السلام عليكم ورحمة الله وبركاته
انا رايحه تانيه بكالوريا وخلاص فاضل أسبوع والمدرسين تبدأ وانا معنديش اي شغف اني أبدأ او بمعنى اني حاسه مدخلتش في مود المدارس والمذاكره وكدا وانا كنت كاتبه أهدافي اخلص الكورسات اللي المدرسين منزلينها واعالج مشكلة الانجلش عندي دا من شهر
ودلوقتي انا معملتش حاجة وتراكمت المحاضرات التأسيسية عليا وبدأت فيها لكن برضو بسمع وانا مش مركزه وبكون قافله الفون خالص وبذاكر من التاب بتكون دماغي في حته تانية خالص ولما أحاول أركز برجع افكر تاني في حاجات ملهاش لازمه.
ومشكله تانية اني معنديش التزام ولا استمرارية يعني كنت ناويه اتعلم حاجة معينه وعملت جدول وكل حاجة اول يوم أنجزت وبعدين معملتش فيها اي حاجة تاني نفسي حتى التزم بحاجة واحده بس واستمر عليها.
وكمان انا عامله صفحه على التيك توك بنزل محتوي ديني فمش عارفه اقفله ولا لا وهل هيأثر عليا في حاجه لو خليته بالعلم انه برضو بفكر فيه اني أنزل ايه وامتى واكتب ايه ف برضو دا مأثر عليا
صدقيني حقيقي اغلبنا مبقاش عنده حتى حماس البدايات د وإن السنة دي بالنسبالنا حاجة جديدة وكدا بس مش مشكلة. المهم إنك ف الفترة اللي فاضلة دي تحاولي تلحقي نفسك ف كورسات التأسيس وتعودي نفسك ع الالتزام ودا بيبقى بحاجة صغيرة تعمليها كل يوم ف الأول ركزي ع كورسات التأسيس الأهم ف كل مادة. مثلًا سيبك من العربي خليه ف الآخر لأنه الكورس بتاعه سهل والمستر قال إنه هيعيد الكلام دا ف الشرح وكدا إلا لو عندك مشكلة ف النحو أو البلاغة. وبالنسبة للمادة التخصصية حسب مسارك لو مثلًا فيزيا فدي تبقى من أولوياتك تعملي إيه بقا ف الكورسات؟ ابدئي بنص ساعة بس وطبعًا ف وقت هادي وتبقي نايمة كويس قبل المذاكره. وياريت قبل ما تبدأي تكوني قبلها بنص ساعة أو ساعة مش ماسكة فون ولا حضرتي حاجة تخليكي تتشتتي وتفكري فيها حتي.. ولما تيجي تبدأي انوي إنك هتحضري نص ساعة بس. جهزي الحاجة اللي هتذاكري عليها ويستحسن المكان يكون هادي حواليكي ورايق وجيبي كشكولك وقلمك وانوي إن أي حاجة يقولها المستر ف النص ساعة دي تتكتب. حتى لو في حاجات إنتِ عارفاها اكتبيها برضو لأن لما تكتبي هتركزي أكتر وبالتالي التشتت هيقل شوية. وخلي هدفك إنك تقفلي الامتحان اللي هيبقى ع المحاضرة المحاضرة ف الأول ممكن تاخديها ع يومين أو تلاتة أيام ودا عادي جدًا لأن بعدها هتلاقي نفسك دخلتي تدريجي ف الجو بتاع المذاكرةو هتنجزي حاجات اكتر ف وقت اقل بإذن الله،بس احنا بنقول كدا عشان نجاول نسترجع تركيزنا تاني و هكذا..وللأمانة من الحاجات اللي بتزود التشتت دا إن مفيش بعدها حتى ملخص أو ملزمة هنحل فيها فبيبقى مجرد فيديو بنحضره وخلاص بس هنعمل اي؟ ف زي ما قلتلك جربي بتاعت النص ساعة دي وإن شاء الله هتفرق معاكي وكمان متنسيش تاخدي بريك لما تحسي إنك تعبتي المهم يبقى بريك بعيد عن الفون... كمان الإنجليزي والتاريخ أصلًا لسه منزلوش أو يمكن بالنسبه للمدرسين اللي هتابع معاهم. عموما يعني متقلقيش وهوني ع نفسك ومتشيليش همهم دلوقتي. أهم حاجة تحددي مدرسينك كويس جدًا. وبالنسبة لصفحة التيك توك فأنا شايفة اقفليها أحسن مش وقتها اصلا لأن حتى لو بتنزلي فيديوهات دينية ممكن تلاقي نفسك ف لحظة بتسكرولي ع فيديوهات عادية والوقت يعدي ساعة ورا ساعة وإحنا مش عايزين كدا. فاقفليها واحذفي السوشيال ميديا اللي بتشتتك ولو احتجتي حاجة زي واتساب أو غيره خليه عادي.. ومتضغطيش نفسك إنك لازم تلحقي كل حاجة مرة واحدة. إنتِ بس ابدئي بحاجة صغيرة والتزمي بيها كل يوم وإن شاء الله واحدة واحدة هتدخلي ف مود المذاكرة وتبقي أحسن. ولو احتجتي حاجة قوليلي ادينا ف نفس المركب. وربنا يوفقنا جميعًا 🤍
