عندي سؤالين اول واحد اعمل ايه لو بقيت فاقده الشغف ومش عارفه أركز في أي حاجه يعني مقدرش اقعد على المكتب عشر دقائق ممكن اعمل ايه؟
ثانيا معايا صحابي حرفيا مبيحبوش يقولوا أي حاجه في يومهم حتي لو سألت بيجاوبوا اجابه مختصره زي مثلا لو سألت صحبتي صحيتي امتى تقولي وقت ما صحيت يعني ايه بجد الاجابه دي ؟؟؟؟
ولو سألت انجزتي حاجه او عملتي ايه في امتحان مثلا تقول زي ما عملتي بالله اعمل ايه مع الصحاب دي ؟ طب وحاجه تاني برضو بيخافوا من الحسد مثلا لو خلصوا حاجه في المنهج أو كده بيقولوا مخلصوش ومراكمين طب ليه الكذب و بعدين تلاقيهم أوائل الدفعه طب ليه من الاول تكذبوا؟
لعرض السؤال في فدني اضغط هنا
انا مشتت فكل حاجة بقالي اكتر من أربع سنين بحاول اتعلم لغة وفشلت وده لاني كل شويه اتعلم لغة شكل وحاليا فالدراسة حابب كذا مجالي ومش عارف اختار حاجة فيهم ومش عارف هل هما اصلا مهمين لدراستي ولا لا ازاي اقدر احل المعضله دي
لعرض السؤال في فدني اضغط هنا
محتاج نصيحتكم في موضوع شاغل تفكيري. كان عندي حلم إني أبدأ في صناعة المحتوى وأعمل براند خاص بيا. أهلي كانوا ضد الفكرة في الأول، لكن لما لقوني مُصرّ بدأت ونزلت 3 أو 4 فيديوهات، والحمد لله واحد جاب 3000 مشاهدة في يوم والتاني 5000 مشاهدة وهكذا.
وقفت بسبب ظروف الفلوس، واشتغلت في الصيف عشان أجمع فلوس وأرجع أكمل، لكن أهلي رفضوا، وأمي حلفت عليا إني ما أرجعش غير لما أخلص تالتة ثانوي والنتيجة تظهر كمان.
أنا الحمد لله ملتزم بصلاتي وبذاكر وبحاول أعمل اللي عليا، لكن كل كام يوم بشوف ناس أكبر مني بسنة أو اتنين في نفس المجال بينجحوا وبينزلوا فيديوهات، وبحس إني نفسي أكون مكانهم ومش قادر أصبر وطبعا بتمنالهم الخير والله.
إزاي أقدر أتعامل مع الإحساس ده وأحافظ على شغفي لحد ما أخلص ثانوية عامة، من غير ما أحس إن حلمي بيضيع مني؟ وجزاكم الله خيرًا.
لعرض السؤال في فدني اضغط هنا
سلام عليكم
كتير مننا الفترة دي بيعاني من حاجات كتير و من ضمنها المشاكل الماديه و الاجتماعية و الدراسية او العمليه و النفسية
بس يمكن محدش عارف ان اللي مخلي كل دا شغال في حياتنا وهي الصحة النفسية.
الصحة النفسية دي عاملة بالضبط زي الغدة النخاميه اللي في جسم الإنسان
طب ليه؟
لانها بتقوم ب تنظيم المياه في الجسم و النمو و تنظيم الهرمونات و تنشيط الغدة الدرقيه و الغدتان الكظريتان و تنشيط الغدد التناسليه و الثدييه و نمو العضلات و تنشيط المخ و كل دا
منغيرها بقا مفيش حاجة من الجسم هتقوم ب كل دا مع انها سبحان الله حاجة صغيرة جدا في حجم حبه الحمص
الصحة النفسيه ل حضرتك نفس الكلام لو هي مش كويسة مش هتعرف تتأقلم لا اجتماعيا ولا عمليا ولا ماديا ولا معنويا ولا اي حاجة مع ان هي في دماغ حضرتك انها حاجة ملهاش لازمة و بنيجي على نفسنا وخلاص بس في الحقيقة بجي علينا وقت و بنقع في كل دا
عشان كدا حاولو على قد ما تقدرو لا تضغطو نفسكو ولا تيجو عليها لان تأثرها بيأثر على غيرها.♕
لعرض السؤال في فدني اضغط هنا
هو لو الواحد بيحب اسلوبه وطريقته وكل حاجه فيه بس شكله بيجي فترات حبه ليه بيزيد اوي وفترات لا خالص ومش متقبله باي طريقه دا بيكون اي سببه واي علاجه والفكره ان الموضوع الشكل دا مهم ويفرق معاية وفي نفسيتي وتكون بتحاول ترجع شكلك زي ماهو بس انت مقتنع وشايف نفسك وحش والفكره مش بترجع وتغير نظرتك لنفسك تاني لا الفتره دي طولت غير كل مره قبل كد هما ١٠ ايام وبيروحو لحالهم بالكتير لكن لا دول بقالي شهرين عالوضع دا ومش عارفه اي السبب وبوخت اوي بجد وتاثيراها نفسيا بجد وحش
لعرض السؤال في فدني اضغط هنا
الواحد حاسس إنه تايه ومش لاقي نفسه في الدنيا دي حاسس إنه عايش بجسده بس
إنما روحه وإحساسه مش موجودين وكأنه موجود في الحياة من غير ما يكون حاسس بيها فعلا
والأصعب من كل ده إن الواحد مش عارف هو محتاج إيه عشان يبقى كويس ولا إيه اللي ممكن يرجع له إحساسه بنفسه وبالحياة من تاني
و فكرة ان الواحد حاسس انه لا ينتمي لأي حاجة في الحياة
وإن معندوش صحاب ولا حد قريب منه يقدر يحكيله أو يحس معاه بالأمان
والموضوع ده بقى مأثر عليا نفسيا أكتر مما بتخيل ومخليني أحس إني لوحدي حتى وسط الناس
لعرض السؤال في فدني اضغط هنا
انا عمري ١٦ سنة واحتاج تفسير لكل شئ وعندي سؤال في كل حاجه ومش عارفة البوينت من الحياة ايه كأني اتخلقت جديدة مش عارفة ازاي اتعامل مع الناس ولا الحاجات الصح من الخطأ وبفكر في تفاصيل ملهاش لازمة ومش بسمع بودكاستس لان مش واثقة اذا كلامهم صحيح او لا وعندي سؤال حرفيا لكل حاجة والاجابات مش بتقنعني
وبحس نفسي بسمع الاصوات من برا خالص مش عارفة احس مش عارفة اعيش بتظاهر بإني تمام بس انا مش تمام
عندي فضول اتعلم بس مجهدة وحاسة الحاجة دي ممتصة طاقتي
لعرض السؤال في فدني اضغط هنا
اعمل ايه لو انا ف ثانوي علمي علوم و ضايعه خالص لسه مخدتش عربي ولا احياء ولا كيمياء و مش عارفه اذاكر
دايما حاسه بصداع و اكتئاب طول الوقت و دايما اني وحشه ف حاجات كتير و طول الوقت حاسه اني عليزه اغير كل حاجه و عايزه حاجات كتير ده دايما مش ليني دايما مخنوقه و زعلانه
و لما بفكر ف الناس الي آذوني و الي لسه بحبهم
و كتير حاجات كل يوم اتعب نفسيتي و كل م افتح الكتاب آخري عشر دقايق و حاسه اني م عارفه اركز و امسك التلفون و كأني نفسي اي حاجه تتغير او ان ف اي حاجه هتحصل
انا و الله معرف انا مالي كده مع اني علي فكرة كنت ف اعدادي شاطره
