دلوقتي يا جماعة عندي مشكلة صعبة جدا بدأت تأثر عليا الفترة دي جامد هي اني بسرح كتير ببني عالم خيالي كامل واعيش فيه بدل ما اعيش في الواقع والموضوع ده بيأثر عليا في الدروس وغيره يعني المدرس يكون بيشرح وانا غصبن عني اتخيل حاجة مش موجودة ممكن حد يكون بتكلمني وانا اصلا في عالم تاني حتى مع نفسي يكون في عالم تالت مش بعرف افكر خالص ومش بعرف اتحكم في تفكيري أو بمعنى أصح خيالي هل ده طبيعي اني ديما افضل عائشة في عالم مش موجود وبتخيل حجات مش بتحصل اصلا الموضوع ده بيحصل معايا يوميًا من أول ما اصحى لحد ما أنام يكون في عالم تاني وخاصة لو حزينة بيحصل معايا كتير اوي .بحس بالمشاعر الي في خيالي يعني لو فرح بفرح بجد حزن بحزن بجد بس هل انا متحكمة في الأحداث لا امال اي ؟ بصوا الأحداث بتحصل لوحدها وانا عائشة فيها اتمنى تكونوا فاهمني
تم النشر الجمعة، ٦ فبراير ٢٠٢٦
السلام عليكم دلوقتي انا في صداقة ثلاثية، علشان دماغكم متلفش وانا بحكي هسميهم أسماء واحدة اسمها عبير وواحدة وفاء احنا التلاتة صحاب بقالنا بتاع ٤ سنين كدة أو حاجة عبير من يوم ما عرفتها عملت معايا مواقف صعبة جدا جدا جدا وكلها أذى وبشاعة وفاء كانت بتيجي وتقولي حقك عليا ومعلش وكلنا بنلغط وغيره وكنت يسامحها دايما أسلوبها صعب وهي صعبة لكن اللي لاحظته أن وفاء بتحب عبير جدا سألتها فقالت لي إنها بتحبها اكتر مني المهم فضلت فترة تعبانة جدا من الحوار ده ولحد الآن تعبانة المهم يعني إن عبير لحد الآن بتعمل معايا مواقف صعبة بترد عليا بشكل مش كويس مش بتحب تتكلم معايا وانا بقول عادي ممكن بيكون في حاجات مدايقاها في حين أن هي بتعامل وفاء كويس المهم بقيت اكبر دماغي واقول عادي لكن هي بتتمادى في مواقفها وانا لما بزهق بتجاهل وبسكت خالص بدأت تروح تشتكيني لوفاء وان أنا وحشة وغيره اتصدمت لما لقيت وفاء جاية تكلمني بقولها هو انا عملت كدة يا بنتي فعلا بتقولي ايوه قلت لها هو اي الي ايوه قصدك انا عملت كدة فعلا قالت آه المهم سألتها هو انتي بتحبي مين اكتر سكتت شوية وقالت بحبكم زي بعض انا سكت تمامًا لاني عارفة أنها قالت كدة بس علشان انا مزعلش لما جت تقولي صالحي وفاء انفرجت فيها قلت لها انتي شيفاني ازاي انتي عايزة مني اي لو بتحبها هي اكتر خلاص انا ماشية لكن دي عملت كذا كذا كذا وقالت إنها مبتحبنيش دي إنسانة متستاهلش حبي وإلى آخره المهم قالت واجهيها لما واجتها لقتها عماله تقول انا ديما الناس بيجوا عليا انا ديما بيحصل معايا وهنا اتصدمت لاني أدركت أنها بتحب تعيش دور الضحية لكنها قالت لي دي النهاية فأنا سكت وصحيت الصبح قطعت مع الاتنين ودعيت لهم بالتوفيق في حياتهم لقيت وفاء عمالة ترن عليا وانا مبردش فضلت لما كلمت امي وقعدت تقولي يا حفصة. حقك عليا انا انا عارفة أنها أذتني واهي غلطانة واي واي وحسيت انها فعلا عايزاني وخائفة تبعد عني انا اصلا بحبها وكان قرار بعدي عنها صعب المهم رجعت تاني لكن وانا متجاهلة التانية دي لقتها باعته لي يلا نبدأ صفحة جديدة بس الي انا لاحظته وفهمته انها مش سهلة خالص هي عملت كل ده لان وفاء قالت لها تعمل كدة كمان قدام وفاء لطيفة جدا ولو انا وهي لوحدنا بتكون صعبة جدا فهمت أنها بتحاول بس علشان وفاء مش علشاني المهم انا مقفولة جدا منها عايزة ابعد عنها بس مش لاقي الطريقة ولا الحل تفتكروا ابعد عنها ازاي او اعمل اي
تم النشر الخميس، ٥ فبراير ٢٠٢٦
حقك عليا انا من كل حاجة عمومًا سيبك من اي حاجة بتحصل واشغلي بالك بدراستك وحاول تطوري نفسك في اي حاجة احفظي قران وحافظي على صلاتك وادعي ربنا ييسر امورك وسببها على الله مامتك غصبن عنها اكيد انا عارفة مش مبرر إنها متفهمكيش لكن حاولى تفهميها انتي حاولى تتكلمي معاها
