Esmat Ali

يا بنتي والله كل اللي قولتيه ده وجع كبير مفيش حد يقدر يستحمله لوحده بس عايز أقولك إنك صح في حاجة واحدة ومهمة قوي إن فعلا مش ذنبك المرض النفسي ده زي الصداع وزي أي تعب جسدي ملوش علاقة بجدعنتك ولا بتربيتك ولا بأخلاقك ده تعب غصب عنك بيخليكي مش شايفة النور وبيهد حيلك ويخليكي تهربي للخيال وللتليفون عشان بس تنسي الوجع ثانية واحدة إنتي مش وحشة ولا إنتي قليلة ولا إنتي احتياطية إنتي بس تعبانة ومحتاجة اللي ياخد بإيدك ويطبطب على قلبك بجد بلاش تظلمي نفسك وتحمليها فوق طاقتها وتفتكري إنك مذنبة في مرضك إنتي لسه جواكي الطفلة الحلوة اللي الكل كان بيحبها بس هي دلوقتي مستخبية ورا الحزن والكسرة قومي بس قولي يا رب وسندي على أي حد متخصص يساعدك تخرجي من السواد ده لأن والله فيه مخرج وفيه أمل بس إنتي غالية قوي بلاش تضيعي نفسك عشان خاطر وجع وقتي مهما طال مصيره هيعدي وهتفتكري الأيام دي وتقولي الحمد لله إني عديت منها بالسلامة إنتي ليكي لزمة وليكي قيمة وبكرة أحلى والله بس إنتي اصبري على نفسك وحبيها وطبطبي عليها بدل ما تجلديها لأنك بجد تستاهلي تتحبي وتعيشي مبسوطة ربنا يبرد قلبك ويطمن بالك يا رب وجد ربنا يحفظك ويسعدك 🌷

بص يا صاحبي الوجع ده طبيعي عشان انت كنت شاري بجد وتعبت وشقيت بس لازم تفوق لنفسك وتعرف ان اللي يبيعك في اول مشكلة بسيطة يبقى مكنش يستاهلك من الاول ولا كان هيشيل معاك شيلة العمر قدام والحل دلوقتي انك تقطع اي سكة بتوصلك لصورها او كلامها وتركز في شغلك ومستقبلك والوقت كفيل يداوي بس انت استعين بالله وقول يا رب عوضني خير وهيجي لك اللي تصونك وتقدر تعبك ده وتعرف قيمتك بجد ومن غير زعل اللي يخرج من حياتك بالسهولة دي متبكيش عليه عشان هو اللي خسر قلب ابيض زيك واشغل نفسك بالرياضة او القعدة مع ناس بيحبوك وهتلاقي الدنيا بقت احسن واحدة واحدة والتعلق ده هيفك مع الايام وهتضحك على حالك ده قدام وتعرف ان ربنا كان شايلك الاحسن ....عن تجربه بس لسه مستني الاحسن 😅😊

بصي يا بنت الحلال من الآخر ومن قلب أخ ليكي انتي زي الفل وماشية صح الصح ومفيش في اللي قولتيه عيب واحد بالعكس دي فطرة ربنا اللي كتير من البنات دلوقتي تاهوا عنها فكرة إنك عايزة تبني بيت وتكوني أم صالحة وتتفرغي لبيتك دي أسمى رسالة في الدنيا والدين كمان فربنا سبحانه وتعالى قال وقرن في بيوتكن يعني قرارك ده له أصل وجذر في الشرع ومحدش يقدر يلومك عليه أما بخصوص خوفك إن مفيش حد يقبل بيكي فده وهم الشيطان بيرميه في طريقك عشان يخليكي تشكي في نفسك الرزق يا بنت الناس بإيد ربنا والزوج الصالح اللي بجد هو اللي بيدور على الجوهرة المستورة اللي زيك اللي فاهمة يعني إيه بيت وعيلة وسكن ومش كل الشباب بيدوروا على شهادة وشغل فيه اللي بيدور على راحة البال والدين وأهلك معاهم حق يخافوا عليكي بس ده خوف عاطفي مش معناه إنك غلط فخليكي واثقة في طريقك وكملي في حفظ قرآنك وعلومك الشرعية واستعيني بالله ومتقلقيش اللي خلقك مش هيضيعك وهيرزقك باللي يقدر قيمتك ويشيلك فوق راسه عشان إنتي اخترتي ربنا والي بيختار ربنا مبيخسرش أبدًا وافتكري دايمًا إن الرزق بييجي بالتقوى ومن يتق الله يجعل له مخرجًا ويرزقه من حيث لا يحتسب فاستبشري خير يا بطلة وربنا يوفقك للي فيه الخير وجد والله ربنا يحفظك ويسعدك 🌷

بصي يا بنت الحلال انتي مغلطتيش خالص بالعكس انتي بنت أصول وشلتي حمل كبير من على كتاف أبوكي عشان عارفة البير وغطاه ومصاريف الكليات الخاصة بتقطم الظهر وموقفك ده قمة البر بأهلك والست الوالدة زعلانة عشان كان نفسها تتباهى بيكي وتشوفك في أحسن حتة بس ده زعل وهيروح لحاله والوقت هيداوي كل حاجة انتي بس محتاجة تطولي بالك وتفضلي تحايلي فيها وتدخلي أي حد بتحبه من العيلة يصالحكم على بعض والأهم من ده كله إنك تشدي حيلك في كليتك وتثبتي لها إنك هتنجحي في أي مكان وتفرحي قلبها بشهادتك وبكرة لما تلاقيكي ناجحة ومرتاحة وموفرة مليم لبيتك هي اللي هتيجي تبوسك وتقول لك كتر خيرك يا بنتي إنك فكرتي فينا ونفسك عفيفة المهم متخليش الشيطان يدخل بينكم واصبري على زعلها ده زعل محبة ودلع وكله هيعدي وانتي عملت الصح وضميرك لازم يكون مستريح وبالك هادي روحي بس بوسي على أيدها ورأسها منغير كلام لو فتحت معاكي كلام اتكلمي عادي لو مفتحتش اعملى كدا كل يوم وهتااقى الدنيا تمام ومفيش مشاكل وجد والله ربنا يحفظك ويسعدك 🌷

بصي يا بنت الناس انتي مش بتدلعي ولا عايزة اتنشن ولا حاجة انتي تعبانة بجد والحمل تقيل عليكي والناس اللي بتقولك كده مش فاهمين يعني إيه حد طاقته تخلص ويبان قدام الناس بيضحك وهو من جواه مهدود النوم الكتير ده مش كسل ده وجع قلب وجسمك بيهرب من الضيقة اللي خنقاكي ومش عيب إنك مش عارفة تلاقي نفسك دلوقتي وما تلوميش نفسك إنك بتبكي عليها ده حقك بس بلاش تسيبي روحك للدوامة دي أكتر من كده والوجع اللي واصل لروحك ده محتاج حد متخصص بيفهم في النفسية يسمعك ويشدك من اللي انتي فيه لأن الصحاب والقرايب ساعات بيضغطوا أكتر ما بيساعدوا روحي لدكتور واتكلمي وفضفضي عشان ترجعي تتنفسي من تاني وتعرفي االليةضاع منك ده وأهم حاجة بطلي تجلدي في ذاتك انتي معملتيش حاجة غلط انتي بس محتاجة حد يطبطب على قلبك صح ويعالج الجرح اللي جوه ده وكل ده هيعدي وهتبقى حكايات من الماضي بس ابدأي ساعدي نفسك وماتسمعيش لكلام حد يقلل من وجعك وجد والله ربنا يحفظك ويسعدك 🌷

بصي يا بنت الحلال الموقف رخم بس انتي محتاجة تشغلي دماغك عشان متبوظيش اعصابك زيادة و مامتك مش هتفهم يعني ايه قلق وتوتر وتفسير علمي للنوم الكتير هي شيفاه كسل فبلاش تبرري وانتي منهارة عشان كلامك بيبان حجج في نظرها و لما تبعدي عشان متغلطيش فيها ده صح بس لازم تعرفيها انك بتبعدي عشان مش عايزة تزعليها مش قسوة قلب قولي لها يا ماما انا مش قادرة اتكلم دلوقتي عشان مخسرش رضاكي وسيبيني اهدي واجيلك و متستنيش منها هي اللي تصالحك ولا تقدر تعبك النفسي لان الجيل ده مبيعترفش بالكلام ده غالبا صالحيها انتي عشان تشتري دماغك والبيت يهدى وتعرفي تركزي في مذاكرتك ومستقبلك الخلاصة كبري دماغك وقولي حاضر وطيب عشان المركب تسير واعتبري سكوتك ده حماية ليكي وليها لحد ما السنة دي تعدي على خير وربنا يقويكي ويعينك على اللي انتي فيه وجد والله ربنا يحفظك وتحقيي اللي تتمنيه ومتنسيش الثانويه العامه مش نهاية العام متكبيش الموضوع اهم حاجه صحتك البدنيه والنفسيه 🌷

كلامك حضرتك كلو صح الصح وفي الجون كمان وما يتزودش عليه حرف لأن حضرتك بسم الله ما شاء جبتي الخلاصة وهي إن الواحد لما بيصالح ربه وبيصالح جسمه الدنيا بتمشي لوحدها فخلينا دايمًا فاكرين إن الصلاة والذكر هما اللي بيربطوا على القلب ويبردوا النار اللي فيه ومعاهم السعي في الدنيا ومساعدة الناس اللي حوالينا عشان جبر الخواطر ده سحر وبيخلي التعافي ييجي أسرع مما نتخيل والواحد لما بيملا يومه باللي يرضي ربنا وبالشغل اللي بيحبه مبيسيبش فرصة للشيطان ولا للزعل إنه يعمله حاجه فنستعن بالله وخلينا ماشيين في السكة دي وهنلاقيها نورت لوحدها وبقينا في أحسن حال من غير ما نشيل هم بزيادة والدنيا هتبقى زي الفل طول ما أنحنا قريب من اللي خالقنا ومهتمين بصحتنا وأمانينا اللي بين إيد ربنا شكر جزيلا لحضرتك 🌷

يا بنت الناس ارحمي نفسك شوية وهدي اللعب على روحك اللي انتي فيه ده معناه إن مخك جاب آخره ومحتاج هدنة فكك من موضوع إنك لازم تضحكي وتجاملتي وتطلعي تمام قدام الناس اقلعي الوش ده شوية وسيبي نفسك تتعب براحتها عشان تعرف تقوم تاني انتي مش مكنة ومحدش ليه عندك حاجة عشان تضغطي على أعصابك بالشكل ده وبدل ما تبصي للصورة الكبيرة وتتخضي خدي يومك ساعة بساعة وأي حاجة بسيطة تفرفشك اعمليها من غير ما تحسبيها وبالراحة على نفسك عشان انتي اللي باقية ليكي ولو لقيتي الخنقة دي مطولة معاكي ومسودة الدنيا في وشك يبقى مفيش عيب لو سألتي حد متخصص يفك معاكي العقد دي واحدة واحدة هونيها وربنا هيعديها وانتي قدها وزيادة ولو عايزه ارشحلك دكتور نفسي تسمعيلوا يوتيوب قولي وارشحلك ..وجد والله ربنا يحفظك ويسعدك

