انا مشتت فكل حاجة بقالي اكتر من أربع سنين بحاول اتعلم لغة وفشلت وده لاني كل شويه اتعلم لغة شكل وحاليا فالدراسة حابب كذا مجالي ومش عارف اختار حاجة فيهم ومش عارف هل هما اصلا مهمين لدراستي ولا لا ازاي اقدر احل المعضله دي
قبل إى شئ عايز أقولك إن اسمك جميل أوي و متسمي على اتنين بحبهم جداً، سيدنا يوسف عليه السلام و صديق عزيز عليا جداً اسمه زي اسمك بظبط. امأ بعد مش عيب نكون مفيد زي بعض و نسأل الناس تفدنا 😂😂🤣، لأ لأ بهزر معاك بص يا صديقي، أنا مش هقولك أنا عندي الحل السحري لأن صراحة أنا برضوا بحاول اتعلم لغة(الماني) و وقفت في النص😂😂، ولكن عايز أقولك حاجة يعني إى فشلت؟ أكيد أنت هتفتكر دلوقتي اني بتمسخر معاك ولا حاجة، لأ صدقني خليني أقولك السؤال تاني بشكل مختلف، هل في حاجة اسمها أنا فشلت في طريق العلم؟ خليني أنا اجاوبك، و الإجابة لأ مفيش، خليني أقولك قصة صغيرة عني، -- في مره و أنا في تالتة ثانوي في درس التاريخ كان قبل كل حصة اختبار على الدرس السابق، فافي حصة من الحصص، و المستر بيوزع و بيقول اللي ذاكر قفل الامتحان، راح واحد من الزمايل قال: يا مستر ما أنا ذكرت و مقفلتش (قالها بتريقة)" رد المستر و قاله: وفيها إى؟ أنت كده أحسن من اللي حصل على الدرجة النهائية، اللي قفل ده خلاص اتعلم و مش هيتعلم تاني، ولكن اللي مقفلش في ايده يذاكر تاني و يتعلم اكتر من اللي قفل" -- صراحة مضحكش عليك كنت فاكر أنه بيجبر بخاطرة فقط(أصل أنا كنت مقفل بعيد عنك 😂😂🤣)، ولكن لما عدت الأيام عرفت فعلا إن ديه مش مجرد جبر خاطر ديه درس يطبق في الحياة؛ كل طريق بنمشي فيه بنتعلم منه حاجة أو اتنين و اللي متعملش كل حاجة في أول مره في ايده يرجع يذاكر تاني و تالت و رابع (مش كانوا بيقولونا في الحضانة و ابتدائي أن التكرار بيعلم الشطار😂😂)، حاول تاني فشلت؟ حاول تالت؟ فشلت تالت حاول رابع، أصل هتخسر إى؟ جرب معاك فرص لا تعد ولا تحصى فمترميهاش في الأرض. و عايز اقولك حاجة (أنا زي زيك فمتقلقش😂😂)، خلي بالك أنك لسا بتدرس، يعني لسا بدري مش وقت تفكر في إى هينفع و إى مش هينفع اتعلم إى حاجة ممكن تنفعك و ممكن لأ، اتعلم و علم غيرك، و لما يجي الوقت هتعرف تستفاد باللي اتعلمته إن شاء الله، طيب أنا معروض على كذه تخصص في القسم اختار إى و أنا حاببهم كلهم؟ والله بص في ناس بتختار على أساس هما حبين إى اكتر، و في ناس بتحب تجيب ورقة و قلم و تشوف ميز و عيوب و بعدها تختار اللي عيوبه متبقاش مشكلة بنسبالهم و ميزه في صالحهم، و في ناس بتشوف أنهي هينفع في سوق العمل، فانت شوف عايز تمشي في أنهي نهج وربنا هيكتبلك اللي فيه الخير دائماً و أبدأ (رب الخير لأ يأتي إلا بالخير دائماً و أبدأ ولا يمنع إلا ما هو فيه شر و لو لم تبصره). و هختم كلامي باني أقولك خلي بالك من تكرار الخطأ تاني و لو كررته تاني شوف السبب كان إى و ابعد عنه أو حله، لأن أحنا بشر و ربنا خلقنا بطبيعة فذة جداً تعرف تتكيف و تتعامل مع إى حاجة، و حاول تركز على حاجة واحدة أحنا مش زي البنات😂😂😂(البنات بطبيعتهم بيعرفوا يركزوا على اكتر من حاجة في نفس الوقت و لكن الرجالة تركيزهم و مجهودهم بيبان اكتر و بشكل أفضل لما يركزوا على شئ واحد فقط و بنطلع أفضل منهم برضوا😌😂😂(أنا مقولتلكش حاجة هاا 🙄😂)). هسبلك صور تحت يمكن تفيدك أو تشرح كلامي بشكل أفضل. أتمنى يكون في إفادة....
