Kamal saied

من اكتر الحاجات اللي بتلاقي الناس بتغلط فيها بشكل عام مش بس في الثانوية و تحديداً لما بيكونوا بيعملوا حاجة مهمة زي تعلم شئ جديد أو مهارة جديدة. 1- السهر: ربنا خلقنا بشر زيه زي النبات الغذاء بتاعه بيجي من نور الشمس و تحديداً من بداية النهار (الفجر) فمينفعش نعكس الآية و نسعى بليل ده مش صح. 2- الاعتماد على الملخصات: دائما تلاقي الناس لما تيجي تتعلم حاجة أو تذاكر حاجة تدور على ملخصات معمولة من قبل شخص آخر غيرهم علشان ينجزوا الوقت و ده مش صح، أنت مش عارف اللي عمل الملخص ده غطى كل حاجة مهمة ولا لأ ولا عارف هو أصلاً كاتب صح ولا لأ، فلازم تعتمدي على نفسك و تذاكري بمجهودك من الكتاب كامل و بعدها تعملي ملخص لنفسك بحيث لما تقرأيه تفتكري كل اللي ذكرتيه بسهولة إن شاء الله. 3- الصحبة: رفقاء طريقك دائماً بيعملوا فرق فيه اختاري صحابك صح و اعرفي إن الصاحب السوء كفيل بانوا يضيعك في كل حاجة مش بس في الدراسة و الصاحب الصادق صاحب القلب الصادق و عنده نية طيبة ناحيتك ده هو اللي يتصاحب و يبقى اسمه صاحب. 4- التأخير: تلاقي ناس تقولك يا عم مش فارقة هنلحق هنلحق و هما أصلاً متأخرين، و ده مينفعش من الأفضل أن تكون مبكرا على أن تكون في المعاد فحاولي على قد ما تقدري تلتزمي بمواعيدك و اوقات دروسك و تكوني دائماً مبكره، المبكر من الرجال للصلاة دائمًا يحوذ على الصف الأول و ما ادراكم ما جزاء الصف الأول. 5- كثرة الاستماع لأراء الناس: مش كل حاجة الناس تقولها تبقى مقدسة و صح مش معنى اللي قال المعلومة ده مدرس أو كائن فضائي تبقى صح، إذا كان ربنا بيقول "إن جاءكم فاسقٌ بنبإ فتبينوا"، و بيقولنا "أفلا يتدبرون القرآن أم على قلوب أقفالها"، تخيلي ربك بيقولك تحري الأمر، و مش كده بيقولك ذاكري القرآن مش احفظيه، ربنا بيدعونا للبحث عن الحقيقة مش نسلم بالحقيقة من اول ما نعرفها فبلاش نسلم باى حاجة و خلاص. 6- و الأهم و كان لازم أبدأ بيها هيا علاقة بربنا: لازم نعرف إن كل حاجة في إيد ربنا و إن مفيش حاجة بتيجي بمجهودنا لازم نقرب من ربنا و تكون علاقتنا بيه كويسة و افتكر هو قال عن نفسه "هو الذي أضحك و أبكى"، يعني لو علشان نجحتى في الامتحان فرحتي ممكن يخلي نجاحك ده بداية وحدة و تعاسة، فافتكري دائماً و ابدا تكون علاقتك بربنا قوية و دائماً ظني في الله خير و قبل ما تاخدي بالاسباب توكلي على رب الاسباب و خلي عندك يقين دائمًا إن رب الخير لأ يأتي إلا بالخير..... و بس أتمنى يكون في إفادة.

عليكم السلام ورحمة الله و بركاته........ أولا كده مفيش حاجة اسمها هو أنا لازم اعمل كذه ولا كذه.... في حاجة اسمها أنا إى انسب ليا و أفضل...... كل واحد لهو طريقتة المناسبة في كل امورة، زي ما في حد بيحب ياكل السمك مشوي في غيره بيحب ياكل السمك مقلي عادي........ غلطة غلطها كل زمايلي في اثناء الثانوية ألا و هيا سابوا ودنهم مفتوحة للناس كل واحد يضيف اللي نفسه فيه و يقول اللي يحبه و هما ياغدوه و يعملوه بيه عادي....... كل واحد فينا عارف هو مين و واقف فين و بيعمل إى و مفيش حد صريح تجاه نفسك غير نفسك.....د فشوفي الانسب ليكي و اغلطي مره و اتنين و ألف أهم حاجة وقت اللحظة الحاسمة"امتحان آخر السنة" تحاولي على قد ما تقدري متغلطيش... وربنا يوفقك متنسيش ديه سنة زي إى سنة اتعاملي معاها بكل هدوء عادي مش لازم توتر و حرق دم... رفهي عن نفسك عادي و اخرجي عادي حتى لو الامتحان بكره (بس تكوني مخلصة اللي عليكي طبعا الأول 😅) و تاجري بالخير مع زمايلك، فالتجارة دي بتعدي على الله من اول نيتك قبل ما توصل للمشتري.

أولا- اهلك دول خط أحمر عن كل ظنونك و افكارك و كلامك، يعني؟ يعني اهلك اللي هما اسرتك الأولى هما اللي يستاهلوا كل خير و حب و صدق و كل ما يجي في دماغك من خير لازم يكون من نصيبهم لأن في احلك اللحظات هما اللي هيكونوا معاكي و هيساعدوكي دائمًا و أبدأ من غير ما يطلبوا في المقابل حاجة او يستنوا منك حاجة معينة أو رد فعل معين خصوصاً الوالد و الوالدة ربنا يرحم و يحفظ اعمار ابائنا و امهاتنا. ثانيا- إى حد ممكن يقولك كلام يضايقك اصلنا مش أنبياء فمتاخديش الكلام على صدرك أوي ولا كأنه اهانه فعليه، عدي الزلات و عدي الهزار و الضحك، و دائما ظني فيهم خير خصوصاً اهلك، و بعد كده لو مثلاً والدك أو والدتك قالولك كلمة تضايقك بينك و بين والدتك او والدك مثلاً و بكل أدب و احترام و تشرحي إن الكلام ضايقك و تخلي بالك من كلامك و نبرة صوتك لأن دول مش حد في الشارع. ثالثًا لو حصل موقف و أنتي غلطانة و هما بيتكلموا معاكي للنصح حتى لو هما بيزعقوا و أنا آسف بس حتى لو هما بيضربوكي اوعي ثم اوعي ترفعي صوتك أو تردي عليهم خصوصاً لو أحد من الوالدين، و لو أخ ليكي صغير أو كبير و والدك أو والدتك لسا عايشين ربنا يديهم طولة العمر قالك إساءة عن قصد و هما قاعدين احترمي قعدتهم و مترديش احتراما لهم و لنفسك و حتى لو مش قاعدين افتكري إن اللي قدامك ده أخ ليكي فمش تردي عليه وحش و بكل هدوء و احترام. وأخيرا اياكي ثم اياكي تروحي تشتكي اهلك للغريب أو القريب، لكل بيت حرمة و أسرار مينفعش أنتي تروحي تحكي لأي حد سواء صاحبتك او حتى قريبتك، حتى لو من باب الفضفضة " اوعي تنسي دول اهلك في المقام الأول"، امال اشكي همي لمين؟ انا لسا قايلك فوق بينك و بينهم و قربي منهم و افهميهم أكتر و دائماً و ابدئي اتكلمي اثناء السجود مع ربك و اشكي له و اطلبي منه زي كأنك طفل لحوح اتكلمي عادي فلا تكلف مع رب العباد...... بس كده أتمنى يكون في إفادة

كل اللي اقدر انصحك بيه الصراحه إنك تكوني صريحه معاهم علشان هما لو فعلاً زي كلامك هيحترموا صراحتك و هيقدروها جدآ أو ده اللي صحابي أنا عملوه معايا لما بدأت أبقى صريح معاهم بقينا اكتر من أخوات مش صحاب بس ، وبس.

