السلام عليكم ورحمة الله وبركاته
حاليا في ٣ث فترة اعدادي كنت متفوقه في دراستي جدا لإن كان اهتمامي كله في الدراسه
حاليا بدأت أعرف إن في حاجات لازم يكون ليها اهتمام أكتر زي العلوم الشرعيه والقرآن الحمد لله ختمت القرآن السنه اللي فاتت بس محتاج يتثبت فبثبته بالتدريج يعني
بس المشكله إني من جوايا بقيت شايفه إن الدراسه دي حاجه عاديه. لإني بحب البيت أوي وناويه إن شاء الله أكون أم وزوجة وقاعده في البيت كده ده بالنسبالي حاجه في قمة الجمال ، فبقيت بذاكر عادي اللي هو مش بدقق في الدرجات ولا حاجه ودي حاجه مزعلاني لإني متعوده على الدرجات العاليه دايما بس اهتماماتي لما اتغيرت الدراسه مابقتش فارقه أوي فمش عارفه أعمل إيه وأنا في سنه المفروض إنها مهمه
وعليكم السلام ورحمه الله وبركاته إنتي دلوقتي شايفة إن العلوم الشرعية والقرآن أهم وده صح بس مين قال إن المذاكرة بعيدة عنهم؟ جددي نيتك. إنتي بتذاكري عشان تكوني إنسانة متعلمة، فاهمة، قادرة تربي ولادك بكره على أساس صح البنت اللي مش متعلمة مش هتفيد بيتها ولا دينها زي البنت المثقفة الشاطرة. خلي مذاكرتك سعي لرضا ربنا. إنتي شايفة إن قعدة البيت والأسرة هي قمة الجمال، وده طموح رائع ومحترم جداً. فكري في المستقبل.. الأم المتعلمة هي اللي بتعرف تذاكر لولادها، بتعرف تدير بيتها بذكاء، وبكره لما ولادك يشوفوا شهاداتك وتفوقك هتكوني قدوة ليهم. النجاح في الدراسة مش بيمنعك تكوني ست بيت شاطرة وعشان إنتي متعودة على الدرجات العالية، لما اهتمامك اتوزع، حسيتي إنك قصرتِ فبدأتي تفقدي الشغف كنوع من الهروب. اقبلي إنك دلوقتي عندك اهتمامات تانية (القرآن والعلم الشرعي). مش لازم تذاكري 24 ساعة عشان تكوني شاطرة. المذاكرة بذكاء ساعتين بتركيز أحسن من يوم ضايع في الندم. ارجعي دقق في درجاتك من باب الإتقان اللي ربنا بيحبه. إنتي بتقولي إنك في سنة مهمة، وده حقيقي لأنها بتحدد مسارك اللي جاي. النصيحة: اعتبري السنة دي مهمة جهادية خلصيها بأحسن نتيجة عشان تفتحي لنفسك أبواب وبعدين إنتي ختمتِ القرآن ما شاء الله ألف مبروك! وده معناه إن عندك قدرة رهيبة على الحفظ والالتزام. استغلي عضلة التركيز دي في المذاكرة. القرآن بيفتح المدارك ويجيب البركة في الوقت. خصصي وقت ثابت لتثبيت القرآن ووقت للمذاكرة، ومتخليش واحد ييجي على التاني ومتقلقيش مازاحم شئ الاباركه.بعتذر عن الإطالة 😊 وجد ربنا يوفقك
تم النشر الأربعاء، ٢١ يناير ٢٠٢٦
وعليكم السلام ورحمة الله وبركاته يا عزيزتي 🌸 أولاً، برافو عليكِ! ختم القرآن والاهتمام بالعلوم الشرعية ده إنجاز كبير، والرغبة في أن تكوني أماً وزوجة ملتزمة في البيت… ده قمة الجمال فعلاً، زي ما قلتِ، وهو يعكس قلباً سليماً يسعى للطاعة. بس اللي بيحصل معاكِ طبيعي جداً في مرحلة المراهقة، لما الاهتمامات تتغير وتصيري تشوفي الدراسة "عادية". المشكلة مش في الاهتمامات الجديدة، بل في فقدان التوازن شوية. خطوات عملية لإعادة الشغف: ربطي الدراسة بأحلامكِ : تخيلي إن الدرجات العالية هتساعدكِ تكوني أمّ تعلمي بناتكِ العلوم والقرآن بثقة أكبر. في الإسلام، العلم فرض، وقال الرسول ﷺ: "طلب العلم فریضة على كل مسلم". فكّري: "الدراسة دي أداة لأكونِ أفضل في دوري كأم ومسلمة". حددي أهداف صغيرة يومية : مش لازم تذاكري كل حاجة مرة واحدة. قولي: "النهارده هذاكر فصل واحد بدقة وأحل ٥ أسئلة، ولو نجحت هكافئ نفسي بصفحة قرآن". هتقدري تشوفي تقدمكِ وترجعي الإحساس بالفوز زي زمان. نظمي وقتكِ بذكاء : عشان الدراسة تكون "روتين سريع" مش عبء، استخدمي تقنية "بومودورو" البسيطة: ٢٥ دقيقة دراسة + ٥ دقيقة استراحة (اقري آيات قرآن في الاستراحة). تابعي تقدمكِ : سجّلي درجاتكِ في دفتر صغير، وراجعيه كل أسبوع. هتلاحظي الفرق، وده هيرجّع الشغف تدريجياً. أنتِ متعودة على التميز، فأنتِ قادرة ترجعيه بإذن الله. لو استمر الشعور، جربي تبحثي في فدني عن أسئلة مشابهة زي "فقدان الشغف للدراسة"، هتلاقي إجابات كتير مفيدة. ولو عايزة استشارة خبراء في التربية أو التنمية الذاتية، روحي على https://www.fedni.net/experts. الله يوفقكِ ويثبّت خطواتكِ، أنتِ بنت مميزة! 💪❤️ إيه رأيكِ نبدأ بخطوة صغيرة النهارده؟
تم النشر الاثنين، ١٩ يناير ٢٠٢٦
لعرض السؤال في فدني اضغط هنا