لما بدأت ثانوي شخصيتي اتغيرت بقيت عاطفية و طيبه و حساسه بزياده اوي و بقيت دايما منكده و تعبانه و خسرت كل اصحابي و كل الي بحبهم و اي حد يقرب مني بيأذيني و معدتش بذاكر و مشاكل ف البيت و برا و حاسه و كأني ف دوامههه و حتى من الضغط شعري بدأ كذا خصله فيه تبيض و نظري بدأ يضعف و قاعده بخس م عارفه ازيد خالص و بقيت بتوتر و جسمي يبدأ يترعش علي اي حاجه حتي لو بس احتمال ف دماغي مش حقيقي لو اتعصبت بدوخ جامد و دايما زي كهربه ف جسمي و نوبات هلع لما اشوف حد معين كنت بحبه و انا الي بعدت لما حسيت انه مش بيحبني
بس معرفش ليه بعجز كده
و حاجات كتير برده زي ان بقيت بعيط الفجر و انا بصلي كتير اوي بس دلوقتي معدتش عارفه اعيط خالص بجد يعني بحس اني مضايق و مخنوقه بس معدتش بعرف اعيط خالصصص
ف المفروض اكون احسن ازاي؟
اهتم ازاي؟ بمذكرتي و صحتي؟ و نفسيتي؟
ازاي اكون كويسه بجددد
لعرض السؤال في فدني اضغط هنا
انا دلوقتي في اولى جامعه كليه علوم والحمد لله يعني ربنا من عليا وحفظت القران ولبست النقاب الفتره دي حاسه ان انا حياتي رماديه مش قادره استمتع باي حاجه خالص في الدنيا بالرغم من ان انا كنت بستمتع بحاجات كثير الا اني حاليا شايفه كل حاجه عديمه المتعه حتى الحاجات الممتعه يعني ما بقتش بحس باستمتاع ناحيتها خالص فقدت التمتع باي حاجه ومش عارفه هل ده زهد وطبيعه الحياه يعني ولا يعني الزهد حاجه ثانيه ان انا استمتع عادي بس ما افقدش المتعه يعني وكده
انا آخر فتره مريت بكذا تجربه يعني مؤلمه شويه تعلق بشخص من طرف واحد اللي هو انا اللي كنت متعلقه وده وانا في تانيه ثانوي كده مثلا او في بدايه ثانوي وبعدها في ثالثه ثانوي في شخص تعلق بي تعلق شديد بعد كده يعني انا منعت الموضوع ده الحمد لله بس حسيت بشعور وحش لما هو بعد مع اني انا اللي كنت بمنعه وعاوزاه يبعد
فهل ليها تاثير برده على نفسيتي ولا لا
برده يعني ايه ضغط المذاكره في ثالثه ثانوي دلوقتي برده في اولى علوم فين مذاكره كثير انا مش عارفه مش عارفه يعني فقدان الشغف الشديد ده جالي منين بس هو يعني ظهر في أواخر ثالثه ثانوي بس انا مش عارفه السبب مش قادره حد من السبب ومش عارفه ارجع لطبيعتي ومتضايقه من الحاله اللي انا فيها وبعدت عن كل اصحابي وما بقتش بحب اتعامل مع ناس كثير انا بحب العزله مع ان طبيعتي مشكله
لعرض السؤال في فدني اضغط هنا
السلام عليكم ورحمة الله وبركاته
أنا مش عارفه أبدأ ازاي أنا مش اجتماعيه خالص بحب اقعد لوحدي داىما حتى اني بعدت عن صحابي عن أهلي أهملت في الصلاه أهملت في الدراسه
أنا حاليا تالته ثانوي أزهر حاسه ان في ضغوط كتيره جدا بقعد بالساعات من غير ما أعمل حاجه انا كنت بصمم أزياء وكدا وكنت برسم بحب الرسم جدا أصلا دي هوايتي المفضله بألف قصص وروايات بس كل شغفي راح حتى اني حلمي أكون شرطيه بس بردو الشغف راح
أنا تاني سنه ليا في الثانوية الأزهرية وده أثر عليا جدا الفتره دي فأنا عايزة أخرج من المرحله دي ومش عارفه أعمل اي
لعرض السؤال في فدني اضغط هنا
لو حاسس اني تايه و الفكره و الشغف موجودين بس مش عارف اعمل حاجه اعمل ايه علشان احقق الي بفكر بيه
لعرض السؤال في فدني اضغط هنا
أنا للاسف مش عارفه اعمل ايه في حياتي
لعرض السؤال في فدني اضغط هنا
اطور من نفسي ازاي. ازاي اكون بيزنس ومان شاطره ومعايا فلوس؟؟
او اي المشروع اللي ابدأ فيه يوصلني لكده؟
لعرض السؤال في فدني اضغط هنا
السلام عليكم ورحمه الله وبركاته
عندي مشكلة اني معنديش استمرارية و دايما بعتمد على آراء الناس حواليا و بقيت عدوانية دلوقتي و عصبية و رجعت لعادات قديمة سيئة كنت تخلصت منها بالعافية و صحتي في النازل و رجعت اكل حلويات و اكل ضار و بطلت احفظ قرآن و بقيت اقطع ف الصلاة و رجعت اسمع اغاني و بقيت اكسل اذاكر رغم اني كنت جايبة ف سنة أولى جامعة gpa عالي بس حاسة اني معنديش عزيمة الترم ده و بالذات أن سنة تانية دي بداية التخصص و اتخصصت ف قسم بحبه بس حاسة اني مش قادرة اذاكر و نفسي أطور من نفسي و يبقا ليا مصدر دخل اساعد بيه ف مصاريفي و عايزة احضر مؤتمرات و تدريب و انا فعلا كنت بحضر بس مبقتش بحضر اي حاجة و بجد حاسة أن في مليون حاجة عايزة اعملها بس مش عارفة اعمل ولا حاجة منهم حاسة أن في عاصفة افكار و حاجات عايزة اعملها بتدور ف دماغي بس مش قادرة ارتبها حتى أولوياتي مش عارفة ارتبها و حاسة اني متلغبة و متشتتة جامد و مش عارفة اعمل اي و مش عارفة احدد مشكلتي بالظبط
لعرض السؤال في فدني اضغط هنا
عايزه اتعلم مهارات كتيرة بما اني في صيدلة وكدا بس عايزه حاجات متاخدش من وقتي ياما ،عايزه اتعلم طريقة مذاكرة احسن وتثبت المعلومة اكتر عايزه اكون شغوفه جدا ج،ا واحاول
بجد نفسي اكون صحاب من فلسطين وسوريا والعراق ،حاسة انها حاجة لذيذه موووت 🙃❤️
لعرض السؤال في فدني اضغط هنا
أنا في ثالثه ثانوي ودلوقتي عدا شهرين من الثانويه العامه وانا لحد دلوقتي مش بذاكر كويس وبلعب على الموبايل بس ماقدرش اني اسيبه لاني الدروس بتبقى عليه يعني لازم يكون معايا وانا بذاكر وانا تعبت صراحه ومش بصحى بدري بقفل المنبه وينام تاني خايفه جدا
كيف اعلي همتي أنا تعبت
لعرض السؤال في فدني اضغط هنا
اولا : السلام عليكم ورحمه الله وبركاته
ثانيا :انا طالبة فى الصف الثالث الثانوى الازهرى علمى وحاليا بحاول انظم وقتى اكتر بس الحقيقة انى مش عارفة انظم وقتى بسبب انى بنزل دروس والمواصلات بتاخد نص الوقت وبتتعبنى وراكمت دروس بسبب التعب ومش هينفع اسمع حصص اونلاين :ولو حولت الدروس لاونلاين هراكم اكتر وبحاول انتظم فى صلاتى وبيضيع برضو نص اليوم وبحاول اظبط نومى نومى متلخبط عايزة حل للمشكلة دى بجد خصوصا انى عايزة اجيب مجموع فى اخر السنة كويس يدخلنى كلية شكرا لحضراتكم معذرة على الاطالة .
