Esmat Ali

بصي... الوجع اللي حاسه بيه دلوقتي تقيل ومحدش يقدر ينكره، لأن أصعب طعنة هي اللي بتيجي من السند اللي المفروض يحمينا وخيانة والدك مهما كان حجمها هي سوء اختيار منه هو، مش تقصير منك ولا من مامتك. أوعي تخلي أفعاله تكسر صورتك عن نفسك أو تخليكي تحسي بالخزي. هو اللي اختار الطريق ده، وانتي مش مسؤولة عن حساباته قدام ربنا أو قدام الناس. وبما إنك عرفتي إن فيه ناس تانية عارفين، فغالباً الحكاية ليها جذور وتفاصيل إنتي متعرفيهاش. متحرقيش بنزين في البحث وراهم؛ لأن كل معلومة جديدة هتعرفيها هتكون مسمار جديد في سلامك النفسي. اللي عرفتيه كفاية وزيادة، وقفي هنا. والمواجهة دلوقتي ممكن تخسرك كتير وتفتح عليكي أبواب جحيم في البيت إنتي في غنى عنها. خليكي ذكية، اتعاملي بحدود، احفظي مسافتك النفسية، وخلي صمتك هو رد فعلك لحد ما تلاقي الوقت المناسب اللي تقدري فيه تستقلي بحياتك.وافتكري دائما انالسفينة مش بتغرق بسبب المية اللي حواليها، بتغرق لما المية تدخل جواها. متخليش قذارة الموقف ده تدخل جوه قلبك وتغير نقاءك.وبعتذر على الإطالة 😊 وجد ربنا يحفظك ويسعدك

وجعك حقيقي مش خيال إنتي مش بتألفي، بس المصدر نفسي مش عضوي. القلق بيخلي الجهاز العصبي يبعت إشارات وجع ورعشة وبرودة كأنك عيانة فعلاً. كل ما تركزي مع العرض تقيسي حرارة أو تلمسي مكان الوجع القلق بيزيد، فالوجع بيزيد.. فتدخلي في دائرة مفرغة. وبما إنك كان عندك قلق وصدمة عصبية، فدي بواقي وتوابع لسه جسمك مخزنها، وبما إنك وقفتي الدواء فجسمك رجع يعبر عن ضغطه بالوجع. محتاجة علاج سلوكي مع متخصص عشان يكسر فكرة الخوف من المرض وممكن تحتاجي مراجعة طبيبك النفسي تاني بخصوص الدواء وبلاش كل شويه حد يشوفك سخنه ولا لاء، واشغلي وقتك بأي نشاط حركي لما تحسي بالرعشة وجد ربنا يحفظك ويشفيكي

النمص حرام نتف شعر الحاجبين بهدف ترقيقهما جداً أو تغيير خلقهما الأصلية طلباً للحسن. ورد فيه وعيد شديد في الحديث الشريف لعن الله النامصات والمتنمصات... أما إزالة الشعر الزائد جداً يرى كثير من العلماء المعاصرين أنه يجوز إزالة الشعر الذي يخرج عن نبتة الحاجب الطبيعية (مثل الشعر المتناثر بعيداً عن الحاجب أو الذي يسبب مظهراً غير لائق)، لأن هذا يندرج تحت باب التجميل وليس تغيير خلق الله. ما بين الحاجبين ذهب أغلب العلماء إلى أن الشعر الذي بين الحاجبين ليس منهما، فيجوز إزالته لأنه لا يدخل في مسمى النمص. وحالات الضرورة إذا كان شعر الحاجب كثيفاً جداً لدرجة أنه يؤذي العين أو يسبب تشوهاً واضحاً أو ضرراً نفسياً، فيجوز تهذيبه بقدر الحاجة لإزالة الضرر ربنا يحفظك تلاشي الخلاف انتى جميله زي مانتى 😊وجد ربنا يسعدك يارب

بصي اللي عايزك في حياته هيعرف يفتح كلام ويقرب، لكن التحايل على القرب بيقلل من كرامتك قدام نفسك وقدامه و ادعي ربنا يريح قلبك ويكتبلك الخير، مش لازم تدعي برجوع ناس بايعين. ربنا بيبعد عنك اللي مش شبهك.هي حالياً بتتعامل ببرود وقصدت تتجاهلك وسط البنات. ده رد واضح كفاية إنها قفلت الباب، فـ احترمي رغبتها وانسحبي بكرامتك. العالم مخلصش عندها. اشغلي نفسك بحاجات جديدة وبشر جداد بيقدّروا وجودك، والوقت كفيل ينسّيكي وجد والله انا لو مكان وحضرتك وصاحبي عمل كدا معايا هقطع علاقتي بيه واريح دماغي انا كنت معاكي من اول رساله بعتها وانتى تعبتي جدا في العلاقة دي كفايه خلاص نفسك تعبت وجد ربنا يسعدك يارب

بصي اول حاجه تنسي كلمه اخلص كل اللي عليا في رمضان مفيش حد بيخلص منهج سنة كاملة في شهر، فلو حطيتي الهدف ده هتتغطي وتوقفي خالص. ​أعمل إيه دلوقتي..واوعي تجيبي كتب جديدة. كتاب واحد لكل مادة + كتاب مراجعة نهائية (امتحانات) هو ده اللي هينجدك. كثرة الكتب بتعمل تشتت وزحمة على الفاضي.وركزي إنك تذاكري أهم الدروس اللي بتيجي في الامتحانات اسألي مدرسينك أو شوفي فيديوهات أهم الأجزاء. إنك تلمي 70% من المنهج وتدخلي بيهم، أحسن من إنك تحاولي تلمي 100% وتدخلي مش فاكرة حاجة. مفيش طاقة؟ عادي. ذاكري ساعتين بس بعد الفجر وساعتين بعد التراويح. دول أهدى وقتين. الـ 4 ساعات دول بتركيز أحسن من 10 ساعات وانتي مهدودة. قليل دائما خير من كثير منقطع . ومتذاكريش الدرس شرح لوحده، حلي عليه فوراً. الحل هو اللي بيثبت المعلومة وبيديكي ثقة إنك ماشية صح. و​الوحدة اللي انتي فيها دي ميزة مش عيب، عشان مفيش حد يضيع وقتك ولا حد يقارن نفسه بيكي فيحبطك. ابدئي النهاردة بدرس واحد سهل عشان تفتحي نفسك، وبلاش تفكري في الحلم دلوقتي، فكري في تخلصي المادة اللي قدامك وبس وبعتذر على الإطالة 😊 وجد ربنا يوفقك ويكرمك

بص انتي مش بتمثلي العجز اللي حاسة بيه وفقدان الشغف وحتى تقطيع الإيد دي مش دلع، دي صرخة استغاثة من عقلك إنه مش قادر يستحمل أكتر من كده. و انتي خايفة تطلعي سليمة؟ اطمني، اللي بتوصفي ده تعب حقيقي (زي الاكتئاب أو غيره)، والدكتورة الشاطرة مش هتقولك بتمثلي، بالعكس هتسميكي الأشياء بمسمياتها عشان ترتاحي.و لما تروحي لدكتورة، هي ملزمة قانوناً وأخلاقاً إنها متقولش سرك لأي حد، حتى أهلك، طالما انتي بالغة. تقدري تطلبي منها ده بوضوح في أول جلسة.و أفكار إيذاء النفس خطر ومحتاجة تدخل فوراً. لو الأفكار زادت عليكي بالليل، لازم تكلمي حد بتثقي فيه أو تتوجهي لأقرب مستشفى فيها قسم نفسي. ومنكن تدوري على أخصائية نفسية أو طبيبة نفسية في تطبيقات ومواقع بتقدم الخدمة دي بخصوصية تامة ومن غير ما تخرجي من البيت زي شيزلونج والتعب النفسي زي التعب العضوي، الذكر والصلاة حاجة جميلة وبتصبرنا، بس مش بديل أبداً عن العلاج الطبي.. ربنا خلق الداء وخلق الدواء وأنا بقلك كدا لان كان في حد عزيز عليا عندو مرض نفسي لفتره شهور وتعبني معاه بس هو الحمد لله اتحسن ف متقلقيش إن شاء الله ربنا يعافيكي

بصي إنتي مش بتحبيها.. إنتي محتاجة لها.. وده الفرق بين الحب والتعلق. صاحبتك مراية مش حياة إنتي شايفة فيها النقص اللي جواكي، فبتحاولي تملكيها عشان تحسي بالأمان. الحقيقة إن الأمان بييجي من جواكي إنتي، مش من كلمة وحشتيني من حد تاني. والخنقة بتبعد مش بتقرّب تخيلي نفسك محبوسة في أوضة مع حد بيراقب كل نفس بتتنفسيه، هتزهقي وعايزة تخرجي تشمي هوا.. ده اللي هي هتحسه لو استمريتي كده. سيبيها تحبك بمزاجها مش بالضغط. و قيمتك مش في درجة قربها لو هي النهاردة مشغولة أو حبت حد تاني، هل ده معناه إنك بقيتي وحشة؟ طبعاً لا. غلاوتك ثابتة سواء هي قالتها أو لأ. لما بتغيري كده، إنتي بتهزي صورتك قدام نفسك قبل ما بتهزيها قدامها. بصي اقطعي خيوط المراقبة بتكلم مين؟ قالت لمين وحشتيني؟ . و الغيرة دي فضا عاطفي. اشغلي يومك بحاجة تخصك إنتي لوحدك (كورس، رياضة، هواية) عشان لما تقابليها يكون عندك حكاوي تانية غير إنك مستنية منها كلمة. الكلمة اللي عايزك تحفظيها ..اللي بيحب حد بجد، بيفرح لفرحه مع غيره.. واللي عايز يمتلك حد، بيخسره في الآخر. حبي نفسك الأول، وهتلاقي إنك مش محتاجة تتسوّلي الاهتمام من حد، لأنه هيجيلك لوحده لما تكوني إنتي مكتفية بنفسك.بعتذر أن كنت قسيت شويه و بعتذر عن الإطالة 😊 وجد ربنا يحفظك ويسعدك

بصي الولد ده بياع كلام كونه بيكلمك بأسلوب فيه ارتباط وهو أصلاً كان مرتبط بصاحبتك، وبعدين يكلمك وحش لما الحقيقة بانت، فده شخص مش جد ولا يعتمد عليه. صاحبتك هي الأبقى حتى لو كلامها كان جرحك، هي عندها حق تزعل لأنك خبيتي عنها إنك بتكلميه وهو صاحبها بتاعها. خسارة صاحبتك عشان ولد زي ده بيعة خسرانة. بلاش عتاب ملوش لزمة إنتي عايزة تعتبيه على كلامه الوحش؟ صدقيني، السكوت والـ Block هو أقوى رد. العتاب ه يفتح كلام تاني ويخلي المشاكل تزيد مع صاحبتك. اتعلمي من الدرس في السن ده، بلاش تدخلي نفسك في دوامات فلان بيكلم فلانة ركزي في حياتك ومذاكرتك، وصحوبيتك اللي بجد هي اللي تستاهل تحافظي عليها. الخلاصة امسحي رقمه، والتزمي بكلمتك لصاحبتك إنك مش هتكلميه تاني، وصالحيها بجد لأنها خايفة على مصلحتك. وابعدي انتي وصحبتك عن وجع الدماغ ده واستغفر ربنا وأدعو أن يستركم بالحلال ربنا يحفظكم

بصي ​لومك لنفسك هو اللي بياكل طاقتك أكتر من المشكلة أصلاً. اقبلي إنك حالياً تعبانة وده حقك، مش فشل. أنتي لسه البنت الناجحة اللي كانت موجودة، هي بس واخدة استراحة محارب غصب عنها. ​أنتي بتقولي مش قادرة تناقشي حد.. ابدئي ردي بكلمة واحدة، اطلبي طلب بسيط، المهم تكسري حاجز الصمت ده مع نفسك الأول. السرحان بييجي لما بنهرب من الواقع، حاولي تتشعلقي في أي حاجة ملموسة رياضة، ترتيب أوضتك، كتابة و​متبصيش للمستقبل كله عشان متترعبيش. لو وراكي مذاكرة، قولي هقعد 5 دقايق بس لو عدوا وقمتي، أنتي كدا تمام. غالباً الـ 5 دقايق هيجروا وراهم وقت أطول . و المطفي مش معناه إنه اتحرق، معناه إنه محتاج شرارة ترجعه.. والشرارة دي هي إنك تحبي نفسك شوية وتصدقي إن دي فترة وهتعدي زي ما غيرها عدى بعتذر عن الإطالة 😊 وجد ربنا يحفظك ويسعدك سؤال .... هو هو انتي مريتي ب ظروف صعبه ؟

