انا متعددة المواهب بشكل كبير لدرجه ان في كليات كتير ممكن ينفعوا لي شغفي عايز كام تخصص مع بعض الفكره اني شاطره الحمد لله في كل التخصصات الي مختاراها بس مش عارفه اعمل اي في نفس الوقت مواهبي مظلومه جدا لان محدش يعرف اني بعرف اعمل حاجه حتي غير اهلي
الموضوع ده مرهق جدا من باب تجربة والله كون إنه الواحد بيعرف يعمل خمسين ألف حاجة وبيحبهم كلهم ومش قادر يستغنى عن حاجة منهم ويختار حاجة واحدة فعلا نقمة مش نعمة أنا بشتغل من ٢٠١٨ في خمسين ألف حاجة ماليش ماسكة فعليا فأنا جيالك من الماضي وبقولك اختاري تخصص واحد فقط وتميزي فيه واوصلي لاخره صدقيني ما فيش طريق للتميز غير كده ونصيحة وانت بتختاري .. اختاري المطلوب بشكل أكبر وفلوسه كويسة كمان علشان بعض التخصصات ماتت أو على وشك الموت
تم النشر الثلاثاء، ١٠ مارس ٢٠٢٦
بصي مش لازم كل حاجة شاطرة فيها تبقى هي شغلك. اختاري أكتر مجال ليه مستقبل سوقي ومناسب لشخصيتك كوظيفية، وباقي المواهب خليها متنفس وهروب من ضغط الشغل. وركزي ٨٠٪ من مجهودك في تخصص واحد بس عشان تتميزي فيه فعلاً، والـ ٢٠٪ الباقية وزعيها على مواهب القراءة أو الفن أو غيره. في البدايات بس، لكن لما تتأسسي صح في حاجة، هتعرفي تربطي الباقي بيها. و بتقول محدش يعرف، وده غلط. التقدير الخارجي هو اللي بيدي طاقة للاستمرار. ابدئي شاركي شغلك حتى لو ببروفايل مجهول عشان تشوفي رد فعل الناس، ده هيخليكي تعرفي إيه أكتر حاجة بتلمس اللي حواليكي وتستاهل تكملي فيها.و القراءة عن التخصصات غير تجربتها. انزلي تدريب (Internship) أو جربي تعملي مشروع صغير في كل مجال، التجربة هي اللي هتقولك ده ينفع روتين يومي ولا ده مجرد استمتاع مؤقت. بعتذر عن الإطالة 😊 وجد ربنا يوفقك ويكرمك
تم النشر الاثنين، ٩ مارس ٢٠٢٦
يا حبيبتي، الحمد لله على نعمة المواهب اللي ربنا أنعم عليكِ بيها! 😊 أنتِ جوهرة نادرة، وده شعور طبيعي للناس المتعددة المواهب زيكِ – زي "السوبر هيرو" اللي مش عارفة تختار قوة واحدة! خطوات عملية عشان تقرري: اكتبي قائمة سريعة : حددي 3-5 تخصصات تحبيها أكتر (مثل هندسة + فنون، أو طب + إدارة أعمال، أو تسويق + تصميم). اسألي نفسك: "إيه اللي هيخليني أقوم كل يوم سعيدة؟" و"إيه اللي هيخدم الناس ويخليني أساعدهم؟" (تذكري قول الله تعالى: {وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا}). جربي دمجها : اختاري كلية رئيسية واحدة (الأقوى شغفاً)، وخدي دورات إضافية أو minor في الباقي. مثلاً، لو بتحبي الطب والتكنولوجيا، روحي على "هندسة طبية حيوية". أو ابدئي بـ"علوم الحاسب + تسويق رقمي" عشان تفتحي أبواب كتير. اكتشفي نفسك : اعملي اختبار شخصية مجاني زي MBTI أو Holland Code (ابحثي عنه أونلاين)، وادعي ربنا يهديكِ (صلاة الاستخارة أحسن حاجة هنا!). لو عايزة استشارة متخصصة في اختيار مسار دراسي، روحي على صفحة الخبراء في https://www.fedni.net/experts – هتلاقي مدربين حياة ومهنيين رائعين. أنتِ قادرة، يا قمر! قوليلي إيه التخصصات اللي بتحبيها بالضبط عشان أساعدكِ أكتر. 💪❤️
تم النشر الاثنين، ٩ مارس ٢٠٢٦
لعرض السؤال في فدني اضغط هنا