Esmat Ali

بصي يا بنت الحلال ربنا يوفقك في امتحاناتك ويكرمك بالكلية اللي نفسك فيها يارب و موضوع الخشوع ده عادي وكلنا بنمر بيه وخصوصا مع ضغط المذاكرة والامتحانات فاهدي خالص ومتوتريش نفسك ومتقوميش تصلي وانتي بتجري او بتفكري في المذاكرة فجأة ادي لنفسك دقيقة كدا بعد الاذان اتوضي براحة وافصلي دماغك وافتكري ان الصلاة دي هي الـ 5 دقائق اللي بتريحي فيهم من ضغط المذاكرة عشان تشحني طاقة مش هم وعايزة تخلصي منه بسرعة عشان ترجعي تذاكري وانتي بتقري الفاتحة والسور الصغيرة اقري بالراحة واسمعي صوت نفسك وركزي في معنى الكلام اللي بتقوليه وغيري السور اللي بتقريها عشان عقلك ميسرحش ويصلي اوتوماتيك واهم حاجة بقا في السجود ادعي ربنا بكل اللي في قلبك وبالعامية عادي جدا احكيله عن خوفك وتعبك ومن الامتحانات وعن الكلية اللي نفسك فيها الفضفضة لربنا وانتي ساجدة بتريح القلب وبتجيب خشوع مش طبيعي ربنا يتقبل منك ويجبر بخاطرك ويفرحك بالنتيجة....انا دعيتلك قبل المغرب وانتي بخير وصحه وسلامه

بصي يا بنت الحلال مفيش حاجة اسمها كلامك تافه ولا انتي رغاية انتي تعبانة ومضغوطة من جواكي ونفسك حد يحس بيكي وده حقك الطبيعي بس لازم تفهمي ان اهلك جيل تاني خالص ومش هيفهموا تعبك النفسي بالطريقة اللي انتي مستنياها فبلاش تطلبي منهم حاجة هما مش عارفين يدوهالك عشان متتعبيش وتتحسري و الجواز مش هو اللي هيحلك مشاكلك ولا هيملى الفراغ اللي جواكي لو تتزوجني وانتي تعبانة كدة هتتعبي اكتر وممكن تقعي في حد يستغلك لازم تقفي على رجليكي الاول عشان تعرفي تختاري صح والانتكاسة اللي بتجيلك مع الدكتور دي طبيعية جدا في رحلة العلاج ومتوقفيش ادويتك لو الدكتور مش مريحك غيريه بس متسبيش نفسك ومفيش داعي تشيلي هموم الكل وتسمعي مشاكلهم وانتي اصلا تعبانة ومش قادرة خفي على نفسك شوية وقولي مش قادرة من غير ما تحسي بذنب وقومي اعملي اي حاجة بسيطة في يومك تلهيكي وتنظم وقتك عشان الفراغ هو اللي بيكبر الافكار السلبية في دماغك طبطبي انتي على نفسك ومتستنيش الطبطبة من حد وانتي زي الفل وهتبقي قوية وتعدي كل ده... هو انتي اتشخصتي اي ؟؟

في كتاب انا عاملة pdf... بس مش عارف ابعتو ....ولكن افضل ما قال النبي .. والنبين من قبله لا اله الا الله وحده لا شريك له له الملك وله الحمد وهو على كل شيء قدير... ده يكفي يومك كامل وادعي بأي حاجه تتمنيها .. والله عايز أفيدك اكتر بس مفيش وقت .... ربنا يوفقك ويكرمك ويسعدك يارب.... ادعيلي معاكي ...

وعليكم السلام ورحمه الله وبركاته بصي يابنت الحلال مفيش دعوة ظلم بتستجاب لأن ربنا حرم الظلم على نفسه وجعل بينه وبين دعوة المظلوم نصرة ولو بعد حين فمستحيل ربنا العدل يستجيب لدعاء عليكي من غير ذنب عملتيه وافتكري دايما حديث النبي إن الدعاء لا يستجاب لو كان فيه إثم أو قطيعة رحم فشيلي الرعب ده من دماغك خالص والموضوع مش عقوق والدين خالص لأن العقوق هو الإساءة والسب والأذى وأنتي لا شتمتي ولا قصرتي في حقها أنتي بس بتتقي شر المشاكل وبتحمي نفسك نفسيا والاعتزال ده عشان النفوس تهدى مش معناه إنك عاقة والبر مش معناه إنك تقبلي الأذى النفسي اللي فوق طاقتك البر هو إنك متسئيش ليها وخلاص يعني خليكي على وضعك السلام لله والرد على قد الكلمة ولو احتاجت حاجة ضرورية اعمليها من غير خناق ولا عتاب والزمي الدعاء ليها بالهداية ولنفسك بالصبر والحمد لله إن ربنا جابر بخاطرك في علاقتك الجميلة ببابا ودي نعمة كبيرة اشكري ربنا عليها وركزي في حياتك وسيبي بكرا على ربنا اللي عالم بنيتك وهو أرحم بيكي من أي حد في الدنيا وطالما قلبك سليم ومبتأذيش حد نامي مظلومة ومجروحة ومتناميش ظالمة وربنا هيصلح الأحوال...ولازم تحاولي تصلحي العلاقة بينك وبينها وافتكري انتي في أيام كبيره ... وربنا بيستجيب الدعاء واليوم عرفه يعني بايدك تحقق كل اللي بتتمنيه... وربنا يحنن قلبها عليكي..وجد والله ربنا يحفظك ويسعدك

بصي يابنت الناس مخك عمل قفل لازم تعرفي إنك مش ضعيفة ولا قلبك مات إنتي بس من كتر ما جلدتي نفسك وبقيتي تشوفي العياط ضعف مخك عمل خاصية دفاعية ومنع الدموع عشان يحميكي من تأنيب الضمير بس الكبت ده ماماتش وجواكي وطلع على شكل عصبية وخنقة وقفش على خلق الله من غير سبب فبلاش جلد ذات خالص وتقتنعي إن العياط ده تنفيس وصمام أمان مش ضعف وتجربي تقعدي لوحدك في مكان أمان ومضمون ومفيش فيه بشر وتكتبي كل اللي خنقك في ورقة وتطلعي كل الكلام اللخبطة اللي جواكي وممكن تسمعي حاجة مؤثرة أو تفكري في حاجة وجعاكي ولما تحسي بدموعك بدأت تطلع سيبيها خالص ومتقاوميهاش ولا تلومي نفسك الموضوع هياخد وقت تدريجي لحد ما مخك يطمن تاني ويفهم إن العياط مش خطر ومفيش وراه لوم وعقاب وجلد ذات وهتلاقي العصبية دي خفت كتير.... حاولي تعطي بالليل ... وغالبا انتي في ثانويه ازهريه على ما اتذكر ... ف انتي مضغوطه جدا الفتره دي .. ربنا معاكي

يا بنت الحلال انتي ظالمة نفسك على الآخر ومحملاها فوق طاقتها ومفيش أي داعي لكل الرعب ده أول حاجة لازم تفهميها إنك وانتي نايمة مرفوع عنك القلم تماما يعني اللي بيحصلك وانتي نايمة ده مجرد احتلام أو رد فعل طبيعي من الجسم عشان يفرغ الطاقة وملكيش أي ذنب ولا تحكم فيه ومتحسبش عليكي سيئات خالص و عقلك الباطن من كتر الخوف والضغط وجلد الذات طول اليوم بيترجم الرعب ده وانتي نايمة وتاني حاجة بقى حوار الجن العاشق والكلام ده كله هبد وخرافات وملوش أي أساس من الصحة ومفيش حاجة اسمها جن بيفركش خطوبة أو بيمشيكي وانتي نايمة الموضوع كله نصيب وتوفيق وقلقك الزيادة هو اللي مأثر عليكي فاهدي كدا ومفيش أي ذنب عليكي طول ما انتي نايمة ونامي وانتي مرتاحة ومطمنة وقولي أذكارك عشان تريحي قلبك مش عشان خايفة من حاجة ولو فضلتي تعبانة ومخنوقة يبقى تتابعي مع دكتورة نفسية تخرجك من الدوامة دي وتظبطلك نومك ونفسيتك.....وجد والله ربنا يحفظك ويعفو عنك

بصي بنت الحلال الله يهديكيها البيوت في الإسلام ليها أبواب والراجل اللي شاري بجد بيخبط على الباب ويدخل علطول حتى لو ظروفه على قده بيجي يتكلم ويقول أنا عايزها وهجهز نفسي إنما الجو بتاع التلميحات والانتظار ده كله كلام ملوش لازمة وبيتعب قلبها على الفاضي ربنا ميرضاش إنها تعلّق قلبها بوهم وتضيعي من إيدها عرسان وشاريين وجاهزين لمجرد إنك مستنية واحد مسافر ومش واخد خطوة جدي واحدة الخيرة دايما في اللي ربنا كاتبه مش في اللي احنا راسمينه في خيالنا فسيبيها على الله وصلي استخارة واللي فيه الخير ربنا يقدمه لك ولو هو نصيبك هيجي لحد عندك من غير لف ودوران... ربنا يحفظها ويسعدها ويوفقها لما يحب ويرضى 🌷