بصي اللي بيحكم عليكي من نبرة صوتك هو اللي نظره ضيق، مش إنتي اللي فيكي مشكلة. نضجك بيبان في عقلك وتصرفاتك، مش في غلظة صوتك. ولما تتكلمي بـ ثقة وفخر وصوت مسموع حتى لو رفيع، الناس بتنسى النبرة وبتركز في قوة الشخصية. اللي بيتريق بيبطل لما يلاقي كلامه مش بيهزك. ربنا ميزك بنبرة رقيقة وهادية، اعتبريها علامة مسجلة ليكي. العالم مش محتاج نسخ مكررة، محتاج ناس حقيقية زيك متصالحة مع نفسك صوتك جزء من جمالك الهادي.. حبي نفسك زي ما هي، والناس مع الوقت هتتعود تحترم كيانك وتنسى النبرة اللي كانت بتنتقدها وجد ربنا يحفظك ويسعدك

بصي قليلٌ دائم خيرٌ من كثيرٍ منقطع ​أكبر غلطة بتعمليها هي الطمع إنك عايزة تعملي كل حاجة في يوم واحد، فبتتخضي وتقعدي. حددي 3 مواد بس في اليوم، و 3 عبادات أساسية (الصلاة في وقتها، ورد قرآن بسيط، صلاة تراويح ). لو عملتي دول بس، إنتِ أنجزتي 100%.و بركة الوقت في رمضان النظام ​رمضان وقته متقسم رباني، استغلي ده الفجر للمذاكره الصعبة ده وقت الذهب مخك لسه فايق ومفيش دوشة. خلصي فيه أكتر مادة متراكمة عليكي. وفي النهار مراجعة أو حل لو طاقتك قلت مع الصيام، حلي تدريبات أو شوفي فيديوهات شرح، حاجات متطلبش مجهود ذهني كبير وبعد التراويح خدي مادة خفيفة أو كملي اللي بدأتي فيه الصبح لمدة ساعتين ​ومتحاوليش تذاكري القديم كله وتسيبي الجديد، كدة هتراكمي جديد فوق القديم ذاكري الجديد اللي المستر بيشرحه بنسبة 70% من يومك، وخصصي 30% بس لجزء صغير من القديم. حتة بحتة هتلاقي القديم خلص من غير ما تحسي. نصيحة من أخ لقلبك ​ربنا مش عايزك تتعبي وتنهاري، ربنا عايز منك السعي. المذاكرة في رمضان هي عبادة في حد ذاتها لو نويتي إنك بتتعبي عشان تفرحي أهلك وتنفعي نفسك. ومتخليش الشيطان يضحك عليكي ويقلك يا كدا يا بلاش لا ... اللي تقدري عليه اعمليه بعتذر عن الإطالة 😊 وجد ربنا يوفقك ويكرمك

بصي هو عموما الإنسان لما بيقعد يفكر كتير وهو مكانه عقله بيصور له إنه غرقان وفاشل لكن أول ما بيبدأ يعمل أي حاجة الصورة بتتغير. ومتقوليش هغير حياتي. قولي هعمل حاجة مفيدة لمدة مثلا 15دقيقه بس في اليوم قراءة، لغة، رتبي ،اكنسي ، الـ ١٥ دقيقة دول هما اللي بيكسروا حاجز العجز اللي إنتي حاسة بيه. وانتي مش في سباق دراسي بس. جربي تفشلي في كورسات، جربي تدخلي نشاط طلابي وتنسحبي منه، جربي تتعلمي مهارة ومتحبيهاش. التوهان في سنك ده هو النجاح، لأنك لسه بتجربي الأبواب عشان تعرفي أنهي باب بتاعك. وإنتي ليكي قيمة لأنك إنسانة، مش عشان عملتي إنجاز. بطلي تقارني كواليس حياتك بـ أفيشات حياة الناس اللي بتشوفيهم على السوشيال ميديا. هما بيعرضوا النجاح بس، ومحدش بيصور لحظات التوهان اللي زيك. ولما تحسي إنك غرقانة في التفكير، قومي اشتغلي بايدك. نظفي أوضتك، اطبخي أكلة، انزلي اتمشي. الحركة الجسدية بتسكت الأفكار السلبية اللي في الدماغ. وإنتي مش فاشلة، إنتي بس مركونه والكنبة هي أكبر عدو ليكي دلوقتي. قومي اتحركي في أي اتجاه، حتى لو غلط، الغلط هيعلمك الصح، لكن القعدة مش هتعلمك غير الاكتئاب وبعتذر على الإطالة 😊 وجد ربنا يوفقك ويكرمك

بصي الناس مستويات في الصراحة فيه اللي زيك كتاب مفتوح وبيحكي كل حاجة، وفيه اللي طبيعته كتوم أو بيخاف من العين أو بيحب يحكي الحاجة لما تخلص. ده مش معناه إنه بيكرهك، ده معناه إن ده سيتم تفكيره ​إنتي بتضايقي لأنك بتقارني اللي بتعمليه باللي هي بتعمله. الحل مش إنك تخبي زيها عشان تنتقمي الحل إنك تفلتري كلامك. احكي اللي يريحك بس، وسيبي مساحة لخصوصيتك عشان لما هي تخبي، متتحسريش على صراحتك الزيادة. و​الحسد مذكور طبعاً، بس لو عشنا في وهم إن أقرب الناس بيكرهونا هنعزل نفسنا عن الدنيا. الحب والغيرة ممكن يجتمعوا في نفس الشخص عادي، المهم إنك تخصني نفسك بالذكر وتداري شمعتك إنتي كمان شوية من باب استعينوا على قضاء حوائجكم بالكتمن ومتتوقعيش منها تكون نسخة منك في الصراحة.و مش لازم كل تفصيلة في حياتك تتقال في وقتها، جربي تخلي شوية حاجات لنفسك وشوفي هترتاحي قد إيه. و لو هي صاحبة جدعة وبتقف جنبك في الشدة، يبقى تمسكي فيها، وموضوع الحكاوي ده خليه ثانوي وانا كنت زي حضرتك كدا بالضبط وكان معاي ابن عمي بس بدأت اني اتعامل معاه زي ما بين عامل معايا وكدا بس عرفت في الاخر أن ده طبعو والحمد لله علاقتنا زي ما هي هو نفس سني

بصي هو الشخص ده غالباً دخل وعمل Reset All Settings وده بيمسح الباسوردات، البصمة، شبكات الواي فاي، واقتران البلوتوث، بس بيسيب الصور والتطبيقات زي ما هي. و الحركة دي لوحدها مش تجسس بس هي حركة غريبة ومريبة؛ لأنها بتفتح الموبايل وتخليه من غير حماية بدون بصمة أو باسورد وده بيسمحله يشوف أي حاجة براحته أو ينزل برامج مخفية. لفي على كل البرامج اللي عندك، لو لقيتي تطبيق غريب مكنش موجود أو تطبيق ملوش أيقونة واضحة، امسحيه فوراً. و ادخلي الإعدادات وشوفي إيه البرامج اللي واخدة إذن تفتح الكاميرا أو الميكروفون أو الموقع، لو لقيتي حاجة مش منطقية اقفليها. وأمني موبايلك من جديد حطي باسورد جديد قوي، وبصمة وش وأصبع جديدة. اتأكدي من حساباتك ادخلي على حساب جوجل بتاعك وشوفي الأجهزة المسجلة، لو لقيتي جهاز غريب اعملي له Log out وحاجه اخيره لو لسه قلقانة، ممكن نسخ احتياطي لصورك وحاجاتك المهمة، وبعدين تعملي ضبط مصنع كامل Factory Reset للموبايل عشان تمسحي أي حاجة ممكن تكون استخبت جوه السيستم وان شاء الله خير ومتديش موبايلك لحد

هو مبدأ كد ده مش حب، ده تعلق إنتي في سن المشاعر فيه بتبقى قوية وأي اهتمام من حد أكبر منك بيخطفك. اللي حاسة بيه طبيعي بشرياً، بس مش طبيعي إنه يهد حياتك. تجاهله ليكي هو قمة الاحترام منه لأنه عارف إنك طالبة، ومستحيل يبادلك نفس الشعور. هو بيحمي نفسه وبيحميكي، فمتخليش الشيطان يصورلك إن ده تقل أو قسوة منه و المادة اللي بتذاكريها عشان خاطره هي في الحقيقة مستقبلك انتي. لو مجموعك نزل، هو هيكمل حياته عادي مع دفعات جديدة، وإنتي اللي هتندمي لوحدك. تعملي إيه دلوقتي؟ بلاش متابعة الأكونت بتاعه هي اللي مخلية الجرح مفتوح. بطلي تراقبي، امسحي السيرش، واشغلي وقتك بأي حاجة تانية. افصلي المادة عن المستر ذاكري المادة لأنك شاطرة وبتحبي النجاح، مش عشان المستر لو مش قادرة تفصلي، يبقى تدوري على مدرس أونلاين شاطر، وبكده تبعدي عن عينه وفي نفس الوقت مستواكي ميتأثرش. وبلاش جلد ذاتك متحتقريش نفسك ولا تقولي أنا أوحش منهم والكلام الفاضي ده إنتي بس إنسانة، والقلب بيضعف أحياناً، المهم تقومي وتنفضي التراب ده وتكملي. كلمة أخيرة بعد سنة واحدة من دلوقتي، لما تدخلي الكلية اللي بتحلمي بيها، هتبصي ورا وتضحكي على المشاعر دي وتستغربي إزاي كنتي بتفكري كدة. متبعيش مستقبلك الحقيقي عشان وهم في خيالك بعتذر عن الإطالة 😊 وجد ربنا يحفظك ويوفقك

إنتي مش وحشة، ولا مهملة، ولا خيبتي زي ما عقلك بيوهمك دلوقتي. إنتي بس تعبتي شويه عارفة يعني إيه تكوني طول عمرك شايلة هم انك تكوني البنت المثالية اللي لازم تجيب الدرجة النهائية، واللي لازم تبيض وجه أهلها، واللي لازم تكون قد المسؤولية؟ الحمل ده تقيل أوي، وتقله هو اللي خلاكي النهاردة مطفيه أما بقي ربنا مش مستني منك أداء عشان يحبكةانتي غالية عند ربنا بضعفك قبل قوتك. لما علاقتك بيه تتلخبط، ارجعي له كلاجئة مش كمذنبة قولي له يا رب أنا تعبانة ومحتاجة سندك مش يا رب سامحني إني مقصرة ربنا عارف اللي في قلبك أكتر منك. والكلية دي وسيلة مش غاية طب مش هي اللي بتحدد قيمتك كإنسانة. إنتي إنسانة جميلة ومسؤولة قبل ما تدخليها، وهتفضلي كده بعدها. متخليش ستايل الكلية أو ضغط المواد يسرق منك روحك اللي الجميله مسموح ليكي تقعي مين قال إن الشاطر لازم يفضل جاري طول الوقت؟ الشاطر الحقيقي هو اللي لما بيقع، بيقعد شوية بياخد نفسه بيمسح دموعه وبعدين بيقوم يكمل وكلمه اخيره "يا اختى... رفقاً بنفسك." نفسك اللي جواكي دي دلوقتي عاملة زي طفلة خايفة، مش محتاجة جلد ولا محتاجة لوم، محتاجة إنك تطبطبي عليها وتقولي لها معلش أنا معاكي، وهنعدي اليوم ده مع بعض . حتى لو مذكرناش، المهم إننا نكون بخير والنور اللي جواكي لسه موجود، هو بس محجوب بشوية تعب. لما تهدي وتفهمي نفسك هتلاقي النور ده يبدأ يظهر تاني في عينيكي وفي صلاتك وفي مذكرتك ومتنسيش قول الله تعالى :"لا يُكلف الله نفساً إلا وسعها".. وربنا عارف إن وسعك دلوقتي محتاج راحة، مش ضغط زيادة بعتذر على الإطالة 😊 وجد ربنا يحفظك ويوفقك

بصي لو مشفتيش الجمال اللي فيكي، مفيش حد في الدنيا هيشوفه. ربنا مبيخلقش حاجة وحشة، هو بس وزّع الجمال بأنواع مختلفة.. فيه جمال ملامح وده بيدبل مع الوقت، وفيه جمال روح وثقة وده اللي بيفضل وينور الوش. انتي مش ناقصة حاجة، انتي بس محتاجة تصالحي نفسك. طول ما انتي بتبصي لنفسك بعين "كارهة"، الناس هتشوف فيكي التكشيرة والهم. لكن أول ما تحبي خلقة ربنا فيكي وترفعي راسك، العالم كله هيشوفك منورة. جمالك بيبدأ من رضاكي، مش من مرايتك. ابدأي أنتي غالية عند ربنا ونصيحه من اخ اللبسي نقاب ودة مش علشان حاجه لاني متاكد ان ربنا خالقك في صوره جميله بس انتى مش عارف تقدري نفسك وجد والله ربنا يحفظك ويسعدك ملحوظه " النقاب لانك جميله 😊"

تخيلي إن ربنا، ب جلاله وعظمته، بيفرح بتوبة عبده أكتر ما تتخيلي. هو اللي قال "نَبِّئْ عِبَادِي أَنِّي أَنَا الْغَفُورُ الرَّحِيمُ". خوفك إن توبتك ماتتقبلش ده من الشيطان عشان ييأسك، لكن الحقيقة إن الباب مفتوح ومبيتقش "لو بلغت ذنوبك عنان السماء ثم استغفرتني غفرت لك ولا أبالي" .. ده كلام ربنا. فما بالك بذنوبنا إحنا الغلابة؟ ابدئي دلوقتي، صلي ركعتين توبة، وطلعي كل اللي في قلبك لربنا.. هو مستنيكي.

