انا عندي مشكلات في:
-عدم الالتزام بالصلوات في المسجد بسبب اني بلقى فيها مشقة وانا اقدر استحمل المشقة دي كام مرة بس مشكلة عشان المشقى تروح وتبقا عادة سهلة لازم فترة استحمل فيها وانا مش بعرف، فهل مفروض خلاص استحمل على صلوات الفروض في المسجد ولا اقلل المجهود بحيث يكون في البيت او وانا قاعد او نايم
-مش ملتزم بضوابط غض البصر على الحاجات الرقمية فقط مش الواقعية ، وبرضوا رغبة في العادة السرية، وبقت عندي عادة مخي بيضغطني اني اعملها عشان اغير مزاجي بالعادات المضرة دي العائدة عليا دنيويا وآخرويا، فغالبا المشكلة دي لازم امنع تماما ، طيب همنعها تماما ازاي يا ترا ؟
-مش بقدر اعمل اوراد او نوافل برضوا نفس المشكلة مش بقدر اجاهد نفسي لفترة طويلة لحد ما تبقى عادة نفس مشكلة الصلوات،
-مذاكرة نفس الشيء، اي حاجة عامةا فيها تعب وكدر في الدنيا عند الانسان
-ادمان موبايل وسوشيال ميديا
ملاحظات:
انا جت في فترة في حياتي اول بلوغي تعتبر طويلة كنت ملتزم مية مية وكان عندي بيئة ايمانية حلوة قوي بجد، بعديها قدر الله ان الظروف منعت هذه البيئة تحديدا متبقاش زي ما كانت وفعلا مقدرش اغيرها، فبقيت لوحدي فمع الوقت وبالتسوس فنزلت في القاع مش رغبةً صدقا بس ده الي حصل وانا اصلا مش مستوعب لحد انهاردة انا بقيت في الحالة المتدنية دي ازاي بعد ما كنت متدين، فمش عارف هل مثلا اغير البيئة دي ولا اعمل ايه، هي لسه موجودة بس مش زي زمان حصلت اقدار وظروف خليتها غير مجزية يعني
-انا عندي معلومات شرعية وخلفية عارف الاحكام وسمعت دروس كتير وبودكاستات كتير وعلم كتير سواء شرعي او علمي او نفسي ، بس زي ما بتتقال البشر فيه حاجات نواقص بشرية ومش هعرف اوصل للكمال في حل مشكلتي
-انا والله عارف ان كلام زي اصلي وانا قاعد غلط او اصلي منفرد كرجل لا يجوز بالرغم من ان صلاة صحيحة وان الذنوب مفيش حاجة اسمها ابقا في النص ، والله عارف كلام ده كلو ، بس خلاص يعني الواحد تعب وبيحاول يفكر ويوصل لحل ولو يتقدم ببطئ شديد بس مهم يكسر الدايرة دي وحتى على سبيل التجربة يعني مش على سبيل التهرب
-ياريت وجزاه الله خيرا الي هيساعدني او ينصحني يكون فعلا هوا نفسه يكون مش بيعاني من المشاكل دي عشان متوهش اكتر مانا تايه والله الي عالم بإني سمعت كتير وتايه ويساعدني جزاه الله خيرا، وينقلي تجربته ويحاول فعلا يساعدني حتى لو يتابع معايا هنا وندردش اي حاجة او مبقابل بس بالله عليك الي يدردش معايا لما يقولي اجابة نتناقش فيها ونكون صراح مع بعض ولو مش عارف قول مش عارف ومناخدش الموضوع بخشونية يا اما كدا او لأ بدون دليل وخلاص عشان والله بنضيع وقت وبنتوه اكتر + انا مش متعنت وعايز اعرف الحق فعلا حتى لو صعب بس اعرفه واقتنع فعلا واحنا بندردش مع بعض عادي يعني وبنتبادل المعرفة فيكون فيه مرونة يعني، الطبيب النفسي والمريض الاتنين مشاركين في العلاج وفي تبادل المعرفة فلازم الاتنين يكونوا تمام ومرونة، مش المريض يكون متمسك برأيه ولا المختص يكون متمسك برأيه إلا لما يكون فيه بينة او دالة وشكرا