السلام عليكم ورحمه الله يا بنت الحلال أول حاجة لازم تعرفيها إن جهادك مع نفسك ده في حد ذاته ثوابه كبير أوي ومحاولتك اللي بقالها سنين دي معناها إن قلبك صاحي وفيه خير فبلاش تيأسي خالص وانتي أزهرية ومن بيت ملتزم فأنتي عارفة الكلام النظري كله بس المشكلة في التطبيق وعشان تظبطي الصلاة لازم تفكي عقدة كله أو بلاش يعني مش لازم تبقي خاشعة مية في المية وبتصلي النوافل عشان تبقي بتصلي صح صلي الفرض في وقته حتى لو حاسة إنك مش مركزة لأن الالتزام بييجي الأول وبعدين الخشوع ده رزق بييجي مع الوقت وأول ما الأذان يأذن سيبى اللي في إيدك وقومي علطول اتوضي وصلي لأن التأخير هو اللي بيفتح باب الكسل والوساوس وبالنسبة للأفكار الغريبة والشكوك اللي بتجيلك دي مش منك ده شيطان بيحاول يهدك لما بيلاقيكي عايزة تقربي وعلاجها مش إنك تقعدي تفكري فيها علاجها التطنيش التام أول ما تيجي في بالك استعيذي بالله وكملي صلاتك ويومك عادي وبلاش تحطي لنفسك خطط واسعة أوي وتقولي هحفظ قرآن وأطلب علم شرعي وأنتي لسه الصلاة مش متبتة معاكي ابدأي بالفرايض الخمسة بس في وقتها ولما تثبت معاكي وتتعودي عليها ابدأي زودي واحدة واحدة صفحة قرآن أو ركعة وتر وافتكري دايماً إن الصلاة دي مش عبء بتخلصي منه دي المكان اللي بتروحي فيه ترتاحي من الدنيا ادخلي الصلاة واشتكي لربنا في السجود وقوليله يا رب أنا بحاول ومش عارفة فساعدني وأنتي بس خدي خطوة صغيرة وربنا هياخد بإيدك متقلقيش... بس سوال بسيط اي اللي مانعك هل مثلا شغل أو ضغط دراسه أو .. اي حاجه تاني ..

بصي يا بنتي بطلي جلد ذات وخوف على الفاضي مجموعك في الترم الأول مش وحش خالص ومجمعك يدخلك ثانوي مستريح جدا التنسيق بياخد من حوالي ميتين وعشرين ومحتاجة في الترم التاني ده بتاع مية وعشرين درجة من مية وأربعين و ال١٢ يوم دول هما الحوار كله والندم مش هيعمل حاجة دلوقتي بطلي تقولي هقفل المنهج من الجلاد للجلاد مفيش وقت للكلام ده افتحي امتحانات المحافظات وحلي على طول والسؤال اللي يقف قدامك ارجعي لدرسه وافهميه العربي لمي نصوصه وقراءته بملخصات المراجعة النهائية السريعة وملازم الخلاصة وبلاش كارثة الساعتين نوم دي هي اللي ضيعتك الترم الأول وخلتك تنسي قلة النوم بتوقف المخ اسهري لحد الفجر ماشي اتسحري وصلي ونامي لحد الضهر واصحي كملي عشان مخك يفصل ويركز طموح أوائل الجمهورية ده شيليه من دماغك دلوقتي وخليه للثانوي ركزي بس تعدي بمجموع كويس التليفون يترم بره الأوضة تماما ال١٢ يوم دول وبإذن الله هتكبري وتفرحي وتدخلي ثانوي وتطلعي من الأوائل كمان بس استعيني بالله وقومي اشتغلي دلوقتي... وربنا يثبتك ويحفظك وجد والله شئ جميل جدا انا اشوف حد كدا ... ومتنسيش تحكي النيه الله في كل حاجه حتى الاكل لان عظم الايام دي كبير جدا ...

بصي يا بنت الناس انتي مش عندك رهاب اجتماعي إنتي ببساطة مدلعاها شوية وبتسمي الخوف الطبيعي رهاب عشان تلاقي مبرر لهروبك الخوف ده غريزة ربنا حطها فينا عشان تحمينا مش عشان تشلنا وتخلينا نجري من المعرككة إنتي عندك خوف من الأحكام والناس وتقييمهم ليكي ودي مشكله في تقديرك لذاتك واهتزاز في ثقتك بنفسك لما تسيبي الشغل من أول يوم عشان لقيتيهم مراهقين مش أطفال فده هروب والهروب بيكبر الوحش اللي جواكي لحد ما ياكلك ولما كنتي بتهربي من بريزنتيشن الكلية فإنتي كنتي بتسقفي لخوفك وبتقوليله برافو إنت انتصرت عليا ودلوقتي واقفة قدام الماجستير وخايفة من الدكاترة والمشرفين ليه خايفة هما بشر زيك بالظبط ولا هما اللي بيملكوا ليكي النفع والضر ربنا وحده هو الرزاق وهو المعين إنتي قيمتك مش بكلام الدكاترة ولا بنظرة المراهقين ليكي قيمتك طالعه من جوه من كونك إنسانة مكرمة عند ربنا لازم تقفي على رجليكي وتواجهي ومفيش حاجة اسمها جسمي بيتلج وبموت دي أعراض فسيولوجية طبيعية جداً بتحصل لأجدع خطيب في العالم أول ما بيقف قدام الناس بس الفرق بينك وبينه إنه بياخد نفس عميق ويثبت في مكانه ويواجه وانتي بتاخدي بعضك وتجري الخوف ده عامل زي الكلب طول ما بتجري منه هيجري وراكي ويعضك أول ما تقفي وتوصي في عينه وتواجهي هيلف ديله ويمشي انزلي وتدربي واغلطي واتأتئي واقفي قدام المراية واتكلمي وروحي لمشرفينك وانتي راسك مرفوعة ومستعدة للنقاش ومستعدة للغلط ومستعدة للتعلم الحياة مش هبطبط عليكي طول ما إنتي مستخبية ورا شاشة الموبايل وخايفة من الهوا انشفي كدا واعرفي إن المواجهة هي أول طريق الشفاء والرجولة في مواجهة الحياة مش في الهروب منها متخليش الوهم يضيع مستقبلك ويقعدك في البيت وانتي لسه في أول عمرك.. وجد والله ربنا يحفظك ويوفقك..... اسمعي بودكاست ياسر الحزيمي.. العلاقات ..... او اي حاجه لعبد الرحمن ذاكر الهاشمي.. عن العلاقات برضو ... وان شاء الله خير وهتبقي احلى استاذه والله بس متكسليش ...

بصي يا بنت الحلال لازم تعرفي إن باب ربنا دايما مفتوح ومفيش ذنب أكبر من رحمته وكلنا بشر وبنغلط والاعتراف بالغلط هو أول خطوة في العلاج فبلاش تقسي على نفسك لدرجة تدمير حياتك وجلد الذات المستمر مش هيصلح الماضي بل بالعكس هيخليكي تبعدي أكتر عن الحاجات الحلوة زي حفظ القرآن وصحابك الطيبين اللي سبتيهم عشان كدة دلوقتي تمسحي كل التطبيقات المجهولة دي حالا وتقفلي الطريق ده تماماً واقطعي أي حاجة بتجرك ليها واملي وقت فراغك ومتقعديش لوحدك كتير لأن الفراغ والوحدة هما السبب الأساسي وارجعي لصاحباتك الكويسين ومتقوليش أنا مكسوفة من ربنا بالعكس روحي لربنا وهو اللي هيعينك وارجعي للقرآن حتى لو صفحة واحدة في اليوم عشان قلبك ينور والفيديوهات اللي بتظهرلك دي نتيجة بحث قديم فكل ما يظهرلك فيديو مش كويس اعملي غير مهتم واتفرجي على حاجات تانية عشان التليفون يغير اللي بيعرضهولك وافتكري دايما إن فكرة الموت دي مش حل خالص ده هروب وإنتي لسه صغيرة وعندك عشرين سنة يعني حياتك قدامك وتقدري تبدأي صفحة جديدة ونظيفة تماماً من دلوقتي وربنا يقويكي ويصلح حالك.... والفديوهات اللي بتظهرلك ليها كذا حل .. انتي على اي منصه ؟؟

بصي يا دكتوره اللي عندك ده مش برود ولا فشل ده هبوط اضطراري من كتر المعافره طول السنة وعقلك جاب آخره وبيقولك ارحميني فمتقعديش تعيطي فوق الكتب ولا تسيبيها خالص قومي دلوقتي حالا تقفلي كل حاجة وتنزلي تشربي حاجة بتحبيها أو تنامي كام ساعة وترمي كل التفكير ورا ضهرك ولما تصحي متفتحيش كتاب تقريه من الأول عشان هتحسي إنك ناسية وتكتئبي وتتوهي أكتر امال تعملي إيه هاتي امتحانات وحلي علطول واغلطي براحتك والسؤال اللي يقع منك افتحي الحتة بتاعته في المنهج واعرفيها وبكده هتلاقي نفسك بتلمي المنهج وبتفتكري الأحياء وباقي المواد حتة حتة من غير ضغط وبلاش تفكري في المجموع ولا في شكل أهلك أهلك شايفين تعبك وعارفين إنك بتموتي ومفيش حد بيكره بنته عشان مجموع هما بس خايفين عليكي من توترك ده فاستهدي بالله وقومي انقذي اللي باقالي الكام يوم دول بالهداوة وبدون قلق وخديها يوم بيوم وكل يوم اعملي اللي تقدري عليه وبس وهانت يا دكتورة وكله بيعدي وجد والله مريت بكل ده.... والحمد لله.. اهم حاجه متستسلميش في نهاية المطاف كملي للآخر اعملي اللي عليكي قدام ربنا وان شاء الله ربنا يكرمك. وبالتوفيق لو في اي استفسار تاني اتفضلي ؟