ساعات بنلاقي نفسنا عملنا سلوك غريب و بعد لما يكون خلاص انتهى نسأل نفسنا نفس السؤال هو أنا ليه عملت كده؟ ليه معملتش كذه؟ مع إني كان ممكن استعين بفلان!!!! و أى كان أى سؤال بيجي بعد السلوك ده بيسيب فينا علامة استفهام و تعجبك (مش بعيد تكون بتجري ورانا فى الاحلام 😂) المهم علشان نفهم نفسنا كويس و نعرف نرد على سؤال سهل جدآ و اللي هو (من أنا؟) ، تلفون و نزلية عليه أى مسجل و كل يوم قبل ما تنامي تتكلمي عن اللي حصل فى يومك و إيه دايقك و إيه فرحك ،قولي فيه أى حاجه أى حاجه حرفياً خليكي صريحه مع نفسك لأن ده أنتي مش حد غريب يعني 😅 أقولك حاجه شوفتي الجيران تنصتي عليهم و قولي فى آخر اليوم هما كانوا بيقولوا إيه فى التسجيل (أنا بهزر طبعاً اوعي تعملي كده 🙄) تمام سجلتي و الموضوع انتهى تعملي أى تاني ؟ بعد أسبوع من التسجيل هتسمعي الأسبوع اللي قبلية فى النهار و الأفضل لو تلبسي سماعة علشان الفضايح بس 😅 و على فكره لو كملتي فى العادة دي هتغير حياتك 250° ( مش بأڤور ديه حقيقة مثبته كمان ) وبس أتمني تكون الفكره عجبتك و لو عايزة معايا كذه quote يخليكي تبدأي دلوقتي حتى قبل ما تنامي بس بالانجليزي 😅، وبس.

أمتي بتحسي إنك عايزة تظهري نفسك و أمتي بتحسي إنك بتكوني تبقى ضمن المشاهدين ؟ يعني هل فى مواقف محدده ولا فى أى موقف أو حدث

الأفضل روحي ابحثي على اليوتيوب هتلاقي ناس كتير بتتكلم هناك و هتقولك لازم تعرفي إيه و تبعدي عن أى

أولا كده الموضوع مش متلغبط ولا حاجه أنت بس متعوده إنك تذاكري و تدحي و تصحي بدري تبدأ يومك مع الكتاب، ده إحساس عادي جدآ بس يعني لازم تواجي الواقع لأن خلاص الثانوية خلصت لازم نجهز لدنيتنا و لجمعتنا أصل مش هتوقف على نتيجة أو ثانوية 😅 أقولك حاجه كمان مش بعيد أنت صاحيه دلوقتي علشان اتعودتي على المذاكرة الصبح 😂 بنسبة بقى لربغة إنك تبعدي عن البشر هل هيا جتلك من نفسها ولا مثلاً بسبب موقف ما حصل ولا بسبب ظلم الامتحانات ولا حاجه تاني ؟

علشان اجاوبك و مدكيش إحساس غلط أو فكر غلط ممكن تديني مثال بسيط على موقف ما ؟ لو مش حابة مفيش مشكلة و هجاوبك باللي أعرفه و هرشحلك فيديو لشخص بيوضح الفرق بين التنمر و التعدي على الشخص و ده بسبب أى و ده بسبب أي و هقولك برضوا على حد علمي بس ده ممكن يخلي عندك إحساس بالعظمة وهيخلي عندك إحساس معادي للناس .

بص هقولك ملخص 11 سنة دراسة انطوائي و ملخص سنتين دراسة شبة انطوائي و إجتماعي أول حاجه اسمحلي اسئلك أنت عايز يبقى عندك صحاب ليه ؟ أول فتره (11 سنة) من أوله ابتدائي لحد نهاية الترم الأول فى الصف الثاني الثانوي مكنتش فيها بخرج كانت علاقتي بالناس على الالعاب فقط و فى الدروس و معرفش يعني أى خروجات ولا شلة صحاب حوليك ولا أى حاجه أقولك حاجه كمان مكنتش فى الفتره دي مهتم بالدين ولا بتعاليموا أو فروضوا ولا حتي صلاة الجمعة كنت منتظم فيها .. يعني الحاله خربانه خالص بعيد عنك 😅 و غيرها و غيرها من الافعال و السلوكيات السيئة اللي كانت عندي 🙄😅 تفتكر كل ده اتعدل إزاي (هسيبك تحاول تعرف لوحدك) بعد لما الفتره دي خلصت و حصل حاجه كده كل حاجه تغيرت كل حاجه نظرتي للناس اللي حوليا نظرتي لنفسي نظرتي للدنيا كلها اتغيرت و مش باڤور ولله بس ديه الحقيقة أدركت إني مش وحيد زي نا كنت فاكر أدركت إني حوليا ناس كتير لكن مكنتش شايفهم ادركت إني مش زي الشخص اللي لما كنت بشوفوا كنت بحس إني انطوائي فعلاً أدركت إني أحسن منو فى حاجات كتير و بدل ما أنا كنت بتصرف مع الناس زي ما أنا عايز و أقول هما يستاهلوا كده أنا عاملتهم بنفسي بطبيعتي بمبادئي عملتهم بالتي هيا أحسن وبس و توته توته خلصت الحدودته 😂😂 لو وصلت لحد هنا و مفهمتش حاجه احييك قصتك مختلفه كل الاختلاف عن قصتي و ممكن تطلع أحسن مني بمراحل حاجه كمان و ديه نصيحه مهما مين قالك أنت انطوائي ولا مهما أنت قولت لنفسك أنت انطوائي افتكر إن مفيش حد مش انطوائي كل واحد عندو نسبة من الانطوائية و آخر حاجه بلاش دايما تحبط نفسك و مش هقولك أنزل و روح و اتعرف على ناس أنا هقولك عيشها علشان لما تفتكرها تقول أيوا أنا حصل معايا كذه و كذه و تبتسم و افتكر الحياة دي فرصه توديك لحياة تانية و لو ضيعتها ديه الحاجه الوحيده اللي مفيش فرصه تانيه ليها و أتمني أكون أفدتك بقصة قبل النوم ديه 😂 مقولة كل ما بحس إني مش فاهم حاجه بسمعها ( من يدرك رحمة ربه ستزيد رحمته، و من يكبر قلبة و فى داخله سوادً يكبر معه، ستعمى عيناه عن جمال الله، و سيحرم طوال عمره عن لطفه الخفي) مقولة تانية بفتكر بيها إني لسا قدامي شوط طويل و مش لازم أحبط دلوقتي (أكتب على اليوتيوب السعادة خمسة هتلاقي اتنين قاعدين على منحدر و بيتكلموا أسمعوا و أبدع سمعك) ملحوظة (المقولة الاوله لو عايز الفيديو بتعها اكتبه برضوا على اليوتيوب و هتلاقيه ) وبس.

سبحانه لسا فى فصل الإنسان و السعادة من كتاب كيف تصبح إنسان بيتكلم على النقطة دي (مرزقة ولله مرزقة😅) المهم مش كل حاجه كل إنسان بيوفق فيها و مش شرط أساسي برضوا الفشل علشان ننجح لكن لما نفشل غلط كبير جدآ إننا نجلد نفسنا علشان هنا أنت هتبقى عامل زي اللي وقع فى حفره و لسا مخرجش منها فليه نجلد نفسنا ؟ دائماً كدا لما ميحصلش نصيب و متعرفيش تعملي المهمه اللي معاكي قولي هبدأ تاني بس هخلي بالي من كذه و هحسن كذه و هبعد عن كذه و على فكره أنت حققتي كتير فى حياتك و مش محتاج أقولك حققتي إيه علشان كل حاجه حوليكي هسبلك كام مقولة كانوا فى الكتاب و عجبوني جدآ "يمكن إضاءة ألف شمعة بأستخدام شمعة واحدة دون أن يقصر ذلك عمرها، مشاركة سعادتك مع الناس لن تقلل منها." البابا شنودة الثالث ..... "أعد إكتشاف عالمك ولاحظ أوجه الجمال فيه، بدلاً من تجاهله و الحياة فى همومك و أفكارك.." من كتاب كيف تصبح إنساناً ؟ ...... "لعل الاشياء البسيطة .. هي أكثر الأشياء تميزاً و لكن .. ليست كل عين ترى." جلال الدين الرومي وبس.