لعرض السؤال في فدني اضغط هنا
السلام عليكم ورحمة الله وبركاتة.
انا عندي سوال محيرني فيا ازاي مش عارفه 🥲😂
المهم انا من النوع اللي بحب أسأل كتير واخذ معلومات ونصايح من الناس اللي عندها خبره وكدا وانا برضو عندي مشاكل كتيره وكدا فبسأل وناس كتيره بتنصحني وبتقولي اعملي كذا وكذا تمام وانا في ساعتها بقول هعمل كدا واختار المناسب معايا واحاول اطبقه بس هو اول يوم وبعدين بنسى الحاجات دي اصلا او ببطل اعملها برغم انها بتكون حاجات كويسه ف انا نفسي افهم ليه بيحصل كدا علشان انا حابه اطبق حاجات كتيره ونفسي احل المشكلة دي ومش عارفه هتنصحوني ازاي علشان ممكن تقولو حاجات ومعملهاش برضو.
ومشكله تانية اني انا وحده طموحه اوي واحلام كتيره هي مش حاجه خياليه يعني حاجات بسيطه بس هتفرق معايا.. انا بقى بفضل اخطط في دماغي واظبط الدنيا وكدا وفي الاخر مش بعمل اي حاجة مش عارفه دا كسل ولا هروب اني احقق حاجة واتعب فيها شويه بسطين مش عارفه برضو. ممكن رد يوضحلي دا بيحصل ليه
لعرض السؤال في فدني اضغط هنا
هوا لي كل م اروح شغل و اشتغل فتره مثلا شهر و نفسي تتسد و ببقا م عوز اروح تاني
لعرض السؤال في فدني اضغط هنا
السلام عليكم ورحمة الله وبركاته،
أخباركم إيه؟، إن شاء الله تكونوا بخير ، عذراً كلامي هيكون طويل شوية.
أنا دايماً بيجيلي إحساس اني معملتش حاجة لها قيمة في حياتي يعني دخلت المرحلة الابتدائية و بعدها الاعدادية و بعدها الجامعة الحمد لله انا في سنة ثانية حالياً ،
معنديش خبرة كتيرة في الحياة لأني مكنتش بخرج كتير لأماكن مختلفة كان فقط من المدرسة او الجامعة للبيت و مش ملمة بأغلب التريندات او حتي الكتب و الكورسات، و ولا مرة اشتركت في مسابقة و انا صغيرة او حتي الإذاعة المدرسية او اشتركت في نشاطات، و بحس اني متأخرة عن الحياة بشكل عام ،
على النقيض في بنات في نفس سني و نفس المنطقة اللي انا فيها ما شاء الله تبارك الله عندهم لباقة في الكلام و خبرة أكثر مني بمراحل كتبوا كتب سواء روايات او غيره و صحفيات او طلعوا في لقاءات صحفية او بيقابلوا ناس مهمة ليها قيمة في المجتمع ما شاء الله ، بيشاركوا في مسابقات او كورسات او غيره و معاهم شهادات كتير ما شاء الله ،
أنا بحس من وقت للتاني ان في حاجة غلط عندي بجد كنت الأول بقول ممكن فرق المعيشة او المناطق لكن اتفاجأت انهم في نفس المنطقة اللي انا فيها!،
عاوزة اعرف بجد اعمل ايه و اتعامل ازاي مع شعوري ده "بشكل سليم" ؟، يا ريت تعتبروا السؤال ده من أختكم الصغيرة و تدلوني علي طرف الخيط اللي اقدر اكمل بعده ، يمكن تكونوا شايفين حاجة انا مش شايفاها .
لعرض السؤال في فدني اضغط هنا
السلام عليكم
دلوقتي انا تانيه بكالوريا ومن ساعه ما بدأت ونا مش قادره أذاكر والله ببقا عايزه أذاكر وبيبقا عندي طاقه أخلص المذاكره
أول لما أبدأ الاقي نفسي كسلت ومليش نفس أكمل 😮💨😥
ونا الحمدلله محافظه علي صلاتي وأذكاري مش عارفه بقا في اي
قولولي اتصرف ازاي وجزاكم الله خيرا
لعرض السؤال في فدني اضغط هنا
انا عندي مشكلات في:
-عدم الالتزام بالصلوات في المسجد بسبب اني بلقى فيها مشقة وانا اقدر استحمل المشقة دي كام مرة بس مشكلة عشان المشقة تروح وتبقا عادة سهلة لازم فترة استحمل فيها وانا مش بعرف، فهل مفروض خلاص استحمل على صلوات الفروض في المسجد ولا اقلل المجهود بحيث يكون في البيت او وانا قاعد او نايم
-مش ملتزم بضوابط غض البصر على الحاجات الرقمية فقط مش الواقعية ، وبرضوا رغبة في العادة السرية، وبقت عندي عادة مخي بيضغطني اني اعملها عشان اغير مزاجي بالعادات المضرة دي العائدة عليا دنيويا وآخرويا، فغالبا المشكلة دي لازم امنع تماما ، طيب همنعها تماما ازاي يا ترا ؟
-مش بقدر اعمل اوراد او نوافل برضوا نفس المشكلة مش بقدر اجاهد نفسي لفترة طويلة لحد ما تبقى عادة نفس مشكلة الصلوات،
-مذاكرة نفس الشيء، اي حاجة عامةا فيها تعب وكدر في الدنيا عند الانسان
-ادمان موبايل وسوشيال ميديا
ملاحظات:
انا جت في فترة في حياتي اول بلوغي تعتبر طويلة كنت ملتزم مية مية وكان عندي بيئة ايمانية حلوة قوي بجد، بعديها قدر الله ان الظروف منعت هذه البيئة تحديدا متبقاش زي ما كانت وفعلا مقدرش اغيرها، فبقيت لوحدي فمع الوقت وبالتسوس فنزلت في القاع مش رغبةً صدقا بس ده الي حصل وانا اصلا مش مستوعب لحد انهاردة انا بقيت في الحالة المتدنية دي ازاي بعد ما كنت متدين، فمش عارف هل مثلا اغير البيئة دي ولا اعمل ايه، هي لسه موجودة بس مش زي زمان حصلت اقدار وظروف خليتها غير مجزية يعني
-انا عندي معلومات شرعية وخلفية عارف الاحكام وسمعت دروس كتير وبودكاستات كتير وعلم كتير سواء شرعي او علمي او نفسي ، بس زي ما بتتقال البشر فيه حاجات نواقص بشرية ومش هعرف اوصل للكمال في حل مشكلتي
-انا والله عارف ان كلام زي اصلي وانا قاعد غلط او اصلي منفرد كرجل لا يجوز بالرغم من ان صلاة صحيحة وان الذنوب مفيش حاجة اسمها ابقا في النص ، والله عارف كلام ده كلو ، بس خلاص يعني الواحد تعب وبيحاول يفكر ويوصل لحل ولو يتقدم ببطئ شديد بس مهم يكسر الدايرة دي وحتى على سبيل التجربة يعني مش على سبيل التهرب