بصي يا بنت الحلال أول حاجة لازم تعرفيها وتحفريها في دماغك إنك مش مذنبة في اللي حصلك وأنتي طفلة صغيرة ده كان اعتداء وتحرش م لكيش أي ذنب فيه وهو اللي بوظ حتة المشاعر عندك وخلاها تظهر بدري وبعنف يعني أنتي مش إنسانة وحشة ولا شهوانية أنتي مجرد ضحية وبتعاني من صدمة طفولة وموضوع العادة والشباب ده مش حب في الغلط ده هروب من الوجع والذنب عامل زي المخدر بالظبط ربنا رحيم بيكي وشايف محاولاتك ولبسك الشرعي وصراعاتك ومش هيكرهك عشان بتضعفي لإننا بشر وبلاش فكرة أموت نفسي دي خالص لأن الانتحار هو اللي ذنب كبير بجد ومفيش مقارنة بينه وبين أي غلطة تانية الشيطان هو اللي بيصورلك كدة عشان ييأسك من رحمة ربنا بالنسبة للموبايل طالما بتفتحي من جوجل ويوتيوب وتطبيقات الحظر بتمسحيها يبجى الحل تدخل على إعدادات الموبايل نفسه وتفعلي خاصية الرفاهية الرقمية أو تعملي حظر للمواقع دي من شريحة المخط والشركة نفسها وممكن تخلي حد من أصحابك يكتب الرقم السري للحظر وميقولكيش عليه عشان متعرفيش تفكيه ولما تيجيكي الحالة والرغبة الشديدة قولي لنفسك هأجل الموضوع عشر دقائق بس وقومي من مكانك اطلعي برا الأوضة اتوضي أو اتكلمي مع أهلك لإن الرغبة بتبقى زي الموجة بتعلى جامد ولو فوتي أول عشر دقائق هتموت وتهدى لوحدها و الفلوس والعلاج متقلقيش منه الموبايل ده مجرد عرض للي جواكي وممكن تؤوحي عيادات الصحة النفسية الحكومية في كل المحافظات تذكرة الكشف فيها عبيطه وهتلاقي أخصائيين يفهموكي وتتكلمي معاهم براحتك من غير ما تدفعي مبالغ كبيرة عافري ومتيأسيش وكل ما تقعي قومي واستغفري وربنا معاكي ..وجد والله ربنا يحفظك ويسعدك 🌷 وحاولي تكوني صحيه صالحه هتفيدك جدا ... ربنا يعافيكي

بصي يا بنت الحلال ارمي التلفون ده من إيدك أو امسحي الأبليكيشنز اللي بتجيب رجلك للسكك دي خالص مفيش جحاجة اسمها هكلمهم بس عشان أهدى ده فخ وأنتي بتضحكي بيه على نفسك اقطعي الحنفية دي خالص ومتقوليش مش قادرة خدي خطوة بلوك دليت لكل حاجة في ثانية واحدة من غير تفكير. و لما تيجيلك الحالة أو الرغب دي وتلاقي نفسك هتضعفي غيري وضعيتك يعني لو قاعدة في سريرك قومي اقفي.. ادخلي خدي دوش مياه ساقعة يفرمل جسمك وعقلك ..أو انزلي اتمشي في الصالة وسط أهلك المهم متقعديش لوحدك في أوضة مقفولة والنت شغال غيري المكان والوضعية عشان تفصلي وتشتتي عقلك. ومتوقفيش حياتك عشان أهلك مش معاهم فلوس فيه مستشفيات جامعية فيها عيادات نفسية حكومية تذكرتها بكلام فاضي ودكاترة شاطرين وسرية تامة أو لو في اخت هنا ولا حاجه تتابع معاكي ..وأنتي بتدرسي في الجامعة يعني عندك طاقة ووقت اسحلي نفسك في المذاكرة انزلي كورسات اتعلمي مهارة تجيب لك قرش اعملي أي سبوبة أو شغل أونلاين..اوصفحه دينيه.. والطاقة اللي بتروح في السكة الغلط دي لازم تتوجه في حتة تانية تفيدك وتبني مستقبلك الحركة والمسحولية هي اللي هتنسيكي لكن الفراغ والقعدة لوحدك هما اللي بيخربوا الدنيا ... ةدوحد والله ربنا يحفظك ويوفقك لما يحب ويرضى... ويعافيكي و لازم تعرفي وتتأكدي إنك مش مذنبة ولا وحشة خالص واللي حصلك وأنتي عندك تمان سنين ده ذنب الحيوان اللي أذاكي ومش ذنبك أنتي والوضع اللي أنتي فيه دلوقتي ده مش قلة أدب منك ده عقلك بيحاول يتعامل مع صدمة قديمة ومأثرة فيكي من جوه من غير ما تحسي والكلام مع رجالة أغراب على النت وبعت الصور ده مش بيهديكي ده بيزود الطين بلة وبيخليك تلفي في دايرة مقفولة من جلد الذات...

بصي يا بنت الحلال الشخص ده مش شريك حياتك ده واحد بيتسلى وواخدك استبن ومقعدك جنب الرصيف ومفيش حاجة اسمها مستنية يقول فهمت ومبررات الجيش والكلام ده كله شغل حورات وتثبيت عشان يضمن إنك مروحة وموجودة وقت ما يحب يرجع يلاقيك مستنياه فاللي عاوزك بجد هيخبط على باب بيتك ويدخل دغري مش هيقعد يماطل ويسيب رقمه معاك فأنضفي من الوهم ده واعمليله بلوك من حياتك ومن دماغك قبل تليفونك وفوقي لنفسك واشتري كرامتك عشان مفيش حد هينفعك لما تضيعي عمرك على الفاضي ووقتها هتلاقي اللي يقدرك بجد. .. وجد والله ربنا يحفظك ويسعدك

بصي ي بنت الحلال المذاهب الأربعة دول كلهم صح وكلهم على راسنا واختلافهم ده رحمة بينا عشان الدنيا تبقى سهلة مش خناقة ولا حاجة وطالما إنتي مش دارسة فقه وعلم شرعي فالموضوع بسيط خالص مذهبك هو مذهب الشيخ اللي بتثق في دينه وعقله وتسأليه يعني من الآخر اسألي شيخ يكون وسط وموثوق واعملي بكلامه وإنتي حاطة في بطنك بطيخة صيفي وموضوع إنك تاخدي بالرأي اللي ترتاحي ليه أو بتميلي ليه ده جميل ومفيش فيه مشكلة طالما مش بتدَلعي وتنقّي السهل على مزاجك عشان تخلعي من الأحكام يعني لو قلبك ارتاح لرأي عالم محترم ومعروف امشي وراه وإنتي مطمنة وموضوع مذهب الدولة ده بتاع المحاكم والقوانين اللي بتمشي على البلد كلها عشان الدنيا متجوطش لكن في عبادتك وحياتك إنتي حرة تتبعي الرأي الأقوى والموثوق اللي يريحك فابسطيها على نفسك وكبري دماغك من الحيرة ومادام نيتك خير وبتسألي أهل العلم يبقى إنتي في السليم والتمام وطالما بتميلي للرأي الأحوط في الحجاب والاختلاط عشان شايفة فيه حماية ليكي فده خير وبركة طالما نابع من قلبك ولربنا وبدون تشدد وربنا يعينك .. أما لو دراسه ده حاجه تاني

بصي طول ما انتى صمتي قبل كده ومحصلش لخبطه وكنتي كويسه والعلاج كويس معاك في فتره الصوم في ايام رمضان .. يبقي تتوكل علي الله وتصوميهم عادي ومفيش داعي للقلق والخوف... ولو خايفه.. تصوميهم متقطع مش لازم ورا بعض يعني لو كل تلات ايام تصومي منهم يوم لحد ما يخلصوا إن شاء الله ميحصلش لخبطه في العلاج وامورك طبيعيه لان انتي مريتي بالتجربه دي قبل كده الخوف دا غالبا من الشيطان فتستعيذي بالله من الشيطان وتستعيني بالله وربنا مستحيل يضر عبد لجأ اليه او مقبل علي طاعته ولو قدرتي تصوميهم ورا بعض يكون افضل ليكي ... وربنا يعفو عنك ويحفظك وييسرك الحال.. لو في اي حاجه تاني اتفضلي..

بصي يا بنت الناس إنتي مشكلتك إنك باصة لغيرك ومسوقة نفسك في سكة المقارنات ومفهمة روحك إن القطر فاتك عشان حواليكي اتخطبوا وإنتي لسه عيلة ٢١ سنة يعني لسه يدوب بتكولي يا هادي الضغط اللي إنتي حاطة نفسك فيه ده هو اللي مخليك خفيفة وسايقة فيها مع أي فولو أو نكشة من أي عيل ومستعدة تدلقي لأي حد لمجرد إنك تداري الفراغ وخلاص طالما إنتي شايفة نفسك جميله وواثقة في حالك وشكلك ومش حاسة بنقص يبقى عيب في حقك أوي ترمي نفسك الرامية دي مع أي حد يلمحلك الثقل ده يا بنتي مش تمثيل ولا حركات الثقل بييجي لما تملي دنيتك بحاجات تانية بجد ركزي في كليتك وفي يومك ومستقبلك وساعتها مش هتلاقي وقت أصلا تبصي للموبايل وتشوفي مين بعت ومين هبب إيه حبي عيشتك وإنتي سنجل ومرتاحة البال واعتبريها فترة راحة وروقان تكتشفي فيها نفسك ولما ييجى ابن الحلال اللي بجد ويستاهلك وبنفس المواصفات اللي إنتي حطاها ساعتها بس يملى عينك وياخد من وقتك وطول ما هو مش موجود اقفلي الباب دي خالص ومتخليش الفراغ العاطفي يخليكي تاخدي قرارات تندمي عليها وتنزلي من نظر نفسك عيشي في سلام والنصيب الحلو هيخبط على بابك في وقته الصح ومن غير بهدله .. بعتذر اني رديت مع إن أن حضرتك قلتي للبنات .. بس قلت اقول رأيي يمكن تستفيدي ...

