ازاي بتجددو طاقتكم انا شغاله وبدرس وحاسه اني مضغوطه جدا جدا فوق ما حد يا تخيل دايما جسمي همدان وزعلانه وعيني بيبان عليها معنديش باور مش حاسة بالحياة وانا صغيره كنت بحب الحياه جدا دلوقتي لا دلوقتي حقيقي مش لاقيالها طعم نهائي بتحسو بطعمها وحلاوتها ازاي انا لسه سني صغير 22سنه وحاسة اني 50سنه نفسي اعمل تجارب جديده واعيش تجارب جديده وحياه حلوه وللاسف كل ما احاول مابعرفش نفسي احس بطعم الحياة نفسي اعيش سني ارجوكم ساعدوني
يا حبيبتي، أول حاجة أقولك إني فاهمة تماماً إحساسك ده، وده طبيعي جداً في سنك مع الشغل والدراسة اللي بيضغطوا عليكي زي الجبل. بس أنتِ لسة 22 سنة، سن الذهب، وده مش نهاية العالم خالص – ده بداية حياة حلوة لو غيرتي شوية حاجات صغيرة. خليني أقولك خطوات عملية تجدد طاقتك وترجعي تحسي بطعم الحياة، خطوة خطوة: 1. رتبي يومك زي الملكة : اعملي جدول يومي بسيط (استخدمي تطبيق زي Google Calendar). خصصي وقت للشغل/الدراسة (مثلاً 4 ساعات دراسة مقسمة على جلسات 50 دقيقة + 10 دقيقة راحة)، ووقت للراحة. نامي 7-8 ساعات كل ليلة، وابدئي اليوم بفطور مغذي زي بيض مع خضار أو شوفان مع فواكه – ده هيخلي جسمك يقف تاني. 2. جددي طاقتك بالحاجات الصغيرة اللي بتحبيها : كل يوم، حددي تجربة جديدة صغيرة: امشي 20 دقيقة في حديقة قريبة، جربي وصفة أكل جديدة، أو اقرئي كتاب ممتع 15 دقيقة (مش دراسة). هدفك: حاجة واحدة يومياً تخليكي تقولي "يا سلام ده حلو!". مع الوقت، هترجعي تحسي بالحماس. 3. من الجانب الروحي (ده أقوى تجديد) : ركزي على الصلوات الخمس بانتظام، وخلي بعد كل صلاة دقيقتين شكر لله على نعمك (حتى الصغيرة زي صحتك أو أهلك). اقرئي صفحة قرآن يومياً مع التفسير البسيط – ده هيملأ قلبك نور ويخفف الضغط. جربي دعاء الهم: "لا إله إلا الله العظيم الحليم…". 4. تعاملي مع الضغط زي البطلة : قسمي المهام الكبيرة لصغيرة: لو دراسة امتحان، قسميه لـ"اليوم ده أقرا فصل واحد بس". لو حسيتي زعل، اكتبي 3 حاجات شاكرة عليها في ورقة كل مساء – ده سحر للطاقة. أنتِ مش 50 سنة، أنتِ في أجمل سن! ابدئي النهارده بخطوة واحدة، وهتشوفي الفرق في أسبوع. لو عايزة دعم أكتر، دوري في فدني على أسئلة مشابهة عن "تجديد الطاقة" أو "الضغط من الدراسة والشغل"، هتلاقي إجابات كتير. ولو محتاجة استشارة متخصصة، شوفي الخبراء هنا: https://www.fedni.net/experts – في مدربين حياة ونفسيين هيساعدوكي. أنتِ قوية يا قمر، وسنك ده هيبقى أحلى ذكريات. قوليلي بعد أسبوع إيه اللي جربتيه! 💕
تم النشر الأربعاء، ٦ مايو ٢٠٢٦
لما ببقى مضغوطة بعمل وقت لنفسي دايما يعني اعمل فيه هوايتي الي بحبها القراية او التلوين او اي كان الشيء الي بتحبيه ، الوقت الي بنديه لنفسنا هو الي بيخلينا نقدر نكمل
تم النشر الأربعاء، ٦ مايو ٢٠٢٦
اي رأيك تقرائي روايات او كتب او تشربي ايس كوفي
تم النشر الخميس، ٧ مايو ٢٠٢٦
انتي محتاجة ترجعي يبقى عندك حياة برا الشغل والضغط بس، لأن واضح إن يومك بقى إعادة لنفس الإحساس كل يوم لدرجة إنك نسيتي آخر مرة اتبسطتي فيها من غير تفكير. الإنسان مش بيحس بطعم الحياة من كتر المسؤوليات، بيحسه من الحاجات الصغيرة اللي بتفوقه لنفسه تاني. فبدل ما تركزي إنك “ترجعي شغفك”، دوري على حاجة تخلي يومك أخف حتى لو بسيطة جدًا. حاجة تخليكي تضحكي، تستني وقتها، أو تحسي إنك بني آدم مش مجرد شخص بينجز المطلوب منه وخلاص. ومع الوقت هتلاقي إحساس الحياة بيرجع لوحده من غير ما تحاولي تجبريه. وكمان متقنعيش نفسك إنك كبرتي بدري، انتي بس مرهقة زيادة عن اللزوم، وفي فرق كبير بينهم.
تم النشر الخميس، ٧ مايو ٢٠٢٦
شوفي حيوان اليف
تم النشر الخميس، ٧ مايو ٢٠٢٦
حته صحبتي اللى بحب اخرج معاها هي مشغوله وانا مشغوله وللامانه بقيت بكرهه الصحاب والقرف والتعلق عاوزه حاجه تكون ليا لوحدي اعملها وتبسطني
تم النشر الخميس، ٧ مايو ٢٠٢٦
افصلي كل فترة بحاجة بتحبيها او حد بتحبي تخرجي معاه
تم النشر الخميس، ٧ مايو ٢٠٢٦
الدنيا ليست دار راحة
تم النشر الأربعاء، ٦ مايو ٢٠٢٦
انتى شغالة فى نشاط بتحبيه ولا من باب جلب المال أعانك الله ؟
تم النشر الأربعاء، ٦ مايو ٢٠٢٦
لما يكون ليكي هواية او سبب للحاجات اللي بتعمليها وتضغطك هتحسي بقيمة الضغط وهيقل عشان السبب دة والهواية دي الحاجة اللي هتخفف الضغط عليكي
تم النشر الأربعاء، ٦ مايو ٢٠٢٦
لعرض السؤال في فدني اضغط هنا