بصي يا بنت الناس الكلام هيكون طويل شويه بس هيفيدك جدا اللي هقولهولك ده خلاصة عملية بعيد عن جلد الذات اللي ملوش لازمة لأن مشكلتك دلوقتي هي تعود كيميائي في الدماغ أكتر من كونها ضعف إيمان انتي مش شخص سيء انتي دماغك اتعودت على جرعة عالية جدا من الدوبامين بسبب المشاهد دي ولما بتبطلي الدماغ بيبدأ يجوع ويرسم لك خيالات عشان تجبريه يرجع للمصدر السهل الحل مش إنك تشتمي نفسك الحل إنك تتجوعي الدماغ ده لحد ما يرجع لطبيعته وقاعدة الخمس دقايق هي المنقذ لما الفكرة تيجي في بالك قولي لنفسك هستنى خمس دقايق بس وقومي من مكانك اغسلي وشك بمية ساقعة أو كلمي حد لو كسرتي حدة أول خمس دقايق الرغبة بتقل جدا وأكبر عدو ليكي هو الأوضة المقفولة والموبايل في إيدك الموبايل مبيتدخلش بيه الحمام ومبيتحطش جنبك وانتي نايمة ولو قعدتي لوحدك باب الأوضة يفضل مفتوح والانتكاسة مش معناها فشل طبيعي جدا تقعي اللي بيبطل إدمان مبيطلعش خط مستقيم المهم لو وقعتي متكمليش ومتقوليش باظت باظت وتقعدي اليوم كله تتفرجي لو وقعت مرة قوميبعدها علطول اتوضي وصلي ركعتين وارجعي كملي تعافي كأن شيئا لم يكن وانتي قلتي إنك في سكن لوحدك وبدأتي تهملي الكلية وده أخطر شيء المذاكرة والنزول للمحاضرات مش بس عشان النجاح ده عشان تستهلكي طاقتك الذهنية في حاجة مفيدة فمتلاقيش وقت تفكري في الغلط وأي فيديو على تيك توك أو ريلز فيه شبهة أو بيحرك مشاعرك اعملي بلوك عينك هي البوابة لو قفلتي البوابة عقلك هيهدى وربنا بيحب التوابين ومجرد إنك متضايقة وبتحاولي ده دليل إن قلبك لسه حي بطلي تحتقري نفسك وركزي في النهاردة بس قولي لنفسك أنا هعدي اليوم ده من غير ما أتفرج وبكرة ربنا يحلها انتي قدها والموضوع محتاج صبر ووقت عشان كيميا دماغك تنظف وترجعي تحسي بحلاوة الصلاة تاني ونفسك تهدى بجد ومن ترك شيئا لله عوضه الله خيرا منه وبإذن الله ربنا يرزقك بالزوج الصالح اللي يعينك على طاعته وتكوني في أحسن حال وبالتوفيق ومتنسيش انا نفسك إن لم تشغلها بالحق شغلتك بالباطل حاولي تشغلي نفسك وجد والله ربنا يحفظك ويعافيكي

بصي يا بنت الحلال الموضوع محتاج هدوء عشان تضمني حقك وحق بنتك واهم حاجة ماتسيبيش البيت بمزاجك عشان تضمني حقك في التمكين من شقة الزوجية طالما معاكي طفلة رضيعة والقانون معاكي في النقطة دي جدا ولو هو عايز يطلق يبقى لازم يطلق رسمي ويدفع كل حقوقك من مؤخر ونفقة ومتعة ويوفر ليكي مسكن حضانة وماتسمحيش ليه يضغط عليكي بالتنازل عن اي حق مادي وروحي نيابة الأسرة هي طريقك لطلب قرار تمكين من الشقة عشان تعيشي فيها انتي وبنتك واستشيري محامي متخصص في اسرع وقت عشان يمشيكي في الاجراءات الصح وتأمني مستقبل بنتك وماتخافيش ربنا مش بيضيع حق حد طالما متمسكة بحقك بالحلال وبالقانون وعليكي بالدعاء والاستغفار عشان ربنا يفتحلك ابواب الخير ويهديلك الحال وهدوء ومتتنازليش عن اي حق من حقوقك القانون في صالحك وجد والله ربنا يحفظك ويسعدك

بصي يا بنت الحلال ربنا لما بيقفل باب بيبقى حماية ليكي قبل ما يكون حرمان منه وعسى أن تكرهوا شيئا وهو خير لكم ربنا نجاكي من حياة كنتي انتي نفسك حاسة إنها هتبقى مظاهر وبس وده معناه إن قلبك كان حاسس إن فيه حاجة غلط فماتخليش كلام بشر يقلل من ثقتك في نفسك لأن قيمتك الحقيقية عند ربنا بتقواكي وأخلاقك مش بمستوى اجتماعي ولا بكلمة من حد مش عارف قيمة النعمة اللي كانت في إيده وإفتكري دايما إن اللي بيسيب حاجة لله ربنا بيعوضه بالأحسن منها وانتي سيبتي علاقة كانت هتتعبك نفسيا عشان كدة ربنا هيرزقك بالشخص اللي يشوفك الدنيا وما فيها ويقدرك بجد ويريح قلبك فاستعيني بالله واعرفي إن رزقك في الجواز زي رزقك في الحياة مكتوب ومحدش هياخد رزقك أبداً وتأكدي إن ربنا شايلك الأجمل والأنسب ليكي ولدينك ودنيتك. وجد والله ربنا يحفظك ويسعدك .....ثقتك بنفسك يا بنتي لازم تستمديها من ربك اللي خلقك في أحسن تقويم مش من رأي بشر زيك يخطئ ويصيب فإنتي كريمة عند الله بقلبك النضيف وأخلاقك وده الرصيد الحقيقي اللي بيفضل فمتخليش وسواس الشيطان يوهمك إن فيه نقص فيكي لمجرد إن شخص مشي بالعكس ربنا بيبعد عنك اللي ميعرفش قدرك عشان يفتحلك طريق للي يستاهلك بجد وإفتكري إن قيمتك ثابتة ومستمدة من تكريم ربنا ليكي كإنسانة ومؤمنة فاسترجعي قوتك بالله وقولي الحمد لله إن ربنا كشفلك الحقيقة بدري عشان تمشي في طريق كله رضا وسكينة بعيد عن المظاهر الكدابة اللي لا بتغني ولا بتسمن من جوع وخليكي واثقة إن ربنا شايلك عوض يبهرك ويمسح كل وجع حستيه بس إنتي ارضي بقضاء الله وخلي يقينك فيه

بصي يابنت الحلال اللي إنتي فيه ده استنزاف لقلبك في شيء لا يرضي الله ولا هيفيدك في الآخرة والقلب ده أمانة ربنا هيحاسبك عليها فبدل ما تشغلي بالك بمراقبة بشر زيك لا بيقدم ولا بيأخر ركزي في علاقتك بربنا وخليكي فاكرة إن من ترك شيئاً لله عوضه الله خيراً منه فلو تركتي المراقبة والتعلق الوهمي ده بنية إنك تحفظي قلبك وتصوني نفسك ربنا هيرزقك باللي يستاهلك فعلاً بالحلال وفي الوقت الصح ومن غير مجهود ولا مطاردة فاستغفري ربنا واشغلي لسانك بذكر الله بدل ما تشغلي عينك بالستوريات والبوستات اللي بتجيب لقلبك الهم والضيق وتأكدي إن الرزق سواء كان حب أو زواج مكتوب ومتقسم ومش هيجي باللف والدوران وراء الناس لكن هيجي بطاعة ربنا وعزة النفس ...والموضوع ملوش علاقة بالشابين هو ليه علاقة بيكي إنتي يعني لذة المطاردة دي مش حب إنتي معجبة بالتحدي بس وبدليل إن الولد الأول لما جالك بقيتي مش عايزاه وفقدتي الشغف وإنتي بتدوري على إثبات إنك تقدري تجيبي أي حد وده بيستهلك طاقتك عالفاضي ومراقبة الأكونتات والريبوستات دي حالة تعلق مرضي بوهم إنتي خلقتيه في خيالك لأن الشخص التاني مبيعملش أي مجهود تجاهك فإنتي بتملي الفراغ بالتحليل والمراقبة وفكرة إنك تثبتي لنفسك إنك قادرة توقعي حد دي طريقة بتقلل منك مش بتزودك والبنت الواثقة في نفسها مابتحتاجش تطارد حد عشان تتأكد إنها مرغوبة فنصيحتي ليكي اقفلي الأكونتات ديا وامسحي فكرة المراقبة من يومك وأشغلي وقتك بحاجة حقيقية بتضيف ليكي لأنك لو فضلتي كده هتضيعي مشاعرك في قصص وهمية وهتخسري احساس الاستمتاع بعلاقة طبيعية فيها تبادل حقيقي للمشاعر مش مجرد صيد وتحدي فكي التعلق إنتي أكبر من إنك تعيشي دور الاستوكير وجد والله ربنا يحفظك ويسعدك

بصي يا بنت الحلال الموضوع فعلا متعب بس الحساسية دي بسبب رغبة في التقدير زيادة شوية لازم تفصلي بين الفعل وقيمتك لو حد ماردش عليكي ده مش معناه إنك مهمشة ده معناه إن تركيزه تشتت أو ذوقه الاجتماعي خانه العيب فيه هو مش فيكي ومتفسريش الموقف على إنه مشكله شخصيه لأن أغلب الناس بيبقوا مركزين في نفسهم بس ولو حسيتي إنك برا الكلام اشغلي نفسك بأي حاجة بمنتهى الثبات مثلا بصي في الفون أو اتحركي من مكانك ودربي عقلك إنك مش لازم تكوني محور الاهتمام طول الوقت عشان الوجع يقل بالتدريج قيمتك جوه نفسك مش في رد فعل الناس على كلامك وما تخليش تصرفات غيرك تحرمك من قعداتك وتضايقك وجد والله ربنا يحفظك ويسعدك

بصي يا بنت الناس من الآخر إنتي محملة نفسك فوق طاقتها وداخلك في أفكار هي أصلاً مش منك ده وسواس بيستغل إنك قلبك طيب وعايزة ترضي ربنا متضغطي على أعصابك أكتر إهدي خالص واعرفي إن ربنا رحيم وعارف اللي في نيتك ووقت التعب اللي بتبعدي فيه عن الصلاة ده وقت ضعف جسماني مش تقصير منك فاشغلي وقتك بأي حاجة بتحبيها وما تديش فرصة لعقلك يسرح في الغلط يعني مثلا خصصي الوقت ده انك تسمعي سلسلة كنتى ماجلاها أو دوره كنتى ماجلاها وحاولي تجهزي لنفسك حاجه كل شهر تسمعها والوسواس في الصلاة والوضوء ده علاجه الوحيد هو التجاهل التام يعني توضي مرة واحدة وصلي وما تعيديش مهما حصل حتى لو حسيتي إنك غلطتي لأن ده باب شيطان وعايز يكرهك في العبادة وإنتي في الغربة يعني محتاجة تكوني حنينة على نفسك وتدوري على صحبة أو حاجه تطلعك من عزلتك دي عشان الفراغ هو اللي بيفتح عليكي الأبواب السودة دي فاستهدي بالله وكملي استغفار من غير ما تجلدي ذاتك وإنتي ماشية صح وزي الفل ومفيش حاجة تخوف وطالما بتجاهدي نفسك فإنتي في أمان وطمأنينة ربنا معاكي ويثبتك ويشرح صدرك ويريح بالك

أنا عارف ومتأكد انك تعملي بالنصيحه دي بصي يا ستي انتي لازم تنزلي من فوق الشجرة يعني بطلي تعيشي في خيالات إنك لازم تكوني مثالية أو إن حياتك اتدمرت للأبد عشان وقعتي وقعة في النص الواقع بيقول إنك بشر والبشر بيغلطوا وبيضعفوا وبيملوا وده مش معناه إنك فاشلة ده معناه إنك عايشة ،ودلوقتي بطلة تحليل وابدأ في التشغيل يعني وقفي خناقتك مع نفسك والأسئلة الوجودية اللي بتسحب طاقتك دي وقومي شوفي وراكي إيه مادي وملموس يتعمل دلوقتي لو وراكي مذاكرة افتحي كتاب ولو وراكي صلاة قومي صلي لو الأوضة مكركبة رتبيها المهم تشغلي جوارحك وتمنعي عقلك عن جلد الذات لأن النفس طول ما هي فاضية هتفضل تاكل فيكي ومتستنيش إنو حد هييجي ينقذك ولا يديكي الأمان اللي بتدوري عليه غير ايه ..لما إنتي تدي لنفسك حقها في الضعف وتقومي تعافري في المتاح ليكي النهاردة وبس وما لكيش دعوة بكرة هيحصل فيه إيه لأن بكرة مش بتاعك أصلاً فخليكي بنت النهاردة واعملي اللي تقدري عليه حتى لو كان صغير تافه في نظرك بس هو ده اللي هيبنيكي من تاني وجد والله ربنا يحفظك ويسعدك لو محتاجه ارشحلك حد من يوتيوب هيفيدك جدا 😊