تم النشر الأحد، ٢٣ أغسطس ٢٠٢٦
وعليكم السلام ورحمة الله وبركاته...بصي يقلبي دا كلة اسمه تشتت عقلي ، العقل مش عارف يركز في اي ولا في اي ، ف بالتالي لا عارفة تركزي في دي ولا في دي ، بصي كل حاجه وليها وقتها.. بمعني كمثال مثلا في الدين ، لو الأذان أذِّن وأنا بقرأ قرآن أنهو أجره أكبر ؟ القرآن أم ترديد الأذان ؟ راح واحد قايل انا هكمل قراءة القرآن لإن كل حرف بحسنة بقا والحسنة بعشر أمثالها وعليه أجر كبير ، و واحد تاني كان قاعد ماسك الفون ف سابه وقعد يردد الأذان ، أنهوا واحد أجره أكبر ؟ اللي بيردد الأذان هو اللي أجره أكبر من اللي عمال يقرأ قرآن ، لي ؟ لإن كل حاجه وليها وقتها ودا وقت ترديد الأذان مش وقت قراءة القرآن ، ناخد الفكرة دي بقا كتطبيق في حياتنا العملية ، كل حاجة وليها وقتها ، قناتك اللي علي التيك دا مش وقتها ، هتقولي دي دينية وغيري بيستفاد منها ، ايوا ي حبيبتي بس دا مش وقتها ، الحاجة دي تبقا وقتها في الأجازة مثلا او في اي وقت غير وقتها ، دراستك هية اللي وقتها الفترة دي وهية اللي أجرها أكبر ومتنسيش إن دا طلب علم فالبتالي أجره أكبر من نشر العلم لإن دا فعلا وقتها ، انتي محتاجه الأول تحطي حد للحاجات المشتته لعقلك ثم تبدئي بتعديل المشاكل الباقية.
تم النشر السبت، ٢٢ أغسطس ٢٠٢٦
وعليكم السلام ورحمة الله وبركاته، يا حبيبتي. أول حاجة أحب أقولها لك إن اللي بتمرّي بيه طبيعي جدًا في بداية السنة، خاصة وأنتِ داخلة على مرحلة مهمة زي تانية بكالوريا. الشعور بالتشتت وعدم الاستمرارية ده مش ضعف فيكِ، ده مجرد عادة محتاجة تتدربي عليها خطوة بخطوة. ابدئي بخطوات صغيرة جدًا عشان ترجعي "المود" ده. مثلاً، حددي النهاردة هدف واحد بس: تسمعي محاضرة واحدة بس لمدة ٢٥ دقيقة، وبعدين تاخدي بريك. استخدمي تقنية بومودورو (٢٥ دقيقة تركيز + ٥ دقايق راحة) عشان دماغك ما يهربش. واكتبي أهدافك اليومية على ورقة صغيرة قدامك، مش في الجوال، عشان تحسي بالإنجاز لما تخلّصيها. لو المحاضرات متراكمة، ابدئي بالأساسيات اللي بتأثر على الباقي، ومتحاوليش تكملي كل حاجة مرة واحدة. بالنسبة لصفحة التيك توك الدينية، فكري فيها كأولوية ثانوية دلوقتي. الدراسة هي اللي هتفتحلك أبواب كتير، والمحتوى الديني ممكن تستمري فيه بس بجدول محدد، زي يومين في الأسبوع بس، وتكتبي الأفكار في مذكرة عشان ما تفضليش تفكري فيها طول الوقت. لو حسيتِ إنها بتأثر على تركيزك، ممكن تعملي pause مؤقت للصفحة لحد ما تستقري في المذاكرة. تذكري إن الاستمرارية بتيجي من الالتزام بالصغير، مش بالكبير. ادعي ربنا ييسرلك ويثبتك، وابدئي النهاردة بخطوة واحدة. أنتِ قادرة، وكل يوم جديد فرصة. لو عايزة تتابعي تقدمك معايا، قوليلي إيه اللي هتعمليه النهاردة. ❤️
تم النشر السبت، ٢٢ أغسطس ٢٠٢٦
زيك ي بنتى و تانيه بكالوريا بردو
تم النشر الأحد، ٢٣ أغسطس ٢٠٢٦
لعرض السؤال في فدني اضغط هنا