كيف أستطيع أن أستعيد شغفي تجاه الدراسة والحياة؟
فقدت أحد الأشخاص المهمين في حياتي ولا أستطيع أن أعود كما كنت
بُصي يا غالية، مفيش حد بيضيع شغفه كده من غير سبب… إنتِ تعبتِ، حاولتِ كتير، ووجعتك حاجات محدش فهمها، فطبيعي تتلخبطي وتزهقي. بس خليني أقولك حاجة: الشغف مش مات، هو بس نايم شوية جواك، مستني منك نظرة حنان مش قسوة. قومي واحدة واحدة، خُدي نفسك، وافتكري الحلم اللي كنتِ بتجري وراه، افتكري ليه بدأتي، وكم مرة وقعتي وقمتي. مفيش حاجة هتنفعك غير دراستك وشهادتك، ومتخليش حياتك تتأثر بأشخاص ما يستحقوش. طاقتك اللي بتستنزفيها في الزعل عليهم، وفّريها لنفسك ولمستقبلك. وأي حد يخرج من حياتك، اعتبريه درس جديد أضافلك مش نقصك. صدقيني، الشغف هيرجع لما تصدّقي إنك تستحقي تبقي بخير ❤️ ومتنسيش دايمًا: إن الله إذا أحب عبدًا ابتلاه، فقولي الحمد لله على كل حال 🌿
تم النشر السبت، ٨ نوفمبر ٢٠٢٥
انت لازما تكملي دراستك وتوصلي ان انت كنت عايزاه والشخص اللي انت فقدتيه لو كان هو بيخليك تهتمي اللي في الدراسه فلازما تساعدي نفسك اللي انت توصلي اللي هو كان عايزه وحكايه ان هو مش موجود او توفى فدي حاجه من عند ربنا
تم النشر السبت، ٨ نوفمبر ٢٠٢٥
لعرض السؤال في فدني اضغط هنا