بصي يا بنت الحلال اللي انتي فيه ده مش ضعف ولا دلع خالص ده شويه ضغط نفسي فوق طاقتك ولازم تعرفي إن صحتك النفسية أهم من أي مجموع ومفيش حاجة في الدنيا تستاهل إنك توصلي للمرحلة دي من الخنقة والتعب انتي بس عايزه وقفة صريحة مع نفسك ومع أهلك حاولي تتكلمي مع مامتك تاني بهدوء وفهميها إن التعب ده مأثر على مذاكرتك وحياتك وإنك محتاجة مساعدة فعلاً عشان ترجعي أحسن من الأول ولو هي لسه مش مقتنعة حاولي تشوفي حد كبير في العيلة بتثقي فيه يوصل وجهة نظرك ليهم بلاش تضغطي على نفسك أكتر من كده في المذاكرة وأنتي في الحالة دي وخدي استراحه طويلة تهدي فيه أعصابك وصدقيني والله كل حاجة بتتحل بس ابدئي خدي خطوة إنك تطلبي المساعدة ومتقعديش لوحدك مع الأفكار دي وجد والله ربنا يحفظك ويسعدك

بصي يا بنت الحلال الكلام ده ملوش علاقة بالكسوف دي مشكلة في السيستم عندك ومحتاجة صيانة عشان ميأثرش على يومك الدراسي الأعراض اللي بتقولي عليها دي محتاجه دكتورة مسالك لانو احتمال يكون التهاب في المسالك البولية أو أملاح زيادة لازم تروحي لدكتور مسالك بولية وبلاش تقلقي من موضوع السلس البولي ده لأن في سننا غالبا بيكون مجرد بكتيريا قوية وعلاجها كورس مضاد حيوي وفوار ومية كتير وهترجعي طبيعية في يومين بالظبط فبلاش تأجلي عشان تقدري تركزي في محاضراتك وإنتي مرتاحة باذن الله بس لازم تكتشفي بسرعه وباذن الله مفيش حاجه وجد والله ربنا يحفظك

بصي يا بنت الناس انتي مكنتيش غلطانة خالص ولا ليكي أي ذنب طفلة عندها 9 سنين قدام شاب كبير ده مكنش اختيار دي كانت لحظة رعب وسكوتك وقتها كان عشان خايفة على حياتك وعقلك وقتها عمل اللي يقدر عليه عشان يخليكي تعيشي وخوفك منه دلوقتي وقرفك من قربه لأي طفل ده مش عقدة ده جهاز إنذار عندك شغال صح عشان انتي عارفة حقيقته القذرة فمتجلديش نفسك ولا تلوميها على كرهك ليه ده حقك الطبيعي وفكرة إن مفيش حد هيتجوزك لو عرف دي وهم وتفكير مجتمعي عقيم مش الحقيقة لأن الراجل اللي بجد هيحترمك ويشيلك فوق راسه لانك واجهتي كل ده لوحدك ومش من حق أي حد يعرف سرك ده إلا بمزاجك انتي لو حابة تطلعي اللي في قلبك وتاخدي حقك ولو مآثر عليكي جامد تشوفي حد متخصص يفك معاكي عقدة الماضي دي عشان تعيشي حياتك صح ومتحرميش نفسك من الفرحة بسبب غلطة غيرك انتي أنضف من أي حد والوساخة في اللي عمل كده وفي اللي بيسكت عليه ومسيرك تنسي وتعيشي وتتخطى كل ده

بصي يا بنت الحلال الحل الأفضل إنك متقاوميش الخنقة دي ولا تدوري لها على سبب منطقي دلوقتي لأن العقل ساعات بيحتاج يفصل ويفرغ شحنات وتراكمات قديمة من غير إنذار فسيبي نفسك تعيشي الحالة دي من غير تأنيب ضمير واعتبريها فترة راحة إجبارية لجهازك العصبي ومن غير ما تضغطي على نفسك تردي على حد أو تبرري شكلك المهم دلوقتي تبعدي عن أي دوشة أو موبايلي وتعملي أي حاجة بسيطة تخرجك من مود التفكير زي إنك تغسلي وشك بماية ساقعة أو تمشي في مكان مفتوح شوية ولو حسيتي إنك عايزة تعيطي عيطي عادي لأن ده تفريغ طبيعي للجسم وبلاش تشيلي هم إنك لازم تبقي كويسة دلوقتي وسيبي الوقت هو اللي يهدي الأمور بالتدريج المهم متجيش على نفسك عشان ترضي اللي حواليكي وخلاص

بصي يا بنت الحلال إنتي قلبك أبيض ومعدنك أصيل وعشان كدة شايلة هم أخوكي كأنه ابنك وده في حد ذاته شيء جميل جداً بس الأجمل إنك تطمني نفسك إنك عملتي كل اللي عليكي وزيادة ومقصرتيش في حاجة خالص بالعكس إنتي الأخت السند اللي بتخاف بجد ومن حقك دلوقتي تدي لروحك الهدوء اللي تستاهله وتركز في مستقبلك لأن نجاحك الشخصي هو اللي هيفضل السند الحقيقي ليكي ولعيلتك كلها فخليكي واثقة إن ربنا شال في قلبه مجهودك وخوفك ده وهيعوضك بكل خير وفرحة تريح بالك وتنسيكي كل التوتر ده لأنك فعلاً تستاهلي كل حاجة حلوة في الدنيا واخوك لما يلاقيكي انسانه ناجحه هيسمع نصيحتك لو تحبي ارشحلك حد يساعدك في حياتك النفسية ؟ وجد والله ربنا يحفظك ويسعدك

اتفضلي قولي أنا سامعك ومقدر كل اللي بتمري بيه وعارف إنك مضغوطة بس بجد مشاعرك مش تافهة وليكي حق تحسي بخصوصيتك وتتكلمي براحتك من غير ما حد يحكم عليكي أو يعايرك أنا موجود لو حابة تحكي في أي وقت انا مش كوتش انا انسان عادي 😊 وبجد لو حبيتي تحكي انا موجود

بصي ده معناه إنك بتتعاملي مع حد بيحاسبك بميزان مش عادل خالص يعني يسامح نفسه على الغلط ويشوف غلطك إنتي جريمة وده في حد ذاته وجع كبير ملوش غير حل واحد إنك تصدقي إنك مش محتاجة تبرري مفيش حد فينا مش بيغلط والجميل فينا هو اللي بيتعلم ويحاول يبقى أحسن الشخص اللي يمسك ليكي الماضي أو يعايرك بحاجة إنتي ندمتي عليها وبطلتيها ده شخص عايز يكسرك مش يبني معاكي حياة واللي بيحب بجد بيبقى ستر وسند مش قاضي وجلاد فنصيحتي ليكي متسمحيش لكلامه يهز ثقتك في نفسك ولا يخليكي تحسي إنك أقل منه لمجرد إنه قرر يفتكر ليكي الوحش وينسى إننا بشر وبنغلط وخليكي فاكرة إن اللي بيحبك بجد هو اللي هيشوف النسخة الحلوة اللي إنتي عليها دلوقتي ويحترم محاولتك إنك تكوني أحسن مش اللي يهد حياك بذنب قديم ملوش دخل بيه أصلاً إنتي غالية ومحاولتك للتغيير دي لوحدها بطولة تستاهل تتقدر مش تتهاجم ربنا يسعدك

بصي يا بنت الحلال باختصار انتي مش شريرة ولا ظالمة اللي بيحصل معاكي ده اسمه استنزاف طاقة وجسمك بيدي إشارات صريحة إن طاقتك خلصت والحدود بينك وبينها دابت فبدأتي تتعدي منها بتصرفاتها وأفكارها اللي مش شبهك وتعبك الجسدي ده إنذار أخير لازم تفهمي إنك مش مسؤولة عن علاج حد ولا مطالبة تدفعي ثمن تروما غيرك من صحتك ونفسيتك والانسحاب هنا مش قلة أصل ده إنقاذ للي باقي منك لأن الاستمرار وانتي شايلة جواكي غضب وتعب هو الظلم الحقيقي ليكي وليها ابعدي بالتدريج وقللي الكلام في التفاصيل واسحبي نفسك لهدوئك القديم عشان تفتكري انتي مين أصلا بعيد عن دوشة مشاكلها ومتحسيش بالذنب لأنك إنسانة ليكي طاقة مش خزان ملوش نهاية والراحة النفسية أهم بكتير من مجاملة بتدمر جهازك العصبي

بصي يا بنت الحلال لازم تعرفي إن اللي أنتي فيه ده جهاد حقيقي وبقالك 6 سنين بتقاوحي وده في حد ذاته قوة مش ضعف وأول حاجة لازم تعمليها هي إنك ترجعي للدكتور بتاعك وتتكلمي معاه بصراحة إن العلاج مش مريحك لأن ساعات الجرعة أو النوع بيحتاجوا ضبط عشان الدوشة اللي في دماغك دي تهدى وتاني حاجة بطلي تجلدي نفسك وتحسي إن ربنا غضبان عليكي عشان العبادات تقيلة عليكي أو عشان بتسمعي أغاني لأن ربنا عارف إنك مريضة وتعبانة والمرض بيخلي أبسط الحاجات جبل فرفقا بنفسك ومتحاربيش الأفكار السلبية بعنف لأن المقاومة هي اللي بتزود الدوشة سيب الفكرة تيجي وتمشي زي السحابة من غير ما تردي عليها ولا تحلليها وصدقيني ربنا شايف محاولاتك دي ومقدرها جدا وهيعوضك خير بس بلاش تضغطي على أعصابك فوق طاقتها وخليكي حنينة على نفسك شوية وجد والله ربنا يحفظك ويسعدك

بصي يابنت الحلال طبيعي تحسي بذنب لأن الكذبة تقيلة وشيء زي جلسات الكيماوي له رهبة لكن الحل بسيط وما يكبرش الموضوع زيادة اعتذري لها وقولي لها أنا كنت مضغوطة ومخنوقة جدا ومكنتش عايزة أحكي في تفاصيل فقلت كدة من باب الهروب والتوتر بس ضميري أنبني وماحبتش أكمل في كذبة معاكي وصارحيها بالسبب الحقيقي اللي خلاكي تغيبي لأن الصراحة دلوقتي هتنقذ ثقتها فيكي قبل ما الموضوع يتكشف بالصدفة وتخسريها بجد والمرة الجاية لو مش قادرة تروحي قولي مش قادرة وبس من غير أعذار صحية صعبة ربنا يحفظك ويسعدك

بصي يا دكتوره باذن الله انتي مشكلتك مش في المذاكرة خالص انتي مشكلتك في البداية وقلقك من التراكم مخليكي تهربي للتشتيت وتضيعي اليوم في الفراغ عشان كدة الحل انك تبطلي تفكير في المنهج كله وتفكري بس في الخمس دقايق الجايين يعني اول ما تدخلي الاوضة الساعة 10 افتحي الكتاب واكتبي مهمة واحدة بس تخلصيها في ساعة ومن غير موبايل خالص في الاوضة ولو حسيتي انك تايهة في المعسكر ده طبيعي جدا المهم انك متوقفيش عشان تكملي ال 35 يوم للاخر وبلاش فيديوهات تحفيز لان تحفيزك الحقيقي هو لما تشطبي على اول درس وتخلصيه وحاولي تغيري مكان المذاكرة عشان تكسري جو الاوضة اللي بيخليكي تسرحي وانتي قدها بدليل انك كنتي من الاوائل قبل كدة يعني العقل موجود بس محتاج شوية انضباط مش اكتر وجد ربنا يحفظك ويوفقك 😊