بص اختفي لا رسايل، لا مكالمات، ولا حتى رياكت على ستوري. الصمت أحياناً بيبقى أقوى من ميت كلمة اعتذار وبطلي مراقبة طول ما إنتي بتشوفي هي نزلت إيه أو خرجت مع مين، نارك هتفضل قايدة البعيد عن العين بيبعد عن البال والوجع ودلعي نفسك نفسيتك تعبانة عشان حاطة قيمتك في رد فعلها. اخرجي، اتصوري، عيشي يومك، وانشري صورك وإنتي مبسوطة (من غير تلقيح كلام). لما تحس إنك عايشة مش ميتة من غيرها، نظرتها ليكي هتختلف و قولي لنفسك أنا عملت اللي عليا وزيادة، لو هي شايفة إن غلطك أكبر من غلاوتك، يبقى العيب مش فيكي، العيب في تقديرها هي. نصيحة من قلب اخ الصداقة سند مش ذل لو فضلت قافلة الباب في وشك وإنتب بتتحايلي، يبقى هي حالياً مش شايفة قيمتك. والحل الوحيد عشان تشوفي قيمتك هي إنك تبعدي وان شاء الله أن كانت صديقه صالحه ربنا يرجعهالك وان كانت صديقه سوء ربنا يصرفها عنك وركزي في مستقبلك دلوقتي وارجعي ذاكري بالتوفيق إن شاء الله وجد ربنا يسعدك 😊

لا للاسف اخر معاد تانيه اعدادي بعد تانيه والأزهر جميل جدا انا لما حولت ده كان اخر معاد وروحي المعهد اللي عندكم واسالي هناك ممكن غيرو القرار 😊 وجد والله اتمناك التوفيق

الأهل لما بيضغطوا أو بيعايروا، ده غالباً بيكون بسبب خوفهم عليكي أو خيبة أمل لحظية مش عارفين يعبروا عنها صح.إنتي مش فاشلة، إنتي بس كنتِ في مكان مش شبهك. تقريبا في كلية الدراسات الإنسانية فيها أقسام كويسة جداً زي علم النفس، الاجتماع، اللغات ودي مجالاتها في الشغل اجمل بكتير من العربي الصرف. كلية التجارة لو متاحة وبتفتح مجالات شغل كتير جداً بعيد عن الدراسة الدينية البحته بلاش عزل تام الانطوائية بتزود الغلّة والتفكير السلبي. حاولي تنزلي تتمشي، تروحي مكتبة، أو تشاركي في نشاط تطوعي بسيط في المنصورة. اتعلمي حاجة بتاعتك بما إنك حاسة بفراغ، جربي تتعلمي مهارة من النت جرافيك، لغات، تسويق. دي هتديكي ثقة في نفسك بعيداً عن ضغط الكلية وتخليكي تحسي إنك بتنجزي و متدخليش في خناقات مع أهلك، استوعبي غضبهم دلوقتي وركزي في التحويل للكلية الجديدة. و صلي استخارة في الكلية الجديدة عشان قلبك وسنة ضاعت مش كارثة، الكارثة إنك تسيبي نفسك لليأس. اختاري أقرب كلية لقلبك وابدأي صفحة جديدة و متسيبيش القرآن الكريم 🫀 وجد ربنا يحفظك ويسعدك 🙂 وانك ازهر ده شرف ليكي انك ازهر وممكن تعملي معادله تطلعي من الازهر لو مجموع المواد العلميه عالى وجد ربنا يحفظك 😊

تسأل نفسك هل بتهربي من ضغط المذاكرة ولا من وحدة ولا من ملل لما تعرفي السبب، هتعرفي تعالجي المشكلة من جدرها بدل ما تستخبي منها.وفي طريقة الـ 5-4-3-2-1 عشان تفوقي أول ما تحسي إنك سرحتي والمدرس بيشرح، نفذي التمرين ده فوراً عشان ترجعي الواقع بصي لـ 5 حاجات حواليكي (قلم، سبورة، كرسي...). المسي 4 حاجات ملمسهم مختلف. اسمعي 3 أصوات (صوت المروحة، صوت المستر...). شمي 2 ريحة (ريحة ورق، برفان...). دوقي 1 طعم (مية، لبانة...). وبدل ما الخيال هو اللي يسيطر عليكي، سيطري أنتي عليه. قولي لنفسي أنا ذاكر الساعة دي، وهكافئ نفسي بـ 10 دقايق خيال. كده أنتي اللي بتتحكمي في الخيال وغالباً الأغاني أو المشي في الأوضة بيخلوا الخيال يزيد. حاولي وانتي بتذاكري بلاش سماعات، وخليكي قاعدة على مكتب مش على السرير عشان تفضلي واعية

الوجع اللي في قلبك ده مش ضعف ده صرخة حق. حقك إنك تتعبى وحقك إنك تشتكي وحقك إنك تقولي أنا خلصت ومبقتش قادرة وأنتي غالية عشان أنتي أنتي مش عشان بتديري البيت وبتجيبي الدواء وبتروحي المصالح. اللي بيحبك بجد هيحبك وأنتي نايمة ومرتاحة مش بس وأنتي شغالة ونفسك مقطوع. وكونهم مش شايفين اللي بتعمليه ده نقص فيهم هما مش تقصير منك أنتي. متسمحيش لجهلهم بتعبك إنه يشكك في عظمة اللي بتقدميه. ولو فضلتي تدّي من غير حدود هيفتكروا إن ده حقهم الطبيعي. ارجعي لدكتورتك، وخدي استراحه من العالم. البيت مش هيقع لو ريحتي يوم ولو وقع.. يبقى لازم الكل يتعلم يشيل معاكي. العمر بيعدي مرة واحدة، متبقيش فيه الشمعة اللي بتحرق نفسها عشان تنور لناس مغمضة عينيها بمزاجها.. أنتي غالية، وجبر خاطرك عند ربنا كبير أوي وجد ربنا يحفظك ويسعدك 😊

خلاصة الموضوع كامل ( من ترك شيئا لله عوضه الله خيرا منه) لما تسيبي حاجه سببها لله مش عشان مستقبلك وحياتك خلي ربنا اول حاجه في حياتك وبلاش تبذلي مشاعر وطاقة على الفاضي. انا قرات التعليقات وردك عليها زي خلاصة الموضوع وانتي تكون وصلت 🙂

وعليكم السلام ورحمه الله وبركاته ​أكبر غلطة إنك بتسمحي لزعلها وطلباتها ومزاجها يحددوا مودك اليومي. هي بتستخدم الابتزاز العاطفي كلمة اوعي تخاصميني دي فخ الصداقة الحقيقية راحة مش عبء نفسي ومذاكرة طول اليوم ​بما إنك مبتحبيش تسيبي حد فجأة، ابدئي قللي الكلام المكالمات بالساعات خليها نص ساعة واعتذري وراكي مذاكرة. والخناقات لو زعقت، قولي مش هعرف أتكلم وأنتي بتزعقي واقفلو والوقت أنتي في سنة مصيرية مستقبلك أهم من غضبها. و​الكرامة مش في الخناق، الكرامة في إنك تقولي لا لما تكوني مش قادرة. لو زعلت عشان مشيتي كلامك، سيبيها تزعل. اللي بيحبك بجد هيحترم وقتك ومساحتك، واللي بيحب يمتلكك هو اللي هيتضايق.. ودي مشكلتها هي مش مشكلتك. واللي بيحبك بجد بيشيل عنك الحمل مش بيكون هو الحمل اللي شايله فوق ضهرك. ​أنتي محتاجة كل ذرة طاقة عشان مذاكرتك ومستقبلك. صاحبتك هتعوضيها بصحاب أنضج، لكن السنة دي لو راحت مش هتعوضيها وجد ربنا يحفظك ويوفقك 😊

انتي مش نسخة احتياطية من حد، ولا انتي شغالة البيت انتي بتظلمي نفسك لما بتقارني كواليس حياتك وتعبك بشاشة اختك وصورتها قدام الناس. الحجاب واللبس الواسع عمرهم ما كانوا عائق، العائق الحقيقي هو هزيمتك النفسية من جوه. و كونك الكبيرة ده معناه إنك عمود البيت، بس العمود لو مكنش قوي ومهتم بنفسه هيقع. خصصي لنفسك وقت ليكي في يومك، إن شاء الله نص ساعة، تعملي فيها حاجة بتحبيها رسم، قراءة، رياضة المهم تحسي إنك موجودة. والشخص اللي ربنا كاتبهولك هيشوف فيكي الجمال اللي انتي مش شايفاه دلوقتي. العريس مش بييجي عشان الشعر المكشوف، بييجي عشان الروح اللي بتلمع. لما تحبي نفسك وتثقي فيها، لمعة عينك لوحدها هتجذب ليكي أحسن ناس ولما تحسي إنك تعبتي من طلبات البيت، قولي مش قادرة دلوقتي متبقيش متاحة طول الوقت لدرجة إنهم ينسوا إنك بشر وليكي طاقة. واليوم اللي هتبدأي فيه تشوفي نفسك غالية، الدنيا كلها هتشوفك ملكة. بطلي تستني تقدير من حد وابدأي قدري نفسك انتي الأول وجد والله انا عن نفسي لما اتزوج هشوف اكتر وحده مستوره وان شاء الله تتزوجي زوج صالح عاجلا غير اجلا و عقبال النقاب 😊 وجد والله ربنا يوفقك ويحفظك

كونك الكبيرة وشايلة هموم ومشاكل أكبر من الـ 17 سنة بتوعك ده يخليكي فخورة بنفسك مش مكسورة. انتي بتتعلمي الصبر اللي غيرك في سنك ميعرفش عنه حاجة. مامتك وباباكي هما كمان تايهين؛ باباكي فاكر إن الفلوس هي كل حاجة، ومامتك ضغطها مخليها مش شايفة أغلى جوهرة عندها. سامحيهم عشان قلبك يرتاح، بس متخليش كلامهم يبني صورتك عن نفسك. دراستك هي "طوق النجاة": بكره لما تلبسي لبس التمريض وتخففي وجع الناس، هتحسي بقيمتك الحقيقية. ربنا حطك في السكة دي عشان عارف إن قلبك رحيم وحاسس بالوجع.. النجاح هو أحسن انتقام من الظروف. الوحدة اللي انتي فيها خلوة لما متلاقيش حد تفضفضي له، اتكلمي مع ربنا، أو اكتبي لنفسك. اللي بيسند نفسه بنفسه مبيقعش أبداً، وصحاب الروح هيجوا في وقتهم، متستعجليش على ناس فاضية مش شبهك. وبكره لما تعافري وتوصلي، هتبصي وراكي وتشكري البنت الصغيرة الضعيفة اللي كانت بتعيط في أوضتها بس مأسلمتش.. انتي دلوقتي بتصنعي الست القوية اللي هتكونيها بكره وبعتذر على الإطالة 😊 وجد والله ربنا يوفقك ويحفظك