وعليكم السلام ورحمه الله وبركاته بصي يا بنت الحلال مفيش وقت للضمير اللي بيأنب بزيادة ده أول حاجة حوار إنك بتغلطي ب ال 20 وال 30 غلطة في المراجعات ده مش معناه إنك فاشلة خالص المراجعات أصلا معمولة عشان نغلط فيها ونعرف الأفكار الجديدة والغلطة اللي تغلطيها دلوقتي وتعرفي حلها الصح دي كنز لأنك مش هتكرريها في اللجنة يعني كل غلطة بتغلطيها دلوقتي بتنقذك يوم الامتحان وتاني حاجة حوار أنا ناسية كل حاجة ده وهم وخداع من مخك بسبب الرعب والضغط وقلة النوم لكن وقت ما تقعدي قدام الورقة والهدوء يرجع مخك هيطلع كل المعلومات دي لوحده وافتكري السنين اللي فاتت لما دخلتي مش عارفة حاجه وربنا كرمك فربنا اللي كرمك زمان مش هيسيبك دلوقتي ومش هيضيع تعبك بلاش تحملي نفسك فوق طاقتك وتخافي تخذلي أهلك هما شايفين تعبك ومقدرينه والنتيجة دي بتاعة ربنا مش بتاعتك إنتي عليكي السعي وبس وعشان تلمي الدنيا جهازي كشكول الأخطاء أي سؤال يقع منك أو تغلطي فيه في المراجعة اكتبيه في كشكول خارجي بالحل الصح بتاعه والخطوات الكشكول ده هيكون هو كنزك ليلة الامتحان وقسمي وقتك بلاش تقعدي على المحاضرة 8 ساعات ورا بعض مخك بيفصل وبيدخل المعلومات في بعضها اسمعي ساعة وخدي بريك 10 دقائق افصلي فيهم عن كدا حاجه وبلاش الموبايل والنوم خط أحمر قلة النوم هي السبب الأساسي إنك بتدخلي الامتحان تلاقي نفسك ناسية ومش عارفة تحلي نامي من 6 لـ 7 ساعات عشان المخ يرتب اللي ذاكرتيه و ابدأي بالسهل والمضمون في كل مادة عشان ترجعي ثقتك في نفسك وبلاش تضيعي وقتك في أسئلة تعجيزية المدرسين بيحطوها ومابتجيش في امتحانات الوزارة أصلا اهدي واستعيني بالله وربنا هيكرمك وزياده ..وجد والله ربنا يحفظك ويوفقك 🌷 لو في اي حاجه ممكن افيد حضرتك فيها اتفضلي

بصي يا بنت الحلال الحقيقة إنك غلطانة في حق نفسك من الأول عشان وسعتي العشم مع حد ملوش لازمة وإنتي شاغلة بالك بتصرفاته المخزية وبتحللي هو مسح رقمك ليه رغم إن الرد واضح وهو إنه مش مهتم ولا مقدر الغلط الأكبر إنك بعد ما مسح رقمك روحتي دورتي له على محاضرة وجبتيها له وهو أصلاً مطنشك وده خلاه يتمادى في تجاهله ليكي فوقي لنفسك وبطلي دور المصلحة الاجتماعية اللي بتدور على رضا الكل لأنك كدة بتهيني كرامتك على الفاضي لو بعت على الجروب اتعاملي كأن رسايله شفافة ومش موجودة ومترديش عليه ولا تتفاعلي معاه نهائي عشان يفهم إنه ملوش وجود في حساباتك أصلاً بدل ما إنتي حطاه في دماغك اقفلي الموضوع ده وبلاش شغل أنا قافلة من الولاد وإنتي لسة مهتمة تعرفي هو بيفكر إزاي لأن دي قلة تقدير لنفسك مش أكتر ... ربنا يصلح الحال

بصي يا بنت الحلال لازم تعرفي إنك مش لوحدك والإحساس إنك تائهة أو بترجعي لورا وسط زحمة الناس ده مجرد وهم من كتر الضغط والتعب اللي راكناه جواكي سنين أنت لسه فيك الروح اللي عايزة تنجح والدليل على كدا إنك لسه بتعافري مع المذاكرة والامتحانات رغم كل اللي حاسة بيه وموضوع تغيير المدرسة اللي قلقك ده ممكن يكون هو البداية الجديدة اللي تطلعك من الروتين اللي تعبك وعشان تريحي نفسك بطلي تقارني نفسك بحد ولا حتى بنفسك القديمة اللي كنت شطورة فيها زمان أنت دلوقتي في مرحلة بناء والترميم بياخد وقت فمتستعجليش النتيجة فكك من فكرة التراكمات اللي بتوترك وقت الامتحانات ركزي في الساعة اللي أنت فيها بس ولو ذاكرتي صفحة واحدة أحسن من مفيش المهم متقعديش تلومي نفسك وخلاص اكتبي كل العقد والمشاعر اللي حاسة إنها متراكمة جواكي دي في ورقة واحرقيهم لما تعمل كدا هيخفف الحمل اللي فوق قلبك ده شوية ومتخافيش من الخجل أو إنك مش عارفة تعبري عن حبك للناس اللي حواليكي كفاية إنك عارفة قيمة طيبتهم وده في حد ذاته نية كويسة ربنا هيجازيكي عليها خير وأهم حاجة خليكي واثقة في الحته الصغيرة اللي رافضة تستسلم دي وكبريها يوم ورا يوم هتلاقي الضلمة دي بدأت تروح .. وجد والله ربنا يحفظك ويسعدك 🌷 لو جربتي ده ومنفعشي ممكن ابعتي رساله اول تعليق 😊

بص أخ لأخوه أول حاجة لازم تعرفها إن ربنا مبيحملش نفس إلا وسعها وأنت قدها بدليل إنك شايل شيلة رجالة وبتصرف على نفسك وأنت لسه 19 سنة بخصوص الصلاة والذنب اللي تعبك ده أوعى تخلي الشيطان يضحك عليك ويقولك مفيش فايدة فتقطع صلاتك خالص بالعكس الصلاة هي اللي هتشيلك من الدوامة دي وربنا غفور ورحيم وبيحب العبد اللي بيرجعله حتى لو غلط ألف مرة وموضوع الوحدة والخنقة ده اعتبره اختبار عشان تقرب من ربنا أكتر وتعرف إن هو السند الوحيد اللي مبيغيبش حتى لو كل الناس اللي حواليك غابوا أو جرحوك استعذ بالله من الشيطان كل ما تحس بضعف وانزل المسجد وسط الناس عشان تكسر حاجز الخوف والوحدة اللي مسيطر عليك ده خليك واثق إن ربنا هيجبر بخاطرك عشان أنت بتسعى وبتحاول تعيش بالحلال في وسط ظروف صعبة وجمد قلبك كدة واعرف إن اللي معاه ربنا مبيخسرش أبدًا يا اخي.. ربنا يحفظك ويسعدك دنيا وآخره 🌷🩵

وعليكم السلام ورحمه الله وبركاته بصي يا بنت الناس فوقي لنفسك وخافي على ميزان حسناتك عشان اللي بتعمليه ده كدب وخداع وباب للشيطان يجرجرك لطريق آخره ندم وتعب قلب إنتي عارفة ومقتنعة إن الموضوع ده حرام ومع ذلك ماشية فيه وبتحبي حد حب "الكدبة" مش حبك إنتي الحقيقية الشخص اللي يحبك لما تصغري نفسك وتقللي من مستواكي عشان ترضيه ده مش الشخص اللي يصونك ولا يتقي الله فيكي اتقي الله في أهلك وفي نفسك واقطعي السكة دي تماماً وتوبي لربنا وابعدي عن الحسابات المزيفة دي خالص سيبي المعصية لله ومن ترك شيئاً لله عوضه الله خيراً منه وركزي في دراستك ومستقبلك وربنا هيرزقك باللي يستاهلك بالحلال ويصون كرامتك من غير تمثيل ولا كدب وشكرا على النصيحه... تعرفي اي اللي اثر فيا .. أن ده حال بنت من بنات المسلمين.. أن ده حال اخت ليا ..أن ده حال بنت من اهل الله وخاصته ..أن ده حال بنت من اهل القران.. والله انا اتضايقتلك ومش عارف اقلك اي ... ربنا يصلح حالك وحالنا جميعاً 🌷🤲

طب السلام عليكم ورحمه الله وبركاته بصي يا بطلة من الاخر كده عشان نلم الليلة دي ارمي الموبايل ده بعيد وامسحي اي ابلكيشن بيسوحك في مسلسلات واغاني لان دي البنزين بتاع الاحلام اللي بتعطلك وحددي لنفسك مكان للمذاكرة يكون مكتب وكرسي وبلاش السرير خالص عشان السرير هو اللي بيسحبك للمخدة والتمثيل والخيال و استخدمي منبه وكل نص ساعة مذاكرة خدي 5 دقائق بريك بس البريك ده يكون حركة يعني قومي نطي او اشربي مية عشان تفضل عينك وعقلك في الواقع و اول ما تلاقي مشهد بدا يظهر في خيالك قولي لنفسك بصوت عالي مش وقته وقومي غيري مكانك بسرعه او اتوضي وصلي ركعتين عشان تكسري الدايرة دي وترجعي لربنا واكتبي جدول باللي وراكي النهاردة وكل ما تخلصي حاجة اشطبي عليها عشان تحسي بانجاز حقيقي يخليكي مش محتاجة تهربي لبطولات وهمية انتي دلوقتي في مرحلة تحديد مصير ومستقبلك اهم من اي تمثيلية في دماغك ابدأي من دلوقتي والوقت لسه معاكي.. وجد والله ربنا يحفظك ويوفقك 🌷... لو جربيت ده ومنفعشي ابعتي رساله وان شاء الله نلاقي حل ...