-ياريت وجزاه الله خيرا الي هيساعدني او ينصحني يكون فعلا هوا نفسه يكون مش بيعاني من المشاكل دي عشان متوهش اكتر مانا تايه والله الي عالم بإني سمعت كتير وتايه ويساعدني جزاه الله خيرا، وينقلي تجربته ويحاول فعلا يساعدني حتى لو يتابع معايا هنا وندردش اي حاجة او بمقابل بس بالله عليك الي يدردش معايا لما يقولي إجابة نتناقش فيها ونكون صراح مع بعض ولو مش عارف قول مش عارف ومناخدش الموضوع بخشونية يا اما كدا او لأ بدون دليل وخلاص عشان والله بنضيع وقت وبنتوه اكتر
+ انا مش متعنت وعايز اعرف الحق فعلا حتى لو صعب بس اعرفه واقتنع فعلا واحنا بندردش مع بعض عادي يعني وبنتبادل المعرفة فيكون فيه مرونة يعني، الطبيب النفسي والمريض الاتنين مشاركين في العلاج وفي تبادل المعرفة فلازم الاتنين يكونوا تمام ومرونة، مش المريض يكون متمسك برأيه ولا المختص يكون متمسك برأيه إلا لما يكون فيه بينة او دالة وشكرا
لعرض السؤال في فدني اضغط هنا
السلام عليكم
انا شاب عمري 23 سنة تخرجت من computer science وانا الان في حيرة العمل وأشعر أني تائه بين الكثير من المسارات فهل اعمل في تدريس مادة البرمجه للبكالوريا ام أكمل في مجالي للعمل في شركه ام ماذا افعل وازاي اعرف شغفي
لعرض السؤال في فدني اضغط هنا
السلام عليكم ورحمة الله وبركاته
انا عندي 20سنه ،بعاني من حساسيه مفرطه وفرط تفكير ووسواس وشخصيه ضعيفه جدا
وكنت بعاني من مشاكل الطفوله والتنعنيف الجسدي والنفسي اللي لحد دلوقتي مأثر فيا بشكل واضح جدا في علاقاتي مع صحابي وفي حياتي عامةً بعاني من نفسي
بحب افضل لوحدي دايما وانعزل عن الناس
مش طايقه اهلي حاولت اتعامل معاهم كويس بس انا جوايا شايله منهم كتير ،دا غير انهم بيعملوا حاجات كتير غلط اثرت فيا بطريقه تخنق
الاهم عندي دلوقتي اني كنت شاطرة دراسياً وشغوفه وبعمل كل حاجه بحب
واحياناْ كنت بطلع من الاوائل ،دلوقتي انا لا افقه شئ حرفياًْ والله دماغي متقفله سواء لغه او مناهج او كتابه او قراءه ،رغم اني انا ف كليه طبية ومعايه مواد من السنه اللي فاتت ودماغي متقفله ولا عارفه اذاكر ولا افهم ولا دماغي بتسكت ولا تديني فرصه احاول
(انا بعاني من مس وحسد بالشرف ،شكلي حلو وكنت متفوقه وكنت ملتزمه ومثقفه وبكتب)
دلوقت انا ولا بصلي وبقيت بحس بعدم ثقه وعدم طاقه ،ساعدوني بالله ارجع ،انا مش عندي فرصه تاني ف الكليه 💔💔
لعرض السؤال في فدني اضغط هنا
سلام الله عليكم ...
انا طالب في الصف الثالث الثانوي الازهري..
مرّ شهران [ ٨ ، ٩ ] وأنا لم أنتج أي شيء ومراكم.
مع العلم انني جيد جدا دراسيًا ، لستُ بمرتبة العباقر
او بما تُسمى بال ( دحيح ) .
وتائه جدا ، آمال عائلتي بي ، خالي تولّى أمري..
من المصاريف إلى الجوارب .
أتمنى تساعدوني لانني تائه جدا
لعرض السؤال في فدني اضغط هنا
سلام عليكم
انا عندي 25سنه حاسه اني مضغوطه ونفسيتي ومزاجي دايما مش احسن حاجه انا عاوزه الاقي شغل واصلا مش عارفه اشتغل ايه مضايقه اني ف سن ال25 ومش بعمل اي دخل ومعنديش اي اصدقاء
انا مش مضايقه من ده انا اصلا اللي مكنتش حابه بس احيانا بحس اني محتاجه ناس ف حياتي عندهم نفس الاهتمامات و ننفع بعض فعلا
انا اتخرجت من كليه مش بحبها ورحلتي ف التعليم كانت وحشه وطول الوقت حاسه بصعوبات وضغط حاسه معنديش اي مهارات مع اني شاطرة بس حاسه معنديش حاجه اقدمها و بدأت ارجع اطور مستواي ف الانجليزي لان نفسي اتعلم كذا لغه
حاليا انا عاوزه حد يساعدني الاقي شغل بمرتب ثابت الفتره دي جنب ما انا بطور نفسي علشان مش عارفه اعمل اي بس شغل بمرتب ثابت
انا خريجة شريعه اسلاميه هل اعمل دبلومه ولا اي المهارات مثلا اللي اتعلمها تخليني الاقي شغل كويس
بالمناسبه طول عمري نفسي اشتغل ف بنك او شركه كبيره بس حاسه اني زيرو
انا تايهة جدا عاوزه حد يفيدني
آسفه اني طولت عليكم
لعرض السؤال في فدني اضغط هنا
السلام عليكم انا خريجة السنادي بدأت سن 23
تايهه خالص فكريا مش عارفه انظم أفكاري عايزه اعمل كل حاجه بس بتبقي النتيجة صفر
بدأت شغل مباشرة بعد الكليه انا قسم طاقه متجدده اول ما اشتغلت كنت حاسه اني وصلت لهدفي وكان عندي شغف وفجأة الأفكار زادت والتوهه وسبت الشغل من كتر ما مش عارفه اركز في دماغي افكار كتير وتعبت من الموضوع ده بحسب كل حاجه بس مش بتحرك وبيجيلي اكتئاب وعزله من كتر ما انا مش عارفه اسيطر ع أفكاري
احل المشكلة دي ازاي خصوصا اني مدركه أن سن العشرين هو سن البناء وانا واقفه مكاني وبتعب اكتر
لعرض السؤال في فدني اضغط هنا
لو في نصيحه انت عملت بيها وفادتك اتمنى تقولي:
انا طالبه في تالته ثانوي ومش قادرة اركز ابدا والكيميا مش عارفة افهمها وعندي "فقدان شغف" كبير جدا وبغيب من الدروس كتير ومتعلقه بالموبايل جدا..(انا مستوايا متوسط مش فاشله)
لعرض السؤال في فدني اضغط هنا
ازاي أطور نفسي عاوزه اكون واعيه ومثقفه ورزينه كدا بس مش عارفه وعاوزه اشتغل بس برضو مش لاقيه والاونلاين مش جاي سكه معايا ممكن تفيدوني
لعرض السؤال في فدني اضغط هنا
السلام عليكم ورحمه الله وبركاته
أعاني من فقدان شغف حاد لا استطيع إرجاعه رغم محاولتي، لا أملك طاقة لممارسة هواياتي مرة أخرى، لم أعد اريد التواصل مع أصدقائي ليس وكأنهم كثر... لكني فقط لم أعد ارغب بالحديث رغم حبي لهم.
أريد النوم لكن لا استطيع، اعاني من الأرق والنوم المتقطع، أشعر أن طاقتي انتهت بالكاد أتحمل نفسي، أكره أني لم أعد أستطيع إعطائهم نصائح أو جعلهم يسعدون أو أكون ذات فائدة، أشعر أني عبء ولا أقوم بواجبي كصديقة لهم وأكره نفسي عندما لا أستطيع فتح رسائلهم عندما يراسلونني أو يتصلون بي.