إنتي شلتي هموم كبار وإنتي طفلة، وده اللي خلاكي تهربي لاحلام اليقظة والأكل عشان تسكني الوجع. ده مش نقص فيكي، ده ميكانزم دفاع جسمك عمله عشان يحميكي من قسوة الواقع.و إنتي بتذاكري طول اليوم مش عشان فاشلة، إنتي بتذاكري عشان خايفة، والخوف بيشل الحركة. مفيش حد بيقدر ينجز وهو حاطط سكين على رقبته. ارحمي نفسك عشان تقدر تنتج. وكلام أهلك عن وزنك يعبر عن نقصهم هما مش عيبك إنتي. الأكل بالشراهة ده جوع عاطفي يعني قلبك اللي جعان أمان وحنان، مش بطنك اللي محتاجة أكل. و مفيش حاجة اسمها أبقى أحسن نسخة في يوم وليلة. ابدأي بخطوات نملة.. صلاة في وقتها، نص ساعة مذاكرة بتركيز وبدون تأنيب ضمير بعدها، وبطلي تسمعي أغاني حزينة بتغرقك أكتر. و​إنتي محتاجة تطبطبي على البنت الصغيرة اللي جواكي اللي اتحرمت من الحنان، مش تضربيها بالكرباج. ابدأي بحب نفسك زي ما هي دلوقتي وبكل عيوبها، وقتها بس هتعرفي تصلحي اللي انتي عايزاه وافتكري دائما قول الله تعالى (لا يكلف الله نفسا إلا وسعها ) ربنا عارف انك هتستحملى اللي انتى فيه وعارف انك اقوى منه عشان كدا حطك فيه بعتذر عن الإطالة 😊 وجد الله ربنا يحفظك ويسعدك

أصعب لحظة في حياة أي بنت هي لما تكتشف إن سندها إنسان بيغلط. لازم تستوعبي إن اللي شفتيه ده نقص بشري فيه هو، مش تقليل منك ولا من مامتك. ده صراع بينه وبين ربنا، وإنتي مش طرف فيه ولا محاسبة عليه. والمواجهة في موقف زي ده بتحرق كل حاجه . لو واجهتيه، هيفقد هيبته قدامك وهتتكسر الحاجز اللي بيمنعه إنه يغلط أكتر، ولو قولتي لمامتك، هتخربي بيت وتوجعي قلبها وجع ملوش علاج. الستر هنا مش عشان خاطره، ده عشان خاطر سلامك النفسي واستقرار حياتكم. وخليكي ذكية والدك كأب هو الشخص اللي بيصرف وبيحبك وبيحميكي، ده يفضل له احترامه وبرّه. أما فعله ده، فده مرض أو ضعف ادعي له ربنا يشفيه منه. متخليش غلطة منه تسرق منك صورة الأب اللي إنتي محتاجاها عشان تسندي طول حياتك. وامسحي السجل لو تقدري من غير ما يحس، عشان إخواتك الصغيرين مشافوش اللي شوفتيه. و متدخليش موبايله تاني أبداً. الفضول في السكة دي سم بيقتل الروح. قولي اللهم استرنا فوق الأرض وتحت الأرض وفوضي أمرك لله هو اللي بيهدي القلوب. و كبري عقلك، الستر بيعدي العواصف، والبيوت بتتبني بالصبر مش بالهدم. خليكي إنتي ستر لبيتك، وربنا هيعوضك عن الوجع ده راحة وممكن تحظري المواقع دي سواء من التلفون أو الشبكه نفسها مش عارف اقولك ايه ربنا يشفيه ويعافيه وحاجه اخيره لو في اي تصرف مش لطيف بدر منو متسكتيش وحاولى تتصرفي ومتخليش اي تجاوزات تحصل (وبعتذر على اخر حاجه مقصدش حاجه )وجد ربنا يحفظك ويحميكي

أول حاجه هي إنك لازم توقفي خناق مع نفسك. إنتي مش فاشلة، إنتي بس بطاريتك خلصت. لما العربية بتعطل مش بنضربها، بنصلحها. سيبي نفسك تعطل وترتاح من غير تأنيب ضمير. ولو مش قادرة على الصلاة كاملة بانتظام، لا يكلف الله نفساً إلا وسعها حاولي بس تعملي ذكر بسيط أو تسمعي حاجة تريحك. ربنا مش مستني منك مجهود كبير وأنتي مكسورة هو الرحيم بضعفك. خصصي ساعة في اليوم ممنوع انك تفكري في بكرة، وممنوع فيها التلفون اقعدي في هدوء اشربي حاجة بتحبيها . الفراغ ده هو اللي بيخلي عقلك يهدى ويبطل دوشة والتفكير الكتير علاجه الحركة قومي اغسلي وشك، أو غيري هدومك . أي حركة بسيطة بتكسر دايرة التفكير السلبي وبتحسسك إنك لسه عندك القدرة تعملي اللي انتي عايزاه لو التفكير ده مخلّيكي مش عارفة تنامي بقالك كتير فدي علامة إن الجهاز العصبي مشدود زيادة. جربي تمارين التنفس ٤ عدات شهيق، ٤ كتم نفس، ٤ زفير دي بتهدي نبضات القلب وبترخي الأعصاب فورا ومتنسيش النبي صلى الله عليه وسلم قال اي لسيدنا خالد إذا أوَيْتَ إلى فِراشِكَ فَقُلْ: اللَّهُمَّ رَبَّ السَّمَوَاتِ السَّبْعِ وَمَا أَظَلَّتْ، وَرَبَّ الأَرَضِينَ وَمَا أَقَلَّتْ، وَرَبَّ الشَّيَاطِينِ وَمَا أَضَلَّتْ، كُنْ لِي جَارًا مِنْ شَرِّ خَلْقِكَ كُلِّهِمْ جَمِيعًا أَنْ يَفْرُطَ عَلَيَّ أَحَدٌ مِنْهُمْ أَوْ أَنْ يَبْغِيَ، عَزَّ جَارُكَ وَجَلَّ ثَنَاؤُكَ وَلَا إِلَهَ غَيْرُكَ" وده ذكر بيساعدني شخصيا لما يكون عندي ارق ومش عارف انام بعتذر عن الإطالة 😊 وجد ربنا يحفظك

احمدي ربنا إنه مشي وإنتي صاينة كرامتك ومقلتيش حاجة. مفيش حاجة تكسف، ومفيش موقف محرج حصل. إنتي لسه برنسيسة في نفسك ودي نقطة قوة ابدئي منها طاقة الحب دي حوليها لـ عناد بدل ما تستهلكي مشاعرك في شخص مايستاهلش استهلكيها في إنك تثبتي لنفسك وبلاش دور الضحية إنتي مش ضحية غدر، إنتي بس كنتي معجبة بزيادة بشخص مش مناسب للوقت ده. وبما إن الموضوع سر خليه يموت جوه قلبك ويتدفن تحت الكتب. البنت اللي في تالتة ثانوي دي محتاجة حضن ودعم من صاحبتها متجيش إنتي والزمن والمذاكرة عليها وقلبك ده مكان غالي ميتفتحش لأي حد غير لما يستحق ويدخل من الباب وبشكل رسمي وفي الوقت الصح وبعتذر على الإطالة 😊 وجد ربنا يحفظك ويسعدك يا دكتوره باذن الله

احمدي ربنا إنه مشي وإنتي صاينة كرامتك ومقلتيش حاجة. مفيش حاجة تكسف، ومفيش موقف محرج حصل. إنتي لسه برنسيسة في نفسك ودي نقطة قوة ابدئي منها طاقة الحب دي حوليها لـ عناد بدل ما تستهلكي مشاعرك في شخص مايستاهلش استهلكيها في إنك تثبتي لنفسك وبلاش دور الضحية إنتي مش ضحية غدر، إنتي بس كنتي معجبة بزيادة بشخص مش مناسب للوقت ده. وبما إن الموضوع سر خليه يموت جوه قلبك ويتدفن تحت الكتب. البنت اللي في تالتة ثانوي دي محتاجة حضن ودعم من صاحبتها متجيش إنتي والزمن والمذاكرة عليها وقلبك ده مكان غالي ميتفتحش لأي حد غير لما يستحق ويدخل من الباب وبشكل رسمي وفي الوقت الصح وبعتذر على الإطالة 😊 وجد ربنا يحفظك ويسعدك يا دكتوره باذن الله

لو وافقتي عشان صعبان عليكي هتتعبوا أنتوا الاتنين قدام. هو محتاج شريكة حياة تقبله زي ما هو وتكون فخورة بيه، مش حد حاسس إنه بيعمل فيه جميل. و أهلك عندهم حق إن فيه مجهود إضافي هتبذليه زي القراءة له ومساعدته في التحرك أحياناً، فلو أنتي نفسك قصير أو مش مستعدة لده كـأسلوب حياة مش مجرد تجربة، يبقى بلاش. والراجل بيشتغل، حافظ للقرآن، وطموح. لو شخصيته مناسبة ليكي جداً لدرجة إنك شايفة إن تعب القراءة له ده شيء بسيط قصاد قعدتك معاه، يبقى توكلي على الله. و تخيلي يومك العادي معاه بعد 5 سنين؛ هل هتكوني زهقانة من المساعدة ولا بتعمليها بحب؟ الإجابة هنا هي اللي هتحدد. نصيحه من اخ اقعدي معاه مرة واتنين، اتكلمي في تفاصيل حياته بيقضيها إزاي. لو حسيتي إنك معجبة بشخصيته مش مشفقّة على حالته وافقي. غير كده، يبقى أهلك معاهم حق واستخيري وان شاء الله خير بعتذر عن الإطالة 😊 ربنا يوفقك

أصعب شعور في الدنيا إنك تبصي في المراية وماتعرفيش مين اللي قدامك، تحسي إن البنت الشاطرة، المنورة، القريبة من ربنا، ماتت.. والنسخة اللي موجودة دلوقتي شبح عايش على الموبايل وبيهرب من الواقع بالنوم. وإنتي لسه في أول سلمه في الحياة، بس شايلة شيلة ست عندها ٥٠ سنة. ليه؟ لأنك محملة نفسك ذنب كل يوم بيعدي وإنتي واقفة مكانك. الوجع اللي بتحسيه لما أهلك بيبصولك بكره زي ما إنتي شايفة هو في الحقيقة وجعهم على النسخة اللي ضاعت منك هما مش بيكرهوكي، هما مش عارفين يساعدوكي فبيقلبوا عجزهم لغضب. وإنتي بتبعدي عن ربنا عشان مكسوفة منه، حاسة إنك قصرتِ في حقه. بس الحقيقة إن ربنا هو الوحيد اللي عارف إنك تايهه ودي مش بإيدك، ربنا مش عايزك كاملة، هو عايزك تحاولي ارجعي له وانتي مكسورة، قولي له أنا ضعت مني.. ردني إليك رداً جميلاً السجدة اللي بدموع وانتي ضايعة، أغلى عنده ميت مرة من صلاة وإنتي حاسة إنك مية مية. الموبايل هو كفن لروحك إنتي بتهربي للموبايل عشان مش قادرة تواجهي الفشل اللي حاسة بيه. بس الموبايل بياكل عمرك، بيخليكي تشوفي ناس "مثالية" فتكرهي نفسك أكتر. الموبايل ده هو اللي مخليكي عجوزة.. ارميه وقومي اغسلي وشك، وبصي في المراية وقولي لنفسك أنا لسه هنا، لسه في فرصة ٤. بطلي تكوني عدوة نفسك أهلك بيشتموكي؟ معلش. العالم كله ضدك؟ عادي. بس المصيبة إنك إنتي كمان ضد نفسك. إنتي أول واحدة بتجلدي روحك وتقولي أنا عالة. لو إنتي ماطبطبتيش على نفسك، مين هيطبطب؟ ونصيحة اخيره من اخ بكرة الصبح، الشمس هتطلع سواء قمتي أو نمتي.. بس الفرق إنك لو قمتي غصب عنك، ولو صليتي ركعتين بالعافية، ولو ذاكرتي كلمة واحدة وإنتي مخنوقة. إنتي كده بتنتصري على النسخة الضعيفة اللي فيكي. إنتي مش محتاجة ترجعي زمان إنتي محتاجة تبدأي دلوقتي النسخة القديمة كانت سهلة عشان مكنتش مجربة الوجع، النسخة اللي هتبنيها دلوقتي وإنتي تعبانة هي دي النسخة القوية فعلاً وبعتذر على الإطالة 😊 وجد ربنا يحفظك ويوفقك