أول حاجه ساعات لما بنكون مش لاقين حد متوافق مع الفكر الخاص بينا و نعرف إن فكرنا متوافق مثلاً مع الدول الغربية أو فى مكان ما المهم إنو مش فى البلد اللي إحنا فيها بنحس إن ده مش مكنا ولا إننا محبوبين وسط المجتمع حتى ممكن لوهله تظني إنك مخطوفة😂 طب نعالج الإحساس ده إزاي؟ و هل ده فعلاً إحساس حقيقي ولا بس وهم العظمة؟ علاجه بيكون إنك تحاولي تتوافقي مع مجتمعك مش كله بس الجزء اللي قريب أوي منك مثال: صحابي بيحبوا الخروجات و اللعب و الهزار و بيتفرجوا على أفلام مصرية و أنا عكسهم تماماً بحب أقعد لوحدي و لو هلعب بلعب لعب هادئة مش مزعجة و مش بحب الهزار السخيف و بتفرج على أفلام أجنبية و بحب القراءةء علشان اتأقلم معاهم مش اغير من نفسي بل أحاول افهمهم و كتقدير منهم هيحاولوا يفهموني (و ده حرفياً اللي حصل معايا ) (لو فى نقطة مش واضحه أقدر اوضحلك بمثل تاني) هل الإحساس ده حقيقي؟ هو هنا أنا مقدرش أقولك الاحساس ده حقيقي ولا لا علشان ممكن فعلاً تكوني أعقل من المنطقة اللي حوليكي و ممكن لا بس أنت مش بتشاركيهم فى اهتماماتهم، لكن عايزة تعرفي و تجربس لنفسك سواء هو صح ولا غلط تقدري تصنعي عالمك الخاص فى واقع افتراضي و تسمحي للفئة اللي شبهك تخش أو لو فى الإمكان تقدري تغيري المنطقة الحاليه اللي أنت عايشه فيها و تروحي تعيشي فى المكان اللي شايفة إن تفكيرك متوافق مع أهله و عيشي هناك فتره عجبك المكان مبروك عليكي اكتسبي أصدقاء جدد معجبكيش مبروك عليكي برضوا عرفتي قيمة أهلك و ناسك. وبس.

من رأي أظن إن من الأفضل تبدأي من أصغر حاجه و اسهلهم بنسبالك طيب ليه لأن الانتظام فى الحاجه السهله بيخليكي تنتظمي فى حاجات اكبر و أصعب لكن لو عايزة تبدأي فى حاجه معينه تحديداً ابدأ بالحجاب علشان كده كده هو ملبوس فى الراس مش هتيجي جنبو بعد الحجاب الصلاة و على فكره الصلاة هتبقى أحسن و أفضل لما تصلي بنفس عايزة فعلاً تقابل ربنا مش بس عايزة تقضي فرض و خلاص بعد كده كل حاجه هتوضح و هتختاري تبعدي عن أى و تبدأ فى أى وبس.

أول حاجه مرحلة حبوب الوجه دي طبيعية جدآ و أنا مريت بيها و حرفياً كنت بحط مراهم و زي ما اشترتها كنت برميها كان ولا كأن جسمي رافض أصلا المراهم ديه ولا كأني عندي مناعة منهم فده حاجه طبيعة و مع الوقت هيروح بس أنتي متحطيش إيدك على وشك كتير و قللي من اكلك للسكريات و الشبسيهات و أى حاجه بنجبها من السوبر ماركت (بلاش تقولي أنا مقولتش الشوكلاته فهكلها عادي 😂) تاني حاجه كل واحده و جسمه مختلف عن التاني يعني أنا جسمي مش شبه جسم صديقي جسمك مش شبه جسم صديقتك كلنا مختلفين و علشان كلنا مختلفين بقى فى ازواق كتير و أنواع كتير من كل حاجه فده شئ جميل يعني تخيلي أنت عندك شكل فريد و جسم فريد و فكر فريد و كل حاجه فيكي فريده مميزة حرفياً ده فى حد ذاتوا شئ مبهر تالت حاجه بالنسبة للروتين اليومي كل يوم بنعيد نفس الحاجه أقوم من السرير أنزل أقعد تحت اغسلي الموعين أكلم صحبتي أشوف الاستوري أقعد قدام الباب مفيش أى حاجه جديده الموضوع ملل صح أوي أوي و حقك الصراحه طب أقولك على فكره مثلا أنتي لما بتصحي من نومك بتمسكي التلفون على طول و تشوفي مين بعتلك رسايل و تردي... لا متعمليش كده و حطي التليفون بعيد و أول ما تصحي دقيقتين كده فكري فى هتعملي إيه النهارده و جهزي نفسك علشانه و بعدها لما تغسلي وشك و لو هتصلي صلي بعدها امسكي التليفون و ردي على الرسائل براحتك المقصد اليوم قدامك طويل فى إيدك تعملي حاجات كتير بدل ما انتي بتتفرجي على فيلم كوري و الواد اللي بيحط مكياج😂 اتفرجي على فيلم مصري يعني شجعي بلدك شوية بدل ما بتسمعي أغاني اجنبيه زي حالاتي اسمعي اغاني مصرية اسمعي نشيد وطني يا وطني 😂😂😂 آخر حاجه ربنا معاكي فى الثانوية أنتي قدامك شوووط طويل أوي و لازم تنهيه بكل قوة و عزيمة و إصرار و أتمني إني أكون أفدتك حتى و لو بحاجه بسيطة. وبس

أولا ده مش نكد ولا حاجه ده تقدري تصفيه فى إنو نضج فكري و عن تجربه فى حياتي اليومية أنا مبخرجش و لما بخرج مش بعرف اندمج معاهم بسبب إن اهتمامتي مختلفة عن اهتمامتهم فمفيش كلام كتير و دايما الرفقه اللي خارجه معايا بيهزرو و يضحكوا و شوفت فيلم معرفش أى و لا لا ده عمل لقطة عجبتني شوفت الممثل فلان لما عمل كذه ؟ و أنا مش عارف أشارك لعدم معرفتي مين الممثل أصلا ولا الفيلم بيتكلم عن أى. نيجي بقى للسؤال إزاي عرفت أتعامل مع كده و مكونش أنا نقطة الكئابة ولا النكد على رأيك؟ حاولت دايما لما بنكون فى خروجه اسيبهم يتكلموا الأول و أحاول استنتج من كلامهم المحتوى و بقيت صريح لكن بشكل مش يفصل اللي قدامي يعني هما بيتكلموا على فيلم Ghosted لكن أنا معرفهوش أقوم قايل لواحد فيهم بصوت واطي كده هو إيه الفيلم ده و اخليه يقولي بشكل ملخص و كده و بعدها أعرف أشارك فى بعض الكلام و أضحك معاهم و مثلاً عايزين نجيب أكل و أنا معرفش الأكل ده بس هما عارفينوا اقولهم برضوا بشكل صريح أنا جعان و طول ما الأكل بنسبلكوا حلو أكيد هيعجبني و فعلاً بيكون حلو و خارجين مثلاً بحاول أبعد عن mood الجد و اندمج معاهم فى mood ضحك و الهزار و الفرفشة علشان برضوا مبقاش النكد اللي وسطهم (و ركزي أنا قولت بحاول و المحاولة بتجيب نتيجة مش دايما بس بعمل اللي عليا ) آخر حاجه أنتِ هو أنت ِ أنا كنت فاكر لما أغير من نفسي هعرف اندمج مع غيري لكن لما تغيري من نفسك علشان فئة معينه هتيجي فئة آخره و مش هتعرفي تتأقلمي معاها فبلاش و زي مقولت أنت هو أنت و طول ما اللي قدامك مش متقبل كده يبقى ميستهلش يتسمى صديق و الدليل على كلامي أنا أصدقائي حتى مع معرفتهم إني مختلف كل الاختلاف عنهم لكن دائماً أنا أول واحد بيتقالوا عايزين نخرج مع إني معنديش خبره فى الخروجات لكن لأنهم تقبلوني زي ما أنا عرفت اندمج معاهم و هما يندمجوا معايا اقصد يعني فهمتهم و فهموني آخر حاجه فعلاً قد تحاطي بآلاف من البشر و لكن لا يوجد بينهم إلا صديقة وفيه و هيا الوحيده التي تستحق أن تناديها بصديقتي . بعتذر على الإطالة، وبس.