تم النشر الخميس، ٥ فبراير ٢٠٢٦
أستعيني بالله حافظي ع الصلوات والورد نامي كويس والصحي الفجر شوفي فديوهات تحفيز انا بعمل كدة بيفدني جدا ابدأ بحجات بسيطة لو فاقدة الشغف اعملي لنفسك مكفأة حاولي تكوني مبسوطة وانتي بتذاكري واكبر حاجة هتفرق معاكي اقرأء صفحة من القرآن قبل ما تذاكري وخلي البريد بتاعك صفحات القران يعني مثلا بين المادة كذا وكذا هاخد ربع ساعة راحة واقراء ١٠ صفحه هكذا
تم النشر الاثنين، ٢ فبراير ٢٠٢٦
نظمي حياتك طب تنظمها ازاي اول حاجة علاقتك بربنا الصلاة وقرأءة القران الاذكار الاستغفار وغيرها ثانيا دراستك تجهتهدي وتحديد لنفسك هدف علشان تمشي عليه وتسعين علشانه ثالثا تطوير الذات تحاولي تكوني احسن نسخة من نفسك تتفقهي في الدين في العلم في الحاجة الي من اهتمامك حتى لو كل يوم ربع ساعة بس وتشوفي صحابك هل مناسبين ليكي ولا لاء واهلك تحسين علاقتك بيهم
تم النشر الاثنين، ٢ فبراير ٢٠٢٦
اول شيء الأستمرار حتى لو شيء بسيط العلم يريد إستمرار تنظيم الوقت الأستيقاظ فجرا وتطوير المهارات بالكثير من البرامج والبعد عن السوشيال وغيرها والحفاظ على الصلوات وقراءة القرآن شيء مهم جدا الدعاء بالتوفيق وعمل جداول منظمة لا تكون سائقة تكون بسيطة ل تستطيع الأستمرار عليها أهم شيء الأستمرار
تم النشر الاثنين، ٢ فبراير ٢٠٢٦
بصي انا فهماكي عمومًا بس خلينا واقعين شوية اهلنا بشر بيغلطوا عادي إنا فاهمة إنهم المفروض يكونوا قدوة وكدة لكن هم في النهاية بشر بيعملوا حاجة صح وحاجة غلط وهكذا حاولي تتقبليهم وتتقبلي إنهم بشر عادي وبيغلطوا ومتخليش ده يأثر على معملتك معاهم ولا تشوفي إنك احسن منهم أو كدة تتعاملي عادي جدا طب اتصرف ازاي لما يشتغلوا سيبي المكان وامشي طب افرض مش هعرف امشي البسي سماعات وشغلي اي حاجة تاني بهدوء من غير ما تتكلمي نقطة تاني حاولي لما تقعدي جمب حد منهم تشغلي فديو عن سماع الموسيقى وحكمها بصوت عألي فهمتني يعني بطريقة غير مباشرة الأهم ادعي لهم ادعي لهم كتير وبس كدة
تم النشر الجمعة، ٦ فبراير ٢٠٢٦
الموضوع صعب لاني متعلقة بوفاء وبحبها جدا وهي حد طيب جدا ونقي المشكلة كلها في المؤذية التانية
تم النشر الجمعة، ٦ فبراير ٢٠٢٦
عادي متقلقيش ده بسبب أن الجسم بيكون تعبان بس
تم النشر الخميس، ٥ فبراير ٢٠٢٦
نصيحتي ليكي صلي ع النبي كتير واستغفر وربنا يهديهم
تم النشر الاثنين، ٢ فبراير ٢٠٢٦
أنتِ صح ربنا يثبتك وبالعكس انتي هيجي لك عريس احسن منها الف مره لما يعملوا حاجة تدايقك خدي موقف وبيني ليهم انك مدايقة ولما يتكلموا معاكي قولي ليه مإنك بتنفذي أوامر ربنا
تم النشر الاثنين، ٢ فبراير ٢٠٢٦
اول حاجة صلي قيام ليل وادعي بالصلاة هتدعي ازاي اول حاجة هتدعي بأسماء الله الحسنى بعدين هتفوضي امرك لله وتقولي لربنا انك ضعيفة محتاجة وأنه وحده الي قادر على كل شيء بعدين هتصلي ع النبي وتدعي الدعوة بتاعتك بعدين هتصلي ع النبي تاني بإذن الله الدعاء لا يرد بهذه الطريقة
تم النشر الاثنين، ٢ فبراير ٢٠٢٦
بصي جربي تصومي اول حاجة هتاخدي ثواب ومشاكلك هتتحل و مع الوقت هتنسي تأكلي اصلا + الصيام بيقلل الوزن جامد وحافظي على صلاتك وحاولي تقربي من ربنا ومتهتميش بكلام حد وبصي الحلو الي الي فيكي وخليكي عارفة ومتأكدة كلنا فينا الحلو والوحش محدش كله حلو ولا حد كله وحش وحاولي تكتسبي حجات حلوه زي حفظ القران الكريم الصلاة الصيام وغيرها كتير
تم النشر الاثنين، ٢ فبراير ٢٠٢٦
هو اهلك الي هيتجوزه ولا انتي حاولي تقعدي معاهم وتقنعيهم براحة أو خلي حد من العيلة مثلا عمك أو كدة يقنعهم براحة ولو موافقوش حاولي تنسيه وتستعوضي ربنا وربنا يقدم لك الي فيه الخير
تم النشر الاثنين، ٢ فبراير ٢٠٢٦
لعرض الملف الشخصي في فدني اضغط هنا