الشخص اللي كلامه قلب قلة أدب وتلزيق بمجرد ما لقى منك رفض ده شخص بيحاول يكسر عينك ويقلل من قيمتك عشان يحس إنه مسيطر. كلامه عن الشخص التاني غالباً نفسنه وانك تعمليلو بلوك مش اختيار، ده فرض عين عشان كرامتك وراحتك. انبهارك بالشخص التاني ممكن يكون مجرد هروب من سخافة الأولاني. متخليش نظراته تنسيكي إنك لسه معرفتيهوش. الشخص الكويس بيجي من الباب وبأدب، مش محتاج واسطة ولا محتاج تبرري له حاجة. لو هو فعلاً محترم، مش هيصدق فيكي كلمة من واحد زي الأولاني. انتي مش محتاجة تثبتي لده ولا لده إنك بنت ناس. اللي يحترمك ويقدرك يشيلك فوق راسه، واللي يقل أدبه أو يشوه صورتك يبقى مكانه تحت رجلك متديش فرصة لحد يخليكي مادة للكلام في السوبر ماركت أو غيره. اختفي تماماً من قدام الأولاني، واتعاملي مع التاني بحدود البيع والشراء وبس. لو التاني مهتم بجد، هيعرف يوصلك باحترام.. ولو طلع زي الأولاني، يبقى كسبتي نفسك ووفرتي وقتك. الراحة النفسية بتبدأ لما تقرري إن مش أي حد ينفع يدخل حياتك، ومش أي كلام يستاهل تردي عليه بعتذر عن الإطالة 😊 وجد ربنا يحفظك

الجواز مش قطر فاتك، الجواز ده رزق زي اي حاجه ليه ميعاد متسجل عند ربنا بالثانية. لو ربنا كاتبلك الجواز بكره، مفيش حاجه هتمنعه، ولو مش مكتوب دلوقتي، فده منع لُطف مش منع عقاب يمكن ربنا بيحميكي من تجربة تكسرك لأنك رقيقه وإحساسك إنك سمينة أو مش ملفتة ده وهم زرعه الشيطان في دماغك عشان يطفي نور وشك. الجمال نصيب وقبول، وياما ملكات جمال حظهم قليل، وبنات بسيطة جداً شايلينهم فوق الراس. اللي هيحبك، هيحب انسانه على بعضها، بروحك وخفة دمك وشكلك زي ما هو. ومش لازم تدوري على عريس، اسعي لربنا بالدعاء، واسعي لنفسك إنك تكوني سعيدة. البنت اللي روحها حلوة وضحكتها طالعة من قلبها ربنا مش عايز يكسرها يا اختي ربنا مش بيعذبك بالوحدة، ربنا بيصونك لحد ما يجي اللي يستاهل قلبك الجميل ده. مترخصيش نفسك بلهفة، ولا تظلمي شكلك بمقارنة. أنتي غالية، والغالي مبيجيش بالساهل انتى تكون وصلت 😊 وجد ربنا يحفظك

ربنا بيقولك "قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ". هنا ربنا ناداهم بلقب بعبادي رغم إنهم أسرفوا في الذنوب. مفيش ذنب أكبر من مغفرة ربنا، واليأس من رحمته هو الغلط الوحيد اللي بجد. ولما بتحسي إن دعاءك ملوش لازمة، افتكري قوله تعالى "وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ" في كل آيات القرآن اللي فيها "يسألونك" الرد بييجي بـ "قل"، إلا في آية الدعاء، ربنا شال كلمة "قل" ورد مباشرة بـ "فإني قريب". مفيش وسيط بينك وبينه، هو سامع وجع قلبك قبل لسانك. ربنا بيقول في سورة العنكبوت "وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا". فربنا مش طالب منك توصلي للقمة مرة واحدة، هو طالب منك "المجاهدة". الخطوة اللي بتاخديها وإنتي تعبانة ومش قادرة وليكي وسواس بيشدك لورا، دي أغلى عند ربنا بكتير من اللي بيعبد وهو مرتاح والشيطان دخلك من باب "اليأس"، وده أخطر أبوابه. ربنا بيقول: "الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ ۖ وَاللَّهُ يَعِدُكُم مَّغْفِرَةً مِّنْهُ وَفَضْلًا". إنتي في صراع بين وعد الشيطان إنك وحشة ومالكيش لازمة، وبين وعد الله بالمغفرة والفضل. اختاري تصدقي مين؟ اتمنى تكون وصلت 😊

الوقار مش تكشيرة ​الوقار الحقيقي هو اتزان. يعني أضحك وأهزر بحدود من غير ما أفقد هيبتي مش إني أمنع الهزار خالص وأبقى ناشفة مع الناس. الرسول ﷺ كان أوقر الناس، وبالرغم من كده كان "بساماً ضحوكاً". الوقار بيخلي الناس تحبك وتحترمك، لكن الجفاء بيخلي الناس تخاف منك وتتجنبك. و​لو حاسة إن طريقتك فيها ذل للي قدامك أو كبر، يبقى إنتي دخلتي في منطقة غلط. ​الصح أرد بكلمة طيبة وابتسامة هادية، ولو حد تجاوز حدوده أوقفه بأدب. ​واني أتعامل ببرود يوجع اللي قدامي أو أحسسه إنه أقل مني. ده كِبر مش وقار. و​أكبر فخ ممكن تقعي فيه هو معاملة الأهل بـرسمية أو برود تحت مسمى الوقار. الأهل محتاجين حنية وقرب. الوقار مع الأهل هو بر وطاعة ​الدين مش بس مظهر، الدين خُلق البنت المؤثرة بجد هي اللي الناس بتشوف فيها جمال الروح قبل التزام الظاهر. لو قربك من ربنا خلاكي أصعب في التعامل مع البشر، يبقى فيه حاجة محتاجة تتصلح في الفهم. ​نصيحتي ليكي ما تخليش حد يبرمجك على شخصية جامدة تخسرك أهلك وصحابك. خليكي هينة، لينة، قريبة من الناس، بس في نفس الوقت محافظة على حياءك ورزانتك. ​ ​الوقار "أنا محترمة نفسي ومحترمة اللي قدامي." ​الكِبر "أنا أحسن من اللي قدامي ومفيش داعي أعبره." ​إنتي عندك فطنه كفاية إنك حسيتي بـعدم ارتياح، وده دليل إن فطرتك لسه سليمة وبتقولك إن اللين أجمل وبعتذر عن الايطاله 😊وجد ربنا يحفظك ويسعدك

الايجابه أو التعليق اللي يظهر لك حطي عليه لايك 👍

اضغطي على زرار (الويندوز + حرف R) في الكيبورد.واكتبي الكلمة دي msconfig ودوسي Enter.روحي لخانة اسمها Boot من فوق.هتلاقي قدامك ويندوز 10 وويندوز 11. اضغطي على Windows 11 واختاري Set as default.لو مش محتاجة ويندوز 10 في حاجة، امسحيه من القائمة دي (Delete) عشان الجهاز ما يحاولش يروح له تاني.وعطلى خاصية الـ Network Boot (عشان رسالة PXE)الرسالة اللي شفتيها في الأول كانت محاولة إقلاع من الإنترنت. عشان تمنعيها نهائياًالمرة الجاية وأنتي بتفتحي الجهاز، ادخل الـ BIOS ودوري في تبويب Boot على خيار PXE Boot أو Network Stack واعمله Disabled.

اضغطي على علامة البحث (العدسة) اللي تحت جنب قائمة Start ​اكتبي في البحث الكلمة دي: System Configuration . ​هتظهر لك أيقونة وعليها رسمة "شاشة وكمبيوتر"، اضغطي عليها. اضغطي على زرار Set as default ​بعد كده اضغطي كليك على Windows 10 واختاري Delete (مسح) عشان الجهاز ميفكرش يفتح القديم تاني. ​اضغطي OK ولو طلب منك عمل "Restart" وافقي.

وعليكم السلام ورحمه الله وبركاته تمام ادخلي للـ BIOS تاني.دوري على Boot أو Advanced.دوري على خيار اسمه Boot Mode أو CSM Support.لو لقيتي CSM، خليه Enabled يعني مفعللو لقيتي Boot Mode، وجربتي UEFI وما ظهرش الهارد، جربي تغيريه لـ Legacy أو العكسبعد ما تغيري، دوسي F10 للحفظ وارستري وادخلي الـ BIOS تاني وشوفي هل ظهر الاختيار ولا لا.

وعليكم السلام ورحمه الله وبركاته الثانوية مش مجرد دراسة، دي أول معركة حقيقية بتبني شخصيتك. لو استنيتي حد يسندك دلوقتي، هتفضلي طول عمرك مستنية إذن من حد عشان تتحركي. مفيش حد مهتم؟ تمام، اعتبري ده تحدي بينك وبين الظروف. النجاح اللي بييجي وانتي لوحدك طعمه بيبقى فخر ملوش أول من آخر، بكرة هتقولي أنا عملتها لوحدي ومحتجتش حد غياب اهتمام أهلك وجع حقيقي بس لو استسلمتي له انتي اللي هتخسري مستقبلك مش هما. حولي الوجع ده لـطاقة تخليكي تذاكري عشان تخرجي للمجتمع وتعملي لنفسك قيمة الكل يعملها حساب. والشخص اللي أنتي مستنياه يتابع معاكي هو موجود جواكي فعلاً. هو انتى الثانوية مجرد عتبة عديها بشرف وبمجهودك وبكرة الجامعة هتفتح لك أبواب وتعرفك على ناس شبهك بس عشان توصلي لهناك لازم تزقي نفسك بنفسك دلوقتي. تخيلي شكلك يوم النتيجة وانتي شايلة نجاحك لوحدك زي الملكة.. مش ده يستاهل تعافري عشانه؟ وانا حاسس بيكي إن الحمل تقيل بس والله فتره وتعدي وهتفتكري الايام دي وتضحكي عليها تمام يا دكتورة 😊

اطلبي تقعدي معاه لوحدكم في وقت ميكونش فيه ضغط شغل أو لسه راجع تعبان. قولي له يا بابا كنت عايزة أتكلم معاك في موضوع مهم لوحدنا واحكي اللي شوفته بالنص أنا كنت ماسكة الموبايل بتاعك عشان أنقل حاجات ليا، وبالصدفة شوفت صور لعقد الجواز.. أنا بجد مصدومة ومش قادرة أستوعب اللي شفته، وحاسة إن في حاجة كبيرة استخبت عننا ​قولي له انتى حاسه باي أنا مش قادرة أبص في وش ماما وأنا عارفة سر زي ده، وحاسة إن ثقتي فيك اتهزت.. أنا حابة أسمع منك إيه اللي حصل؟ وليه خبيت علينا كل ده خليه يحس بالمسؤولية قول يا بابا أنا مش عايزة أكون السبب في وجع ماما، بس في نفس الوقت مش قادرة أعيش في كذبة. أنت ناوي تعمل إيه؟ لأن الوضع ده صعب عليا استمر فيه وكأني مش عارفة حاجة. و​خليكي هادية وانتى بتكلميه لو اتعصبتي أو صوتك علي، الموضوع هيبقى خناقة وهيقفل منك ومش هتاخدي منه حق ولا باطل. واسمي ​كلامه للاخر حتى لو كلامه مش مقنع، اسمعي عشان تعرفي هو بيفكر ازاي وناوي على إيه. ​متوعديهوش انك هتسكتى متقوليش مش هقول لماما سيبيه يحس إن السر مهدد عشان يبدأ هو ياخد خطوة فعلية. وجد والله الموضوع صعب عليكي بس لازم تتحملى وجد والله ربنا يحفظك ويوفقك

شوفي مكان خصصيه للحفظ والمراجعة يكون بعيد عن الشارع في الاول وبعد كدا ركزي على على درجه صوتك وانتى بتقرائي وكل مثلاً 10 دقائق شوفي صوتك على ولا لا وكل ما يعلى يعلى صوتك قلليه وبعدين ده طبيعي مفيش مشكله فيه الافضل حاولى انك تخصصي مكان وربنا يسعدك واوعى توقفي حفظ أو مراجعه لأن الشيطان ممكن يكون حسسك بكدا علشان يبعدك عن القرآن لو قدرتي توطي صوتك تمام مقدرتيش كملى زي ما انتى 😊 وجد ربنا يحفظك