أنا بركز على الوجه ككل يعني لما بكون بكلم حد بكون مركز عيني عليه هو علشان أعرف أركز معاه و فى نفس الوقت أعرف هل هو أصلا مهتم للكلام ولا لاء بس

أنصحك تتفرجي على ملخص كورس تعلم كيف تتعلم حرفياً هيخليكي حاجه تاني وبس

أول حاجه حضرتك لازم تعرفي و تسمعي من مدرسين محايدين فى مدرسة إزاي هما بيشوفوا الطلبة علشان تعرفي نظرة غيرك ليهم إيه و تعرفي طريقته معاهم إزاي و ده هيفيدك في إنك تغدي فكره مسبقة عن الفئة اللي هتتعاملي معاها تاني حاجه لازم تحددي سواء هيبقى دروس خصوصية أو مُدرسة فى مْدرسة لو فى مدرسة فلازم تعملي حسابك إن هيبقى فى طلبه مش عارفين حاجة فتحاولي تشجعيهم بطريقتك إزاي يتفاعلوا معاكي علشان يحبوها كلغة اكتر ما هيا كمادة إنما لو درس خصوصي فينفعش حضرتك تركزي على واحد من المجموعة كلها علشان ده بيخلق مشاعر سلبية عند البعض و ده مش بيدفعهم حتى للتقدم لأنهم فى الأول و الآخر سنهم صغير فبيميلوا للحل السهل و ده قليل من هيخالف النهج ده مثال عليا لما كنت فى ابتدائي كان مدرسي المحترم مكنش بيعترف بيا مع إني كنت بجاوب بس كنت بتهته بسبب الخوف من إني أجاوب غلط و مع ذلك عمرو مسألني على أسمي حتى و أستبعد إنو يكون فكرني أصلا و ده أثر عليا و خلاني بقيت مش متقبلها كلغة و مبقتش أهتم بيها (لحد هنا نطاق المدرسة) لما دخلت تانية اعدادي روحت مع مدرس محترم درس خصوصي كان مهتم بيا مش إهتمام خاص لكن كان بيشجعني زي مكان بيشجع الكل و ده كان من الأسباب اللي خلتني اتشجعت و حبتها كلغة و الحمدلله أنا دلوقتي أقدر أفهم English very well. الملخص لو فى مدرسة بلاش تهتمي بمجموعة و مجموعة تانيه لا و حاولي تبعدي عن مبدأ العقاب بالضرب علشان ده هيخليهم يخافوا منك مش اكتر و فى الأول كده خلي معاكي شوية حاجات بسيطة و قولي اللي يجاوب هياخد مكافأة و خلي أول حصه تعارف لو درس خصوصي برضوا بلاش نهتم بطالب عن التاني و دائما اسألي فهمت ولا لا و من غير ضغط على الطالب و حاولي فى الدرس تكوني صحبتهم و تعرفي نقاط ضعفهم لوحدك و تحاولي تساعديهم فيها بشكل غير مباشر و برضك أول حصه يكون نصها تعارف و تخليهم يتكلموا مع بعض و يعرفوا بعض علشان محدش يتكسف لأن فى الغالب بيكون الطلاب عندهم أسأله كتير بس بسبب إن فى جنس آخر بيتكسفوا و بينكروا إنهم مكسوفين أساليني أنا مكنتش بسأل علشان مكسوف اتحرج 😅 وبس أتمني أكون أفدتك بس.

أول حاجه ديه عادات و تقاليد بقت منتشرة فى المجتمع مش عند كله بس الأغلبية كده يعني أنا عن نفسي أفضل حاجه صغيره مش فرح كبيره و نرقص و نهلل لكن مقدرش أفرض رأي على العروسة هيا عايزة تفرح و تخلي عندها ذكره حلوه تتفرج عليها فأنا مقدرش موفقش فهطر أوافق فالحل إنك لما يتقدملك حد تشرطي إن ميبقاش فى رقص ولا أغاني مبالغ فيها و أكيد هيجي شخص و يقبل بس

هحاول أجيبلك الدائرة كلها اللي شاملة مين غلط و إزاي كان يتصرف. العائلة : أول طرف بنرمي عليه الغلط لما بنقع فى حاجه لكن هنا هو مش دايما غلطان علشان أنا ياما شوفت بنات و شباب أهلهم من أحسن الناس و بيعاملوا ولادهم أحسن معامله و بشهادة من أبنائهم و مع ذلك أخلاقهم لا تصح أو بيتصرفوا تصرفات لا تصح مثال قريبة ليا بسبب إني أبوها بيعامل امها وحش و مش بتشوف منو حنان كرهة صنف الشباب كلو لكن بسبب إنها شافت واحد فيهم هيقدر يديها الحنان اللي هيا عايزاه كلمتوا واتس و كانت قربت تخرج معاه . البنت : دائما ما بنلاقي فى القرآن آيات الحساب يوم القيامة بتقول كل شخص هيتحاسب على قد عمله عمله هو مش عمل أبوه ولا أمه ولا حتى صاحبوا معني كده إن الاختيار اللي بيصدر من الشخص عمل و هنتحاسب عليه يبقى البنت بسبب موافقتها على كلام الشاب أو حتى لردها على رسالتوا فهيا غلطة مهما كان إيه عمرها إحنا بندأ نتحاسب على أعملنا مجرد ما نبدأ نعرف نفكر و ده بيظهر عند الكل فى الإعداديه كحد أقصى. الولد : أول حاجه ارجوا إني لو قولت حاجه غلط هنا تعدليها علشان متقوليش إني متحيز , زي ما العائلة غلطة و البنت غلطة الولد كمان غلط و على فكره نسبة خطاة تعتبر أقل من البنت لأنو هو اللي عرض الطلب عليها و هيا وافقت و الموضوع زيو زي لما نيجي نحكم على قاتل و شريكة القاتل هو اللي قتل و شريكة كان بيحرص الباب بس لكن بيعتبر قاتل زيو لكن بياخد مدة سجن أقل و كذلك موقف البنت ممكن يكون الولد أجبرها و هنا يكون الخطأ برضوا منقسم على الاتنين و نسبة الخطأ أعلا عند البنت و أظن أنك فهمتي قصدي و على فكره مش دايما بيكون الغلط على البنت لأن فى ساعات بيكون فعلاً البنت مش قادرة تاخد قرار صح بس هنا هيا بتكون لسا موصلتش للمرحلة اللي بتفكر فيها فمش هتتحاسب فالمفترض إحنا نوجها مش نحاسبها و على فكره المفترض المرحلة دي تبدأ من أول 10 سنين تقريباً و لو اتاخرت أوي بيبقى لحد14 . بس. (أرجو إني لو قولت حاجه غلط أو فى عدم نقاط واضحة تسألي فيها و أنا هجاوبك و بمثل)