بصي يا بنت الناس صلي استخارة الأول والجامد في الموضوع إنه بار بأهله ودي علامة خير كبيرة إنه ابن أصول وموضوع الفلوس اللي بيتباهى بيها ده ممكن يكون فاكر إنه كده بيكبر في نظرك أو بيطمنك فإنتي بلاش تحكمي عليه إنه مادي من دلوقتي وبالنسبة للشورت والعيشة بره فدي بيئة هو اتعود عليها مش معناها إنه وحش المهم جوهره ودينه بيصلي وبيعرف ربنا ولا لأ وكلمة الفلوس حرام دي سيبك منها طالما شغال شغلانة شريفة ومبيتعبش في الحرام يبقى ماله زي الفل إنتي اقعدي معاه لما ينزل وشوفي عقله ماشي ازاي وادعي ربنا لو فيه خير يقربه ولو شر يبعده بس متستعجليش في الحكم عليه لمجرد كلام سمعتيه من حد ركزي في طباعه هو وبس وربنا يكتبلك اللي فيه الخير ...

بصي يا بنت الناس العقد اللي من صغرك دي مش هتروح بكلمتين ولا الماضي بيموت لمجرد إنك كبرتي هي محتاجة تطبطبي على نفسك الأول وتفهمي إن مالكيش ذنب في اللي حصل والمواجهة مع اللي آذاكي دي ممكن تفتح جروحك أكتر ما تداويها خصوصا لو الشخص ده بارد ومش هيعترف بغلطه فبلاش توهمي نفسك إن العتاب معاه هو اللي هيريحك الراحة بجد إنك تخرجي الشخص ده ومواقفه من حساباتك وتعيشي لنفسك إنتي وتكبري دماغك من أي حاجة قديمة كسرتك عشان إنتي دلوقتي أقوى بكتير من البنت الصغيرة بتاعة زمان وتصالحك مع روحك أهم مية مرة من إنك تستني كلمة حق من ناس مابتفهمش ونفسيتك أغلى من أي عتاب مالوش لزمة... وجد والله ربنا يحفظك ويسعدك 🌷

بصي يا بطلة اهدي خالص وارمي ورا ضهرك كل اللي فات ده لسه بدري والوقت فيه بركة للي بيستعين بالله ومفيش حاجة ضاعت عليكي صدقيني بس انتي شيلتني نفسك فوق طاقتك ومقارنة بغيرك وده اللي موقف حالك ابدأي دلوقتي حالا بالحاجة اللي تحسيها سهلة عشان تسخَّني وتفتحي نفسك وانسي موضوع الكتب الكتير ده خالص ركزي في الخلاصة وفي المهم وربنا هيفتحها في وشك وموضوع التعب النفسي ده حاولي تريحي بالك ومتحمليش بابا فوق طاقته لو الظروف صعبة واستعوضي ربنا في تعبك وهو اللي هيجبر بخاطرك ويظبطلك كيميا دماغك بكلمة منه وقربي منه باللي تقدري عليه حتى لو لو الصلاه المفروضة بالعافيه هما دول اللي هيسنودكي في الأيام دي وقومي كدة انفضي الغبار ده وانتي قدها وهتعدي وتفرحي وهتفتكري الأيام دي وتعرفي إن ربنا كان شايلك الأحسن دايما بس انتي استعيني بالله وقولي يا رب وصدقيني لسه فيها أمل كبير... هل في حد ممكن يساعدك يتابع معاكي من اهلك ؟... وحضرتك مخلصه المواد بنسبه كام واي المواد اللي مخلصاها بنسبه كبيره ..؟؟

بصي انا ممكن أفيدك بكذا حاجه .. محتاجه اعرف كام حاجه عنك الاول ... زي مستواكي اي ... ومدي استخدامك السوشيال ميديا.. وهل فون ولاا لا ... وبتروخي دروس ولا اونلاين ... وهل عندك هوايات بتعملها ولا اي ... لو تضيفي من عندك .. انا بسالك السوال ده لأني تابعت أكثر من شخص من اهلي وقرايبي في ثانويه غير تجربتي والتجارب اللي أخدتها من ناس اكبر مني .. في ممكن. اقدر اساعدك في كذا حاجه باذن الله

بصي يا بنت الناس اسحبي البساط من تحت رجليه بالهداوة يعني حاولي تشوفي أي هواية هو بيحبها كورة جيم أو حتى لو بيحب يصلح حاجات وشجعيه ينزل يفرغ طاقته فيها عشان الفراغ هو اللي بيجيب السكة دي و حاولي تسيطري على موضوع الفلوس اللي معاه من غير ما يحس وصلي لوالدك إن الفلوس الكتير في إيد شاب في سنه بتفسده وخلوا المصاريف تكون بالطلب وعلى قد الحاجة و لازم تغيري بيئة البيت معاه يعني بدل ما هو معزول في أوضته طول الوقت اخلقي جو يخليه يقعد معاكم يتكلم ويهزر عشان يحس بالانتماء ليكم أكتر من صحابه بتوع الشارع وجربي معاه أسلوب المسؤولية يعني اطلبي منه يساعدك في حاجات محتاجة راجل يحسسه بقيمته وبأنه كبير في نظركم ده هيرجع له ثقته في نفسه ويخليه يتكسف يعمل حاجة غلط تكسر صورته قدامكم ومتحاوليش تتكلمي معاه في حاجه زي كدا ممكن تتكلميي معاه عن الصحابة والسجائر وكد من غير خناق عشان ميعندش زيادة ربنا يهديه ويصلح حاله ويجعلك سبب في صلاحه.. بس قبل ده كلو انتي كام سنه ... 🤔

بصي يابنت الحلال الكلام ده ليكي ومصلحتك أهم من أي حاجة وعشان السنة دي تعدي على خير لازم تلمي الدور في موضوع النوم ده أول حاجة كدة ارمي أي منومات في الزبالة لأنك لسه صغيرة والمنومات دي بتلحس المخ وبتضيع التركيز خالص والقهوة متشربيهاش بعد العصر نهائي عشان جسمك يلحق يهدأ وتعرفي تسقطي بالليل وما تسهريش للفجر وأهم حاجة تشدي على نفسك وتصحي الصبح بدري في ميعاد ثابت حتى لو منمتيش غير ساعة واحدة عشان تيجي على بليل تلاقي نفسك جبتي جاز وتنامي غصب عنك وتظبطي ساعتك البيولوجية والسرير ده معمول للنوم بس مش للمذاكرة ولا للموبايل عشان مخك ميسرحش وتركيزك يفضل في الكتاب وبس استعيدي تركيزك عشان الثانوية محتاجة دماغ فايقة مش واحدة ماشية بتخبط في الحيط ... ركزي واهلكي نفسك طول اليوم عشان لما تحطي رأسك على المخده تنامي فورا ... موفقه باذن الله 🌷

بصي يا بنتي من الاخر كده وعشان متتعبيش قلبك الصاحب اللي يجيلك عشان مصلحة أو نت ده مش صاحب ده مستغل والرسول صلى الله عليه وسلم علمنا إن المرء على دين خليله يعني اللي بتمشي معاهم بيطبعوا عليكي فمن باب أولى تختاري اللي يرفعك مش اللي ينهشك وموضوع إنها بتحكي أسرار بيتك لأهلها ده باب فتنة كبير والمفروض تحفظي سر بيتك ومتحكيش كل حاجة عشان البيوت ليها حرمة وأنتي مش مجبرة تيجي على أعصابك وصحتك عشان هي عايزة تتحكم فيكي لا يكلف الله نفساً إلا وسعها فخليكي قوية وقولي لأ لما تكوني تعبانة المؤمن كيس فطن يعني ذكي ومبيضحكش عليه مرتين فابدأي اسحبي ناعم وحطي حدود لخصوصياتك والوقت اللي بيضيع معاها في كلام ملوش لازمة استغليه في حاجة تنفعك لآخرتك عشان العمر غالي وميستاهلش يضيع مع ناس مش مقدرة قيمتك... ربنا يحفظك ويسعدك 🌷

بصي في العموم بيختلف من مكان لمكان وعلى حسب الطريق وعلى حسب المكان اللي انتى عايشه فيه .... بس بصي انتي صح الصح في تفكيرك وابعدي عن ابن خالك خالص لأن دي خلوة صريحة والشيطان شاطر وبما إنك بتعرفي تسوقي وباباكي مشجعك فده أسلم حل ليكي ولدينك وكرامتك لأن العربية هتسترك من قرف المواصلات والتحرش والبهدلة اللي بنسمع عنها والضرورات تبيح المحظورات وانتي كدة بتحمي نفسك وبتصونيها استعيني بالله وسوقي عربيتك وبلاش حوار ابن خالك ده خالص عشان تريحي ضميرك وربنا يحفظك في طريقك...

بصي يا بنتي هقولك الخلاصة عشان تريحي قلبك اللي تعب ده بصي الدين مأمركيش تحبيهم بالعافية لأن القلوب بإيد ربنا بس أمرك بالمعاملة الحسنة يعني خليكي إنتي الأحسن واعملي اللي عليكي عشان لما تقفي قدام ربنا تقولي أنا عملت اللي عليكي وهما قصروا وافتكري إن البر مش صفقة يعني مش هيدوني حنان فأديهم طاعة لا ده واجب عليكي لربنا وحده وبالنسبة لدعوات مامتك فمتقلقيش خالص ربنا عدل ودعوة الظالم أو اللي بيدعي بغير حق مش بتستجاب فمتخليش ده يكسرك ولا يهزك والكره اللي جواكي ده نار بتاكل فيكي إنتي فسامحي عشان تروقي وتعرفي تشوفي مصلحتك وحياتك وبكرة ربنا يعوضك ببيت هادي وأولاد تطلع فيهم كل الحنان اللي اتحرمتي منه وتكسري الدايرة دي خليكي مع ربنا وهو هيجبر بخاطرك ويحنن القلوب عليكي أو يرزقك باللي يغنيكي عنهم عاطفيا ونفسيا واستعيني بالصبر والصلاة وربنا يقويكي على اللي إنتي فيه

