ازاي اقدر الاقي شغفي
الشغف احيانا بنكتشفه بالتجارب . ١ / اقعد قاعدة مع نفسك في مكان هادي قابل للتفكير واسأل نفسك ايه الحاجة اللي بحب أتعلم عنها من تلقاء نفسي؟ ٢ / لاحظ إيه اللي يمر فيه الوقت بسرعة وانت بتعمله . ٣ /جرب حاجات مختلفة بدل ما تستنا الشغف يظهر لوحده . ٤ / ودي حاجة مهمه ، فرَّق بين الحاجة اللي بتحبها والحاجة اللي تحب صورتها أو نتيجتها . بمعني انا مثلا بحب الكتابة مش معني اني بحبها يبقي دي شغفي لأ مش كل حاجة بتيجي كدا طيب أعرف ازاي هل دي شغفي ولا لأ ؟ بحط نفسي أمام تفاصيل الطريق، مش النتيجة النهائية لو شايفة اني هستمر في الكتابة رغم عقبات الطريق ف فعلا انا هنا عندي شغف الكتابة .
تم النشر السبت، ٢٢ أغسطس ٢٠٢٦
يا صاحبي، البحث عن الشغف ده رحلة جميلة ومهمة في حياتك، وإنك بتسأل عنها دلوقتي يعني إنك جاهز تاخد خطوة إيجابية. الشغف مش حاجة بتظهر فجأة، لكنه بيتبنى بالتجربة والتأمل في نفسك. ابدأ بتفكر في الأنشطة اللي بتخليك تنسى الوقت وأنت بتعملها، سواء كانت رياضة أو كتابة أو حتى مساعدة الآخرين، ودوّنها في مذكرة صغيرة عشان تشوف النمط اللي بيظهر. جرب تجارب جديدة بشكل عملي، زي الاشتراك في ورش عمل أو مشاريع صغيرة في مجالات مختلفة، وخلي بالك إن الشغف الحقيقي غالبًا بيجي لما تلاقي حاجة بتفيدك وتفيد اللي حواليك، وده يتوافق مع قيمنا الإسلامية اللي بتشجع على العمل النافع والإتقان. اسأل نفسك: إيه المهارات اللي عندك وبتحب تطورها؟ واستخدم الصلاة والدعاء عشان ربنا يهديك للطريق الصح. لو استمريت في التجربة والتقييم كل فترة، هتوصل لشغفك بإذن الله. جرب تبحث عن أسئلة مشابهة على فدني عشان تشوف تجارب ناس تانية وتستفيد منها أكتر. أنت قادر، وأنا هنا لو عايز تتكلم أكتر!
تم النشر السبت، ٢٢ أغسطس ٢٠٢٦
متعرفيش انا متشكر ليكي ازاي حقيقي ربنا يجعله في ميزان حسناتك
تم النشر السبت، ٢٢ أغسطس ٢٠٢٦
مش لازم تلاقي شغفك مرة واحدة، أوقات الشغف بيتبني مع التجربة. جرب حاجات مختلفة، لاحظ إيه اللي بيخليك متحمس وبتنسى الوقت وإنت بتعمله، ومع الوقت هتعرف إيه اللي فعلًا يشبهك. 🤍
تم النشر الأحد، ٢٣ أغسطس ٢٠٢٦
تعال نمسك مثلا هواية الكتابة و هواية دكتورة جراحة ....أنا بحب الإثنين ولكن مش معني اني بحبهم يبقا الإثنين شغفي ، لأ ....أنا اعرف أنا عندي شغف في الهواية دي لما أبص علي كل جانب فيها واحط نفسي فيها يعني الكتابة مثلا ، هل لو انا اخترت المسار دا يكون شغفي هل هيكون عندي استعداد أستمر حتي لو أهلي منعوني ؟ أيوا هكمل ...طيب هل هيكون عندي استعداد أكمل حتي لو متقبلتش في شغل ؟ ايوا هكمل ...هل هيكون عندي استعداد أكمل حتي لو اتراكم عليا ضغوطات العمل ؟ ايوا هكمل ..هل هيكون عندي استعداد أمضي حياتي في هواية الكتابة عادي ؟ ايوا هكمل ...وهكذا أسئلة زي دي وكدا ، طيب تعال لهواية دكتورة جراحة ، هل هيكون عندي استعداد أصبر علي دراسة الطب عشان المهنة دي ؟ صراحة لأ .. رغم اني بحب جدا المهنة دي ونفسي كدا امسك أدوات الجراحة واتعامل معاها ...طب هل عندي استعداد اتحمل ضغوطات المستشفيات ؟ برده لأ ...فهنا أنا مش معني اني بحب حاجة يبقا انا شغفي فيها ، دكتورة جراحة علي عكس أخصائية نفسية ، هل انا عندي استعداد اتحمل دراسة علم النفس عشان اوصل ؟ ايوا جدا ...طيب هل عندي استعداد اتعامل مع مشاكل الناس ؟ ايوا جدا ...فهنا قدرت إن أنا أحدد أهدافي ب إني حطيت نفسي في منتصف كل طريق بسلبياته كلها عشان منصدمش بعدها ، وصلت ؟
تم النشر السبت، ٢٢ أغسطس ٢٠٢٦
محتاج تفاصيل اكتر لو سمحتي
تم النشر السبت، ٢٢ أغسطس ٢٠٢٦
بتحصل برده ، انت بس حط نفسك أمام منتصف طريق كل هوية وشوف أنهي واحدة مستعد تحارب وتستمر فيها رغم المشاكل والمحطات ، متبصش علي نتيجة كل هوية لإن الطبيعي إن النتيجة بتكون حلوة لأي هوية
تم النشر السبت، ٢٢ أغسطس ٢٠٢٦
بحس اني متعدد الهوايات
تم النشر السبت، ٢٢ أغسطس ٢٠٢٦
لعرض السؤال في فدني اضغط هنا