أول حاجه ده meaning و ده meaning تاني خالص الفرق المبسط هنا إن الصحوبيه ديه بتبقى فى الخفى حبتين يعني مش قدام كلو بتقولي أنا صاحبي بعتلي مسج أو بيرن عليا أو حتى خارجه معاه كل ده بيكون فى الخفاء ولا إيه رأيك 😀 و على فكره كل ده أصلا لا يصح و مش معترف بيه فى الدين ولا فى السنه و حتي فى المنطق اللي بيشجعوا على كده اغلبيتهم أجانب مفيش واحد عربي هيشجعك على كده غير قله (اللي هما أصلا هيكونوا بيعملوا كده) إنما بالنسبة للخطوبة ديه بتكون فى العلن قدام الكل قدام الحج و الحجه الغاليين على الكل و بيكون أساسها إن الاتنين يتعرفوا على بعض فى نطاق زيارات من الشاب للبنت فى بيتها فى حضور أكيد الحج و الحجه و الأخوات الأعزاء و مفيش حاجه فيها إسمها خروجات ده كلو برضوا لنفس السبب اللي فى الصحوبيه مش محتاج إني اقولهولك تاني و أظن إنك أصلا عارفاه من غير ما كنت اقولوا اصلا بس

لو أنتي بنسبالك الرياضة سهله و معندكيش مشكلة فيها اتعلمي برمجة و لو عايزه تعرفي أهمية البرمجة اكتبي على اليوتيوب و هتلاقي العجب و لو عايزة كورس تقدمي فيه ببلاش و تغديه ببلاش و تغدي منو شهادة ببلاش و تخلصيه و تشتغلي و كل ده ببلاش for free اتفرجي على فيديو ليه لازم تتعلم البرمجة فى 2023 على قناة دروس أونلاين و الفيديو متضمن كذه مجال تاني و حلاوة الدورة دي إن ليها جزئين جزء فى الواقع وسط ناي و جزء على النت يعني لو لقيت نفسك محبط و مش قادر تكمل هتلاقي ناس كتير تشجعك و أنت ذات نفسك هتشجع نفسك لإنك مش هتلاقي زيها حرفياً + لازم تكوني كويسة فى الانجليزي علشان كل الكورسات بالانجليزي و ابحثي برضوا على وليد طه ده برضوا متكلم على الموضوع ده كتير بس

مش مستاهله تغير للأسم ولا حاجه أنا أخويا الكبير أسمو عبد العزيز و والدي سماه على اسم جدي و أمي كانت عايزة تسميه محمد و اتسجل فى البطاقة عبد العزيز لكن بنندهله فى البيت محمد 😅 مفيش غير صحابه و زوجته هما اللي بيقولوا عبد العزيز الموضوع ابسط مما حضرتك متخيل بس.

فى كتاب أسمو التفكير السريع و البطئ قرأت فيه معلومه بتقول سهل على الإنسان إنو يلاحظ أخطأ غيره فده طبيعي جداً قليل من الناس اللي بتفكر بعقلانية و بتقول مع نفسها لا أنا غلط و لازم اعتذر بنسبة بقى للضيوف أول حاجه أحييك إنك وجبتي معاهم كل مره مع إنك عرفه إنهم ميستحقوش كوب من الماء دلوقتي علشان ميحصلش مشاكل بينك و بينهم تاني نقلل الكلام و الاحتكاك بيهم و لو بالجلوس قربهم يعني الضيوف وصلوا البيت استقبليهم أحسن إستقبال لو هتقدمي حاجه اقدميها و تقعدي معاهم 10 دقائق أو حتى لحد لما حد يجي يقعد من أهل البيت معاكي و تقومي متسأذنه و تخرجي مش شرط تقولي أسباب استأذني و قومي لو واحده منهم قالتلك لا اقعدي معانا و الكلام ده قوللها معلش أصل ورايا كذه أو افتكرت لازم أعمل كذه هخلصوا و أبقى أقعد معاكوا حاولي على قد ما تقدري مترديش عليهم حتى ولو شتموكي فى سرهم و أنتي سمعتيهم علشان فى الأول و الآخر هما ضيوف و الضيف واجب إنك تكرمه مش تهينه بالرد حتي و لو هو قليل الذوق بس.

المنظر قدام الناس يعني اللي لابس نضيف هو الشخص WoW مفيش منو اتنين و بنسبالهم ده شئ عديم النفع لأنهم ميعرفوش إن القيمه المعنوية هيا اللي بتجيب فلوس دلوقتي يعني لسا فى زمن اللي بيتقدر فيه الشغل الجسدي و ممكن كمان يكون بنسبالهم شئ تافه و خلاص منغير سبب لأنهم اتربوا على كده كبرو على إن التعب تعب الجسد مش العقل أو ممكن لإن بعض الناس شايفين إن الحاجات ديه الناس الغنيه بس هيا اللي بتجيب الحاجات ديه أو بتصرف فلوسها فيها ديه كلها أسباب لكن لو هقول من الناس اللي حوليا فده هيكون بسبب الجهل منهم بأهميه حاجه زي كده جهل و خلاص بدون أسباب بس.

أول حاجه أنا بعتذر لو كلامي ممكن يوريكي واقع غريب بس ديه الحقيقة الصحاب كتير لكن صديق خير من ألف صاحب يعني أى و إيه الفرق بين صديق و صاحب المعني صديق : رفيق العمر و طول ما فى أيدي يساعدك و يقف جنبك بيساعدك و بيحبك فى الله و مش عايز ليك ضرر غير لو الضرر ظه هيفيدك صاحب : ديه جايا من كلمة ساحب و على رأي المثل الصاحب ساحب ده بيبقى أقل من درجة الصديق و فى كذه مسمى ليه زي زميل الدراسة طب برضوا مجوبتش على سؤالي؟؟؟؟ بالنسبة للبنات مقدرش أفيدك علشان أنا مجربتش اصاحب بنات ولا بعترف بكده أصلا لكن بالنسبة للشباب فأنا أحب أقولك أى ولد مش شاب هيعمل معاكي كده و هيكلمك بجدعنه و بصوت واطي و بطبع حنين ليه؟ لأنهم عايزين يتقربوا منك عايزين يرتبطوا بيكي و نخرج سوا و نطلع مصيف سوا و ننام مع بعض سوا و نتصور سوا و كل ده علشان يقول لصاحبوا أنا مصاحب بات و بخرج مع بنات (دول أغلبية الولاد اللي بيعملوا كده و اقليه جدآ من الشباب اللي مش بيعملوا كده) و على فكره هو مش بيسأل عليكي علشان أنتي صحبته لا علشان برضوا يبقى أسمو بيكلم بنات اللي عايز اوصلهولك طبيعي إن الولاد يكلموكي حلو و يبانوا قدامك ملائكة الرحمة لكن الله أعلم بنيتهم و أخلاقهم و ده غلط أصلا إنك تختلطي بيهم ليس كل صاحب صديق و ليس كل صديق صاحب و على فكره ممكن تكوني أنت أخلاقك مش متقبله تصرفاتهم فمش عارفه تختلطي بيهم وبس أتمني إني أكون وصلتلك الفكره صح و لو قولت حاجه فيها تعدي فى الكلام أنا بعتذر و لو فى نقطة مش مفهومه أقدر اوضحلك بمثل بس.

الأفضل إنك تسألي حد معرفه هناك علشان هو هيكون عارف أنهي أفضل و فى نفس الوقت الناس فيه محترمه و يفضل تختاري جيم يكون فيه معاد للسيدات فقط علشان المدايقات و المعاكسات.

