كان في شخص بيحبني اوي و كان بيحبني بالطريقة إللي انا عاوزه اتحب بيها كان بيكتبلي شعر و كتب رواية بطلتها انا مش انا الواقعية بس انا اللي كان نفسي اكونها كان بيبذل مجهود كبير اوي عشان يرضيني و انا بطبعي مكونتش ببين إن أسلوبه عجبني كلامه عاجبني تصرفاته كمان عجباني كل حاجة فيه كانت حلوة عرفنا بعض من سنة ونص خلال الفترة دي انا اتغيرت كتير لاحسن وهو اتغير مؤخرا بس مش لاحسن
علي سبيل المثال كان في شئ مشترك بينا الا و هو الوفاء بالكلمة انا لو قولت شيء مهما كان هو ايه بوفي به وهو كان كده بس مؤخرا بدأ ميعملش بكلامه ولا يوفي به وده شيء بستحقره اوي في اي بني آدم بس ملفتش نظره لده وكمان بدأ يزعل من حاجات مش مستاهلة في العادي مش بيزعل منها بس لفت نظره للنقطة دي وقال إنه مكانش بيزعل بس دلوقتي بيزعل
في الحقيقة أن بيني وبين نفسي كنت حاسه إنه بيعمل ده عشان يبعدني بس من اربع ايام قالي قد ايه هو بيحبني ومش عاوزني أبعد وكل الكلام ده و من يومين قالي قد ايه اني حد جميل اوي و فجأة وبدون سابق إنذار في نفس اليوم إللي قالي فيه اني حد جميل اصحي من النوم الاقيه عملي بلوك
مش فاهمة ليه ممكن يعملي بلوك بس الشخص اللي اعرفه مش ممكن يعمل ده خاصة لو مفيش خناق بينا او مشكلة وأنا بقالي يومين بفكر في الموضوع وحقيقي مأثر عليا بالسلب في كل حاجة سوا نفسيتي أسلوبي
كنت باخد كورسات وقفت كل حاجة لأني فجأة حسيت إني انجرحت في العادي انا مش بدخل حد حياتي عشان أنا لما انجرح صعب ارجع كويسة تاني قدامي اني أرن عليه وافهم منه بس انا حاسه بالقرف منه لدرجة مش عاوزه أعمل ده بس بتكلم عشان يمكن أبقى أحسن وحقيقي نفسي افهم ليه ممكن حد يعمل كده ليه ممكن هو يعمل كده اللي بينا مكانش قليل ومش بسيط لسخافة زي إللي عملها دي
بصي يا بنت الناس افتكر ي إن ربنا سبحانه وتعالى بيصرف عنك الحاجة لما يلاقيكي حاطة قلبك في مكان غلط عشان يحميكي ويجبرك ترجعي له وتتعلّقي بيه هو بس واعرفي إن العلاقة دي من الأساس خارج الإطار الشرعي وما يرضيش ربنا والتعلّق القلبي بحد مش حلالك بيجيب وجع القلب وعسى أن تكرهوا شيئاً وهو خير لكم وعسى أن تحبوا شيئاً وهو شر لكم والله يعلم وأنتم لا تعلمون فـ استعيني بالله وقومي صلي ركعتين لله واستغفري وتوبي وادعي ربنا يعوضك بالحلال والأحسن ويربط على قلبك ويرجعلك شغفك وطاقتك من جديد عشان ربنا هو الباقي وكل الناس رايحين
تم النشر الخميس، ٣ سبتمبر ٢٠٢٦
أنا آسفة جدًا إنك بتمري بتجربة زي دي، وأقدر إن اللي حصل صدمك وأثر على نفسيتك وروتينك اليومي. الشخص ده كان بيظهر اهتمام كبير وبيحاول يرضيكِ بطرق عميقة، وبعدين فجأة غيّر سلوكه تمامًا بدون تفسير واضح، وده بيخلي الإنسان يحس بالارتباك والألم الشديد، خاصة لما يكون فيه تاريخ طويل زي سنة ونص. من منظور نفسي، السلوك ده غالبًا بيعكس تناقض داخلي عند الشخص نفسه، زي خوف من الالتزام أو مشاكل شخصية بيمر بيها مخلياه يتصرف بطريقة غير ناضجة، أو ربما محاولة للابتعاد بطريقة غير مباشرة بعد ما لاحظ تغيرات في نفسه. لكن المهم هنا مش تفسير أفعاله بقدر ما هو التركيز عليكِ. إنكِ حسيتِ بالقرف ومش عايزة تتصلي بيه خطوة إيجابية، لأن الاستمرار في علاقة فيها عدم وفاء بالكلام وتغيرات مفاجئة بيأثر سلبًا على احترامكِ لذاتكِ. حاولي تعيدي التركيز على نفسكِ تدريجيًا، زي استئناف الكورسات اللي وقفتيها، لأن ده هيساعدكِ تبني قوتكِ الداخلية تاني وتستعيدي السيطرة على يومكِ. في الإسلام، بنتعلم إن القلوب بيد الله، وإن الإنسان لازم يحافظ على كرامته ويبتعد عن أي علاقة بتسبب أذى نفسي مستمر. خدي وقتكِ في التأمل والدعاء، واعملي خطوات عملية زي كتابة مشاعركِ يوميًا عشان تفرغيها، أو تحديد أهداف صغيرة في حياتكِ الشخصية. لو عايزة تفهمي أكتر عن تجارب مشابهة، ابحثي عن أسئلة مشابهة على فدني عشان تشوفي وجهات نظر إضافية. أنتِ قوية، وهتتجاوزي ده بإذن الله.
تم النشر الأربعاء، ٢ سبتمبر ٢٠٢٦
هي العلاقه دي كانت خطوبة؟
تم النشر الخميس، ٣ سبتمبر ٢٠٢٦
لعرض السؤال في فدني اضغط هنا