أخي الكريم، أقدر تمامًا الصراحة اللي بتتكلم بيها والتعب اللي بتحسه، وأنا شايفة إنك عارف الحق وبتدور عليه بصدق، وده بحد ذاته خطوة مهمة. اللي حصل معاك بعد فترة الالتزام القوية دي طبيعي جدًا لما الظروف تتغير والبيئة الداعمة تقل، والنفس البشرية بتحتاج وقت وجهد مستمر عشان ترجع تبني العادات تاني، مش هتقدر تقفز للكمال مرة واحدة. خلينا نتكلم بصراحة عن كل نقطة ونحاول نلاقي حلول عملية تدريجية تناسب وضعك. بالنسبة للصلاة في المسجد، المشقة اللي بتحسها طبيعية في البداية، والحل مش إنك تقلل الجهد لدرجة الصلاة قاعد أو نايم إلا لو عندك عذر شرعي، لأن الرجل مطالب بالجماعة في الفرائض. جرب تبدأ بخطوة صغيرة: اختار صلاة واحدة أو اثنين في اليوم (مثل الفجر أو العشاء) وتلتزم بيها في المسجد لمدة أسبوعين، حتى لو كانت المشقة موجودة. مع الوقت هتتحول لعادة لأن النفس بتتعود على الاستمرار البسيط أكتر من الجهد الكبير المفاجئ. لو حسيت إنك مش قادر، راجع نفسك يوميًا بصراحة واسأل: إيه اللي يخلي اليوم ده أسهل شوية؟ أما عن غض البصر على المحتوى الرقمي والعادة السرية، فالمشكلة دي بتحتاج قطع الطريق تدريجيًا مش منع مفاجئ يسبب انتكاسة. ابدأ بتحديد أوقات معينة لاستخدام الموبايل وتجنب التصفح العشوائي، وكل ما تحس بالرغبة استبدلها بفعل سريع زي قراءة آية أو ذكر قصير أو حتى الوقوف والمشي في المكان. المخ بيضغط عشان يغير المزاج، فحاول تملأ الفراغ ده بأنشطة بسيطة زي مراجعة معلومة شرعية أو حفظ آية، وهتكتشف إن الضغط بيقل مع الوقت. المنع التام ممكن يحصل لما تبني بدائل قوية، وده بيحتاج صبر وتكرار. بالنسبة للأوراد والنوافل والمذاكرة، نفس المبدأ: ابدأ بورد صغير جدًا (مثل 5 دقائق ذكر أو صفحة واحدة مذاكرة) وخليه يومي بدون انقطاع، حتى لو كان الجهد قليل. الاستمرار على القليل أفضل من الانقطاع بعد الجهد الكبير، وهيحول التعب لعادة مع الوقت. أما إدمان الموبايل والسوشيال ميديا، فحاول تخصص ساعة واحدة يوميًا للاستخدام المفيد فقط، واستخدم التطبيقات اللي بتساعد في المتابعة الذاتية. أنت عارف إن البيئة لعبت دور كبير، ومحاولة تحسينها حتى لو بخطوات بسيطة زي البحث عن أصدقاء ملتزمين أو روتين شخصي ثابت هيساعد. لو عايز نتناقش في أي نقطة بالتفصيل أو نجرب خطة صغيرة مع بعض، قولي وأنا جاهزة أسمع ونفكر سوا بصراحة. ابحث كمان عن أسئلة مشابهة على فدني عشان تشوف تجارب تانية.
تم النشر الأربعاء، ٣٠ سبتمبر ٢٠٢٦
يعني ياخي قولي انت ازاي كدا يعني اتعلم منك ،الناس الي معندهاش المشاكل دي ، والله ببقا امنية حياتي اعرف ازاي هما كدا ، علموني ابقا زيكم جزاكم الله خيرا ، سواء في اي حاجة سوشيال ميديا او مذاكرة اي حاجة والله دنيا بايظة معايا
تم النشر الخميس، ١ أكتوبر ٢٠٢٦
لعرض السؤال في فدني اضغط هنا