أشعر أني سيئة وقبيحة الروح، خاصة عندما يقولون لي أني طيبة ولطيفة فأكره ذاتي أكثر، فهم لا يعلمون ما بداخلي، هل أنا سيئة أم جيدة أشعر كأني تائهة، يضعون لي معايير تتعبني، أرغب بأن أكون عند حسن ظنهم لكني أحزن، ليس أصدقائي فحسب صراحةً بل عائلتي أيضاً.
مازلتُ صغيرة لكني أشعر بالتعب والوهن كأني بعمر المئة عام، العالم ممل وغريب أشعر أن لا شيء يستحق ولكن بنفس الوقت أحاول أن أقوم بكل ما استطيع لأكون ذات منفعة و جيدة للجميع وفي عبادتي لله سبحانه وتعالى.
لقد أكثرتُ أظن أني بالغت.. أرغب فقط في السؤال عن حل او اسم لما يحدث لي وشكراً
لعرض السؤال في فدني اضغط هنا
عايز اثبت على الصلاة والقرآن والقراءه العامه
فيديوهات لو سمحتم تثبتني على الصلاة وتساعدني
لاني وصلت لمرحله وحشه قلبي ماااااات لدرجة اني لا صلاة ولا صوم ولا اي خير بعمله وذنوب كل يوووووم
وعايز كتب أقرأها تشجعني على القراءه في البدايه
كل ده عشان ابعد عن الذنوب
لعرض السؤال في فدني اضغط هنا
السلام عليكم ورحمة الله وبركاته
انا بدات ف تالته ثانوي من اول 8 واشتركت ف المنصات وجبت الكتب بس لحد دلوقتي مسمعتش ولا محاضره ونزل ف كل المواد اكتر من 20 محاضره والانجليزي سنتر وبرضو مش بكون مركزه ولا عارفه افهم وف امتحان النهارده جبت 6 من 10
ومش قادره اذكر ولا افتح كتاب وكمان الصلاه حاسه تقيله م عارفه اي ده ومبعرفش الوقت بيضيع ف اي اوقات ع الموبايل وكمان بقيت بمل من الموبايل ومش بمسكو عندي ملل من كل حاجه وحتى النوم حاسه بنام بس مبنامش بمعني ممكن توصل ل12ساعه بس كل شوبه اقوم فمحسش اني نمت
اتمني تقولوا لي اعمل اي وتفيدوني
والسلام عليكم ورحمة الله وبركاته
لعرض السؤال في فدني اضغط هنا
كان في شخص بيحبني اوي و كان بيحبني بالطريقة إللي انا عاوزه اتحب بيها كان بيكتبلي شعر و كتب رواية بطلتها انا مش انا الواقعية بس انا اللي كان نفسي اكونها كان بيبذل مجهود كبير اوي عشان يرضيني و انا بطبعي مكونتش ببين إن أسلوبه عجبني كلامه عاجبني تصرفاته كمان عجباني كل حاجة فيه كانت حلوة عرفنا بعض من سنة ونص خلال الفترة دي انا اتغيرت كتير لاحسن وهو اتغير مؤخرا بس مش لاحسن
علي سبيل المثال كان في شئ مشترك بينا الا و هو الوفاء بالكلمة انا لو قولت شيء مهما كان هو ايه بوفي به وهو كان كده بس مؤخرا بدأ ميعملش بكلامه ولا يوفي به وده شيء بستحقره اوي في اي بني آدم بس ملفتش نظره لده وكمان بدأ يزعل من حاجات مش مستاهلة في العادي مش بيزعل منها بس لفت نظره للنقطة دي وقال إنه مكانش بيزعل بس دلوقتي بيزعل
في الحقيقة أن بيني وبين نفسي كنت حاسه إنه بيعمل ده عشان يبعدني بس من اربع ايام قالي قد ايه هو بيحبني ومش عاوزني أبعد وكل الكلام ده و من يومين قالي قد ايه اني حد جميل اوي و فجأة وبدون سابق إنذار في نفس اليوم إللي قالي فيه اني حد جميل اصحي من النوم الاقيه عملي بلوك
مش فاهمة ليه ممكن يعملي بلوك بس الشخص اللي اعرفه مش ممكن يعمل ده خاصة لو مفيش خناق بينا او مشكلة وأنا بقالي يومين بفكر في الموضوع وحقيقي مأثر عليا بالسلب في كل حاجة سوا نفسيتي أسلوبي
كنت باخد كورسات وقفت كل حاجة لأني فجأة حسيت إني انجرحت في العادي انا مش بدخل حد حياتي عشان أنا لما انجرح صعب ارجع كويسة تاني قدامي اني أرن عليه وافهم منه بس انا حاسه بالقرف منه لدرجة مش عاوزه أعمل ده بس بتكلم عشان يمكن أبقى أحسن وحقيقي نفسي افهم ليه ممكن حد يعمل كده ليه ممكن هو يعمل كده اللي بينا مكانش قليل ومش بسيط لسخافة زي إللي عملها دي
لعرض السؤال في فدني اضغط هنا
جماعه لو فيه هنا لايف كوتش يساعدني ضروري
انا للأسف متعوده من طفولتي علي قضاء يومي كله قدام شاشه الموبايل او الكومبيوتر حرفيا حياتي كلها افتراضيه وده اللي خلاني اتعود على دايرة امان وراحه محدده كل ما اطلع منها اتعب واكتئب
انا حاليا بمر بحالة اكتئاب لأني أخدت خطوه جديده في تعلم اللغه يعني اي خطوه جديده باخدها بتعب جدا
انا يومي بيمر كالآتي... معظمه فاضي وبقضيه على الموبايل وبحب اسهر واصلي الفجر وانام احيانا بقرأ روايه او أحضر مسلسل او فيلم او اكلم صحابي او اتفرج على ريلز يعني حاجات متنوعه
هل أخلي بليل بس هو فترة الموبايل واليوم كله اشغله بحاجات مختلفه زي جيم ودروس دينيه وهكذا ولا بلاش واخلي السهر بس يومين في الاسبوع
وهل هو السبب ولا لا لأن اهلي بيقولولي هو ده السبب لأني بحب هدوء الليل جدا مع العلم اني بصحى ١٢ الضهر مش بقوم متأخر
ياريت لايف كوتش يقولي اعمل ايه بالظبط يغيرلي من روتيني وفي نفس الوقت اتقبل التغيير ومتعبش
لعرض السؤال في فدني اضغط هنا
دلوقتي انا في سنة تانية جامعه (كلية زراعة) ورايح تالته، الكلية دخلتها بسبب اهلي ونا مكنتش حابب بس قولت هتاقلم، ونا حقيقي حرفيا دلوقتي حياتي متلخبطه والكلية بسبب الضغط اللي فيها بياثر على نفسيتي ومبعرفش اعمل اي حاجه، انا اصلا بحب اللغات واي حاجه تبع التكنولوجيا زي ال ai، ونا قولت اكمل عادي زي ما انا بس ههتم بالحاجات اللي بحبها وعايز اشتغل بيها، بس معرفتش عشان ضغط الامتحانات والمذاكرة في الجامعه، فنا دلوقتي عايز انقل لكلية انا حاببها واتعلم اللي حابه عشان اعرف اشتغل فيه، بس انا مشتت ومش عارف اعمل اي الصراحه
لعرض السؤال في فدني اضغط هنا