بصي يا بنت الناس من الآخر كدة طول ما قلبك واجعك كدة يبقى إنتي فيكي خير كبير والوجع ده هو اللي هيفوقك بصي إنتي مشكلتك إن الموضوع قلب معاكي عادة يعني إيدك بتروح للموبايل لوحدها فالحل إنك تملي وقتك بجد مش مجرد كلام يعني لو فاضية انزلي اتمشي أو ذاكري أو اعملي أي حاجة تهد حيلك عشان متلاقيش وقت تفكري أصلاً وبعدين بطلي تفتحي لنفسك أبواب مواربة مفيش حاجة اسمها بكلمه عادي عشان أسلي وقتي مفيش شات بيدخل فيه شيطان وبيطلع منه خير أبداً وافتكري دايماً إن ربنا شايلك الأحسن بكتير بس لما تسيبي الغلط عشانه هو وقربك من ربنا ده خليه سند ليكي بجد مش مجرد ركعتين وتخلصي ادعي وانتي ساجدة وقولي يا رب كرهني في العادة دي ونقي قلبي وخليكي واثقة إن اللي يقدر يغير حالك في ثانية هو اللي خلقك فاستعيني بيه واستقوي على شيطانك واستغفري كتير طول ما إنتي قاعدة ومع الوقت هتلاقي نفسك بقيتي أقوى والموضوع مبقاش فارق معاكي خالص .. وجد والله ربنا يحفظك ويسعدك

بصي يا بنت الحلال كل بني آدم فينا وعنده صندوق أسود ومستور بستر ربنا وأبوكي بشر مش ملاك وتصرفه ده ذنب بينه وبين ربه مالكيش دعوة بيه خالص ولا ليكي إنك تحاسبيه عليه إنتي ليكي الأب اللي بيعاملكم كويس وشايل مسئوليتكم وفاتح بيته وربنا بيقولنا نصاحبهم في الدنيا معروفاً حتى لو فيهم عيوب الدنيا فكبري دماغك خالص وما تفتشيش ورا الشيطان عشان ما يكرهكيش في أغلى الناس ليكي واستغفري له في سرك وادعي له بالهداية وخليكي زي ما إنتي بنته الحنينة الساترة لأبوها وافتكري دايماً إن من ستر مسلماً ستره الله فما بالك بقى لما يكون الساتر ده هو البنت لأبوها شيلي الفكرة من راسك وعيشي حياتك طبيعي وربنا يريح بالك ويهدي حالنا جميعاً وحاولي قبل ما تدخلي عليه تنادي عليه من بعيد ... واوعي تفكري تكلميه في حاجه.. وجد والله ربنا يهديه ويصلح حالو

بصي يا ستي انتي قلبك أبيض وزي الفل وده شيء يفرح بس لازم تفرقي بين إنك بتدعي ربنا وواثقة في كرمه وبين إنك راسمة صورة سوبر مان في خيالك عشان الصدمة بتبقى وحشة السوشيال ميديا والكلام اللي بنسمعو دي ساعات بتخلينا نعيش في اللالا لاند والواقع إن مفيش بيت من غير مشاكل ومفيش راجل مفيهوش عيب زي ما مفيش ست كاملة فإنتي خليكي واعيه ادعي ربنا يرزقك باللي يتقي الله فيكي ويصونك وده الأهم من إنه يكون مبيغلطش خالص يعني عيشي سنك وانبسطي بس متخليش كل حياتك وتفكيرك واقف على صورة الراجل اللي هييجي يخلصك من كل المشاكل دي عشان لو اتأخر شوية أو جه فيه عيوب بسيطة متتعبش نفسيتك وتتكسري خلي ثقتك في ربنا مش في "توقعاتك الشخصية" يعني قولي يا رب اختار لي الخير ورضيني بيه سواء جه زي ما أنا عايزة أو جه بشكل تاني ربنا شايف إنه أنسب ليا وبالراحة على نفسك ومتدافعيش عن حد لسه مجهش عيشي واقعك واكبري وانضجي والرزق هييجي في وقته وربنا يكتبلك كل خير ويريح بالك ...

بص يابنت الحلال عشان تخلصي بجد لازم تعرفي إن جهاد النفس ده من أعظم العبادات عند ربنا يعني كل لحظة بتقاومي فيها فكرة وحشة ليكي فيها أجر كبير فخليكي دايما فاكرة إن ربنا معاكي وشايف تعبك فلازم إنك تصلي الصلاة في وقتها وتدعي في سجودك بقلب محروق إن ربنا يعصمك من الغلط دة.. و لازم تخلصي نفسك من الفراغ لأن الفراغ هو اللي بيجيب التخيلات يعني لازم يومك يكون زحمة مذاكرة أو شغل أو رياضة لدرجة إنك تترمي على السرير تنامي في ثانية والموبايل ده بره الأوضة قبل ما تنامي واقرأي أذكار النوم بتركيز عشان تحصني نفسك من أي وسوسة ولو الشيطان ضحك عليكي في مرة إياكي تقطعي الصلاة أو تبعدي بالعكس قومي اتوضي وصلي ركعتين توبة مباشر لأن الحسنات يذهبن السيئات وخليكي واثقة إن الموضوع تدريجي ومحتاج صبر واستعانة بالله وهتعدي منها بإذن الله ونفسك هتبقى أقوى وطاهرة أكتر من الأول... وسوالك هل دي عاده اه نعم عاده ربنا يعافيكي

بصي يا بنت الحلال عشان تقربي من مامتك وتكسبيها لصفك لازم تشغلي دماغك وتغيري طريقتك معاها خالص بلاش تردي الكلمة بالكلمة وقت النرفزة حتى لو هي غلطانة في حقك اسحبي السجادة من تحتها بكلمة حاضر يا أمي وحقك عليا الكلمتين دول بيطفوا نار أي خناقة وبيخلوها هي اللي تراجع نفسها وتندم إنها قست عليكي وحاولي تدخليها في تفاصيل يومك البسيطة يعني اسأليها عن رأيها في حاجة أو اطلبي منها تعملك أكلة بتحبيها الأم لما بتحس إن بنتها لسه محتاجة لها ومتمسكة بيها حنيتها بتغلب قسوتها واختاري وقت تكون هي فيه رايقة واقعدي فضفضي معاها بالهداوة قولي لها يا ماما أنا ماليش غيرك ونفسي نكون صحاب عشان أقدر أواجه الدنيا بيكي الكلام اللي طالع من القلب ده بيحنن الحجر وممكن يغير نظرتها ليكي تماما وحاولي تثبتي لها إنك شاطرة ومسؤولة في الحاجات اللي هي مهتمة بيها زي شغل البيت مثلاً عشان تقطعي عليها سكة الانتقاد وتخليها تثق فيكي أكتر الموضوع محتاج منك شوية صبر وطولة بال عشان تكسبيها وتعيشي مرتاحة البال والبيت يهدى عليكوا وجد والله ربنا يحفظك ويسعدك 🌷

بصي يا بنت الناس الخطوبة دي فترة عشان تتقربوا من بعض بالمعروف وفي إطار يرضي ربنا مش عشان تستنزفي طاقتك وتعيشي في نكد المشغول ده كلمة مطاطة واللي شاري بجد بيعرف يسرق وقت عشان يطمن شريكته خصوصاً لو عارف إنها زعلانه بدل ما تجلدي نفسك سيبي الأمور لربنا ووقفي عتاب خالص كدا وخليكي تقيلة واهتمي بنفسك وبصلاتك ولو هو فيه خير ليكي ربنا هيهديه ويصلح حاله معاكي ولو هو بيبعد فلعله خير وربنا بيصرف عنك تعب أكتر بعد الجواز. صلي استخارة وفوضي أمرك لله وهو اللي هيريح قلبك وجد والله ربنا يحفظك ويسعدك 🌷

وعليكم السلام ورحمه الله وبركاته. بصي طالما الموضوع وصل لانك مش قادرة تدوسي على رجلك وحاسة بوجع لازم تروحي لدكتور عظام بسرعه وماتسمعيش كلام اللي يقولك ده شوية برد او ارهاق الطرقعة اللي وراها وجع وحمل تقيل على الرجل ممكن تكون تمزق في الاربطة او التواء محتاج رباط ضاغط وعلاج صح عشان ما يتعبكيش قدام فـ ريحي رجلك خالص دلوقتي وارفعيها على مخدة لحد ما تروحي تكشفي وتطمني وبلاش تمشي عليها بالعافية عشان الحالة ما تزدش ودعواتنا ليكي بالشفاء وجد والله ربنا يحفظك ويسعدك 🌷

وعليكم السلام ورحمه الله وبركاته.. يا ست الكل بصي من الآخر اللي عندك ده وسواس قهري وتعب أعصاب مش مجرد خوف عادي ومحتاجة دكتور نفسي شاطر ضروري عشان ترتاحي من الدوشة اللي في دماغك دي لأنك كدة بتظلمي نفسك وبتطلعي العيال مهزوزين وخايفين من الخيال فالحقي نفسك عشانهم وعشان صحتك وبالهداوة كدة حاولي تسيبيهم يتدلعوا شوية وتدربي قلبك يسيبهم في حالهم تدريجي وادعي ربنا يطمن قلبك بس السعي عند دكتور هو أول خطوة صح عشان تخلصي من الكابوس ده وتعيشي حياتك طبيعي مع ولادك ... وحتت العلاج دي ممكن تكتبي في ورقه أو كشكول تتاكدي منه .. وجد والله ربنا يحفظك ويسعدك 🌷

بصي يا بنت الحلال متقلقيش خالص اللي بتمر بي ده طبيعي جدا في سنك عشان الهرمونات لسه بتظبط نفسها فبتخلي مودك مش ثابت يوم فوق ويوم تحت وبالنسبة لافكار الليل دي فده عشان عقلك بيفضى فبيبدأ يقلب في القديم والجديد والحل انك تحاولي تشغلي وقتك قبل النوم بحاجة مفيدة وتبعدي عن الموبايل شوية وكمان زي ما قالتلك الاخوات في التعليقات حاولي تكتبي اللي مضايقك في ورقة وتطلعي طاقتك في اي هواية بتحبيها ولو حسيتي ان الموضوع زايد عن حده ومش قادرة تسيطري عليه ابقي اتكلمي مع حد كبير بتثقي فيه بس في المجمل انتي زي الفل وده مجرد مرحلة وهتعدي وجد والله ربنا يحفظك ويسعدك 🌷

