السلام عليكم ياريت تقبلوا الكلام الى هقوله ومحتاجه اطلع من الى انا فيه
انا اسفه هطول عليكم وياريت تقولولى حاجه اتخطى بيها الى انا فيه
انا عايز اعرف حاجه واحده بس ليه الواحده لما توقف مع خطيبها وتساعده وتتهاون فى حاجات تخص الاتفقات زى الدهب والعفش والقايمه بيتعامل معاها بعد كدا كانه حق مكتسب واجبارى مش اختيارى وحتى ميشوفش الى البنت عملته معاه انها ساعدته وانه يكون جزاتها الاهانه ليه
ليه البنت لما تحب حد وتضحى علشان الى بتحبه متلاقيش مقابل يثبت انه باقى عليها فلوس وكان واخد منى اكتر 20000 وهو مرجعهاش واهلى ميعرفوش حاجه عنهم كمان هو كان بيعمل ماجستير انا كنت بحضر المحاضرات مكانه واكتبها واذاكر ليه اخر اليوم علشان يفتكر وحتى مشاريعه كنت بعملها ليه
وكنت بساعده جدا فى شغله بظبط مواعيده برد على الناس الى كانت تتصل تستفسر كل حاجه
فى المقابل انه عمرى ما كان دعم ليا يعنى لما كنت اقوله دا الماجستير سهل اهو حابه اقدم يقولى لا علشان الفرح و و و واخر حاجه يقولى انتوا اصلا البنت مكانها المطبخ وجوزها حاجه منتهى قلت الادب والذوق
لما تعبت وفسخت مرجعش ولا اى حاجه اخدها منى فلوس سلف هدايا ليه فى حين انى كل حاجه جابها ليا رجعتها كل حاجه حتى العديه رجعتها حتى كان جايب منكير رجعته كل حاجه
والدبله وكل حاجه جابها رجعت كامله
ليه يبقى الشاب داخل حياة البنت كانه حالف يدمرها
يعنى انا من البنات الى من حملة كتاب الله الحمد الله وعارفه انه كل دا خير لبسى محترم وكمان كنت مختصرة لا بكلم حد ولا بتعرف على حد وعمرى ما اديت حد فرصة انه يقرب منى ولما اديته االوش الخشب دخل البيت بشكل انى بعشق تراب رجليها وبموت فيها وبعشقها ولما اوافق ويضيع سنتين من عمرى الاقى بيتعامل كدا ولما فسخت انا الخطوبة بيحاول يوصل ليا تانى لما بقيت حاسه انى خلانى مريضه نفسيا ومش شايفه حد خالص راجل وشايفه اى حد بيتقدملى تانى انهم كلهم عيال وهيعمملوا كدا فيا تانى
انا بجد بكلمك وانا منهاره لان انا حبيته واووووى لانه كان أول شخص يدخل حياتى والمشكله ان هو الى عايش دور الضحيه وانا علشان اهلى ميزعلوش عليا مش بقدر ابكى ولا حتى اتكلم والله غير لما بيناموا
حقيقى حاسه انى بقيت مريضه نفسيا
انا تعبانه من الى انا فيه والله واكتر حاجه وجعانى انى انا فعلا كنت صادقه فى دعمى ليه وكمان كان بيزعل اووووى لما مش بطاوعه فى الكلام الغلط والحرام ويقفل فى وشى
هو انا المفروض اكون قليلة الادب والاخترام هو انا المفروض اكون كدابه مش صريحه هو انا المفروض مكونش على طبيعتى واكون ملاوعه فى الكلام
وعارفين بعد دا كله ملى البلد عندى انى مدلعه مش بتاعت بيوت انا عصبيه انا بكلفه فوق طاقته
وزاد وغطى انه خطب من فترة كبيرة وانا من وقتها حاسه ان ربنا منصرنيش وحقى مرجعش واتكسرت جامد مع انى كان عندى امل ان ربنا ينصرنى. هو مش عندى بس شوفت بوست ليه فى الخطوبه وهو مبسوط. بس انا موجوعه اوووووى وحاسه ان دا مش عدل وعندى حاله من عدم الرضا الفظيعه ومنهاره من وقت ما عرفت انه خطب مش علشانه.