السلام عليكم انا مجموعي 80 في المية علمي علوم واختارت اداب علم نفس والحقيقة اني متعددة الشغف ومش عارفة اختار الكلية بالرغم ان المرحلة التانية انتهت من التنسيق وانا جالي بطاقة الترشيح اداب لأني اختارتها رغبة اولى والكل معارضني لأني كنت علمي علوم وبيقولولي الكليه ملهاش مستقبل ممكن حضرتك تنصحني وتقولي اكمل ولا لاء وازاي لو دخلت اطور نفسي بحيث اتخرج اشتغل وممكن حضرتك تكلمني عن الكلية من ارض الواقعامامي كلية علوم ولكني عندي فوبيا من الدم ولا أستطيع ادخل كلية علمية بسبب الموضوع ولم يبقى لي من الكليات سوى اداب وتجارة وإعلام وأثار وسياحة وفنادق وكليات التربية وعلما بأني نمطي هو INTP طبقا ل Mbti والنمط الخامس من الأنياجرام
لعرض السؤال في فدني اضغط هنا
السلام عليكم ،
انا طالبة مقبلة على الجامعة ولكني إلى الآن لم أجد الكلية التي تناسبني انا طبيعة شخصيتي اتحط في مكان واتعلم بتتعمل ازاي وابدع فيه عقليتي مرنة لدرجة اني معنديش مشكلة في اي كلية وانا جبت ٧٩.٧ علمي علوم واخترت اداب قسم علم نفس ولكن للكل معارضني وبيقولي هتقعدي في البيت بعد التخرج لأن ملهاش شغل أو مكان مرضي في مصر وحاليا بفكر اغير في مرحلة تقليل الاغتراب غير المناظر لكني مشتتة وتقليل الاغتراب هيقفل اليوم
لعرض السؤال في فدني اضغط هنا
ليه شغفنا بينتهي بعد اسبوع او اسبوعين بعد السعي الجاد وازاي اعرف ارجع تاني لاني مجبره علي السعي
لعرض السؤال في فدني اضغط هنا
السلام عليكم ورحمة الله وبركاته
انا رايحه تانيه بكالوريا وخلاص فاضل أسبوع والمدرسين تبدأ وانا معنديش اي شغف اني أبدأ او بمعنى اني حاسه مدخلتش في مود المدارس والمذاكره وكدا وانا كنت كاتبه أهدافي اخلص الكورسات اللي المدرسين منزلينها واعالج مشكلة الانجلش عندي دا من شهر
ودلوقتي انا معملتش حاجة وتراكمت المحاضرات التأسيسية عليا وبدأت فيها لكن برضو بسمع وانا مش مركزه وبكون قافله الفون خالص وبذاكر من التاب بتكون دماغي في حته تانية خالص ولما أحاول أركز برجع افكر تاني في حاجات ملهاش لازمه.
ومشكله تانية اني معنديش التزام ولا استمرارية يعني كنت ناويه اتعلم حاجة معينه وعملت جدول وكل حاجة اول يوم أنجزت وبعدين معملتش فيها اي حاجة تاني نفسي حتى التزم بحاجة واحده بس واستمر عليها.
وكمان انا عامله صفحه على التيك توك بنزل محتوي ديني فمش عارفه اقفله ولا لا وهل هيأثر عليا في حاجه لو خليته بالعلم انه برضو بفكر فيه اني أنزل ايه وامتى واكتب ايه ف برضو دا مأثر عليا
لعرض السؤال في فدني اضغط هنا
ازاي اقدر الاقي شغفي
لعرض السؤال في فدني اضغط هنا
حابه اعرف حل لمشكلتي
كثره المشاكل عندي تعقدت من حياتي بسبب أشخاص وعمايلهم قديما وصرت كثيره الشك بعدها في شخص لما يعمل شغله اعرف واسأله يقول لا رغم اني عارفه مافي حد يعمل شي ويقوله
المهم من زمان بسبب هذا الشخص وكثره التفكير مرضت كثير وصار عندي القولون العصبى وكثير المرض ومرات في فتره قال الدكتور خلو بالكم منها ممكن تعمل حاجه بنفسها رغم هذا كان في ٢٠٢٠ بس القلق وكثره التفكير مرافقتني من وانا ٢٠١٧ كان عندي ١٧ سنه إلى الآن
حاولت أتخطى كل اشي اقول كل اشي من الماضي بس هذا الشخص مرات يعمل شي وهذا يحرق دمي حاولت لتجاهل الموضوع
كنت احاول اشغل نفسي اتعلم لغه أو اعمل اش شي خربت كل الطرق اكون متحمسه الفتره لا له وخلاص تغلق عندي أفقد الرغبه بعمل ايه شي واصير أخري وامسح كل الي تعبت عليه حتى عملت في مواقع التواصل صفحه وانشر فيها كل الي كنت اعمله من رسم وكتابه روايات
حتى بحياتي مافي حد غير أهلي ولا أصدقاء ولا أقارب انا خارج بلدي وحياتي كلها بين لأربع جدران
صراحه انا تعبت من كثر المحاوله انجز شي بحياتي مافي فايده اتبعت واغلق كل اشي ومش بحب اذي حد انا كثير اشي نفسي لان راح ادخل ٢٦
شو الحل امانه حد يعرف هل في دكتور نفسي او استشاري أسري
كمان احس اني اكره الناس اكره الاختلاط احس الناس تتعامل معي بس اذا يريدوا شي وكل الحب والتعامل معي أحسها تمثيل مافي حد يحب صدق كمان الي مزعلني اني تخليت عن كل طموحاتي واحلامي بسبب اني لما ابدا احاول احقق شي فجأة اوقف وتخرب مسح ما استمر شو الحل
لعرض السؤال في فدني اضغط هنا
السلام عليكم
انا عندي 24سنه انسان انطوائي بحب العزله والوحده وإثبات الذات انا اكبر واحد في اخواتي وكان عندي 22 وخطبت وانا آخر سنه في الكليه كنت بحس وبحب وأميل للبنات وعندي شغف للمستقبل واتحدى نفسي انا في 3 إعدادي كل اصحابي كانو بيتريقو عليا واني مش هفلح في الثانويه رحت تعمدت اذكر واجتهد وأثبت نفسي والحمد لله جبت نتيجه كويسه
المهم مع بداية الخطوبه الأمر اتعكس وبقيت مش حاسس بحاجه ودخلت في اكتئاب رحت فشكلت الخطوبه لأسباب روحانيه بعدين رحت لدكتور نفسي ظبطت الاكتئاب والهرمونات والفيتامين اللي ناقص لكن حرفيا اديلي سنتين محستش بالسعاده ولا بالفرحة ولا عندي شغف للمستقبل ايوه بعمل كل حاجه تعود مش حب ومش عارف احب حد ولا عندي ميل للبنات ولا بحب اعمل اكلاتي المفضله زي زمان وبقيت كسول جدا ومبحبش الفلوس وبالتالي مش بشتغل ولا قادر ادوس على نفسي ولا عندي دافع وبعمل كل حاجه عادي بس عاده مش حب انصحوني
لعرض السؤال في فدني اضغط هنا
دلوقتي انا عمري ما استمريت في حاجة انا بعملها حتى لو كانت حاجة مضرة.
أول السنة الدراسية بذاكر شهر وأبطل مذاكرة طول السنة.
بحاول اتعلم لغة وأبقى كويس في الأول بعد كدا أزهق وابطل.
بروح الجيم اسبوعين وابطل.
اروح الشغل أسبوعين وازهق وابطل.
أغسل سناني يومين وابطل.
حتى الأدوية مبستمرش عليها وبنساها.