بصي يا بنت الحلال صلة الرحم مش لازم تكون زيارات تقيلة وتكلف وتصنع لأن الدين يسر وممكن تكتفي برسالة واتساب في المناسبات أو سؤال بسيط بالتليفون عشان ترضي ربنا وتريحي نفسك من غير ضغط وبالنسبة لولاد الخالة والخال فدول أجانب يعني التعامل معاهم يكون بحدود وأدب ووقار من غير هزار زيادة أما لو ولاد عمك شافوكي صدقة في البيت فده ملوش ذنب عليكي لأنك مش قاصدة وبس حاولي تلبسي حاجة سترة وسهلة وانتي طالعة من أوضتك زي الإسدال عشان تكوني في السليم وريحي بالك خالص من موضوع المثالية ده المهم النية والكلمة الطيبة .بسم الله ما شاء الله طريقه تفكيرك عجبتني , وجد والله ربنا يحفظك ويسعدك

يا بنت الحلال اسمعيني كويس الدنيا مش بتقف عند حد ولا عند بيت صعب قيمتك الحقيقية في الشهادة اللي فاضل لها شهر وتكون في إيدك دي هي سندك وسلاحك وأمانك اللي هيخليكي قادرة تغيري واقعك وتساعدي أهلك بعيد عن أي وجع وبالنسبة للتأخير في الارتباط فده مش عيب فيكي ولا في شكلك ده مجرد ترتيب من ربنا عشان يبعتلك اللي يستاهل قلبك الطيب فعلا في الوقت الصح بلاش تفتكري إنك لوحدك أو إن العيب فيكي أنتي زي الفل وكفاية إنك صامدة وبتحاولي تنجحي وسط كل الظروف دي خلي تركيزك كله في تخرجك وبكرة الدنيا تفتح أبوابها قدامك وتلاقي العوض اللي ينسيكي كل تعب شوفتيه في بيتك وفي حياتك القديمة وجد والله ربنا يحفظك ويسعدك

بص يا صاحبي مقدر جدا وجعك ومجرب شعور الفراق ده فعلا صعب بس خلينا نكون صرحاء مع بعض انت دلوقتي بتعذب نفسك على الفاضي اول حاجة لازم تستوعبها ان العلاقة دي حاليا ملهاش مستقبل طول ما انت مش جاهز ماديا واهلك معترضين فكرة انك تهرب للعادة السرية ده مش حل ده بيزود طاقتك السلبية وبيخليك تحس بذنب اكبر فوق لنفسك وركز في شغلك ومستقبلك لان ده الوحيد اللي هيخليك راجل جاهز سواء ليها لو ربنا كاتبها ليك او لغيرها اشغل وقتك بالرياضة وبالصلاة وابعد عن اي حاجة بتفكرك بيها وامسح صورها ورسايلها عشان تفوق لو ليك نصيب فيها ربنا هيجمعكم ولو ملكش ربنا هيعوضك باللي احسن منها بس لازم انت اللي تاخد الخطوة وتبطل تفكير سلبي عشان صحتك ونفسيتك اهم من اي حد .حابب اساعدك في حاجه

بصي يا بطلة مفيش حاجة ضاعت والباب لسه مفتوح قدامك وعمر ربنا ما هيسيبك وانتي نيتك صافي وعايزة تبدأي صح أول حاجة لازم تعرفيها إن الصلاة دي هي الحبل اللي بيربطك بربنا وهي اللي بتفتح الأبواب المقفولة وبتهدي النفس من التوتر والخوف بطلي تخبي على مامتك وواجهي نفسك وخلي صلاتك هي أولويتك عشان البركة تحل في وقتك ومذاكرتك تاني حاجة تذكر أن الله لا يضيع أجر من أحسن عملا يعني لو تعبتي وبدأتي بجد في تالتة ثانوي ربنا هيكرمك باللي بتتمنيه وأكتر سواء تمريض أو غيره لأن ربنا بيحب العبد اللي بيسعى وبيتوكل عليه بصدق تالتي حاجة الشيطان دايما بيحب يحسسك باليأس وفقدان الشغف عشان تفضلي مكانك وتضيعي وقتك على السوشيال ميديا استعيذي بالله من العجز والكسل وقومي ابدأي صفحة جديدة مع ربنا ومع مستقبلك لأن توبة العبد وفرحة ربنا بيكي وانتي راجعة ليه هتكون هي الطاقة اللي هتمشيكي في أصعب الأيام وثقي إن اللي فات كان تجربة بتعلمك والقادم بإذن الله أجمل طول ما أنتي قريبة من الله وبتحاولي بجد وأنا واثق إنك تقدري تعمليها وتفرحي قلبك وقلب أهلك. وتيكتوك وفيس انا حكايات كانت كدا برضو بس من فتره منعت فيس بوك خالص وبعدها تيك توك وحاليا ماسح تيكتوك من اكتر من خمس شهور واللي خلاني انزلوا اصلا اني كنت بعمل محتوى ديني عليه بس لقيت انو بيضيع وقتي فمسحتو ف انتي ممكن تصلي الوصول ليه تدريجيا ممكن تشكيليه من الشاشة الرئيسية خطيه في التطبيقات المخفيه. واعمل رمز ايه وبعد كدا وحده وحده هتنسيه وبعد كدا امسحيه .وممكن تمسحيه ولما تحتاجيه تنزليه ده هيصعب عليكي الموضوع وبعد كدا متنزليهش تاني .لان الفيديوهات السريعه بتعمل تعفن الدماغ وجد والله ربنا يحفظك ويسعدك

يا اختى حاسس بيكي ومقدر كلامك اللي طالع من وجع حقيقي بس صدقيني اللي انتي فيه ده ضغط نفسي كبير مش حقيقتك ولا هو ده اللي تستاهليه وموضوع الحجاب واللبس والذنوب ده بينك وبين ربنا وهو أرحم بيكي من نفسك ومستنيكي تقربي مش عشان يعاقبك بالعكس عشان يريح قلبك اللي تعب حاولي بس تهدي وتدي لنفسك فرصة تانية وتطلبي مساعدة من حد متخصص عشان الغمامة دي تنزاح عن عينيك وتشوفي النور من تاني انتي غالية ومستاهلة تعيشي بسلام وتفتكري دايما إن بعد العسر يسرا وإن حالك ده مجرد مرحلة وهتعدي بإذن الله .قربي بس من ربنا وشوفي الفرق وشوفي هترتاحي ازي وجد والله ربنا يحفظك ويسعدك

بص يا صاحبي الموقف ده محتاج خطوات عملية مش بس كلام يعني أول حاجة لازم تبعدوا عن المكالمات اللي في وقت متأخر من الليل لأن دي أكتر وقت الشيطان بيدخل فيه وتاني حاجة لازم تتفق مع خطيبتها إن لو الكلام بدأ يروح في سكة مش مظبوطة حد فيكم يلحق يغير الموضوع وتالت حاجة قللوا القعدات لوحدكم في البيت وخلي أغلب وقتكم في أماكن عامة ووسط الناس ودايما افتكر إن الحب الحقيقي هو اللي بيخاف على الطرف التاني وبيحافظ عليه لحد ما تتجوزوا على خير ونضفوا نيتكم وجددوا التوبة كل ما تقعوا وم تيأسوش من رحمة ربنا

بصي يا بنت الحلال الموضوع محتاج منك وقفة حازمة مع عقلك أول حاجة لازم تقفلي الموبايل وتبعدي عن الأخبار تماما لأن عقلك مش هيستحمل كمية الطاقة السلبية دي تالت حاجة ركزي في اللي تحت إيدك وبس اليوم اللي إنتي فيه هو اللي تملكي تغيري فيه حاجة فمتقعديش تفكري في بكرة اللي هو بتاع ربنا أصلا ومحدش يعرف فيه إيه وحتى لو قامت القيامة إحنا مأمورين نشتغل ونعمر لحد آخر لحظة والمذاكرة والشغل هما الحاجة الوحيدة اللي هتحميكي من التوهان ده وتديكي معنى لحياتك فاستهدي بالله وقومي اغسلي وشك واشغلي وقتك بأي حاجة مفيدة مهما كانت صغيرة وما تستسلميش للأفكار اللي عاوزة توقفك في مكانك إنتي أقوى من كدة بكتير والدنيا لسه فيها خير كبير مستنيكي وجد والله ربنا يحفظك ويسعدك

بصي من الآخر إنتي محتاجة تخرجي من سجن أنا ورايا كتير اللي حابسة نفسك فيه ده الحل في تكنيك ال 10 دقائق حرفيا قومي دلوقتي حالا اظبطي منبه الموبايل على 10 دقائق بس وقولي لنفسك أنا هفتح الكتاب ده هبص فيه بصه سريعة أو هحل مسألة واحدة ولما المنبه يرن ليكي كامل الحرية تقومي وتسيبي المذاكرة الحركة دي بتكسر حاجز الخوف اللي خانقك وبتحول المذاكرة من جبل تقيل لمجرد وقت صغير مقدور عليه وكمان بطلي تلومي نفسك على يومين الإجازة اللي فاتوا لإن الندم بيسحب طاقة إنتي محتاجاها عشان تبدأي دلوقتي فكري في اللحظة دي بس إيه أصغر حاجة ممكن تخلص في ربع ساعة واعمليها الحركة بتجيب بركة والشغف مش بييجي وإنتي قاعدة مستنياه الشغف بييجي لما تلاقي نفسك أنجزتي ولو صفحة واحدة فبتحسي إنك تقدري تكملي قومي دلوقتي جربي موضوع ال 10 دقائق ده في أكتر مادة شايلة همها وشوفي النفسية هتتغير إزاي ....سوال بسيط اي علاقتك مع تلفون ؟

وعليكم السلام ورحمه الله وبركاته انتي حابه عن حاجه معينه ولا عامه

بصي يا بنت الناس هو بيلعب بيكي عشان يرضي غروره مش أكتر وكلامه الأخير ده هو الحقيقة المرة اللي لازم تصدقيها عشان تفوقي لنفسك وتنقذي كرامتك بطلي تدوري وراه أو تحللي تصرفاته اللطيفة في الخروجة لأنها كانت مجرد تمثيلية عشان يرجعك تحت سيطرته لما لقاكي بعدت وعملت بلوك الشخص ده مبيحبكيش ولا بيحترم مشاعرك وبيدور عليكي بس لما بيفضى أو مبيلاقيش حد يسليه فالحل الوحيد إنك تقفلي الباب ده تماما وتمسحي رقمه وتنسي إنه موجود في الدنيا عشان ترجعي تشوفي حياتك ومستقبلك وتعرفي إنك تستاهلي حد يقدرك بجد مش حد يوجعك بالشكل ده وأنت لسه قدامك طريق طويل في دراستك فبلاش تضيعي طاقتك في حزن على حد مبيسواش . ومتحاوليش تحبي حد تاني عشان تنسيه قربي من ربنا وادعي ربنا يرزقك بشخص كويس ...وهيرجع تاني يكلمك ويحاول معاكي متدهوش فرصه ثانيه خلصي الحوار ...انتي اغلى من كدا .. مترخصيش نفس عشان واحد ميستاهلش

بصي المشكلة مش فيكي المشكلة في برواز الصور اللي الناس حاطاكي فيه إنتي طبيعتك بشوشة وبتحبي تضحكي وده في حد ذاته ذكاء اجتماعي ونقاء مش هبل ولا خفة زي ما هما فاهمين افصلي بين الود والرسمية الضحك والهزار خليهم مع الناس القريبة بس ومع الأقارب البعاد أو الناس اللي مفيش بينك وبينهم عشرة خليكي بشوشة بابتسامة هادية وكلام قليل وموزون ده بيدي انطباع بالرزانة من غير ما تبقي تنكة اتعلمي السكوت الواعي يعني اسمعي وبصي للي قدامك بتركيز قبل ما تردي السكوت ده بيخلي الناس تعمل ألف حساب لكلامك متغيريش نفسك عشانهم لو غيرتي طبيعتك وبقيتي انطوائية أو مكشرة هتتعبي لأنك بتمثلي خليكي زي ما أنتي بس فلتري مين يستحق يشوف جانبك الفرفوش ومين لازم يشوف جانبك الجاد الثقة هي الحل طول ما أنتي مهزوزة من كلامهم هيفضلوا يضغطوا عليكي لو حد قال كلمة مش عاجباكي ردي بأدب وثبات أنا طبيعتي بحب الحياة والضحك وده مش معناه إني مش فاهمة اللي بيدور حواليا باختصار خلي ضحكتك غالية متبخليش بيها على اللي يحبها ومتوزعيهاش ببلاش على اللي ميفهمهاش وجد ربنا يحفظك ويسعدك