وعليكم السلام ورحمه الله وبركاته إنتي عاملة زي وردة طالعة في وسط صخر الصخر لا بيسقيها ولا بيحن عليها، بس هي لسه محتفظة بجمالها وريحتها. ​أصعب أنواع الوحدة مش إنك تكوني لوحدك، أصعب وحدة هي إنك تكوني وسط أهلك وبيتِك بس روحك غريبة ومحدش شايفها. إنتي مش بترسمي ولا بتدلعي، إنتي فعلاً محرومة من أبسط حقوقك النفسية، وده وجع يهد جبال. ​بس لما قلتي إنك عندك نضج كافي يبعدك عن الغلط رغم الضعف، دي بطولة. إنتي بتجاهدي في زمن صعب، وبتبني في نفسك بني آدمة قوية من غير مساعدة من حد.. ده معناه إن معدنك دهب أصلي مش بيصدي بالوحدة. ​ فكرة إنك تنهي حياتك هي صرخة من الطفلة اللي جواكي . بس صدقيني، بكرة لما تعملي لنفسك بيت وحياة، هتكوني أحن أم وأعظم زوجة لأنك شربتي من كاس الحرمان ومش هتسقي منه حد أبداً.. متضيعيش البطلة اللي جواكي عشان ناس مش قادرة تقدر قيمتها. ​ لما الدنيا بتضيق بيكي، افتكري إن ربنا أقرب إليك من حبل الوريد هو الوحيد اللي شايف دموعك اللي بتنزل في السكت، وسامع دقات قلبك اللي بتقول أنا تعبانة.. ولأنه عدل، فـ تعبك ده وصبرك على أهلك وعفتك ليهم مقام كبير عنده. ​"يؤخرها الله عليكِ، ليُفاجئكِ بما هو أحبّ إليكِ." ​بعتذر عن الإطالة 😊 وجد ربنا يحفظك ويسعدك

طالما إنتي شاكة إنها راديو وبتروح تنقل لأخوها، يبقى بلاش تحكي أي حاجة عن نفسك، ولا يومك و إنتي عملتي صح لما بدأتي تتجاهلي سيرة أخوها. استمري في ده ومهما حاولت تجر رجلك في الكلام، اقلبي الموضوع في ثانية واسأليها في التسميع أو في أي حاجة تخص المقرأة بس. ​المكان ده خط أحمر إنتي رايحة المقرأة عشان تحفظي وتتعلمي، مش عشان تفتني حد ولا تتفتني بحد. أول ما تلاقي فكرة الشاب ده بدأت تزن في دماغك، استعيذي بالله وركزي في المصحف اللي في إيدك، لأن دي فعلاً أبواب شيطان زي ما قلتي. ​بطلي تحسي إنك تحت المراقبه هي بتراقبك؟ براحتها. المهم إنتي متخليش مراقبتها دي تسيطر على أعصابك وتخليكي متوترة. عيشي طبيعي، والتزمي بأدبك وهدوئك، واللي عايز يحكي يحكي، طول ما إنتي مديتيش حد فرصة يمسك عليكي غلطة. ولو الشاب ده فعلاً من نصيبك، هيعرف يوصلك من الباب الصح. لكن الكلام من ورا لورا ده بينقص من قدرك وبيضيع وقار المكان اللي إنتي فيه. ​خلي علاقتك بالبنت دي رسمية جداً وبلاش تسيبي نفسك لخيالاتك، وركزي في حفظك عشان المقرأة متضيعش منك بنت صغيره تعمل كل ده في حضرتك 😅 لكن جد ربنا يحفظك ويوفقك 😊

وعليكم السلام ورحمه الله وبركاته بصي يا اختي الكريمه اي حاجه بدايتها لا ترضى الله نهايتها لن ترضيكي. وزي ما انتى شايفه البدايه كانت لا ترضي الله والنهايه لا ترضيكي تتمنى لو يرجع الزمن ومكنتيش رديتي عليه ولو استمريتي في القصه دي النهايه هتكون اصعب عليكي وعليه. وبتقولي انو حكالك قصتوا الله اعلم كانت نيتو اي بس اللي انتى حاسه بيه ده اسمو شفقه مش حب مترجعيش تتكلمي تاني وانتي ربنا يحفظك قدرتي تمنعى الكلام معاه لمراضات الله ومتنسيش من ترك شيئا لله عوضه الله خيرا منه وكمان لا تتبعو خطوات الشيطان اسفا. ...وبعد كدا سوال .....وبعد كدا قصه.... وبعد كدا تعلق .... افضل شئ عملتيه انك نهيتي العلاقه دي المهم صلي صلاه استخارة لو انتى عايزه تكملي معاه حياتك. بس مش هترحعي تكلميه تاني وهو لو فيه خير ليكي ربنا هيجمعك بيه ولو مفهوش ربنا هيصرفو عنك. وملحوظه احنا في الأشهر الحرم يعني الذنب أعظم من اليوم العادي وجد والله اقفلى باب أن اي حد يكلمك مش بقلك انك ممكن تضعفى لا بقلك الشيطان له طرقه وعارف يدخلك من فين وزي ما شفتي الشب دخل سألك سوال بسيط شوفي بعدها وصلتي لفين وبعتذر على الإطالة 😊 وجد ربنا يحفظك

انتي مش مغفلة انتي بس طاقتك خلصت من كتر التفكير ومحاولة إرضاء اللي حواليكي أو فهمهم. لما بنوصل لمرحلة إننا مش عارفين نوقف الأفكار في دماغنا بيبقى العقل عامل زي التلفون اللي هنج ، ومحتاج حد متخصص يعمل له Restart والافضل تروحي للدكتور لأن هو الشخص الوحيد اللي هتقولي قدامه كل حاجة وانتي ضامنة إن كلامك مش هيخرج بره، ولا هيستخدمه ضدك، ولا هيستغلك. التفكير الكتير ده مرض مُرهق جداً، الدكتور هيديكي أدوات وساعات علاج بسيط يخليكي تسيطري على أفكارك بدل ما هي اللي مسيطرة عليكي. عشان متبقيش عرضة لـتغفيل الناس زي ما بتقولي لازم تبني حدود نفسية قوية، وده اللي الدكتور بيعلمهولك ومتستنيش لما تنهاري تماماً. روحي لدكتور عشان تشتري نفسك وتعرفي تعيشي بسلام. دي مش علامة ضعف، دي منتهى القوة إنك تقولي أنا محتاجة مساعدة المهم ممكن تقوليلي شويه اكتر عن اللي حاسه بيه ممكن اقد اساعدك 😊

:سواء وثقتي في حد وخذلك أو أهلك سابوكي ده مش مبرر إنك تسيبي نفسك تغرقي حياتك ومستقبلك ملكك إنتي ومحدش هيشيل شيلتك لو وقعتي. وإحساس إنك متدمرة والمنهج ضاع ده فخ عقلك بيعمله عشان يهرب من المذاكرة. والحقيقة إن لسه فيه وقت والبدء متأخر أحسن بكتير من إنك متفتحيش كتاب خالص. طول ما إنتي قاعدة بتفكري ومبتعمليش حاجة الأفكار السوداء هتزيد قومي اتحركي صلي ذاكري لو صفحة واحدة. الإنجاز الصغير هو اللي بيموت الوسواس. والمقارنة بأصحابي خلصوا دي جملة تدمر جبل. ركزي في ورقتك وفي كتابك بس. ربنا مش هيحاسبك هما عملوا إيه، هيحاسبك إنتي عملتِ إيه في يومك استعيني بالله بجد واطلبي منه القوة بدل العجز. الثانوية فتره وهتعدي المهم تخرجي منها وإنتي عارفة إنك عملتي اللي عليكي وما استسلمتيش للظروف وخلى المبدأ ده في حياتك.. إذا بذلتي المجهود فارضي بالموجود وإن لم تحققي المقصود 😊 وجد ربنا يوفقك ويكرمك يا دكتوره بسمة😊

عارف إن الحمل تقيل والكسرة وحشة، بس بالله عليكي ما تكسري نفسك عشان حد اختار يكسر صورته في عينيكي. إنتي زي ما إنتي، غالية ونضيفة وجدعة، وغلط غيرك ملوش أي سلطة على روحك ولا على مستقبلك اللي جاي. خدي وقتك في الزعل، بس اوعي تخلي خيبة حد تطفئ النور اللي في عينيكي، إنتي مش مسؤولة عن اختيارات حد غير نفسك. ربنا لما بيكشف لنا الحقائق بيبقى عاوز يحمينا ويخلينا نشوف الدنيا بوضوح، عشان نبني حياتنا على حاجه ثابته مش على رمل. اهدي، واتنفسي، واعرفي إنك أقوى من الموقف ده بكتير، والكسرة دي هي اللي هتعلمك إزاي تكوني سند حقيقي لنفسك وللي يستاهلك. وقومي اتوضي وصلى وأبكي واشكي لربنا ربنا وحدة اللي هيحصل الموضوع مش رسائل من حد ربنا يحفظك.

ربنا شاف فيكي قوة تستحمل وجع الجبال، عشان كده حطك في الموقف ده. خيانة والدك مش نقص فيكي ولا في جمالك ولا في تربيتك، دي سقطة تخصه هو لوحده قدام ربنا.. أنتي لسه الجوهرة الغالية اللي ملهاش ذنب في طين غيرها. ولو حاسة إن ضهرك اتكشف، افتكري إن اللي خلقك هو السند اللي مبيخونش ومبيغيبش. استندي على سجادتك، وطلعي الوجع ده لربنا.. هو الوحيد اللي هيرمم قلبك ويربط عليه.حاولي تعاملي والدك على إنه والدك اللي بيوفر احتياجات البيت لو ده متاح، وافصلي بينه وبين الرجل الخاين. التقليل من سقف التوقعات في الأشخاص بيخفف الصدمة. اعتبريه شخص مريض بضعف نفسه، وده هيخليكي تشفقي عليه بدل ما تتحرقي منه.

العفو ربنا يحفظك ويكرمك 😊موفقه باذن الله متنسيش أن في رمضان الأعمال بتتضاعف الفرص بسبعين فرض والنافله بفرض وحافظي على السنن الرواتب 😊

جميل جدا ربنا يثبتك وان شاء الله تتوافقي لصلاة الفجر بس انتي بتيجي على نفسك في السهر، وجسمك بيفصل شحن الساعة 2. لو عايزة الفجر، نامي بدري و اصحي للفجر وبعدها كملي مذاكرة. متجلديش نفسك، ربنا عارف نيتك وتعبك. وإنك بتسكتي وقت الزعيق أو مش بتعيطي لما حد يتضرب قدامك، ده مش قلة إحساس، ده غالباً رد فعل دفاعي من عقلك عشان يحميكي من التوتر الزيادة، أو ببساطة طبيعة شخصية رزينة. ما تخليش كلام الناس يحسسك إنك غلط؛ البرود أحياناً بيكون ذكاء عاطفي عشان تحافظي على طاقتك. موضوع الشيخ والضرب طبيعي لو شايفة إن الموضوع هزار من وجهة نظرك. كل واحد بيعبر عن زعله بطريقة، وإنتي طريقتك إنك بتمتصي الصدمة بهدوء. انتي طبيعية جداً، بس الهدوء المقلق اللي بتقولي عليه ده معناه إنك بتكتمي كتير. حاولي تلاقي وقت تفرغي فيه مشاعرك دي كتابة، فضفضة، رياضة عشان الهدوء ده ميكبرش ويتحول لضغط عليكي بعدين تمام 😊 ربنا يسعدك

ازي تقربي من ربنا ربنا بيقول ...وما تقرَّبَ إليَّ عبدي بشيءٍ أحبَّ إليَّ ممَّا افترضتُ عليه..​الأولويات ابدئي بالأساس اللي مفيش فيه فصال، وهو الصلاة. الصلاة هي الوصلة اللي بينك وبين ربنا. حاولي تظبطيها على قد ما تقدري، حتى لو لسه مش مثالية، المهم متقطعيش الوصل ده. الدين مش خبط لزق، ربنا بيحب العمل المستمر حتى لو قليل. ابدئي بورد صغير من القرآن ولو صفحة، أو أذكار الصباح والمساء. الحاجات الصغيرة دي هي اللي بتبني روحك من جوه. ​اتعلمي عن ربنا مش بس أوامره قبل ما تعرفي إيه الحلال والحرام، اعرفي مين هو ربنا؟ اسمعي عن رحمته، ولطفه، وأسمائه الحسنى. لما تحبي ربنا بجد، هتلاقي نفسك بتعملي اللي يرضيه بحب مش بتكليف تقيل عليكي. ​ متعتذريش أبداً إنك بتسألي.. إنما شفاءُ العِيِّ السؤَالُ يعني دواء الجهل هو السؤال. وكونك بتدوري على النصيحة حتى من حد غريب، فده معناه إن قلبك حي ومنور ربنا يحفظك 😊 لو في حاجه تاني اسالى