أعمل ايه رجاءً؟
لعرض السؤال في فدني اضغط هنا
السلام عليكم
بعد اذنكم انا يا جماعة انا شاب في بدايه حياتي بدرس في كليه طبية وقربت اتخرج مشكلتي هي ان انا من فتره اصبت بالاكتئاب ،
فقدت الاحساس بالحياة وكل حاجه بقت تقيله عليا جدا مبقتش اقادر اعمل اي حاجه في حياتي ولا شغل ولا مذاكرة ولا صلاه ولا اي حاجه حتى اني اكل بقى مجهود صعب حتى لما بنزل مع اصحابي مبقتش بحس بمتعه او اني مبسوط
كل حاجه كانت بتبسطني زمان معدتش بتبسطني خالص ولا قادر اعمل اي حاجه في حياتي غير نوم وامسك التليفون فقط لمجرد ان الدوشه اللي في دماغي تهدي ،
حاولت اضغط علي نفسي كتير التزم في حياتي وارجع للحياه تاني بس بتنتهي باحتراق نفسي وبرجع اسوأ من الاول ،
واه بنزل مع صحابي وبغصب على نفسي اشتغل وابان اني بهزر عادي ومبسوط بس انا من جويا عكس كل ده انا من جوايا بموت حرفيا حاسس اني عايش كإنسان ميت حرفيا مش حاسس اني مبسوط ومش إحساس زعل حاسس اكني عندي تبلد مشاعر ،
حتى لما جيت اتكلم مع اصحابي اني عايز اتوجه لطبيب نفسي يقيم حالتي واطلب منه المساعده قابلت ده بسخريه منهم ولما كلمت أمي قولتلها اني مش كويس قالت لي انتا بتدلع وانت اللي مبوظ حياتك بإيدك وتقعد تقارني بناس أحسن مني وأحس بإحباط اكتر وبقيت اشك في نفسي اني فعلا ممكن يبقى كلامها صح وانا اللي مغرق نفسي بنفسي ولا فعلا انا بغرق ومحدش حاسس بيا،
مش عارف بصراحه اعمل ايه ، وكل لما افكر في الموضوع احس بضيق اكتر واكتر واكره نفسي اكتر واكتر خصوصا اني بكبر في السن والمفروض اشيل مسؤلية البيت بعد وفاة والدي وابدأ افوق لحياتي وخصوصا اني متأخر سنة في الكلية بسبب الرسوب في مواد كتير
مش عارف اركز في محاضرات ولا مذاكرة ببقى عايز فعلا افوق لنفسي ولحياتي بس بجد عاجز عن اي حاجه نفس إحساس المشلول بالظبط بيبقى عايز يتحرك بس جسمه مش مساعده وكل لما ابص على حياتي من بره وبشوف الخراب والدمار اللي وصلتله وابص للفشل والقاع اللي وصلتله بعد ما كنت أنجح الناس بكره نفسي اكتر ،
أتمنى تفيدوني وارجوكم بلاش احكام لاني مش ناقص
لعرض السؤال في فدني اضغط هنا
ممكن مساعده انا من ساعة ما النتيجه بتاعتي ظهرت وانا راضيه بس للاسف ثقة اهلى انعدمت حرفيا علشان كان املهم فيا كبير بس لم اوفق هذه المره ولكن انا مش عارفه ارجع لطبيعتي وحبي للحياه مره تانيه وثقتي فى نفسي اللى ضاعت و اني بقت كسوله اوي وفى خمول شديد ومش عايزه اعمل حاجة ولا حاجة كنت بحبها بقيت اعملها وخطتي للاجازه كانت كل شغفى و دلوقتى مش عايزه اعمل حاجة وساكته طول اليوم ومش قادره اعمل حاجه ممكن تساعدوني علشان اعرف ابدأ مرحله جديده وانسي القديم وميأثرش عليا فى حاجه مش عايزه ابدأ السنه بكرهي للحياه وانى مش عايزه اعمل حاجة وفعلا مش هقدر بما انى كارهه كل حاجه اعملها
لعرض السؤال في فدني اضغط هنا
انا حابب اطور من ذاتي وحابب اتعلم بجد عشان انا مكنش مخي في التعليم لحد ما دخلت صنايع واهو اخدت دبلوم وحاسس ملوش لازمه فحابب اتعلم واطور نفسي عشان مستقبلي فممكن حد يديني شوية نصايح انا اشتركت في منصات كورسات زي المنتور وينفع وبسمع كورس كل فين وفين بسبب قلت وقتي وشغلي وكمان مش عارف يعني انا بسمع الكورس كأنو فيديو عادي مش عارف ازاي اذاكر او اتعلمه الكورس صح بس ممكن اطبق عادي انا بكتب اللي في الكورس في كشكول بس انا عاوز استفيد يكورسات اكتر فممكن اسمع كذا كورس واكتبهم مش عارف بجد اعمل اي انا عاوز انجح بجد واحسن نفسي وتايه في حجات كتير حابب اتعلمها والمدة بتعت الاشتراك قربت تنتهي ساعات بفقد الشغف ممكن حد يفيدني بجد
لعرض السؤال في فدني اضغط هنا
يا جماعه و الله تعبت خلاص من الشعور ده ..
دايما حاسس بخنقه طول الوقت و مش عارف اتعامل مع الناس و لا اتقبلهم ، دايما ببص للعالم بالنظره السوداوية ،
زهقت من الناس كلها .. دماغي هتنفجر من كتر ما انا بحسب كل كلمه و كل نظره ، مش عارف اتعامل زي بقيت الناس .. الناس كلها فهلويه و بتعرف تتعامل مع بعضها و انا مش فاهم حاجه
ممكن ارجع يومين ابقى متعافي شويه من الموضوع ده ، بس فتره التعافي مبتطولش و برجع تاني ، و بحس اني اتعلقت بأمل زائف
مش عارف هل قدرت أوصلكو الشعور اللي جوايا و لا لا ..
