السلام عليكم
دلوقتي انا في صداقة ثلاثية، علشان دماغكم متلفش وانا بحكي هسميهم أسماء واحدة اسمها عبير وواحدة وفاء احنا التلاتة صحاب بقالنا بتاع ٤ سنين كدة أو حاجة
عبير من يوم ما عرفتها عملت معايا مواقف صعبة جدا جدا جدا وكلها أذى وبشاعة وفاء كانت بتيجي وتقولي حقك عليا ومعلش وكلنا بنلغط وغيره وكنت يسامحها دايما أسلوبها صعب وهي صعبة لكن اللي لاحظته أن وفاء بتحب عبير جدا
سألتها فقالت لي إنها بتحبها اكتر مني المهم فضلت فترة تعبانة جدا من الحوار ده ولحد الآن تعبانة المهم يعني إن عبير لحد الآن بتعمل معايا مواقف صعبة بترد عليا بشكل مش كويس مش بتحب تتكلم معايا وانا بقول عادي ممكن بيكون في حاجات مدايقاها في حين أن هي بتعامل وفاء كويس المهم بقيت اكبر دماغي واقول عادي لكن هي بتتمادى في مواقفها وانا لما بزهق بتجاهل وبسكت خالص
بدأت تروح تشتكيني لوفاء وان أنا وحشة وغيره اتصدمت لما لقيت وفاء جاية تكلمني بقولها هو انا عملت كدة يا بنتي فعلا بتقولي ايوه قلت لها هو اي الي ايوه قصدك انا عملت كدة فعلا قالت آه المهم سألتها هو انتي بتحبي مين اكتر سكتت شوية وقالت بحبكم زي بعض
انا سكت تمامًا لاني عارفة أنها قالت كدة بس علشان انا مزعلش لما جت تقولي صالحي وفاء انفرجت فيها قلت لها انتي شيفاني ازاي انتي عايزة مني اي لو بتحبها هي اكتر خلاص انا ماشية لكن دي عملت كذا كذا كذا وقالت إنها مبتحبنيش دي إنسانة متستاهلش حبي وإلى آخره المهم قالت واجهيها لما واجتها لقتها عماله تقول انا ديما الناس بيجوا عليا انا ديما بيحصل معايا
وهنا اتصدمت لاني أدركت أنها بتحب تعيش دور الضحية لكنها قالت لي دي النهاية فأنا سكت وصحيت الصبح قطعت مع الاتنين ودعيت لهم بالتوفيق في حياتهم
لقيت وفاء عمالة ترن عليا وانا مبردش فضلت لما كلمت امي وقعدت تقولي يا حفصة. حقك عليا انا انا عارفة أنها أذتني واهي غلطانة واي واي وحسيت انها فعلا عايزاني وخائفة تبعد عني
انا اصلا بحبها وكان قرار بعدي عنها صعب المهم رجعت تاني لكن وانا متجاهلة التانية دي لقتها باعته لي يلا نبدأ صفحة جديدة بس الي انا لاحظته وفهمته انها مش سهلة خالص هي عملت كل ده لان وفاء قالت لها تعمل كدة كمان قدام وفاء لطيفة جدا ولو انا وهي لوحدنا بتكون صعبة جدا فهمت أنها بتحاول بس علشان وفاء مش علشاني المهم انا مقفولة جدا منها عايزة ابعد عنها بس مش لاقي الطريقة ولا الحل تفتكروا ابعد عنها ازاي او اعمل اي
السلام عليكم ورحمة الله وبركاته، أول حاجة، أشكرك إنك شاركتيني القصة دي كلها، وأنا فاهمة تمامًا التعب النفسي اللي عايشاه دلوقتي. صداقة زي دي، مليانة إيذاء وتلاعب ودور الضحية، مش صداقة حقيقية، دي سم بطيء يأكل الثقة والسعادة. ربنا يقول في القرآن: {وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ}، يعني الصداقة لازم ترفعك مش تهبطك. الحل العملي خطوة بخطوة عشان تبعدي عن عبير بسلام: حددي حدودك دلوقتي : المرة الجاية لو كلمتك أو حاولت تقرب، قولي بثبات وباختصار: "أنا مش عايزة أستمر في الصداقة دي، ربنا يوفقك." متديش تفاصيل كتير، ومترديش على الرسايل أو المكالمات بعد كده. بلوك لو لزم الأمر، ده مش ضعف، ده حماية لنفسك. تعاملي مع وفاء بحذر : هي بتحبك، بس لو بتدافع عن اللي بتأذيكِ، معناها مش واضحة 100%. قوليلها: "أنا بحبك، بس مش هقبل اللي بيحصل تاني. لو عايزة نستمر، خلينا لوحدنا بدون تدخل." لو مش ملتزمة، قللي التواصل تدريجيًا عشان متتعبيش تاني. ركزي على نفسك : ابدئي هوايات جديدة، صلي، اقري قرآن، مارسي رياضة خفيفة زي المشي، وابني صداقات جديدة في بيئة إيجابية (مسجد، دروس، شغل). ده هيملى الفراغ ويبني ثقتك. لو رجعت المشاكل : اكتبي مذكرات يومية عن اللي حصل، عشان تتذكري ليه قررتي تبعدي، وده هيساعدك تثبتي على قرارك. أنتِ قوية وقررتِ صح لما قطعتِ المرة الأولى، ارجعي للقرار ده وثقي إن ربنا هيفتحلك أبواب خير. لو عايزة دعم أكتر، دوري في فدني على أسئلة مشابهة هتلاقي إجابات كتير، أو شوفي صفحة الخبراء https://www.fedni.net/experts، فيه مدربات حياة ومعالجات نفسية هيساعدوكِ بشخصي. ربنا يريح قلبك ويجعل حياتك كلها خير يا رب.💕
تم النشر الخميس، ٥ فبراير ٢٠٢٦
ابعدى عن الاتنين وريحى دماغك هتهدرى طاقتك مع ناس ميستاهلوكيش ونفسيتك هتتعب والصداقه الثلاثيه عمرها مبتنجح
تم النشر الخميس، ٥ فبراير ٢٠٢٦
الموضوع صعب لاني متعلقة بوفاء وبحبها جدا وهي حد طيب جدا ونقي المشكلة كلها في المؤذية التانية
تم النشر الجمعة، ٦ فبراير ٢٠٢٦
لعرض السؤال في فدني اضغط هنا