من غير أجابه طويلة أو قصيرة هو رد واحد قسمة و نصيب أصل ياما شوفنا قصص حب بين اتنين و فى الآخر ملمهمش نصيب فى بعض و ياما شوفنا واحده بيجيلها عرسان و بتعد معاهم شهرين و لسا نصيبها مجاش فبتفشل الخطوبة و ياما شوفنا واحده من أول عريس و بتمشي الدنيا تمام و من أول مره كل اللي حضرتك قولتيه ده مجرد أسباب لكن لكل شخص نصيبه و على رأي المثل المصري نصيبك هيصيبك . وبس.

سؤالك حلو و أنا هحاول اجبلك كل الاجابات الممكنه بنتيجتها كمان 1 وافقي و كملي معاه لكن ده هيخلي عندك حزن شديد و مشاعر كتير حزينه لانو بعيد عنك و مش بعيد تحصل مشاكل كتير بسبب أنو مرنش فى الميعاد أو الكلام بينكوا بيقل ....ده بجانب إنك هنا هتكوني بتخوني ثقة أهلك و بتعصي و بتغضبي ربك و أنا آسف فى اللفظ بس هتكوني بترخصي نفسك و السلعة الرخيصة مش محبوبة فى أى سوق حتى و لو عليها كل زينه ممكنه 2 هترفضي تكملي معاه و هتسمعي كلام أهلك و تصراحيهم بإنك عملتي كذه و كذه لكن أنت نهيتي العلاقة معاه خلاص ده هيخلي ربك قبل أهلك راضي عنك و أهلك هيثقوا فيكي و هتغلي من سعرك و قيمتك وسط الناس و هترجعي جوهره كما كنتي كما و كأنها لم يلطخها شئ 3 هترفضي لكن هتقوليلوا لو فعلا بيحبك يسعى و يخلص تعليم و يلاقي شغل يجبلوا دخل كويس و شقة محترمه و يجي يتقدم و تتفقي معاه على مده معينه تستنيه فيها (ده بجانب إنك برضوا هتقطعي علاقتك بيه برضوا فى الاتفاق) و لو أتأخر أنتي أي عريس هيجيلك بعدها و أنا قبلاه هتقبليه و تقطعي علاقتك بيه و ده هيخليكي مستنيه و فرحانه إن جوزك المستقبلي بيسعى علشانك و هتصلي و هتدعيلوا و هتفتكريه دايما بالخير قبل ما تختاري هفكرك السلعة الرخيصة و اللي قيمتها فى الأرض محدش بيشتريها ففكري كويس و بتأسف لو قولت لفظ وحش بس.

على حسب يعني مثلاً أكله مفضله عند الكل فلازم تتقسم و إلا محدش هيسمي و مش بعيد حد فينا يقوم مكلش حاجه أصلا أو مثلاً فى طبق رئيسي على الأكل و ده كلو بياكل منو عادي فلازم برضوا يتقسم علشان كل الافراد يكلوا لكن لما بيكون فى ضيوف لازم يبقى فى ذوق و نسيبة على راحته علشان ميقومش جعان خصوصاً إنك متعرفش هل هو بياكل أزيد ولا أقل من أهل البيت فمينفعش نقسم و ديه عادة فى أغلب البيوت مش موجوده علشان تخليك متكلش أو تاكل كميه معينه لا هيا موجودة علشان فى واحد مفجوع وسط العائلة مش هيسبلك حاجه. بس.

أولا علم الغيب لا يعلمه أحد غير الله يرينا منه ما يشاء و يحجم عنا ما يشاء ثانياً هل فعلاً لما بنخاف من حاجه بتحصل ؟ هيا الصراحه لا مش شرط هيا الفكره بس إننا ممكن لكثرة تفكيرنا فى الحاجه دي بدون ما نقصد نعملها أو يتهيأ لنا موقف و نكون فاكرينوا هو اللي خايفين منو بس يعني أنا مش شايف ممكن أضيف حاجه تاني بس لو عندك استفسار و أنا عرفوا هجاوبك. بس.

بتختلف النوايا من شخص لشخص يعني ممكن يكون حسن نيه و هما بس عايزينوا يقعد معاهم ممكن يكونوا بيطمنوا منو من ناحية أنهم يحطوه فى مواقف تبان مش مقصودة بس هيا مقصودة علشان يعرفوا ردت فعله أو ممكن يكونوا زي ما أنتي قولتي الاحتمالات كتير فكل حاجه وارده الصراحه بس ظني فيها خير أفضل.

علشان تعرف تستوعب معلومات كتير منغير ما تلاقي نفسك بتنسى بسرعة أو مش عارف تركز لازم تحدد لنفسك ساعات معينه فى اليوم تكون أنت فاضي فيهم بحيث إن محدش يشغلك فيهم أو بمعني محدش يقطع تركيزك و بلاش القراءة الصامته القراءة بصوت أفضل و أعمل لنفسك فترات راحة بين وقتك يعني مثلاً أعمل 30دقيقة إستيعاب معلومات و 10 دقائق راحه بحيث إنك متهلكش عقلك بدري بدري و أنصحك تتابع قناة إسمها دروس أونلاين حرفياً أبو زيد عامل فيديوهات آخر جمدان فى الموضوعات ديه خصوصاً آخر فيديو و بلاش تضغط على نفسك لقيت عقلك خلاص مش قادر و أنت بتهنج لوحدك و حتى الوقت لسا مخلصش وقف و خود راحه و حاول تسجل ملخص كده أنت اللي تبقى كتبه بأيدك سواء على التلفون أو فى كشكول اللي يعجبك المهم تسجل ملاحظات و تراجع عليها كل فتره يعني كل يومين أو تلاته تقرأ من الكشكول الملاحظات اللي أنت كاتبها و بالنسبة لنقطة اخليه يستوعب أد إيه فى اليوم أنت ادرا بنفسك و قدراتك . وبس.

أول حاجه أنا احيكي على سؤالك تاني حاجه و ده أولا مفيش حاجه نقدر نتعلمها بسرعة لازم ناخد وقت و إلا هنبقى معرضين للنسيان على طول أنت تقدري تحفظي القرآن بتجويده من البيت بمجهودك الشخصي و تسمعي لنفسك و تصححي بنفسك أو تسمعي لحد من أخواتك أو والداك و هما يصححولك لكن ديه بيبقى فيها الشيطان مدخله سهل كده لأنك هنا مفيش مراقب عليكي فهيكون أبواب الإغراء اللي ممكن تخليكي تبطلي من أول دقيقة كتير فديه هتحتاج عزيمه عاليه منك تقدري تحفظي قرآن فى مقرأه أو مع صحباتك و ديه مدخل الشيطان الوحيد فيها هو إنو يحاول يمنعك إنك متروحيش أو متحفظيش بس برضوا محتاج عزيمه منك . و تقدري تحفظي قرآن من البيت من على النت ،، أنا سمعت ديه بس معرفش الصراحه تقدري تتواصلي معاهم إزاي. ربنا يوفقك و تكوني من حفظة القرآن البرره وبس.

هو أول حاجه كده العادة ديه منتشرة بين اتنين (راجل كبير فى السن و شاب شاف الراجل ده كتير ) العادة ديه ليها أسباب كتير منها اللي بيتعمل تلقائي و منها البيولوجي و المعتقداتي 1 ممكن يكون صائم و فاكر إنو لو بلع ريقوا يبقى هو كده فطر 2 ممكن يكون بيكلم نفسوا كتير فده بينتج لعاب كتير و بيدخل هواء كتير فى فمه فبيبصق 3 ممكن يكون ده عادي بنسبالوا مدام هو بيمسح برجلوا مكان البصق 4 ممكن يكون من الناس اللي ريقها طاغي على فمه فمش بيحب يبلعوا و بيقوم بصقوا بس يعني دول الصراحة اللي فى دماغي حالياً لكن ديه مش عادة ممكن تحكمي بيها على الشخص يعني أنا كمثال أنا من سبع أو تمن سنين كنت ببصق لعابي فى الشارع علشان كنت فاكر إني لو بلعتوا ابقى فطرة و مع إني شخص بيتقال عليا اوڤر فى النظافة ليه يعني؟؟ شنطة المدرسة كنت و لاذلت بحط فيها مناديل و معرفش أسمو كحل ولا أى بس دائماً لما بخش مكان فى تراب لازم أنظفوا قبل ما أقعد فنصيحة متحكميش على حد بسبب عادة زي دي بس .