علشان انا حاسه انى مظلومه اووووووى ومش عارفه اخد حقى وربنا منصرنيش ولا صرف عنى
قلبى مهموم اوووووووى وتعبانه جدا جدا اه انا شغاله فى الماجستير بتاعى واه بشتغل بس مش عندى شغف فى الحياة
المشكله انى عندى مشاكل صحيه من وانا طفله اول الخطوبه كان بيقولى عادى
وبعد كدا بقى يعايرنى بتعبى والمرض الى عندى لحد ما مره بيقولى انا واخدك على عيبك حسسنى كانه مسكنى فى وضع حرام او مخل
وكمان مخنوووووقه انى اتغيرت للاسوء مبقاش عندى بقين فى ربنا زى الاول انه هينقذنى من اى مكروه او سوء وحتى الصلاة مبقتش مقتنعه بيها بقيت حاسه انى مكنتش استاهل كدا وخلاص مفيش حاجه ليها فايده بقول لخضرتك اتحولت لمريضه بجد حسبى الله ونعم الوكيل مش مسامحه ولا عمرى هسامحه ليوم الموقف العظيم ربنا ينتقم منه ومن امه واخوه واهلوا كلهم
انا فاسخه بقالى 4سنين
وهو خطب واتجوز واموره تمام
انا كل اللى بيتقدموا مش مناسبين أقل منى تعليمياً وثقافياً وفى فجوة ومش متوفقه فى ولا حاجه و المشكله أن العمر بيجرى انا ماشيه فى 29 سنه وحاسه انى معمولى حاجه لان فى أشخاص كتير بتبعتلى كدا
أنتى مش هنشوف. خير انتى هتفضلى زى البيت الوقف انتى انتى وحاجات كتير بتتقال جرحانى ووجعانى
وللاسف مش عارفه اطلع من المستنقع اللى انا فيه
بالرغم انى بشتغل 2 شغل ويكمل دراسه بس كل دا مآثر عليا جامد صحتى بقيت تحت الارض اللى يشوفنى يقول 80 سنه شعرى وقع أغلبه وحاليا بمر باسواء فترة فى حياتى حقيقى حاسه انى فى كابوس بقالى فترة كبيرة ومش عارفه اطلع منها @Psy-a'laa M. Abdulhamid
واضح من كلامك ان اللي مريتي به كان صعب أوي ومن الطبيعي ان تجربة فيها تعلق وأمل كبير تنتهي تسيب كل الوجع دا لكن الألم اللي حاسه بيه مش معناه نهاية حياتك او انك مش هتتعافي اللي بتمري بيه محتاج وقت ودعم نفسي مناسب عشان تستعيدي إحساسك بالأمان وثقتك بنفسك هي تجربة مؤلمة وليست هويتك راجعي أخصائية نفسية تساعدك تتجاوزي المرحلة بشكل صحي
تم النشر الخميس، ١٦ يوليو ٢٠٢٦
وعليكم السلام ورحمة الله. أولاً، أنا آسفة جدًا للألم اللي بتمرّي بيه، وأقدر إنك بتشاركي كل ده وأنتِ منهارة. اللي حصل معاكِ خيانة ثقة كبيرة، ومش سهل تتعاملي معاه، خاصة لما تكوني قدمتِ دعمًا صادقًا وتضحيات كتير، وفي النهاية لقيتِ إهانة واستغلال. ده مش ذنبك، ومش عيب فيكِ إنكِ كنتِ صادقة ومحترمة وملتزمة بقيمكِ. الناس اللي بيعملوا كده غالبًا بيشوفوا الدعم كـ"حق مكتسب" لأنهم مش بيقدرّوا قيمة اللي بيتقدملهم، وده بيحصل لأسباب نفسية زي الاستحقاق أو ضعف الشخصية، مش لأنكِ "قليلة الأدب" أو "ملاوعة". ربنا شايف صدقكِ وتضحياتكِ، حتى لو ما رجعش حقكِ في الدنيا دلوقتي. الإحساس بالظلم ده طبيعي، ومش عيب إنكِ بتتمني الانتقام أو بتحسي بعدم الرضا، لكن خلّي بالك إن التمسك بالغضب ده بيأثر عليكِ أكتر. حاولي تدريجيًا تحولي الطاقة دي للتركيز على نفسكِ: استمري في شغلكِ ودراستكِ، وحددي أهداف صغيرة يومية زي إنكِ تكملي يوم بدون ما تفكري في الماضي كتير، أو تكتبي اللي بتحسي بيه عشان تفرغي الضغط. من ناحية إيمانكِ، اللي حصل ممكن يكون اختبار، ومش معناه إنكِ "مكنتيش تستاهلي" أو إن ربنا ما نصركِش. كتير من البنات بيمرّوا بتجارب مشابهة وبيطلعوا أقوى، وأنتِ عندكِ قوة داخلية واضحة (شغلين ودراسة رغم التعب). حاولي ترجعي للقرآن والصلاة بخطوات بسيطة، حتى لو مش بإقناع كامل دلوقتي، عشان ترجعي تبني الثقة في ربنا تاني. ولو الشعور بالصدمة مستمر ومأثر على صحتكِ ونفسيتكِ، وخدي خطوة للاهتمام بصحتكِ الجسدية والنفسية عشان تقدري تكملي. أنتِ مش "بيت وقف" ولا هتفضلي كده، وفي ناس هتقدّر قيمتكِ الحقيقية. خدي وقتكِ في الشفاء، وكل يوم هيبقى أخف شوية إن شاء الله. أنا هنا لو عايزة تتكلمي أكتر.
تم النشر السبت، ١٨ يوليو ٢٠٢٦
لعرض السؤال في فدني اضغط هنا