تم النشر الخميس، ٢٢ أكتوبر ٢٠٢٦
أفهم تمامًا يا يوسف الشعور اللي بتمر بيه، التشتت المستمر والإحساس بالفشل المتكرر بيخلي الواحد يحس إنه عالق في دائرة مغلقة، خاصة لما تكون بتحاول تتعلم لغة من أربع سنين وبتبدل كل فترة، وكمان في الدراسة بتلاقي نفسك منجذب لمجالات متعددة بدون ما تقدر تحدد أيهم الأنسب. ده أمر شائع جدًا، ومش دليل على ضعفك، بل على إن عندك فضول كبير وطاقة تحتاج توجيه. عشان تحل المعضلة دي، ابدأ بخطوة عملية بسيطة: خصص يوم أو يومين لعمل قائمة واضحة. اكتب كل المجالات اللي بتحبها في الدراسة، ثم بجانب كل واحد حدد: هل هو مرتبط بأهدافك طويلة الأمد؟ هل يساعدك في بناء مهارة أساسية لمستقبلك؟ وما هي النتائج المتوقعة لو ركزت عليه لمدة ثلاثة أشهر؟ هذا التقييم البسيط بيساعدك تفرز المهم من الجذاب مؤقتًا، ويقلل التشتت. بالنسبة لتعلم اللغة، اختر لغة واحدة فقط الآن بناءً على أهميتها لدراستك أو فرصك، وحدد هدفًا صغيرًا يوميًا مثل 20 دقيقة من الممارسة المنتظمة دون تبديل، مع تتبع التقدم في دفتر أو تطبيق بسيط لترى الإنجازات تتراكم. ركز على بناء عادة الالتزام بمجال واحد في كل مرة، واستخدم تقنية "التركيز المتسلسل" حيث تخصص أسبوعًا كاملاً لمجال دراسي معين قبل الانتقال. هذا يساعدك تختبر أهميته عمليًا ويقلل الشعور بالفشل. تذكر أن النجاح يأتي من الاستمرارية وليس الكمال، ومع الوقت هتقدر تطور مهاراتك تدريجيًا. لو عايز آراء إضافية، ابحث عن أسئلة مشابهة على فدني لتحصل على وجهات نظر متنوعة. أنت قادر على تجاوز هذا، خطوة بخطوة.
تم النشر الخميس، ٢٢ أكتوبر ٢٠٢٦
اسأل نفسك أنا هعمل ده ليه وعلشان استفاد منه ايه بعد ما تكون كتبت كل الحاجات اللى عايز تعملها بعد كده قسم اى هيكون مفيد لحياتك وايه مناسب لمجال شغلى وهيطورنى وبإذن الله تقدر ترتب حياتك وتلم شتات امرك
تم النشر الخميس، ٢٢ أكتوبر ٢٠٢٦
مقدره حيرتك ومشاعرك اللى بتمر بيها بس ممكن يكون المشكله مش فى الاستمراريه جايز الهدف مش مناسب ليك
تم النشر الخميس، ٢٢ أكتوبر ٢٠٢٦
الفايل دا هيساعدك إن شاء الله: https://drive.google.com/file/d/1ihdmDN17vP8MWNyxAbn_xBV9hUBFhAjn/view
تم النشر الخميس، ٢٢ أكتوبر ٢٠٢٦
لعرض السؤال في فدني اضغط هنا