اكيد هتلاقى اللي يحبك ، ويقدرك ،ويحترمك ، لأن من ترك شيئ لله عوضه الله خيرا منه .اه هو فعلا لازم تكوني ازهر بس في مناهج على اليوتيوب افضل من مناهج الأزهر لو حابه تتعلمي العلم الشرعي، يفضل انك تسمعي دروس تزكيه في البدايه.هي دي مش حجه خالص وان شاء الله تلبسيه شوفي حد من اهلك يكون بيحبك وليكي كلام معاه ،واقنعيه انك تلبسي النقاب ،وخليه يقف معاكي .أن الحمد لله اختي الصغيره لبستها النقاب واهلي كانوا رافضين في الاول وهي حاليا اولى اعدادي ازهر .ف السن مش مشكله برضو 🙂​وأحلى حاجة في البنت رزانتها. ما تخليهوش يحس بحاجة ولا تخليه محور حياتك، التقل دايماً بيكسب. ​مشاعرك فترة وهتعدي في السن ده المشاعر بتبقى قوية بس متغيرة. بكرة تكبري وتضحكي وتقولي أنا كان ذوقي كدة إزاي؟ و​مستقبلك هو اللي باقيلك ركزي في مذاكرتك وشطارتك، النجاح بيخلي ليكي هيبة وكاريزما تخلي الكل هو اللي يتمنى نظرة منك. ​وفري قلبك للصح ما تستهلكيش مشاعرك بدري في حكايات مراهقة غالباً مش بتكمل. ​و خليكي إنتي النجمة اللي الكل بيبص عليها، مش اللي قاعدة بتراقب حد. برأيي انتي مش محتاجه حد يدعمك انتي محتاجه حد يوجهك شوفي لو عندك اخوكي الكبير ملتزم دينيا خليه بوجهك وينصحك أو ابوكي او اختك او امك المهم حد من محارمك ربنا يسعدك يارب

بصي . إنتي مش ناقصة عشان حد يكملك أجمل حاجة ممكن البنت تعملها في سنك، إنها تفهم إنها كيان مستقل. ربنا خلقك وليكي بصمة في الدنيا مش مجرد نصف بيدور على نصف تاني. لما تملي قلبك بحب ربنا وبتقديرك لنفسك، الاحتياج اللي حاسة بيه هيتحول لـ استغناء. والاستغناء ده هو اللي بيخليكي غالية في عيون نفسك وقوية قدام أي فتن. بدل ما تشغلي بالك بفلان أو علان، أو تستني حد يجي يصونك وإنتي لسه برعمة صغيرة😊.. صوني إنتي قلبك. اعتبري قلبك ده أمانة غالية جداً، وشايلاها للي يستحقها فعلاً في الوقت الصح. الحب الحقيقي زي الثمرة، لو قطفتيها قبل ما تستوي بتبقى مُرّة، لكن لو صبرتي عليها وقتها بتبقى أحلى بكتير. عارفة يعني إيه يصونك? ربنا هو اللي بيصون القلوب. بدل ما تدعي ربنا يبعتلك شخص، ادعيه إنه يؤنس وحشتك بيه. قولي له: "يا رب، أنا قلبي فيه مشاعر كتير ومحتاجة ونس، فاجعل أنسي بك، واكفني بحلالك عن حرامك". صدقيني، اللحظة اللي هتحسي فيها إن ربنا كفاية عليكي، هي اللحظة اللي هتبقي فيها أسعد بنت في الدنيا. والارتباط والمسؤولية والوجع والغيرة.. كل ده جاي جاي في وقته. ليه تستعجلي الهم؟ عيشي خفة سن الـ 16 سنة. اضحكي مع صحابك، ذاكري، احلمي بكيانك كبنت ناجحة. خليكي حلم صعب الوصول إليه، مش بنت مستنية أي حد يعدي يسندها. والجمال الحقيقي إنك تكوني زهرة مقفولة على نفسها، ريحتها حلوة بس مفيش حد يقدر يلمسها إلا اللي يدخل البيت من بابه وبإذن صاحب البستان بعتذر عن الإطالة 😊 وجد ربنا يحفظك ويسعدك يارب

بصي الانهيار اللي انتي فيه ده رد فعل طبيعي لضغط غير طبيعي من مشاكل ومن المجتمع. جسمك وعقلك بيقولولك كفاية لأنك شايلة حمل أكبر من سنك .ولو دخلتي طب طبيعي أو مدخلتيش، انتي لسه إنسانة غالية وليكي قيمة. أهلك للأسف رابطين حبهم ودعمهم بطريقه غلط المفروض هم عارفين انتي مريتي بايه، وده غلطهم هما مش ذنبك انتي وحاولي تعملي حاجه بسيطه حاولي تطبطبي على نفسك اكتبي اللي حاسة بيه في نوتة سرية، أو اسمعي حاجة بتهديكي. متستنيش منهم الطبطبة دلوقتي لأنهم مش مدركين حجم تعبك. الدوخة والزغلولة دي أعراض جسدية لنفسية تعبانة لازم ترتاحي، وتنامي كويس، وتعرفي إن مفيش شهادة في الدنيا تستاهل إن نظرك يروح أو يجيلك انهيار عصبي. وبنت خالك هي ليها ظروفها وانتي ليكي ظروفك. ركزي في خطوتك الجاية وبس، حتى لو كانت خطوة صغيرة جداً. بعتذر عن الإطالة 😊 وجد والله ربنا يحفظك ويسعدك انتى لازم تبقى فخوره بنفسك في كل حلاتك

مش مشكله ربنا يحببكم في بعض العفو ربنا يحفظك جزاكي الله كل الخير و رمضان كريم عليتا وعليكم🌙

ممكن تقولي بالنص كدا ​يا روحي وأنتي طيبة وبالف صحة وسلامة.. بجد كلامك فرحني ودمعت من كتر ما هو طالع من القلب. اللهم آمين على كل دعواتك، ويا رب السنة الجاية نكون بنحتفل سوا وحققنا كل اللي بنتمناه وفي كليات أحلامنا. أنا كمان كنت بحمد ربنا على وجودك في حياتي. مستنية بكرة بفارغ الصبر عشان نصلي التراويح سوا، هتكون أحلى بداية لرمضان بوجودك جنبي. بحبك يا رفيقة دربي 💙🌙🫂 لما تشوفيها، كفاية إنك تحضنيها بصدق (زي ما هي بعتت إيموجي الحضن كتير). الحب في الله من أجمل المشاعر، وكونكم بتبدأوا رمضان بالصلاة سوا دي بداية مباركة جدا وجد ربنا يوفقك ويكرمك

خليكي على طبيعتك متتصنعيش واحمدي ربنا كتير واشكريه كتير وان شاء الله تتنقلى مع بعض

رمضان جاي وفرصة كبيره انك تقربي من ربنا وتشكيلو همك وكل عام وانتي والاسره الكريمه بخير .

العفو يا اختي بس ليك مش ليكي 😊🫢

شافتك ؟ واي يعني شافتك انتى بتبكي علشان الموقف اللي حطك فيه المستر مش علشان شهد صحبتك عليكي وعادي ارجعي تاني اعملى الرساله اللي بعتالك الاول وممكن تحاولي تغيري لبسك لما تقربي من ربنا اكتر لو انتى بتلبيس طرحه ممكن تلبسي خمار أو تلبسي نقاب وتحاولي تغيري حياتك كلها وتذاكري كويس والامتحان التاني تجيبي درجات كويسه يعني خلاصة القصه زي ما قلتلك لو ربنا شايف فيها خير هيرجعهالك حاولي تركزي على حياتك انتى وربنا يحفظك وتحقيق اللي تتمنيه 😊 ومتعيطيش تاني بسبب حد

تمام مفيش مشاكل ربنا يحفظك ويسعدك 😊

يجوز بس ده مكروه

ربنا يحفظك ويسعدك العفو.. الدنيا مش مستاهله تضيعي اخترتك عشانها.😊

انا فاهم حضرتك بس بلاش تخافي اكتر من اللازم اخوتك دول بناته كمان واكيد بيخاف عليهم ودي لحظه شيطان منه والشيطان اللي بيهئلك انو ممكن يعمل حاجه خلى ايمانك بربنا اكبر وطالما انك مشوفتيش منة اي تصرف يوحي بشئ اكيد من الشيطان عايز يعيشك في الشك في ابوكي اتمنى تفهميني وجد ربنا يحفظك انتى وأخواتك أن شاء الله مفيش حاجه متخافيش 🙂

بصي ​في الدين طلب العلم مش بس علوم الشريعة. السعي في دراستك وتفوقك عشان تنفعي نفسك وأهلك وأمتك هو عبادة وليها أجر كبير. ​احتسبي نيتك وأنتي بتفتحي الكتاب إن ده جهاد وطلب علم يرضي ربنا. ​بالشكل ده، المذاكرة مابقتش عائق عن الدين، دي بقت هي الطريق للدين حالياً. و​بدل ما تمنعي نفسك خالص من القراءة في الدين وتفضلي تفكري فيها ممكن تستخدميها كـحافز ​ذاكري لمدة 50 دقيقة بتركيز عالي و​كافئي نفسك بـ 10 دقائق بس تقرأي فيها صفحة من كتاب ديني أو تسمعي مقطع قصير لداعية بتحبيه. ​كده العلم الديني بقى الجائزة اللي بتشجعك تخلصي دروسك. و ​القاعدة الفقهية بتقول تقديم الواجب المضيّق على الواجب الموسّع ​المذاكرة واجب مضيّق يعني وقتها محدود أيام الامتحانات ولو فات مش هيتعوض. و​طلب العلم الشرعي واجب موسّع تقدري تتعلميه طول السنة وفي الإجازة براحتك. ​ربنا بيحب إنك تأدي أمانة الوقت اللي أنتي فيها دلوقتي وأمانتك هي كتبك. الهروب للدين وقت الامتحانات غالباً بيكون مدخل من مداخل الشيطان عشان يخليكي تقصري في دراستك وتحسي بالفشل بعد كدا استعيذي بالله، وابدأي بأصعب مادة عندك لمدة 25 دقيقة بس طريقة البومودورو دي جميله ممكن تستخدميها وانا حصل معاي كدا في تالته ثانوي ازهر بس بطريقه غير شويه وهي اني كنت بسمع خطب والحمد لله تجاوزت الازمه دي 😊 وبعتذر على الإطالة وجد ربنا يحفظك ويوفقك

جزاكي الله كل الخير 😊

اتوكل على الله ربنا يوفقك 😊 مفيش مشاكل لو استخدمت سلطتك في الخير

مش مشكله عدد الوقعات أو المده اللي بتحاولى فيها المهم انك كل ما تقعي ترجعي تحولي تاني ومتيأسيش إلى أن يشاء الله ويطلعك من اللي انتى فيه ومتنسيش قول الله تعالى... لا يكلف الله نفسا إلا وسعها... لو ربنا مش عارف ان هتستحملى اللي انتى فيه مكنش حطك فيه لكن ربنا عارف انك هتخرجي منه اعملى اللى عليكي والباقي على الله وادعي كتير أن ربنا يصرف عنك اما جيتي هنا ازي ف انا كمان مش عارف والله 😅 بس المهم جيتي وان شاء الله هترجع احسن من الاول ربنا يوفقك ويكرمك

اشمعنا دي «وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ» ربنا يمهل ولا يهمل ومش شرط انك شيفاه ناجح يبقى هو ناجح وخلاص بس مش فاهم يعني ادمان للجسد معاه؟ مش مشكله انتى لما تيجي تحبي حد تاني بتقارنيه بالشخص الاول وده غلط كبير لانك مدتيش التاني نفس اللى أدتيه الاول يعني مثلا (الاول كنتي تتكلمي معاه فون والتاني شات ) فأكيد هيكون الاحساس مختلف مش مشكله انك ترجعي لنقطة الصفر تاني المشكله انك. متتحركيش بسرعه كل ما ترجعي امشي بسرعه 😊 ربنا يحفظك العديد عن مواضيع الحب والكلام ده ركزي في مستقبلك وادعي ربنا أن يجيلك ابن الحلال اللي يشيلك فوق رأسه ربنا يسعدك😊