بصي يا بنتي من الآخر ومن قلب ديني وعن تجربة في الحياة ربنا لما بيكشف لك حد مرة واتنين دي مش صدفة دي رسالة صريحة عشان يحميكي من طريق آخره وجع قلب وندم أكبر بكتير الحب اللي فيه إهانة وشتم وتجاوزات وتوتر دا مش حب دا استنزاف لروحك ولدينك وكرامتك فوق كل شيء والرسول عليه الصلاة والسلام قال لا يُلدغ المؤمن من جحر واحد مرتين وإنتي اتلدغتي كتير فبلاش تدي فرصة تالتة ورابعة لشخص مش بيحترمك ولا بيتقي الله في مشاعرك التوبة هي البداية الحقيقية للراحة النفسية اقطعي العلاقة دي تماما لله وعشان خاطر نفسك وشوفي إزاي ربنا هيعوضك بسلام داخلي وشخص يقدرك بجد ويحافظ عليكي في الحلال بدون ما يكسر بخاطرك ولا يقلل من قيمتك استخيري وجمدي قلبك والبعد عنه دلوقتي هو المكسب الحقيقي لدينك ودنياكي. وجد والله ربنا يحفظك ويسعدك

وده حاجه فرقت معاي انا شخصيا ..التمرين ده اسمه تقنية الحواس الخمسة وهو أقوى حاجة تسحب عقلك من أي خيال أو سرحان للواقع في لحظتها وأول ما تلاقي نفسك بدأتي تبني سيناريو الجواز والأولاد وقفي وطبقي الخطوات دي في سرك ومن غير ما تلومي نفسك خالص ابدأي شوفي حواليكي 5 حاجات بعينك وقولي اسمهم في سرك زي مكتب وسرير وقلم وشباك وكتاب وبعدين حاولي تلمسي 4 حاجات جنبك وحسي بملمسهم بجد زي ملمس لبسك أو مفرش السرير أو مبرد اللابتوب أو شعرك وبعدين ركزي ودنك مع 3 أصوات مسموعة دلوقتي حتى لو بعيدة زي صوت مروحة أو عربيات في الشارع أو صوت حد بيتكلم في الشقة اللي جنبك وبعدها حاولي تشمي ريحتين موجودين في المكان زي ريحة القهوة أو ريحة بعطر. أو حتى ريحة الورق وأخيراً حاولي تدوقي طعم واحد في بوقك حتى لو طعم المية أو طعم لبانة ..التمرين ده بيجبر فصك الأمامي في المخ إنه يشتغل ويفصل دائرة الخيال تماماً ويرجعك للواقع اللي أنتي فيه بمنتهى الهدوء ومن غير أي ضغط عصبي عليكي .. وجد والله ربنا يحفظك ويسعدك.. ودي طريق بسيطه تاني تخلي جنبك وقت المذاكرة ريحة معينة ونفاذة زي زيت نعناع أو لافندر أو حتى برتقال وكل ما تحسي إن عقلك بدأ يهرب لسيناريوهات البيت والأولاد شمي الريحة دي لأن حاسة الشم مرتبطة بمركز الذاكرة والواقع في المخ فهتعمل زي فرملة سريعة للخيال وترجعك للورقة اللي قدامك وكمان ممكن تستخدمي تكنيك التسميع بصوت عالي كأنك بتشرحي المنهج لحد قدامك بجد لأن الكلام بصوت بيجبر مخك يركز في مخارج الحروف والمعلومات فمبيلاقيش مساحة فاضية يبني فيها قصص خيالية وبكده هتلاقي نفسك سيطرتي على وقتك من غير ما تضغطي على أعصابك أو تحسي إنك بتعملي مجهود خرافي .. بعتذر على الايطاله 😊 بس حبيت أقولك كل الطريق اللي نفعت معايا

بصي يا بش مهندسه الموضوع مش جنان خالص ولا تعب نفسي خطير ده مجرد هروب من ضغط هندسة ومسؤولياتها لمكان عقلك شايفه أريح وأمتع وهو الاستقرار والبيت وعشان إنتي شاطرة ومتفوقة عقلك بيحاول يوازن التعب ده بخيالات تعوضه عن المجهود اللي بتبذليه والحل إنك متجلديش ذاتك ولا تخافي من الأفكار دي لأن الخوف هو اللي بيكبرها ركزي بس في يومك والمهام الصغيرة اللي وراكي وأول ما تلاقي نفسك سرحتي قومي اتحركي من مكانك أو اشربي مية عشان تفصلي الخيال عن الواقع واعرفي إن نجاحك في دراستك دلوقتي مش ضد حلمك في البيت والأسرة بالعكس ده هيخليكي إنسانة ناضجة ومستقرة أكتر لما يجي وقت الجد في الحقيقة

بصي لما تحسي إن كل الأماكن مش مكانك وإنك غريبة وسط الكل فده معناه إن روحك أكبر من المتاح حاليا ومحتاجة بس تهدي على نفسك شوية وترجعي لربنا ولنفسك عشان تلاقي الأمان اللي ناقصك ومتاخديش الموضوع على أعصابك لأن التوهة دي ساعات بتكون هي البداية عشان تلاقي المكان اللي شبهك بجد وتستقري فيه فخليكي واثقة إن بكرة أحلى وهيطبطب على قلبك

بصي يا بنت الحلال الموضوع بسيط ومحتاج موازنة بين طبيعتك الهادية وبين حق قرايبك عليكي صلة الرحم درجات مش لازم تكوني اجتماعية وبتروحي وتيجي طول الوقت عشان متكونيش قاطعة رحم الصلة ممكن تكون بمكالمة تليفون أو رسالة واتساب في المناسبات أو سؤال وقت المرض يعني لو الزيارة صعبة عليكي خليكي في الحد الأدنى اللي يرضي ربنا ويطمنهم عليكي وطبيعي نتضايق من كلام الناس بس في الدين الواصل هو اللي بيصل اللي قطعه يعني حاولي متخليش تصرفاتهم هي اللي تحركك خلي نيتك مع ربنا هي الدافع ولو حد تعب ابعتي رسالة أو كلميهم ده بيشيل الحواجز وبيخليكي انتي الأفضل عند ربنا وكونك بتحبي البيت دي طبيعة شخصية ومفيش فيها ذنب بس حاولي تكسريها في المواقف اللي فيها واجب إنساني أو ديني زي مرض أو عزا والخطوات البسيطة دي هي اللي بتفرق بين واحدة انطوائية وواحدة قاطعة وانتي مش قاطعة رحم طول ما في خيط وصل بس حاولي تقوي الخيط ده شوية ولو بالموبايل عشان تخرجي من دايرة الشك وتريحي ضميرك . وجميله جدا حتت حب البيت دي ربنا يثبتك 😊

وعليكم السلام ورحمه الله وبركاته بصي يابنت الناس صلي استخارة الأول والراحة النفسية هي الأساس في الجواز والدين مقالش إنك تجبري نفسك على حد لمجرد إنه طيب أو قريبه لأن الأرواح جنود مجندة ما تعارف منها ائتلف وما تناكر منها اختلف والفرق الفكري والتعليمي اللي أنتي حاساه ده اسمه عدم كفاءة ودليل إن العشرة ممكن تكون صعبة بعدين فلو قلبك مش مطمن متوافقيش تحت ضغط الذنب أو عشان صعبان عليكي لأن ده بيت وعشرة عمر مش مجرد جبر خاطر والرفض هنا حقك الشرعي طالما مفيش قبول حقيقي ومن ترك شيئا لله عوضه الله خيرا منه وأنتي مش بتظلميه لو رفضتي بالحسنى بالعكس أنتي كدة بتحميه من جوازة مفيهاش مودة من طرفك .ربنا يحفظك ويعينك

بصي يابنت الحلال مفيش مصيبة في الدنيا ملهاش حل طول ما باب ربنا مفتوح وافتكري دايما إن ربنا سمى نفسه الغفور والتواب عشان إحنا بشر وبنغلط وأهم حاجة دلوقتي إنك تبطلي تجلدي نفسك لأن الشيطان عايزك توصلي لمرحلة اليأس عشان تستمري في الغلط لكن ربنا بيقول قل يا عبادي الذين أسرفوا على أنفسهم لا تقنطوا من رحمة الله فمهما كان الذنب ربنا أكبر منه بكتير ومدام ربنا سترك يبقى لسه مديكي فرصة كبيرة فخلي توبتك بينك وبينه بس ومتحكيش لحد والندم اللي حاسة بيه ده هو أول طريق التوبة الحقيقية وحاولي تقطعي أي طريق بيجرك للحاجة دي سواء كان موبايل أو جروبات أو صحاب لأن من ترك شيئا لله عوضه الله خيرا منه واشغلي وقتك بجد لأن الفراغ هو اللي بيفتح باب الشيطان وقربي من ربنا بالصلاة والدعاء حتى لو حاسة إنك وحشة صلي برضه لأن الصلاة هي اللي بتنهى عن الفحشاء والمنكر وكل ما تقعي قومي واستغفري ربنا مش بيزهق من توبتك فمتزهقيش إنت من الرجوع ليه ربنا يثبتك ويشرح صدرك

بصي لازم توقفي دور البنت المطيعة اللي بتوافق على كل حاجة وتتكلمي مع خطيبك بوضوح وتعرفيه إن مفيش كيميا ولا قبول بينكم بلاش مجاملات خليكي رسمية جدا معاه عشان هو يحس بالفرق وينسحب بكرامته وبالنسبة لأهلك وضحي ليهم إن الجواز مش بالعافية وإنك لو كملتي هتظلمي نفسك وتظلميه معاكي ولو فيه حد كبير في العيلة بتثقي فيه خليه يتوسط ويقنعهم بلاش تستني المعجزة تحصل لوحدها لازم تاخدي موقف واضح عشان دي حياتك تحبي اقلك كلام تقوليه ولا هتتصرفي

بصي طبيعي تحسي إنك ضايعة والوقت بيجري بس السر مش في الشطارة الزيادة السر في النظام البسيط جربي قاعدة ال 10 دقايق قولي لنفسك هقعد أذاكر 10 دقايق بس وغالبا هتلاقي نفسك كملتي وما تحاوليش تلمي المنهج كله في يوم واحد ركزي بس في دروس النهاردة وخلصيها أول بأول وهتلاقي جبل المذاكرة بيصغر لوحده ونامي كويس لأن ساعة الفجر بمذاكرة 3 ساعات بليل والشهرين وقت كافي جدا إنك تلمي الدنيا وتنجحي بتفوق ابدأي دلوقتي حالا ولو بصفحة واحدة المهم متبدأيش بكرة وبالتوفيق باذن الله .

