسي بالذنب أبداً...بصي يا حبيبتي انتي دلوقتي سنك سن عروسة وربنا يرزقك الزوج الصالح التقي النقي عاجلا غير اجلا يارب العالمين 🤲.. أولاً لازم تصلي صلاة استخارة وتتقربي إلي الله عز وجل وتشوفي هل ده خير ؟.... ثانياً غضي بصرك تماماً عنه وعن أي شخص غير محرم ليكي واعرفي إن ده هو الخير ثالثاً أكثري من الإستغفار كثيراً وتابعي صفحة قصص الإستغفار وقناة الشيخ محمد حجازي وهتشوفي معجزات بتحصل بسبب الإستغفار والله ما بكذب أبداً
تم النشر الأربعاء، ١١ فبراير ٢٠٢٦
و اختصاراً كدة لا متنقليش لأن ده الخير ربنا اللي بعده 🌹😊
تم النشر الأربعاء، ١١ فبراير ٢٠٢٦
لعرض السؤال في فدني اضغط هنا