هيا النقطة دي بالذات هيا اللي خلتني ما أنا عليه حالياً من سلبيات و ايجابيات لكن الصراحه مقدرش أنكر إن الموضوع لسا مأثر عليا و مخليني بيصعب عليا أى حد خصوصاً إن والدي و والدتي كانوا مقتنعين إني كده مش هعمل كده تاني لكن ده كان بيخليني أعاند لكن بشكل خوف اكتر ما هو عناد حتى ممكن أكون قاعد مع والدي أو والدتي فى الأيام ديه و بنتكلم عادي مخي يتخيل حدث ممكن يحصل فنتيجة لكده بيتحول طبعي فى اللحظة دي لشخصية باردة الطبع فى ردها علشان مبينش إني خايف أو أبين ضعفي و ده بيدايقني لأني بعمل كده بدون وعي و مبدركش نفسي غير لما بنفرد بنفسي و نتيجة لكده أنا ذات نفسي مبقتش أحب الأذى أو أشوف حد بيتأذى و بقيت بلجأ فى أى طريقة للحل المعنوي و السلمي ببعد خالص عن العواقب الجسدية لكن برضوا ببقى شايف إن فى أوقات لازم الطفل فيها يتعاقب جسدياً علشان يتعلم و ده فى حالت إنو مش مأثر فيه الكلام . وبس يعني أنا لو فضلت أتكلم فى الموضوع ده مش هسكت بس هكتفي بكده. بس.

أول حاجه احيكي على موقفك الثابت تجاه إبن عمك و وعيك بإن أد إيه الفعل ده خطأ تاني حاجه حاجه الحل هنا فى تلات حلول متوفرين بس قبلهم حابب أعرفك إن بنات عمك بيحاولي يخلوكي تشغلي تفكيرك بيه من ذكره فى وسط الكلام وكده فحذري منهم 1 الحل ده هيكون معتمد عليكي أنتي يعني أى ؟ يعني أنتي اللي هتكلمية و هتقوليلوا بشكل حازم ميقربش منك و إلا يتحمل العواقب 2 لو الحل الاولاني منفعش أو عملتي Skip هتروحي تقولي لعمتك على تصرفاته و تقولي بلاهجة مباشرة ليها فى آخر الكلام إن لو هو قرب مني بأي شكل من الأشكال هتقولي لوالدك 3 لو حتى مع كل اللي فات و لسا برضوا الدم منعدم خلاص عليكي و على والدك و قوليلوا الموضوع واحد اتنين تلاته و أنا قولت لعمتي و لسا برضوا و قولتلوا و لسا برضوا بيعمل كده و أنا مكنتش عايزا أقولك علشان ميحصلش مشكلة . وبس ده رأي الشخصي.

مبائيا كده من قبل أى حاجه أنتي عملتي اللي عليكي و ده كفاية أنو يخليكي تهدي ،،،و احيكي الصراحه على موقفك اللي رفض يغش أو على الأقل يعرف هو هيحل أى بجد احيكي أنت أحسن من 80% من الناس اللي أعرفها ،،، أول حاجه اخوكي رأية مش مهم فيكي طول ما والدك شايف إنك عملتي اللي عليكي يبقى خلاص مش مهم رأي أى حد تاني بس ممكن يكون اخوكي قصدو يضحك معاكي بس منغير ما يعرف بيدايقك بالكلام تاني حاجه يوم النتيجة اليوم المنتظر اليوم اللي هيحدد هنخش كلية إيه لا لا معلش مش ده اليوم اللي هيحدد اللي هيحدد فعلاً التنسيق يوم النتيجة مكمل للتنسيق و أكيد أكيد يعني من بعد امتحان الفيزياء و الكيمياء التنسيق هينزل مش بعيد يوصل زي كليات أدبي فمتقلقيش نهائي و هقولك تاني محدش هيلومك بس أنتي متلوميش نفسك إحنا مش تعبنا طول السنة دي علشان فى الآخر نيجي نقول بس لو كنت عملت كذه.... محدش فينا تعب علشان يقول كده وبس أتمني إنك تحصلي مجموع يرضيكي و الكلية اللي نفسك فيها. بس...

أول حاجه ده اختيارك قبل كل شيء تاني حاجه دلوقتي أنتي هيا بتزعلك و واضح جداً إنها بخيله و مش عايزة تشركك حاجاتها ديه نقطة هنرجعلها رأي الجميع فى صحبتك مش مهم و حتى من غير معرف هما بيتكلموا صح ولا غلط مش مهم لأن ديه صحبتك أنتي اللي تختاري تسمعي إيه عنها ولا متسمعيش إيه عنها أنت تصرفتي صح لحد دلوقتي بس هتبعدي عنها يبقى بشكل ملحوظ هيا تلاحظوا علشان تعرف إنك عايزة تبعدي و متكلميهاش تاني أو هيا تعدل من اسلوبها نرجع بقى للنقطة الأولى يعني أنا مش فاهم ازاي أنت مُصره تسميها صاحبتي و هيا بتأذيكي و دائما وجودها فى أذا ليكي ده غلط حتى لو يتيمه لو مصحباها علشان هيا يتيمه و صعبانه عليكي ده غلط ربنا و الرسول أيوا حذرونا من أذا اليتيم و اللي يطبطب على راسة بس ليه جزاء كبير بس مقالش نسبهم يأذونا من رأي إنك تبعدي عنها و فى نفس الوقت متنسيش ليها الحاجات الحلوه و متجيش سيرتها خالص بعد كده لحد غير لما تقولي حاجه حلوه عنها وبس.

أول حاجه أنتي هنا قولتي فئتين أخواتك الصغيرين و والداكي أحيانا بنحب نضحك و نلعب مع اللي اصغر مننا سواء اخوتنا أو ولاد اخوتنا الكبار و بيكون ده بحسن نيه لكن الأطفال مش بيفهموا أنو وقت الضحك بنسبالهم اللي بيحصل وقت الضحك بيدوم على طول فبيقولوا كلام يدايق و تصرفات تدايق حصلت بسبب اللعب و الضحك و ممكن كمان يكون بيسمع كلام و يقلدوا مش اكتر.... أنا مش بقولك متلعبش ولا متضحكيش معاهم لكن حاولي تكوني وقت الجد حد ووقت الضحك ضحك . بالنسبة للأم أو الأب ساعات بيكون هما متعصبين أو إحنا عملنا حاجه غير اللي هما عايزنها فممكن يطلع تعليق تلقائي و ممكن يكون ده تعود من عندهم مثال صديق ليا لسانة اتعود على الشتيمة و العصبية فى الكلام لكن هو من أطيب خلق الله و ده بيطلع تلقائي ميقدرش يتحكم فيه الأفضل هنا إنك تتكلمي معاهم و تقوليلهم أنا كذه بيزعلني و بيدايقني و هما لو بدون قصد هيعتذروا و هيحاولوا يبطلوا لو قصد مش هيكرروها تاني وبس .

هسألك سؤال جانبي بعيد عن سؤالك ممكن يوضحلك الفكره هل الأفلام الاباحية غلط؟ لاحظي أنا بقولك غلط مقولتش حرام . قبل ما تجاوبي اسألي Google bard و بعدها اكتبي على يوتيوب السؤال، و هتتفاجي برد ده و رد ده.