يا بنت الحلال البنت مش هبلة ولا حاجة دي بتتقطع من جواها وشايفة اللي بيحصل وساكتة عشان مش بإيدها حاجة تعملها وصعبانة عليها نفسها وعليكي فنصيحة لوجه الله بطلي تشديها في خناقاتكم وسبيها في حالها وفي مذاكرتها عشان دي اللي هتطلعها وتطلعك من اللي أنتي فيه بكرة لما تنجح وتبقى حاجة كبيرة هتكون هي سندك الحقيقي اللي يخليكي تمشي وانتي رافعة راسك وماتخافيش عليها هي واعية وعارفة كل حاجة بس بتهرب من الوجع بالكتاب فاحتويها بكلمة حلوة وطبطبي عليها بدل ما تكسري بخاطرها هي كمان كفاية اللي هي شيفاه بعنيها ومستحملاه في سرها واحميها من المشاكل عشان ماتطلعش كارهة الدنيا والناس وخليكي انتي الحضن اللي يطمنها مش اللي يزود همها وضغطها وربنا يعينك ويصلحلك حالك وحال بنتك والخيانة وجعها كبير ومحدش يقدر يلومك على زعلك بس المواجهة مع راجل بايع ومستبيح مش هتجيب غير حرق دمك وتصغيرك قدام نفسك لازم تعمليها إنك تتغافلي مش عشان هو يستاهل لكن عشان تشتري نفسك وراحتك بلاش تدوري وراه وبلاش تواجهيه طالما النتيجة واحدة ركزي كل طاقتك في بنتك اللي في ثانوية دي وفي بناتك الصغيرين وحاولي تشوفي أي باب رزق أو شغل أو قرش يتشال للزمن عشان تأمني نفسك مادياً لأن الراجل اللي ملوش غالي ومبيصونش العشرة ميتأمنش ومحدش عارف بكرة فيه إيه بطلي تعيشي دور الضحية وابدأي عيشي دور الأم اللي بتأمن مستقبل لعيالها بعيد عن قرفه وبرود مشاعره ومتقوليش هسيب بناتي لمين بناتي أهم ليكي وإنتي قوية وسند ليهم طول ما إنتي هادية وعارفة بتعملي إيه مش وانتي منهارة وبتتخانقي في خناقة خسرانة مع واحد مبيحسش ربنا يقويكي ويبرد قلبك ويسخرلك اللي فيه الخير ليكي ولبناتك

بصي لازم تتابعي الدكتور عبدالرحمن ذاكر الهاشمي... ودكتوره عزه الغامدي .. والبشمهندس علاء حامد في دورات كتير ليه .. وتابعيني انا 😅 ... المهم على حسب سنك اقلك ناس تاني موفقه باذن الله 🌷 🤍

تصدقي لسه ناشر فديو امبارح عن الموضوع ده 😅 بس بطريقه كوميديه شويه 🌷🤍 بس بصي بنت الحلال الموضوع محتاج منك قرصة ودن لنفسك في الأول عشان ترتاحي بعدين أول حاجة خليكي فاكرة إن ربنا مطلع عليكي في كل لحظة فاستحي منه وتاني حاجة النظرة دي زي السهم المسموم بتوجع قلبك إنتي وتخليكي مشتتة فوفري طاقتك لنفسك وبلاش تطلقي بصرك في اللي ملوش لازمة وأول ما تلاقي عينك راحت لفي وشك بسرعة واستغفري عشان النظرة الأولى ليكي والتانية عليكي ودايما ادعي ربنا يطهر قلبك ويشغل عيونك بذكره وطاعته ومع الوقت هتلاقي الموضوع بقى سهل وبقيتي ملكة في نفسك ومرتاحة من وجع الدماغ ده كله وربنا يوفقك ويثبتك يارب

بصي هو ربنا لما بيحب حد بيبتله بالضيق ده عشان يرجعلوا فإنتي أول ما تحسي إن دماغك هتنفجر والأصوات دي زادت عليكي اجري على سجادتك واسجدي لربنا وقوليله ربي انا تعبانة ريح قلبي وفك الكرب ده ودايما خلي لسانك شغال بذكر الله في سرك يعني قولي يا حي يا قيوم برحمتك أستغيث وخليكي عارفة إن سورة البقرة دي فيها سر عجيب وشغليها في البيت دايما عشان تطرد أي طاقة وحشة أو ضيق في صدرك وماتلوميش نفسك إنك مش طايقة الناس عادي كلنا بنمر بفترات بنحتاج فيها ننعزل شوية عشان نرجع أقوى فاستعيني بالله كده وقولي يا رب ارزقني السكينة وهو هيطمن قلبك ويريح بالك إن شاء انا بقى لو اي صوت بيزعجك وبتحليل الهدوء فأنا كذالك بكره الاصوات المردده يعني صوت حاجه كل شويه نفس الصوت ..😅

بص أول حاجة موضوع التوبة ده مفيهوش شك ربنا غفور ورحيم وطالما ندمان وبتحاول يبقى إنت فيك خير كبير والوقعة اللي وقعتها بعد شهرين دي مش نهاية العالم بالعكس دي تثبت إنك قوي وقدرت تمسك نفسك فترة طويلة فمتهدش اللي بنيته عشان غلطة وارجع كمل عادي ولا كأن حاجة حصلت وبالنسبة للتوفيق فربنا مش بيعاقب حد بالمستقبل عشان ذنب هو بيجاهد فيه فبطل توهم نفسك إنك فاشل أو ربنا مش هيوفقك عشان ده مدخل للشيطان يخليك تسيب المذاكرة وتكتئب وتضيع فعلا بجد والتركيز اللي بتقول عليه صفر ده وهم نفسي عشان إنت شاغل بالك بالذنب واللوم زيادة عن اللزوم فاغسل وشك وتستعيذ بالله وتقوم تذاكر وتخرج نفسك من دايرة لوم الذات دي والتركيز هيرجع لما تشيل الحمل ده من على دماغك وتنظم نومك وتتحرك شوية والرياضة هتفرق معاك جدا في سحب الطاقة دي وتظبيط جسمك والتركيز بجد هو إنك تقفل تليفونك وتواجه دروسك ومفيش حاجة ضاعت لسه في إيدك تلم كل حاجة وتفرح أهلك استعن بالله وقوم كمل مشوارك يابطل.

بصي يابنت الناس الهلاك النفسي ده معناه من حمولك اللي زادت وقلبك محتاج يرمي حموله على اللي خلقه ربنا قال لا يكلف الله نفسا إلا وسعها يعني هو عارف إنك قدها وهتعدي بس إنتي محتاجة تسلمي النمرة لربنا وتقولي يا جبار اجبر بخاطري الهلاك ده بيجي لما بنشيل الشيلة لوحدنا فـ ارمي حمولك على الوكيل وقوليله ربي أنا تعبت وتولى أمري ...الصلاة مش مجرد ركوع وسجود دي فضفضة مع ملك الملوك احكيله بوجعك وباللغة اللي تريحك هو سامعك وحاسس بيكي ومتقلقيش مفيش شدة بتدوم وربنا كريم أوي وهيعوض صبلك ده بجبر ينسيكي كل الهلاك اللي شوفتيه استهدي بالله كده واستغفري كتير هتلاقي الدنيا فكت في وشك ومن غير تعقيد خالص ربنا مبيسيبش حد التجأله ونفسك دي أمانة عندك بطلي تضغطي عليها وسيبك من بكرة وسيبي تدبيرها للي خلقها وأبشري بالخير وجد والله ربنا يحفظك ويسعدك 🌷

بص يا صاحبي الخلاصة عشان متتعبش نفسك التعامل مع الواطي محتاج لسان حلو وقلب ميت يعني خليك رسمي في حدود الأدب وما تديش حد فيهم ريق حلو عشان ميركبوش ويدلدلوا وركز في حالك وبس وبالنسبة للثبات على الصح فده فعلا تقيل بس خليك عارف إن اللي ماشي عكس الموج هو اللي بيوصل لشطه في الآخر فمتستناش حد يسقفلك عشان عملت الصح إنت اعمله عشان ترتاح قدام ربنا ونفسك والنصيحة اللي بجد فكك من مراقبة الناس وعيوبهم عشان متتخنقش وبدل ما تشيل هم المجتمع كله خليك إنت النسخة اللي تحب تقابلها في الشارع وصدقني النضيف بيجيب نضيف زيه حتى لو قليلين في الزمن ده المهم تفضل إنت إنت ومتخليش حد يسحبك لغلبه الدنيا ديه وربنا يعافينا والله 🩵🌷

الموضوع كله شوية توتر أو طاقة زيادة ومحتاجة تخرج صح فالحل إنك تسترجل على العادة دي وتكسرها بذكاء أول حاجة لازم تشغل إيدك بحاجة تقيلة زي هاند جريب تقعد تمرن بيها أعصاب إيدك وتطلع فيها طاقتك وأنت بتذاكر أو سرحان أو هات سبحة إلكترونية واقعد سبح واستغفر منها بتكسب ثواب ومنها صوابعك مشغولة بعيد عن بوقك وبالنسبة للأقلام والحاجات اللي بتتقطم دي فدي بتبوظ مظهرك جداً فخلي دايماً جنبك لبان أو ازازة مياه كل ما تفكر تمد إيدك على بوقك خد بوق مياه أو اقطع التفكير ده وقوم اتمشى

أنا قريت كلامك كله وفهمته ومقّدر جداً الوجع اللي انتي فيه.. كنت عايز أسألك على كام حاجة كدة عشان أفهمك أكتر لو حابة تحكي...