يعني اي حب 😩 الحب ده اجمل شعور ممكن تحسي بيه في حياتك ،لما تحسي إن ربنا خلقه مخصوص عشان يطبطب على جروحك ويفهم صمتك قبل كلامك هو الأمان اللي بيخليكي تمشي في الدنيا وأنتي عارفة إن فيه حد في ضهرك مش هيسيبك مهما مالت بيكي الظروف عايزة تعرفي انتي بتحبي ولا لاء تلاقي نفسك عايزة تتواصلي معاه،ومرتاحه ليه ، وفي نفس الوقت عايزه تكملي حياتك معاه ومفيش مانع من ده ، اما لو مرتاحه وعايزه تتكلمي معاه بس ده اعجاب مش حب ،. والحب مش حرام لكن التعلق حرام ، وبالنسبه للرجال فنعم بيحبو بصدق ،و الحب في الدين مش حرام طالما في النور وبنيتك تعفي نفسك بالحلال والرسول عليه الصلاة والسلام قال "لم يرى للمتحابين مثل النكاح" يعني المشاعر دي فطرة ربنا خلقنا بيها المهم متسأليش خطيبك بشكل مباشر هو بيحبك ليه لأن الكلام سهل وأي حد ممكن يرمي كلام حلو لكن ركزي في أفعاله هل بيحترمك كإنسانة وليكي كيان ورأي ولا باصص ليكي كصورة وخلاص الراجل اللي بيحب بجد هو اللي بيخاف عليكي من نفسه قبل أي حد وبيحترم حدود ربنا معاكي في الخطوبة ومبيحاولش يتجاوزها بداعي الحب واستخيري ربنا كتير لأن الاستخارة هي اللي بتكشف المستور وبتطمن القلب ولو لقيتي مواقفه فيها شهامة واحترام لشخصك يبقى ده حب حقيقي مش مجرد رغبة ولو شاكة في حاجة واجهي نفسك بصدق قبل ما تورطي قلبك في جوازة قايمة على الاحتياج بس والمؤمن كيس فطن يعني لازم تشغلي عقلك مع قلبك وعموما الحب مودة ورحمة يعني راحة بال مش حيرة وخوف 😊 اتمنى تكوني فهمتي وجد والله ربنا يحفظك ويسعدك... وده كلو في حاله الحب الحلال ...

بصي يا دكتورة فوقي لنفسك لأنك مضحوك عليكي من الشيطان اللي عايز يشغلك عن مستقبلك في وقت زنقة امتحاناتك أنتي مغلطتيش في حق ربنا ولا عملتي كبيرة ولا حتى صغيرة أنتي إنسانة محترمة ومتربية والذوق اللي عملتيه مع زميل ساعدك ده أصل مش قلة أدب ولا معصية ربنا سبحانه وتعالى بيحاسبنا على نيتنا وأنتي نيتك بيضاء زي الفل وكنتي بتسألي على علم ومذاكرة مش بتلعبي ولا بتتسلي الخوف اللي جواكي ده دليل على إن قلبك حي ونظيف وده شيء يفرح مش يزعلك بس متخليش الخوف ده يتحول لوسواس يهدك ويضيع مجهودك في الكلية أنتي معملتيش ذنب يستوجب كل جلد الذات ده ولا ربنا غضبان عليكي بالعكس ربنا رحيم وعارف اللي في نيتك ولو أنتي قلقانة من تطور الكلام الحل بسيط جدا وهو إنك تحطي حدودك بشياكة وتوقفي الرد في أي حاجة برا المذاكرة وبكده تكوني قفلتي الباب تماما واستريحتِ قومي اتوضي وصلي ركعتين لله وقوليله يا رب أنت عالم بنيتي وطهر قلبي وابدأي مذاكرة بقلب جامد لأنك دكتورة ومستقبلك أهم من أي وسواس وهتفتكري الكلام ده بعدين وتضحكي على زعلك ده ربنا يوفقك ويفتح عليكي فتوح العارفين وانهي الشات ب ....جزاك الله خير يا دكتور على مساعدتك بجد نفع الله بك وبالنسبة لموضوع تواصلنا فبعتذر منك جدا لأني مش حابة أتواصل مع أي زميل بشكل خاص وتواصلي هيكون من خلال جروب الدفعة بس لو في حاجة بخصوص الدراسة وده عشان أكون مرتاحة مع نفسي وقدام ربنا فأتمنى تتقبل اعتذاري وبالتوفيق لينا جميعا في الامتحانات... أو رساله شبهها المهم تنهي الحوار ومتتكلميش تاني. وجد والله انتى انسانه محترمه ربنا يحفظك ويوفقك

بصي باختصار ومن الآخر ربنا قال وعسى أن تكرهوا شيئا وهو خير لكم يعني مش لازم اللي إحنا شايفينه سعادة يكون هو فعلا اللي فيه الخير لينا والنصيحة الدينية الأهم هي إن بر الوالدين فيه سر وبركة مش هتتخيليها ورضا باباكي هو اللي هيفتح لك أبواب الرزق والتوفيق في حياتك الجاية سواء مع الشخص ده أو غيره فبلاش تدخلي في صدام معاه يغضب ربنا عليكي واستخيري ربنا بقلب صافي وادعي كتير إن ربنا يختار لك الخير ويرضيكي بيه ولو الموضوع فيه خير ربنا هيلين قلب باباكي ولو فيه شر ربنا هيبعده عنك فسيبيها على الله ومتعلقيش قلبك بزيادة في حاجة لسه مش نصيبك رسمي عشان متتعبيش وتقربي من ربنا بالدعاء والصبر وهو هيحلها من عنده بأحسن صورة ممكنة ولو الشخص ده فعلا نصيبك ربنا هيذلل كل العقبات دي في الوقت الصح بس المهم تفضلي محافظة على حدودك ورضا أهلك عشان البركة متتشالش من حياتك. ربنا يكرمك ويحفظك

وعليكم السلام ورحمه الله وبركاته بصي مفيش حاجة صعبة على ربنا والتعلق بصورة مثالية في خيالنا لشخص من خمس سنين ممكن يكون مجرد باب للشيطان عشان يوقف حياتك ويخليكي ترفضي رزق ربنا الحقيقي اللي مستنيكي في الحقيقة مفيش حد كامل واللي إنتي شيفاه مثالي هو مجرد ذكرى قديمة والناس بتتغير الشخص اللي شبهك بجد هو اللي ربنا هيجمعك بيه في الحلال وساعتها هتعرفي إن ده اللي كان المفروض تستنيه رزقك مبيغلطش عنوانه وربنا قال وفي السماء رزقكم وما توعدون يعني نصيبك مكتوب باسمك ومش هيضيع لغيرك وإنتي مش محبوسة في تجربة قديمة إنتي بس اللي محتاجة تفتحي الباب للي جاي الحب الحقيقي مودة ورحمة وبييجي بالعشرة مع حد شاري كرامتك وبيتقي الله فيكي وده اللي بيعيش وبيدوم ما توقفيش قطار حياتك في محطة مهجورة وادعي ربنا دايما اللهم باعد بيني وبين ما لا يرضيك وقرب لي ما تراه خيرا لي وافتحي قلبك لفرص جديدة يمكن يكون اللي بتدوري عليه موجود في شخص لسه مقابلتوش بس ربنا شايلهولك للوقت المناسب

شكر جزيلا على دعوت حضرتك ... ده من ذوقك حضرتك ربنا يحفظك ويسعدك 🌷

بصي طالما المحايلة بقالها 9 شهور مش جايبة همها يبقى العبي على الوتر الحساس بتاع الأمهات بالحنية والدلع من غير كلام كتير ومتفتحيش السيره القديمه بصي يا ستي جربي الطرق دي ممكن تلطف الجو ​اول حاجة موضوع الرسايل المستخبية يعني اكتبي لها ورقة صغيرة فيها كلمتين حلوين زي وحشني أكلك يا ست الكل أو البيت ملوش طعم من غير ضحكتك وحطيها تحت المخدة بتاعتها أو في جيب عبايتها الحركة تحسسها إنك لسه بنتها الصغيرة اللي محتاجة حضنها وتاني حاجة ممكن تغزي عينها بشطارتك في الكلية بما إنك دخلتي اقتصاد منزلي يعني قسمك كله فن ودلع جربي تعملي لها أكلة صعبة كانت هي بتحبها أو تفاجئيها بحاجة حلوة من عمايل إيدك في البيت وقولي لها ده اللي اتعلمته في الكلية يا ماما عشان أبسطك ومن غير ما تطلبي منها كلام سيبي الأكل هو اللي يتكلم وهدايا بسيطة من غير مناسبة يعني وانتي راجعة من الكلية هاتي لها طرحة لونها بيحبها أو حتى ورقة ورد وحطيها قدامها وانتي بتبوسيها من غير ما تفتحي موضوع الكلية القديم خالص وممكن تستخدمي الصور القديمة يعني ابعتي لها على الواتساب صورة ليكي وانتي صغيرة معاها واكتبي تحتها نفسي نرجع نضحك زي الصورة دي يا أحلى أم في الدنيا الصور دي بالتظبط المواضيع دي خالص ولماتلاقيها هتبدأ تقول كلام يوجعك انسحبي بهدوء وانتي مبتسمة وقولي لها حقك عليا المهم تكوني راضية وسيبيها لنفسها تفكر في حنيتك قصاد قسوتها وهتلاقي قلبها لان لوحده لأن مفيش أم بتقوى على دلع بنتها كتير خصوصاً لو البنت شاطرة ومريحة بالها في البيت وأثبتي لها إن اختيارك هو اللي خلاكي مرتاحة وقادرة تدلعيها كدة

الله عليكي وعلى أصلك الطيب بجد فرحتيني من قلبي والله العظيم ده أحلى خبر سمعته النهاردة وإنك عملتي الخطوة دي وانتي اللي روحتي وبوستي راسها ده جبر خواطر كبير أوي عند ربنا وهيشيل من عليكي حمل تقيل جداً صدقيني الرضا ده هو اللي هيفتح ليكي أبواب المذاكرة ويخليكي تركزي وبكرة هتشوفي بركة الخطوة دي في دراستك وفي حياتك كلها لأن رضا الأم ده كنز وسر التوفيق في الدنيا والآخرة ربنا يخليكم لبعض ويديم المحبة ويبعد عنكم أي زعل وشيطان ويثبتك ويجبر بخاطرك زي ما جبرتي بخاطرها وزي ما فرحتيني بالخبر الحلو ده 🩵🩵

تسلمي يا رب وليكي بالمثل وزيادة والله العظيم دعوتك دي كفيلة تخلي يومي كله رضا وكفاية إنك لسه بتفكري فيها وبتحاولي عشان خاطرها رغم كل الضغط اللي عليكي ده في حد ذاته بر والدين ومعدن نضيف أوي ربنا يبارك في أصلك ويفتح بصيرتك في المذاكرة وتعدي السنة دي وإنتي محققة كل اللي بتتمنيه وتشوفي الفرحة في عينيها وقتها هتنسي كل لحظة زعل وتعب مريتي بيها شدي حيلك بس كدا والبيت كله هيفتخر بيكي إن شاء الله وأي وقت تحسي بضغط اكتبي رسالتك هنا واعملي بس اشاره ليا هتلاقيني موجود باذن الله وفرحت قلبي الحقيقية هي نجاحك وتصالحك مع مامتك في القريب العاجل يا رب

يا رب آمين وكلامك ده بيدل على أصلك الطيب ونضجك فعلاً لأنك رغم الوجع لسه شايفة غلاوتها وده لوحده نص الطريق إن الغمة دي تنزاح على خير هي فترة ضغط شديد وثانوية عامة بتشد الأعصاب في كل البيوت المصرية بس صدقيني بكرة لما تنجحي وتوصلي للي بتتمنيه كل ده هيبقى ذكريات وهتلاقيها هي أول واحدة بتزغرط وفخورة بيكي قدام الدنيا كلها ركزي بس في مذاكرتك واهتمي بصحتك ونفسيتك على قد ما تقدري ودايماً افتكري إن صبرك ده في ميزان حسناتك وإن شاء الله تفرحي وتفرحيها وتكوني احسن حد في الدنيا بإذن الله ربنا يوفقك ويجبر بخاطرك ويفتح لك كل الأبواب المقفولة