بس انا حاسس بحاجه زي الإغتراب الوجودي ، حاسس اني بتعلم اكون بني آدم ، القعده مع نفسي هي اللي بتريحني بس
و للاسف معيش فلوس اروح لدكتور نفسي
لعرض السؤال في فدني اضغط هنا
متوقعتش اني هعمل المنشور ده بس حابب افضفض لعل الطاقة السلبية تقل وارجع لما كنت عليه في الاول (اعتذر هستعمل اسلوب الاسهاب)
بالبداية الحمدلله حمدا كثيرا طيبا مباركا فيه
من سنه بظبط بدأت ثانوية عامه وكنت طالب عادي بروح الدروس وبحل الواجبات عادي وبقضي يومي الباقي فيما احب
مكنتش جاامد اوي ولا واققع لا كنت بذاكر وبحل والمنهج كان عادي بنسبه لي. عدا ماده واحده فقط... البعبع الي قارفني من الاعدادية، نعم الكيمياء. لا كنت لاقي مدرس افهم منه ولا كنت فاهم اي الي ليا والي عليا في الماده دي... اسلوب النظري في المواد العلميه مكنتش بتأكل معايا عيش كنت بفضل الفهم جدا وده الي مكنش متواجد في ماده زي الكيمياء...كانت محتاجه مجهود كبير في الحفظ والفهم كمان بس انا صحيح قصرت فيها ومدوستش عليها اكتر
المهم عدت الايام وجاء الترم الثاني... الوقت الي بديت اشد فيه شويه
فكنت ولله الحمد كويس في العربي جدا جدا والرياضه كانت الماده العشق بنسبه ليا والفيزياء هي الماده الممتعه وخصوصا في فهمها والانجليزي كانت الدنيا ماشيه وعاديه فيه والكيمياء زي ما هي زفت وماشي بالعافيه
كنت شادد في الترم التاني حيث قطعت كوره وقللت لعب الي ان وصلنا للعيد الصغير وقد جاء الوقت قطع كللل سبل المتعه، سلمت الابتوب لاختي والتلفون باظ وقررت مصلحهوش... عملت زي كل الطلاب شريت كتب المراجعه والاسترشادي وذاكرت منها هي والتابلت وحليت منها كتير وفي كل المواد عدا الكيمياء طبعا كنت لسه بحاول فيها
فبالمعني الحرفي وصلت ايام الامتحانات وانا مسوايا في المواد مثل:
العربي بقفل القرآءة وبغلط شويه غلطات في النحو ووالنصوص
الرياضيات كنت جامد حرفيا واكتر ماده حليت عليها اسئله من انواع كثير (حتي التراكمي) وده يرجعي لحبي لها من الصغر
الفيزياء كنت فاهم ٨٠% تقريبا من المنهج لدرجه اني كنت بستنتج العلاقات بدون حفظ قوانين، على الرغم ان الكل كان بيقول ان الاسترشادي فيه صعب بس بنسبالي كان طويل وممتع وافكار حلوه
الانجليزي كان زي ما هو عادي مش الافضل فيه
الكيمياء كنت اخيرا بدأت افهم فيها شويه واعرف الم بعضها بس كنت متأخر
في الاخير جيه يوم النتيجه بعد عناء طويل وخروج من المرحله دي ب٣ كفارات يمين في شهور قليله (لغلق على نفسي باب الدوبامين الرخيص) ومصاريف دروس وكتب وملازم دافع ٨٥% منها من مالي الشخصي الي تعبت واشتغلت عليه قبل الثانويه
ضيعت فرص مشاريع برمجيه كنت اقدر اجيب منها فلوس كتير
ضيعت سنه كامله بدون تطور في مهارتي وعالمي المفضل (البرمجه)
ضيعت طاقه وتعب وسهر وبحث لاجل الفهم وتحليل اخطاء لدرجه اني اول مره تقريبا في حياتي اوصل للاحتراق الوظيفي
وفي النهايه وعكس الحسابات والتوقعات جبت بدل من ٨٠-٨٥% جبت ٧١%
مش زعلان على المجموع على قدر زعلي على المجهود
فانا الحمدلله ناوي ادخل خاص والحمدلله انا الي هدفع فلوسه فمش هكلف اهلي فوق طاقتهم باذن الله
بس مقهور ان احد اقاربي مكنش بيذاكر وكان سبب في تعطلينا في الكيمياء من تأخر وغياب هو وصديقه (كنا مجموعه خاصه ٣ اشخاص) ودخل بسماعه وغش... وجاب فوق ٨٥% ولا وزعلان انو مجبش اكتر..! مقهور ان الاول على الجمهورية بيقولك كنت بذاكر من كتاب المدرسة...الي هو محدش استلمه غيره؟! مقهور على اليالي والفرص والحياه العمليه الي ضيعتها في مرحله دراسيه مكنتش عادله في قياس مدى فهمي وحفظي للمنهج
كان هدفي احقق حلم الطفوله وتقريبا حققته ولله الحمد بس محققتش هدفي من التعب وقطع الدوبامين والمصاريف الي طلعت من دم قلبي
مريت بحاجات وخساير في حياتي اكبر بس دي كان تأثيرها قاسي جدا
على الرغم اني راضي بقضاء الله وقدره بس لهفه الناس عشان تعرف درجتي ورنتهم كانت اكتر شيء مستفز.. عمري ما بحب نظره التعاطف وخصوصا لو شيء انا تقبلته وعديته
عموما عذرا على الاطاله بس كنت حابب اطلع الطاقه السلبية عشان حرفيا مليش نفس حتي للعب ولا حتي قادر اضيع وقتي في الريلز بقيت بفضل اعمل لا شيء
لعرض السؤال في فدني اضغط هنا
محتارة ادخل علم نفس اظن اني عندي شغف له ولا معهد فني صحي خاص عشان التكليف وكدا الحقيقه معرفش عندي شغف ولا بس أهلي عاوزين
لعرض السؤال في فدني اضغط هنا
السلام عليكم
انا اخر فتره حاسه اني تعبانه جدا و مخنوقه و مش قادره اعمل حاجه ساعات بحب افضل قاعده لوحدي بدون اي تسالي و ابص الحيطه
حسيت بألاحساس ده اخر فتره و لاحظته بسبب اني بشتغل ف العمل الحر الي هو الهدف الي انا بسعي وراه طول حياتي و برضه فقدت الشغف عنه و مش عايزه اعمل اي حاجه ف الدنيا تاني
الإنفجار الي حصلي مره واحده ده كان بسبب تراكمات كتيييره اوي من اهلي و كده و زادت التراكمات دي بسبب حاجه حصلت اخر فتره
ياريت محدش يستهون ب الي انا هقوله لانو بجد انا حاسه بخنقه و تعب مش طبيعي
انا مجنونة كوره بحب الكوره اكتر من اي حد هي حياتي بالمختصر اخر فتره مع المونديال و مقابله مصر مع الأرجنتين (الفريق الي بشجعه طول عمري) لقيت انتقادات جامده و سخريه و شتايم سواء ع اسطورتي و قدوتي أو ع الفريق الي بشجعه من زمان لدرجه ان الماتش ده كان أسوأ ماتش يعدي عليا ف حياتي . ملحوظه انا عمري ما ضايقت حد بتشجعي ولا أجبرته ع الي بحبه ولا عمري قللت من لاعب حد بيحبه من الباب للطاق كده و مؤمنه أن كل شخص بيحب لاعب عشان ذكرياته معه مش عشان افضليته و اكيد مينفعش نقلل من محبينه
المهم انا طول الماتش ده مشجعتش عشان الي حواليه بيشجعوا المنتخب المصري مراعاة بأحساسيهم مع ان ده حقي و حريتي و بعد ما الماتش خلص الشخص الي كان مستضفني عنده عشان اتفرج ع الماتش قالي دي اخر مره انا هستضيفك عندي و ف نص الماتش جاتلي مكالمات بتهددني من تشجيع المنتخب الي بحبه ده غير الشتايم الي اتقالت و التقليل مني كشخص ملوش اهميه اصلا و اني عبيطه المشكله موقفتش لحد هنا حتي ف الماتشات الي بعدها بالذات ف النهائي انا بجد شفت العجب غير اني كنت متضايقه جدا و زعلانه نفس الناس الشتموني و مش متقبلني دول فضلوا يتتريقوا و الي يقول الحق انتصر ف الآخر و الي يقول شعر و الي يقول ايات ف القران و حاجه مهزله فعلياً و حتي بعد كده لما حد بيشوف تعليق ليا بصوره ميسي أو اي حاجه بصله دي مش بيوقف انتقادات انا بجد تعبت
حتي اني فضفضت قبل كده لصحبي و هو واسني و هداني شويه بس انا لسه تعبانه و مخنوقه اوي
باختصار انا مش حاسه باي لذه ف حياتي و لا عايزه اعمل حاجه زي فقدان الشغف ده غير اني بلا فخر بكاتنج كل متضيق بيا الدنيا انا بجد حاسه اني تعبانه و بموووت و مش لاقيه حد ف الدنيا يسندني و ياريت محدش يقول كلمي أهلك لأنهم جزء كبير ف تعبي
يمكن كان في قبل كده تراكمات و مع التراكمات الي زادت عليا اخر فتره مقدرتش اتحمل اكتر من كده
ملحوظه: عندي ١٤سنه
لعرض السؤال في فدني اضغط هنا
لعرض جميع الاسئلة في فدني اضغط هنا