بقالك كام سنه مع الدكتور ده

اللهم امين يارب العالمين 🌷... اللهم بحق هذا اليوم العظيم افتح لها أبواب الخير والتوفيق من حيث لا تحتسب، ويسر لها كل عسير. اللهم اجعل خطواتها مباركة وحقق لها طموحاتها ولا تجعل للحزن طريقاً إلى قلبها واجعلها دائماً غالية، محفوظة ومستجابة الدعوة... روحي بقى ذكري ربنا يوفقك ويكرمك انا وكل اللي معاكي وتعدو منها باعلى المجاميع ....

فيروز احلا من مفازة

اتفضلي ..

طيب الحمد لله ربنا يوفقك ويكرمك... وتبقي احسن مدرسه ... اهم حاجه نصيحه من اخوكي الصغير ...اهتمي بلبسك ومتبينش الساعد لا انا اغلب المدرسين بيشمرو ايدهم هم وبيشرحو ..... وحطي نيه لوجه الله العلم ده .. عشان تاخدي اجر .. ومتنسيش يوم عرفه وفضله والايام دي .... العفو ربنا يحفظك ويسعدك 🌷

العفو ربنا يحفظك ويوفقك لما يحب ويرضى...تمام انا كنت هنصحك بده لان فعلا مضيع للوقت .. بس المهم ربنا يوفقك ويكرمك لو افتكرني ابقى طمنينا عنك ...

استمري عليه ومتزوديش حاحاجه وركزي في دراستك عشان امتحناتك الفتره دي ولما تخلصي ابدأي زودي

قلتلك على أقل القليل اللي تعمليه في يومك صح ...

قلت اقلك هنا ...

مش عارف السوال اتقفل ليه ..

وعلى ممكن تكوني مهمله بقلك احتمال ضعيف المهم تقاربي متوصليش للدرجه الإهمال خليكي انتي المتحكمه ...

انا اقصد لما قلتي انك مش مشكله معاكي الكتابه ... قلتلك تخالفي حاجه بسيطه بس

المشكله اني بجاوب على تعليقين أو ثلاثه مع بعض

نسال الله العفو والعافيه في الدنيا... يعني بنحاول نرضي ربنا ... اللهم امين ... مش وحدك صغيره 👶.. بي انا بحب اكون رسمي في كلامي اجتنابا للفتنه ...

مش مشكله احنا بس عايزين مختلف الحته دي بس بتاعت الكلام.... احتمال ضعيف انتي بس حاولي تقاربي بس وفي حاجه جميله جدا وهي قلتلك عليها تقريبا قبل كدا بتاعت أقل القليل ..

لا مش مشكله ولا يهمك ... لا بالعكس حجات مهمه .. ربنا يحفظك ده من ذوقك حضرتك... اللهم امين ومن امثالك .. بالعكس انا اللي شغلتك معاي وانتي عليكي مذاكره ربنا يوفقك

دة وهم الكامل تمام ...أول حاجة لازم تعملي مخالفة للنفس ودا جهاد.. يعني تعمدي تسيبي حاجة مش مترتبة واقعدي وبصي لها واستحملي القلق والضيق اللي جواكي وقولي لنفسك انا مش اله يظبط الكون .. أنا أمة ضعيفة واقبلي بنقصك البشري.. تاني حاجة فقه الأولويات.. لما تقعدي تظبطي الهدوم بالمسطرة تضيعي ساعة.. اسألي نفسك هل الساعتين دول ربنا هيحاسبني عليهم إن الهدوم مش قد بعض؟ ولا هيحاسبني على الوقت اللي ضاع من عمري ودراستي وصحتي؟ دا تلبيس إبليس بيشغلك بالمهم عن الأهم.. تالت حاجة كشكول الروتين والخطط.. ارمي الخطط الصعبه دي واكتبي فوق الكشكول لعل الله يحدث بعد ذلك أمرًا .. اتعلمي مرونة تلقي أقدار الله.. لو الروتين باظ قولي قدر الله وما شاء فعل وانقلي على اللي بعده.. رابع حاجة لما تنزلي وتفتكري حاجة في البيت متتصليش بحد.. دا تمرين اسمه تحمل الضيق.. سيبي القلق ياكلك وانشغلي بالذكر والاستغفار لحد ما تدربي نفسك إن غيابك عن البيت مش هيهد الحيطة.. الزمي الاستغفار واعرفي حجمك الحقيقي في الكون هترتاحي.... ده كلام دكتور نفسي

ونسيتي حاجة قولي لنفسك مش هيجرى حاجة ولما أرجع هعملها ومتتصليش بالبيت عشان تعدليها

وعودي نفسك على مبدأ إن الحاجة المقبولة حلوة مش لازم كل حاجة تطلع مية مية وكشكول الروتين دا معمول عشان يساعدك مش عشان لو يوم باظ تقعدي تجلدي في نفسك وتتأثري ولو خرجت

انك تخفي على نفسك شوية وتدربي دماغك على اللخبطة يعني تعمدي تسيبي حاجة مش مظبوطة وبوظي رصّة الكتب بإيدك واستحملي القلق شوية هتلاقي إن الدنيا مانهارتش ولا حاجة

بصي اللي عندك دا مش حب نظام دا ضغط عصبي وكمالية مفرطة... وهم اسمو وهم كمال .... مخلية النظام هو اللي ممشيكي مش إنتي اللي ممشياه النظام معمول عشان يريحنا مش يكتفنا ويخلي يومنا يقف عشان سم واحد اتمسح أو تيشيرت مش قد التاني إنتي محتاجة

لا انا هنا من 2024 ولكن استخدمت التطبيق السنه دي لأني مكنتش عارف التطبيق بتاع اي ..

اتكلمت معاها والله وحاولت اعمل كل حاجه حضرتك قولتيها بس هي حاسس ان في حاجه مش طبيعيه مره وحده كدا قالت عايزه تقلع النقاب بدون اسباب لو تشوفي التعليقات في تفاصيل أتكلمت فيها مع الاخت تسنيم ..

تمام مش مشكله انا بإقليم كام شهر مش اكتر بس كنت مسجل قبل كدا ولكن مكنتش عارف دي بتاع اي ....

هو غالبا اللي تعرفي انك لازم تعملي منشن وقت السوال ... ممكن تنسخيه وتكتبيه هنا كتعليق وانا جاوب عادي 😊

ولا في حاجه غيرهم

هو عندك سوالين بس واحد اللي جاوت عليه والتاني بتاع تفسير الحلم

تمام .. السوال التاني صح

تمام في مشاكل خالص .. هروح بس اصلي عشان العشاء باذن واجي ...

لا

اتفضلي

انا والله بحاول واديها الحكم واقولها انتي شايفه اي ... تسكت شويه وترجع تقولي والله ما اسمع كلامك تاني ... وبعدها تقولي وبرضو هقلع النقاب ...

بس انا مش عارف لي هي كانت موافقه في الاول وبعد سنه تقول لا ... فاهم قصدي ...

المشكله انو طلع مره وحده كدا تحسي البنت لبسها عفريت .. عايزه اقلع النقاب ..

هو انا حاسس. عشان هي لوحدها لبسه كدا في السن ده وغير أن بنت عمها نفس سنها ومعاهي في كل حاجه مش لابسه هتلبسو في أول ثانوي أو ثلاثه اعدادي .. ف هي عايزه تلبسوا معاها وكدا ...

ظهار أن القصه مختصره جدا ربنا يجعلها في الفردوس الاعلى... اه عارفك ربنا يحفظك

الاول كانت بتقول بيخنقني وانا بسمع للشيخ والشيخ بيخليني اقعد كتير في المسجد قلتلها انا هروح للشيخ وأخليه يسمعلك اول وحده وتروحي ... بعدها بدأت تقول انا أصلا لبستو عشان انت متزعلش ... وتقول لابوها انا مخنوقه ومش عايزاه .. ف كلامها متناقض ف انا حاسس ان في حاجه بس مخبياها ..

ربنا يرحمه ويغفر لها ويسكنها فسيح جناته.. جمل جدا ربنا يوفقك تكوني زيها .... قصتها جميله جدا

شكرا جزيلا لكلام حضرتك جميل جدا ربنا يثبتك انا عملت اللي قلتي عليه كلوا بس هي منشفه دماغها ومش عارف اي المشكله بالضبط انا عندي اسلوب باقنع بيه اي حد الحمد لله بس مش عارف ليه مش عارف أقنعها حاسس نفسي متكتف.. غير ان دي فتره عيد وتبدأ التجمعات اخواتها وكدا وكلهم كان بيقولو أنها صغير ومتجبرهاش ... انا بس عايز اعرف السبب هل هي تعبانه منه ولا حاجه تاني

@محمد احمد هي محجبه في المعهد من ابتدائي عادي انا أقنعها بيه في البداية مع أن كان كل الأهل معارضين ولكن لبسته سنه دراسيه كامله والأهل كلهم متنقبين الحمد لله وجزاك الله خيرا على اجابتك .. ولا يهمك مش مشكله

تمام ماشي

مش جايب نتيجه الهدوء

في فديو جميل جدا هيفيدك .. بس مش عارف هيتشارك هنا ولا لا

العفو ربنا يحفظك

بعتلك عنوان تكتبيه بصي لو في اي مسافه صغير غير العنوان امسحيها بعدو أو قبله

وقوليلي اي اللي حصل

(adult-filter-dns.cleanbrowsing.org ) طيب غير الرابط لده

انا قلتلك طريقه وقلتي مظهرتشي واديتك العنوان ..اللي تكتبيه ف مش عارف انتي عملتي اي ممكن تصوري الطريقه وتبعتيهالي..

انتي عملتي اي بالضبط