العفو على إيه إحنا أخوات وشعورك ده حقيقي وواجع بس خليني أقولك ليه هي بتعمل كدة، الأم غالباً بتيجي على نفسها مع الغريب عشان خايفة من كلام الناس أو عشان تحافظ على شكلها قدامهم لكن معاكي إنتي هي شايلة التكليف تماماً وشايفاكي حتة منها يعني ضامنة إنك مهما حصل بنتها وحبيبتها وهتسامحيها في الآخر فبتطلع كل ضغطها وتوترها فيكي إنتي عشان إنتي الحيطة المايلة اللي مأمنة لها ومستحملة عصبية مامتك عليكي هي في الحقيقة عشم بزيادة قلب بوجع بس صدقيني لو حد مس شعرة منك قدام الناس دي هتاكلهم بس هي للأسف بتفرغ شحنة الضغط النفسي اللي عندها في أقرب حد ليها اللي هو إنتي فمتخليش ده يحسسك إنك قليلة عندها بالعكس ده أنتي اللي شايلة شيلتها ومستحملة اللي محدش يستحمله وربنا هيجازيكي خير على صبرك ده وهيفرح قلبك في دراستك وتعدي الغمة دي على خير وتتصالحوا وترجعوا أحسن من الأول كمان

حصل خير والحمد الله أن المشكله اتحلت وجد والله فرحتلك من قلبي @السائلة وربنا يسترها معاكم ويحفظكم من العين ومن كل حد عايز يوقع بينكم، وايجعل بينكم مودة ورحمة مبيخلصوش. اللهم اجعل بيتها جنة، واملأ قلبها وقلب جوزها بالرضا والصبر على بعض. وبشكرك جدا على نصيحتك ليا @أحمد سعيد وجد ربنا يحفظك ويسعدك ياحبيب أخوك 🩵.. وبشكر اختي @Nehal Nassar جدا جدا أنها كانت عايزه ميحصلش مشكله وبتوضح الآراء ودي حاجه كبير ربنا يحفظها 🩵.. وبعتذر من @السائلة مره تاني انتا وجعنا دماغه معاني بعتذر من حضرتك جدا😊 .. وشكرا جزيلا لكم جميعا

اللهم امين اللهم امين..ولكي مثله وزياده ..بصي إنتي بنت ناس ومتربية وعشان كدة فاكرة إن الدنيا كلها ماشية باصولك بس الحقيقة إن اللي بيقل بأصله ده بيعبر عن نفسه هو مش عنك إنتي يعني لما واحدة تتجاهلك أو تعمل مش سامعاكي ده نقص فيها هي وقوة منك إنك لسه محترمة ومحافظة على ذوقك فبدل ما تقولي أنا مش مرغوب فيا قولي البنت دي ذوقها قليل وماتلزمنيش وعادي جدا لما تلاقي حد بيطنشك اقلبي وشك الناحية التانية ببرود ولا كأنك شايفة حد وخليكي إنتي التقيلة اللي كلامها بالوزن ماترميش كلامك لناس مش سامعة ولا تديهم فرصة يقهروا قلبك الرقيق ده إنتي مقامك عالي وماينفعش تنزلي مقامك وتزعلي على ناس معندهاش ريحة الذوق خليكي واثقة إن وجودك منور وأي حد ماياخدش باله يبقى هو اللي خسران فرصة إنه يعرف شخصية محترمة زيك كبري دماغك يا بطلة وعيشي حياتك بالطول والعرض وماتخليش حد يهز شعرة فيكي ربنا يكرمك ويرزقك بالصحبة اللي تشيلك فوق الراس وتعرف قيمتك صح

يا استاذ @أحمد سعيد الست عرضت مشكلتها باختصار عشان محتاجة نصيحة في موقف محدد وصعب ولو كانت حابة تدخل في تفاصيل أكتر أو تحكي أسرار بيتها كانت عملت كدا من الأول لكن الستر مطلوب والشرع أمرنا بكدا واحنا هنا بنرد على المعطيات اللي قدامنا وبنحاول ننصفها باللي يرضي ربنا ويحفظ كرامة بنتها والنفقة والسكن حق شرعي واجب بنص القرآن والسنة لقوله تعالى أسكنوهن من حيث سكنتم من وجدكم فبدل ما نضغط عليها عشان تحكي تفاصيل هي مش حابة تقولها ياريت نركز في المساعدة بكلمة طيبة وحل يرضي الله لأن مصلحة البنت الرضيعة هي الأهم وربنا يهدينا جميعا للحق ويستر على الجميع ويجعلنا عون للمحتاج مش سبب في ضيقه وضغطه بأسئلة هو في غنى عنها وجد والله كامل الاحترام لشخصك .... وشكرا جزيلاً ليكي @Nehal Nassar على رد حضرتك ... وبعتذر للسائله عن الخلاف ده وجد والله ربنا يحفظكم ويسعدكم 🌷

وجهة نظرك تحترم بس الست في وضع صعب ومحتاجة حلول عملية تسترها هي وبنتها والشرع والقانون كفلوا للمرأة حقوقها في السكن والنفقة عشان ما تتبهدلش هي وطفلة رضيعة ومحدش طلب غير الحق والعدل فبدل ما تهاجم النصيحة وتعتبرها مسواحة ياريت تفيدنا برأيك اللي شايفه صح عشان نساعدها تخرج من أزمتها دي لأن الهدف في الآخر هو الستر ومصلحة البنت وربنا يهدي الجميع الحق يصلح الأحوال

كلامك جميل بس حابب اضيف عليه شويه. بعد اذنك 🌷الموضوع كله إن ربنا سبحانه وتعالى بيحاسبنا على السعي مش على النتيجة والتعطيل اللي احنا فيه ده ساعات بيبقى مدخل من مداخل الشيطان عشان يضيع علينا عمرنا في سوف اللي هي جند من جنود إبليس احنا مستنين إيه عشان نبدأ واحنا عارفين إن البركة دايما في البكور وفي الحركة النبي صلى الله عليه وسلم كان بيستعيذ من العجز والكسل لأنهم بيحبسوا روحنا في مكانها وبيموتوا فينا أي أمل للتغيير خلي عندنا يقين إن الله لا يضيع أجر من أحسن عملاً بس عشان يحسن عمللنا لازم يكون فيه عمل أصلاً إبدأ واستعين بالله وقول يا رب أنا هتحرك وأنت المعين وما تخليش ذنوبك أو تقصيرك يفرملوك لأن ربنا بيحب العبد اللي بيحاول ويجاهد نفسه ابدأ النهاردة ولو بخطوة بسيطة لله وفي نيتك إنك بتعمر الكون وبتنفذ أمره بالسعي وهتلاقي الأبواب اللي كانت مقفولة بتتفتح قدامك ببركة التوكل لأن ربنا مبيسيبش حد أخد بالأسباب ورمى حموله عليه فاستعذ بالله من الشيطان وقوم دلوقتي حالا اقطع حبل الأفكار ده بخطوة فعلية على الأرض الواقع

العفو ،ربنا يحفظك ...اللهم آمين يا رب وإياكي والله فرحتيني بالكلمتين دول لأنك حطيتي إيدك على أصل المشكلة فعلاً وهي إن النفس إن لم تشغلها بالحق شغلتك بالباطل وطبيعي لما الواحد يبعد شوية عن أهدافه الأساسية زي دراسته وعلاقته بربنا يبدأ عقله يدور على أي تسلية تملأ الفراغ ده حتى لو حاجات عبثية إنتي بجد شخصية واعية ومحترمة ومجرد إنك اعترفتي بالتقصير ده 😊أول طريق النجاح ابدأي من دلوقتي واحدة واحدة ووجهي طاقتك لمكانها الصح في كتبك وصلاتك وهتحسي براحة نفسية وعزة نفس ملهومش وصف ربنا يوفقك في دراستك ويثبتك ويعوضك بكل خير ويرزقك باللي يستاهل قلبك بجد

بصي هو كويس جدا إنك صريحة مع نفسك وعارفة إن الموضوع سطحي ومجرد هواية أو فضول تجاه شخصية شكلها مثالي بس خليني أقولك الحقيقة اللي توجع شوية إن الهواية دي هي اللي بتكبر الفجوة بينك وبين الواقع يعني إنتي دلوقتي بتضيعي وقت ومجهود ذهني في تحليل شخصية هي في الآخر مجرد صورة مرسومة على السوشيال ميديا وممكن جدا تكون بعيدة عن الحقيقة تماما فبدل ما الموضوع يفضل يلف في دماغك وتستني الاقتراحات تطلعهولك الأحسن إنك تقفلي الباب ده خالص عشان ميبقاش عقلك الباطن مشغول بحد مش موجود في حياتك فعليا فوفري الطاقة دي لنفسك ولحاجة حقيقية تفيدك بجد مش مجرد تسلية بتسحب من وقتك ومن صفاء قلبك على الفاضي شوفي حاجه مفيده قريه من الهوايه دي استفيدي منها وكمان قوي علاقتك بربنا بدل الاستنزاف ده لقلبك ومشاعرك

أنا بجد مبسوط إن كلامي أثر فيكي بس الحقيقة أنا يهمني إن الكلام يفرق في تصرّفك مش بس في نظرتك يعني عايزك تاخدي خطوة فعلية وتقطعي المراقبة دي خالص عشان ترتاحي بجد ونفذي الكلام ده عشان نفسك وعشان راحتك النفسية وان شاء الله اللي جاي يكون خير ليكي وبالحلال اللي يريح قلبك ويرضيكي

العفو. ربنا يحفظك 🌷

العفو ،ربنا يحفظك ده من ذوقك حضرتك. وطول ما عندك النيه والعزيمه تعملي اللي نفسك فيه وهتبقي احسن واجمل .وطبيعي جدا تترعبي من الموضوع لان الموضوع خطير مش هين . وحاول تاني وتالت ورابع كمان ... نصيحه لو في حد من اهلك حابب الموضوع ممكن تتكلمي معاه يقنعهم ... وده هيفرق جدا وحصل معاي كنت عايز البس اختي النقاب والأهل كانو رافضي لأنها وبيقولو لسه صغير بس انا اللي اصريت والحمد لله لبستو هي 13 سنه أولي اعدادي ف اكيد لو في حد معاكي هيسهل الموضوع جدا 😊... وممكن لو عندك القدره الماديه ممكن تحطيهم في الأمر الواقع وتشتري اللبس وتلبسيه هتلاقيهم مش بيعارضوكي جامد هيكونو اهدى شويه وجد والله ربنا ينولك ويثبتك

السوال ليا 🤔

العفو ،ربنا يحفظك

العفو ربنا يحفظ في الدكتور عبد الرحمن ذاكر الهاشمي وبالخصوص في سلسه #ونفس على يوتوب هي 16 حلقه هسمعي اول حلقه وهتدعيلي باذن الله

اه يوتيوب

وموضوع الذنب ده محتاج تفهمي فيه حاجتين عشان ترتاحي أول حاجة إن مفيش حد معصوم والوقوع في الغلط مش معناه إنك وحشة أو إن نقابك والتزامك تمثيل بالعكس ده معناه إنك بشر وبتحاولي وتاني حاجة إن ربنا سبحانه وتعالى بيحب التوابين يعني بيحب اللي بيعافر ويرجعله مش اللي مبيغلطش خالص فمتخليش الشيطان يضحك عليكي ويقولك طالما غلطتي يبقى خلاص ابعدي أو اقلعي النقاب بالعكس الذنب ده المفروض يخليكي تمسكي في ربنا أكتر ودايما خليكي فاكرة إن الحسنات يذهبن السيئات يعني لما تقعي في ذنب اعملي قصاده عشر حسنات صلي ركعتين أو صلي على النبي أو سبحي كتير المهم متقعديش تلومي نفسك لوم يخليكي تيأسي وتوقفي حياتك لأن ربنا غفور ورحيم وبيفرح برجوعك ليه أكتر ما تتخيلي فاستهدي بالله وقومي ابدئي صفحة جديدة وعيشي حياتك طبيعي وماتديش للذنب حجم أكبر من حجمه يهدك خليه دافع انك تقربي لربنا بصدق أكتر وتجاهدي نفسك بالراحة ومن غير ضغط عصبي يدمر نفسيتك لأن الدين يسر مش عسر وربنا معاكي دايما وعارف اللي في قلبك ونفسك وبإذن الله هيقويكي وتعدي المرحلة دي وإنتي أحسن وأقوى ونفسيتك مرتاحة ومطمئنة وبخير وفضل ونعمة منه سبحانه وتعالى