الشخص ده محبكيش هو استغل مشاعرك وده اعترافك انتي لما شوفتيه ناجح أو رايق دي مجرد قشرة خارجية على السوشيال ميديا، الصور مش هي الحقيقة. هو نجح في حياته؟ تمام، خليكي انتي كمان تنجحي في إنك تخرجي من سجنه. وانتي مش وحشك هو، انتي وحشك الونس، ووحشك يكون فيه حد في حياتك. ضغط الشغل والوحدة اللي انتي فيها خلت عقلك يهرب لأي ذكرى قديمة حتى لو كانت سامة. انتِ دلوقتي في حالة جوع عاطفي، والجوعان ممكن يفتكر الأكل البايظ إنه وجبة حلوة! بصي اقطعي الخيط تماماً اللي عملتيه صح، البلوك هو حبل أفكار لازم يتقطع عشان ترتاحي. لو ظهرلك صدفه، قلبي فوراً ومستنيش ثانية. و لازم تخصصي وقت لأهلك أو صحابك، الانعزال هو اللي بيخليكي تفكري في المزبلة اللي رميتيها ورا ضهرك. والخوف من زيادة الوزن نابع من قلقك النفسي. ابدأي اتحركي، انزلي اتمشي، فكي عن نفسك، الحركة بتطرد الطاقة السلبيه متخليش واحد خاين ومستغل يهد المعبد عليكي. انتي غالية، واللي بيحب بجد مبيستغلش. اللي انتي فيه ده اعراض انسحاب وهتعدي، بس استقوي على نفسك شوية. نصيحة أخيرة مترجعيش تتكلمي تاني 😊 وجد ربنا يحفظك ويوفقك

إن شاء الله افتحيه تاني وشوفي اي اللي هيحصل

وعليكم السلام ورحمه الله وبركاته العفو جزاكي الله كل الخير انا بس بحاول اساعد الناس اللي حوليا والناس اللي حوليا يساعدوني😊

لما تدخلي تاني علشان تلغي Network PXE Boot الغي الصح اللى عندو

اضغطي على زرار (الويندوز + حرف R) في الكيبورد. واكتبي الكلمة دي msconfig ودوسي Enter. روحي لخانة اسمها Boot من فوق. هتلاقي قدامك ويندوز 10 وويندوز 11. اضغطي على Windows 11 واختاري Set as default. لو مش محتاجة ويندوز 10 في حاجة، امسحيه من القائمة دي (Delete) عشان الجهاز ما يحاولش يروح له تاني. وعطلى خاصية الـ Network Boot (عشان رسالة PXE) الرسالة اللي شفتيها في الأول كانت محاولة إقلاع من الإنترنت. عشان تمنعيها نهائياً المرة الجاية وأنتي بتفتحي الجهاز، ادخل الـ BIOS ودوري في تبويب Boot على خيار PXE Boot أو Network Stack واعمله Disabled.

تمام اضغط على زرار (الويندوز + حرف R) في الكيبورد. اكتب الكلمة دي msconfig ودوس Enter. روح لخانة اسمها Boot من فوق. هتلاقي قدامك ويندوز 10 وويندوز 11. اضغط على Windows 11 واختار Set as default. لو مش محتاج ويندوز 10 في حاجة، امسحه من القائمة دي (Delete) عشان الجهاز ما يحاولش يروح له تاني. 2. عطلي الـ Network Boot (عشان رسالة PXE) الرسالة اللي شفتها في الأول كانت محاولة إقلاع من الإنترنت. عشان تمنعيها نهائياً المرة الجاية وأنت بتفتح الجهاز، ادخلي الـ BIOS ودوري في تبويب Boot على خيار PXE Boot أو Network Stack واعمله Disabled.

متقلقيش أن شاء الله مفيهاش مشاكل

بما إن الجهاز فتح ويندوز 11 كدا دليل إن الـ SSD سليم والملفات موجودة. الحركة اللي حصلت دي إنه يفتح مرة ومرة لا هي بسبب إن الجهاز محتار بين الهاردين، فالحل دلوقتي إننا نثبت ويندوز 11 كخيار أساسي ووحيد عشان المشكلة ما تتكررش تاني تمام

مش مشكله خدي الاربعه وروحي لمتخصص افضل شئ هو هيعرف متقلقيش اهم حاجه مبكونش على الهردات حجات خاصه لحضرتك 😊 أو لو مش عايزه تروحي انا مع حضرتك هنا لو عايزه حاجه 😅 بس دي دموع فرحه 😂

افصلي الهارد القديم HDD افتحي الكيسة وافصل كابل الكهرباء أو الداتا من الهارد القديم اللي عليه ويندوز 10. سيبي الـ SSD ويندوز 11 لوحده هو اللي واصل. ليه؟ عشان نجبر البوردة تدور على الويندوز اللي في الـ SSD وتلغي التداخل اللي حاصل. ٢. عطلي الـ Network Boot من الـ BIOS: شغلي الجهاز ودوسي Del أو F2 بسرعة عشان تدخل الـ BIOS. روحي لتبويب Boot. دور على Network Stack أو PXE Boot وخليها Disabled. تأكد إن الهارد الـ SSD هو أول واحد في قائمة Boot Priority. دوس F10 وسيف (Save & Exit). في احتمالين .... لو الجهاز فتح ويندوز 11، يبقى المشكلة كانت مجرد لخبطة ترتيب. (تقدري بعدها تقفلي الجهاز وتوصلي الهارد القديم تاني وهتلاقيه ظهر معاك كقرص إضافي عادي لو الجهاز لسه مش شايف الـ SSD، يبقى الكابل بتاعه محتاج يتغير أو يتوصل في سوكت (SATA) تاني في البوردة. اتمنى الحل ده ينفع ومترستريش حاجه ولو مينفعش ممكن تودين للمهندس افضل

انا مش ظاهره عندي غير تعليق واحد من الاربعه 😊

طيب اي اللي ظهر لك

وعليكم السلام ورحمه الله وبركاته تمام ادخلي للـ BIOS تاني. دوري على Boot أو Advanced. دوري على خيار اسمه Boot Mode أو CSM Support. لو لقيتي CSM، خليه Enabled يعني مفعل لو لقيتي Boot Mode، وجربتي UEFI وما ظهرش الهارد، جربي تغيريه لـ Legacy أو العكس بعد ما تغيري، دوسي F10 للحفظ وارستري وادخلي الـ BIOS تاني وشوفي هل ظهر الاختيار ولا لا.@Habiba Habib

وعليكم السلام ورحمه الله وبركاته تمام ادخلي للـ BIOS تاني. دوري على Boot أو Advanced. دوري على خيار اسمه Boot Mode أو CSM Support. لو لقيتي CSM، خليه Enabled يعني مفعل لو لقيتي Boot Mode، وجربتي UEFI وما ظهرش الهارد، جربي تغيريه لـ Legacy أو العكس بعد ما تغيري، دوسي F10 للحفظ وارستري وادخلي الـ BIOS تاني وشوفي هل ظهر الاختيار ولا لا.

ليك مش ليكي 😊 العفو

تمام موفقة بإذن الله

تمام مفيش مشاكل لما بننقل هارد قديم عليه ويندوز لجهاز جديد. باختصار، الرسالة اللي قدامك Start PXE over IPv6 معناها إن الكمبيوتر مش لاقي ويندوز يدخل عليه من الهارد أو الـ SSD فبيحاول يدور على نسخة ويندوز من خلال كابل النت ​الجهاز دلوقتي بيحاول يفتح من الهارد القديم. إحنا عايزين نقوله افتح من الـ SSD. 1.. ​افصلي الجهاز وشغليه تاني. ​أول ما يبدأ يفتح، خليكي دايسة ضغط متتالية ورا بعض بسرعة على زرار الـ Delete أو F2 حسب نوع بوردة جهازك لحد ما تدخلي لشاشة زرقاء أو سوداء كبيرة دي الـ BIOS ​دوري بأسهم الكيبورد على كلمة Boot. ​هتلاقي حاجة اسمها Boot Priority أو Boot Option #1. ​خلي الخيار رقم 1 هو الـ Windows Boot Manager اللي جنبه اسم الـ SSD بتاعك. ​لو لقيتي حاجة اسمها Network Boot أو PXE، اعملي لها Disabled قفل عشان الرسالة دي متظهرش تاني. ​دوسي F10 وبعدين Yes عشان يحفظ ويفتح. ​لو عملتي الخطوة اللي فاتت والـ SSD مش ظاهر خالص في القائمة هنعمل حركة ذكية ​افصلي الكهرباء عن الكيسة خالص. ​افتحي الكيسة وافصلي سلك الهارد القديم (الـ HDD) وسيبيه مفصول. ​شغلي الجهاز والـ SSD لوحده موصل. ​لو الجهاز فتح ويندوز 11 عادي، يبقى الـ SSD سليم 100%، والجهاز كان بس تايه بسبب الهاردين. ​بعد ما يفتح، اطفي الجهاز ووصلي الهارد القديم تاني، وكرري الخطوة رقم 1 عشان تثبتي إن الـ SSD هو اللي يفتح الأول. ​ 3. ​عشان الجهاز ميفضلش يسألك أو يفتح القديم بمزاجه لما الجهاز يشتغل بسلامة ​دوسي على زرار (الويندوز + حرف R) في الكيبورد. ​اكتبي الكلمة دي: msconfig ودوسي Enter. ​روحي لخانة اسمها Boot. ​هتلاقي ويندوز 10 وويندوز 11. ​اختاري ويندوز 11 ودوسي Set as default. ​ويندوز 10 ده ممكن تمسحيه من القائمة دي (Delete) عشان ميرخمش عليكي تاني. وبس كدا 😅 أن شاء الله تنحل المشكله

لو تعرفي تعمليه ممكن ابعتلك الخطوات

وعليكم السلام ورحمه الله وبركاته الجهاز تايه ما بين الهاردين ممكن تشوفي حد متخصص في اللابات يكون احسن لان في كام خطوه لان الحل طويل شويه ومتقلقيش الهارد مش بيبوظ بسرعه 😊

أكبر هزيمة ليهم هي إنك تنجحي وتبقى سعيده من غيرهم. لو موتي (بعد الشر عليكي)، إنتي كده بتديهم فرصة يكملوا حياتهم عادي، لكن لو كملتي وبقيتي أقوى، إنتي اللي بتكسري عينهم. الموت مش حل للكره الكره نار بتاكل في صاحبها بس. الناس اللي بتكرهيهم غالباً عايشين حياتهم ومش حاسين بالنار اللي جواكي. ليه تحرقي نفسك عشانهم؟ وفكرة يموتوا دي مجرد غل وحزن مكبوت. طبيعي تحسي بكده لما حد يظلمك، بس لو ركزتي في موتها، هتفضلي محبوسة في سجنهم حتى وهما مش موجودين. لو تقدري تبعدي عن الناس دي تماماً، ابعدي اعتبريهم شويه تراب مش اكتر مش أكتروممكن طريقه حلوه تهديكي شويه هاتي ورقة وقلم واكتبي كل الشتايم والغل اللي جواكي تجاههم، وبعدين قطعي الورقة دي أو احرقيها. خرجي الطاقة دي بره جسمك اسألي نفسك: أنا محتاجة إيه دلوقتي عشان أهدا تتحكم مثلا؟ نوم؟ خروجة بعيد عنهم؟ دلعي نفسك إنتي، لأنك تستاهلي الحب ده أكتر منهم بكتير الدنيا بتلف، والحق بيرجع، بس أهم حاجة إنك تكوني موجودة عشان تشوفي حقك وهو بيرجعلك وإنتي في أحسن حال بجد والله لو استمريتي على أنهم يموتون او انتي اللي تموتي بعد الشر عنك طبعا هتبقى انتى الخسرانة الوحيده من الموضوع ده ربنا يحفظك ويوفقك يارب وتكوني أنجح انسانه 😊 وبعتذر على الإطالة

طيب اعتبريهم ماتو وطلعيهم من حياتك متحوليش باقى حياتك لجحيم بسبب. ناس ميستاهلوش انك تقولي عليهم ناس

ممكن الادويه مش كويسة ممكن تشوفي دكتور تاني لو مش حاسه بتحسن نصيحت اخ اهتمي بنفسك وحاولي تخرجي من اللي انتى فيه وتابعي مع دكتور كويس ربنا يعافيكي ويحفظك

العفو.. موفقة بإذن الله ربنا يسعدك

هو انت اعرف بتوع الثانوي العامه والأزهر وكدا ف لو دول ينفعوك مع حضرتك أقوالهم لك عادي لكن معرفش لغات صراحتا 😊

هو تقريبا المنهج مختلف عن الثانويه العامه ولا نفس بتاع اللغات

صلي صلاة استخارة مرة واتنين وادعي ربنا يظهرلك حقيقته. الخطوبة معمولة عشان نعرف بعض، فخدي وقتك في الكلام والمواقف وماتتسرعيش لمجرد إن شكله شيخ ولو في حد من اهلك متدين خليه يقعد معاه ويتكلم معاه بس انا مش عارف دي قعده خطوبه ولا انتى مخطوبه اصلا 😊

العفو ربنا يسعدك لو محتاجه أسماء مدرسين عادي ممكن أفيدك 😊