الدكتور عبدالرحمن ذاكر الهاشمي وليه سلسلة جميله اسمها #ونفس 16 حلقه ولي سلاسل تاني كتير هتستفيدي جدا موفقه باذن الله

بصي الصلاة والتقرب من ربنا دة اكيد بيطمن قلبك بس دة ميمنعش انك تروحي لدكتور مخ واعصاب لأن التعب النفسي زي اي تعب عضوي والمهم متكتميش في نفسك ولا تضغطي أعصابك بزيادة في المذاكرة وأنتي في الحالة دي وعايزك تعرفي إنك مش لوحدك وكلنا مرينا بفترات صعبة زيك كده وعدت بسلام والله وممكن تشوفي حد اونلاين وانا ممكن ارشحلك حد على يوتيوب هيساعدك جدا 😊

بجد والله ربنا يحفظك ويسعدك، وكلام حضرتك جميل جدا ،وطريقة سردك القصه جميله 🌷

جميل جزاك الله خيرا كثيرا

بصي تسمعي كلامه من ناحية وتطلعيه من الناحية التانية والرد الأقوى هنا هو التجاهل التام يعني بصيله كأنك مش سامعة حاجة أو قولي كلمة واحدة زي تمام أو حصل خير وشوفي وراكي إيه وكمليه عادي الحركة دي بتحسسه إن كلامه ملوش قيمة ومبيأثرش فيكي ومع الوقت هيبطل لأنه مش لاقي رد الفعل اللي هو مستنيه الثبات الانفعالي هو اللي هيخليكي أقوى منه ومن غير ما تضطري تدخلي في خناقة تخسرك طاقتك خليكي واثقة إن غلطات الماضي دروس بنتعلم منها مش سلاح حد يمسكه علينا والسكوت هنا مش ضعف ده ذكاء عشان تشتري دماغك وتكبري عقلك عنه

العفو ربنا يحفظك

وجربي طريقة تفريغ الوعي اللي هي إنك تمسكي ورقة وقلم وتكتبي أي كلام عشوائي يخطر على بالك حتى لو شخبطة أو كلام ملوش معنى المهم إيدك تتحرك وتطلع الشحنة اللي محبوسة جواكي من غير ما تقرأي اللي كتبتيه وبعدين قطعي الورقة دي وارميها الحركة دي بتخلي المخ يهدا ويحس إنه اتخلص من حمل تقيل من غير ما تضطري تحكي لحد أو تفسري لنفسك أصلاً إيه السبب وممكن كمان تجربي تمرين الحواس الخمسة إنك تركزي في مكانك وتعدي 5 حاجات شيفاها و4 حاجات سامعاها و3 حاجات لمساها ده بيرجع عقلك للواقع وبيسحبه من دوامة الخنقة والافكار اللي مش مفهومة دي وبيهدي ضربات قلبك بسرعة من غير مجهود كبير

انا ولد 👌

@Dareen 🌷 شكرا جزيلا على نصيحتك 😊 + اتمنى السائله تاخد بيها وجد والله ربنا يحفظك شباب وبنات المسلمين من كل سوء

اتفضلي

دي قمة التناقض والظلم النفسي لما يكون الشخص اللي بينصحك هو أكتر حد بيعمل نفس الغلط قدام عينك ده بيسموه إسقاط يعني هو بيحاول يداري على خيبته وغلطه بإنك تكوني إنتي الضحية اللي بيطلع فيها طاقة المحاسبة والتقليل عشان يحس إنه أحسن منك بصي يا ستي الشخص ده مش بينصحك لله ولا عشان مصلحتك ده بيستخدمك شماعة عشان يريح ضميره من غلطه هو لما يعايرك بيحسس نفسه إنه لسه الأعلى وإنه المربي رغم إنه واقع في نفس الفخ الحل هنا إنك متسمحيش لنصيحته تدخل قلبك ولا تهز شعرة فيكي لأن النصيحة اللي مفيهاش قدوة بتبقى مجرد سلاح للكسر مش أكتر لما يجي يعايرك خليكي هادية جداً وبصي له بنظرة اشفاق مش نظرة ذنب وقولي له بمنتهى البرود أنا اتعلمت من غلطي وبحاول أكون أحسن والحمد لله ربنا تاب عليا.. يا ريت إنت كمان تلحق نفسك وتعمل زيي بدل ما تضيع وقتك في محاسبتي وإنت بتعمل نفس الشيء الرد ده بيحطه قدام مراية نفسه وبيفهمه إن لعبته مكشوفة وإنك مش لقمة صايغة ولا عيلة صغيرة هيضحك عليها بشوية كلام وهو أصلاً غرقان في نفس الغلط خليكي واثقة إن ربنا شايف توبتك وشايف فعله هو واللي بيستر الناس ربنا بيستره واللي بيفضحهم ربنا بيكشفه ولو بعد حين

هو ممكن يكون خايف عليكي ومش عايزك تقعي في الغلط ده تاني بس بطريقه خطأ

انا نسيت والله انك انتى اللي طلبتي الحاجه دي دانا كل ما انصح بتفكر الدكتور ده وبنصحو بيه ربنا يجعل نصيحتي بيه في ميزان حسناتك 😊

في حالتك النفسيه عموما

في دكتور جميل اسمو عبد الرحمن ذاكر الهاشمي دكتور فقه نفس جميل جدا اسمعيلو هيفيدك

@Nehal Nassar ولا تعب ولا حاجه ربنا يحفظك ويسعدك وجزاك الله كل الخير 😊 ومتنسيش فيتامين د لان ده اس المصايب خديها كدا شهر ولا حاجه وبإذن الله هتلاقي تحسن ولوفي اب حاجه انا موجود هنا 😊

@Nehal Nassar ولازم تظبطى نومك وتنامي بدري 😊

@Nehal Nassar طيب انا شايف أن مفيش اي حاجه مقلقة والموضوع كله عادي بس تضبط روتين حياتها والتغذية والساعة البيولوجية هتبقى تمام لازم تلعب شوية رياضة وتقعد نص ساعه بالشمس يوميا عشان فيتامين د والافضل لو تجيبي فيتامين د لشركه ليمتليس تركيز ٥ الف وحده وتاخد قرص يوميا بعد الغداء مده شهرين ثلاثة مش بيضر خالص حتى لو سنه لان اغلب الناس عندها نقص في الفيتامين ده وهو اللي بسبب خمول ومشاكل بالنوم وتحاول تضبط نومها ومينمش بعد الفجر لان دا بيعمل خمول وبياثر على النوم بالليل تبعد عن السماعات لانها باعلى ضغط المخ ويتسبب صداع شوية وتعالج الحساسية باي بخاخ حساسية معاه نازوفلوتين أو نازوكرت ولو الحساسية شديدة وفي افراذات بالانف تجيب محلول الكامصر وتحط نص كيس على كوب ماء دافئ وتستنشق من الانف بيه والافضل بسرنجه ١٠ سم مثلا يومين ثلاثه. ويمشي على البخاخ الحساسية اسبوعين ولو معاها برشام حساسية زيرتك قرص قبل النوم مع البخاخ لمده اسبوعين الحجات دي مش لازم يجيب منها علب عادي كلها شرائط من عند اي صيدلية

@Nehal Nassar

وهل في روتين لحياتك

في الحقيقه انا اخويا دكتور ف بعتلوا الحاجه دي وهو طلب مني كدا مش انا الدكتور طيب مشكله الاعراض القديمة اتحلت ممكن تكون اضطراب ما بعد الصدمه نتيجه لصدمه معينه او ضغوط لكن مشكلته دلوقتي في الصداع والنوم والتركيز. بس ولا في حجات تانيه والذاكرة أخبرتها ايه والطاقة الجسدية وهل في الم في العضلات أو الجسم ومن امته الصداع ومشاكل النوم الأعراض مشاكل الصداع والنوم تدخل في كل امراض المخ والأعصاب وبعض الأمراض الأخري في تخصصات أخرى منها الباطنة والرمد والأنف واذن في أمراض فيهم بتعمل كده فلازم نستبعد. الحجات دي ولو بيلبس السماعات الاذن كتير أو بيحضر مسلسلات أو بيسهر على العاب جيمز والحاجات دى كلها بتسبب مشاكل النوم والصداع وهل في مشاكل بالنظر. ومشاكل بالجيوب الانفيه أو حساسية بالانف وهل في دوخه وهل الصداع ده بيجي فترات ولا مستمر ديما

اي الدوا اللي كنتي بتاخديه قبل كدا لو عايزه حاجه دلوقتي ضروري

كشف قبل كده ولا لا. وعند مين وقاله ايه الموضوع بقاله كد ايه وهل حصل حاجة بعدها بقى حاله مش كويس ولا بدون سبب وايه المشاكل بالضبط صداع ونوم بس ولا في اكتئاب وفقدان رغبه بالحياة أو خنقه دائمه عمل تحاليل فيتامينات قبل كده ولا لا في رياضة في حياته ولا لا وهل في هوايات كان بيعملها وبطل

يا جماعه هو تقريبا كذا حد تعبان من الموضوع ده ف انا مش عايز اديكم علاج وخلاص انا عايز أشخص الحاله عشان تعرف تعالجها ف اتمنى تقوليلي التفاصيل كامله هبعتلك كام سوال كدا وتجاوبو عليهم بالضبط عشان اعرف أشخص الحاله ومتخدوش اي علاج وخلاص

@Nehal Nassar سلامتك وألف سلامة عليكي وطبيعي جدا اللي بتمري بيه لأن الجسم بيعبر عن الزعل والضغط النفسي أحيانا بالنوم الكتير أو الأرق التام والنصيحة هنا إنك محتاجة تصفير لساعتك البيولوجية من جديد وابدأي بالتدريج بلاش تضغطي على نفسك في المذاكرة وإنتي مطبقة لأن مفيش معلومة هتثبت ومخك هيفضل مشتت والحل إنك تثبتي معاد صحيان واحد مهما كان نمتي الساعة كام وممنوع تنامي بالنهار خالص حتى لو ربع ساعة عشان تجبري جسمك ينام بليل واستعيني بشرب مية كتير وتمارين تنفس بسيطة قبل النوم وأهم حاجة لو الموضوع استمر ومأثر على حياتك ودراستك بشكل كبير يبقى مفيش مانع تشيري حد متخصص يساعدك تتجاوزي الفترة دي بسلام لأن التراكمات النفسية هي اللي مخلية نومك مهزوز كده ومستنيكي تطمنيني عليكي لو بدأتي تحسي بتحسن في التركيذ

بصي الموضوع محتاج منك حركة سريعة عشان تخرجي من دايرة الخمول دي لازم تعملي تحاليل دم وفيتامين دال وغدة درقية لأن غالبا في نقص في حاجة فيهم هو اللي مخلي جسمك مطفي مهما نمتي وتاني حاجة لازم تخففي النشويات والسكريات في أكلك لأنها هي اللي بتعمل هبوط مفاجئ وتخليكي عايزة تنامي بعد الأكل على طول واعرفي إن النوم الكتير ببيجيب خمول أكتر فجربي تنظمي يومك وتتحركي شوية عشان تنشطي الدورة الدموية

أنتي لو كملتي كدا هتخسريها لو عرفت من حد تاني ،وهي لو بتحبك بجد هتفرحلك وتكون اسعد انسانه في الدنيا بعد الخبر ده وهتعاتبك بس شويه أما لو عرفت بالصدفه ممكن تخسريها للابد 😊

هو اي سبب النوم ؟ إرهاق ؟ولا هروب من حاجه ؟ ولا تعب ولا ايه @Nehal Nassar

العفو ربنا يحفظك ،جزاكي الله كل الخير دة تقصير مننا دة مش جهل ولا حاجه ارد انك تشوفيه دلوقتي وانا لما عرفو كان صدفه قابلني فديو قصير ليه ومكنتش عارف اسمو اي وبعدها فديو وفضلت ادور على اسمو إلى أن من اللي عليا به 😊 وإذا كان على التقصير ف كلنا مقصرين الله المستعان. شوفي السلسله بتاعت برنامج # نفس لعبد الرحمن ذاكر الهاشمي جمله حم