أول حاجه لكل موقف تصرف هفترض معاكي تلات مواقف بتحصل فى اليوم كتير و هقولك التصرف بالمتاح و لو عندك حاجه متاحة فى الموقف مختش بالي منها أتشرف بأن أعرفها ، (مش بقول إنهم بيحصلوا معاكي ديه مواقف إفتراضية) 1 / بقلب فى الفيس و مفيش حاجه جديده و بفتح واتس و مفيش حد معبرني أو أنا زهقت من كلامهم مش بيتكلموا غير فى موضوع واحد و بفتح يوتيوب مفيش حلقة جديدة أو new podcast و اليوتيوب مش جايب اقتراحات حلوه .... لو لاحظتي كلهم مرتبطين بالنت ، طب و الحل فى الموقف ؟ نفتح قائمة المشاهدة لاحقاً الموجودة فى اليوتيوب و هنلاقي فيديوهات كتير متفرجناش عليها أو نفتح قائمة الأسماء هنلاقي فى ناس كتير مكلمنهاش هتفرح لو حتى شافت إننا رنينا عليها و لو رنه 2 /وقت الظهيرة لحد العصرية الجو حر و الزهق و الملل على اخروا طب و الحل ؟ كباية ماية و مروحه و الموضوع اتحل ..يا سلام جبت التايهه !!! ولله فعلاً الحل أبسط مما أنت متخيلة 3 /الوقت اللي بعد الساعة 10م دائما فى الوقت ده المخ بيفرز هرمونات الصراحه معرفش إسمها إيه بس هيا زي كأنها خليط من التشاؤم و الكسل فبنحس بملل و زهق و مش بعيد نعمل حاجه تخالف مبادئ متمسكين بيها ...طب و الحل؟ تلفونك اللي فى إيدك يتساب بعد الوقت ده و ننام و بكره ولا كأن كان فى حاجه نقطة أخيرة الإحساس بالزهق طبيعي لكن بنظرة صغيرة مليانة تفاؤل و تركيز على الوضع مش بعيد تلاقي اللعبة محطوطه جنب رجلك و مش واخده بالك أو الكتاب اللي مهما قرأته مش بتزهق منو أو الآية اللي مهما سمعتها بتحس إنها أول مره أو الأغنية اللي لما بنسمعها بنحس إنها بتتكلم عننا . كل ما عليكي نظرة إيجابية مليئة بالتفاؤل بس.

بص أول حاجه كده أنا أقدر أقولك مفهومك للمحفز غلط المحفز بيخليك تبدأ فى الحاجه لكن هو ميقدرش يخليك تكمل فيها للأبد لأن لو مثلا اعتبرنا التليفون محفز ليا علشان العب لعبة ما بجودة عالية و فرام عالي من غير ما يهنج هل التليفون هيفضل يشتغل معاك زي أول جيم ؟ أكيد لا فبتحتاج يتقلل الجودة يتشتري تلفون جديد (لو شايف إن عندك حل تالت أنا أرجوك تعرفوني هيحللي مشاكل كتير 😅) تاني حاجه أنا أقدر أقولك على فيلم animation بيتناول الفكره دي بعمق كبير أوي...هنا هتتريق أو هيجيلك فكره فيها سخريه لكن أنا بعتبر الأفلام أى كانت نوعيتها هيا نصف الحقيقة و لو ركزت كمان مش بعيد تلاقي كلام دكاتره فى علم النفس أو بلوجر مشهور أو الناس اللي بتعد تقول quote's بتحفز بيها الواحد هتلاقي أفلام مش بعيد أنت بتحبها و مبنيه عليها (by the way the film name is soul ) تالت حاجه علشان تبدأ فى حاجه و تنهيها لازم تخطط إزاي هتنهيها يعني أى ؟ يعني أنا دلوقتي عايز أبني بيت هبنية إزاي من غير المخطط الهندسي؟ بلاش ديه أنا دلوقتي طالب و عايز أنجح فى الامتحان و مفيش فرصه للغش هنجح ازاي من غير ما أذاكر؟ ده كله تقدر تلاقية فى quote من(Antoine de Saint-Exupéry) بيقول. A goul without a plan is just a wish.... و هسبلك صورة برضوا ل quote هيفيدك. رابع حاجه و الاخيره علشان تبدأ فى حاجه و تعرف تنهيها لازم تعرف أنت بدأتها ليه . بس.

كلمة مشهور أوي هتسمعيه فى بداية كل سنة من زمايلك و صحباتك أنا مبحبش النحو ، أنا مبحبش الفرنساوي ، أنا مبحبش الإستاتيكا . كل ديه مجرد حجج و لو فضلتي عليها مش هتعرفي تعملي أو تنجزي أو تتقدمي خطوة (أول حاجه تبعدي عنها ) هتسمعي كلام كتير يتضمن إن اليوتيوب لا يفيد من ناحية إنك تذاكري عليه أو تراجعي درس عليه . أحب أقولك أنا حالياً قبل ما أخش أى امتحان بكون مراجع و مأكد المعلومة مع مدرسين معرفهمش أصلا و مش أنا بس ناس كتير من زمايلي و معارفي (تاني ......) أنا ضعيفة فى لغات و قوية فى المواد التانية أعمل أى ؟ هتلاقي ناس كتير تقولك اعرفي القواعد أو اعرفيها المنهج بحيث إنك تبقي عارفه تنجحي بس مش عارفه إزاي يعني بالبلدي حافظ مش فاهم لكن أنا و أى حد بيفهم هيقولك اتعاملي معاها كلغة و هتحبيها زي مبتحبي فلمك المفضل أو وجبتك المفضلة (تالت.......) هتلاقي ناس كتير بتقولك أنا هذاكر الفرنساوي أو اللغة التانية عموماً آخر السنة هيا كده كده تتلم فى يوم . هو كلاموا صح هيا فعلاً تتلم فى يوم و سهله كمان لكن هيخلص الامتحان مش هيفتكر يعني أى أصلا فملكيش دعوه بيهم و جدول منظم مش شرط يكون جدول خارق للطبيعه لا جدول عادي جدآ و ذاكري عليه (رابع.......) شوية نصايح كانو السبب فى إني عديت فى السنة ظي بقوايا النفسية كاملة 1 مسمعتش كلام حد و رافضة تماماً أغير الجدول بتاعي أو طريقة مذاكرتي بنائا على نصيحة أستاذ أو زميل متفوق عني 2 قطعت علاقتي بكل أصدقائي اللي هيعطلوني عن المذاكرة بعد لما فهمتهم الموقف و تقربت من زمايل جدد أعرف اسألهم و يسألوني و نشجع بعض 3 انتظمت بحدود الدين فى التعامل مع زمايلي خصوصاً البنات 4 الصلاة كانت عامل أساسي فى وصولي لهذه اللحظة و أنا مطمئن 5 الثقة فى النفس 6 مسبتش الزعل يتملكني لما بجيب درجة مش عجباني بل كنت بقول اللي وصل للدرجة النهائية ده أتعلم لكن أنا موصلتش للدرجة النهائية فى أيدي أتعلم و أبقى أحسن من غيري 7 مقارنتش نفسي بحد سواء أحسن مني أو اسوء لكن لما جيت أقارن نفسي بحد شوفت واحد أنا عارف إن هو مستواه أعلا مني و حبيت اتخطاه 8 مشيت بمقولة سمعتها محدش هيحبك لو أنت فاشل أنت ذات نفسك مش هتحب نفسك 9 مبخلتش على حد بمعلومة فمحدش بخل عليا بمعلومة عندو سواء كان زميل أو زميلة دايما اعرضي المساعدة لكن طبعاً لو زميل (شاب)لازم تتعاملي معاه بحدود . (هسبلك أربع كلامهم علق فى دماغي من كتر مهو فعلاً مفيد ) بعتذر على الإطالة . بس أظن ده كل حاجه.

أولا التعليم لا يحدد مستقبل الشخص المهني تاني حاجه أنا فهمت من كلامك أنو اعتذرلك و مش هيكررها تاني فهو يستاهل علشان ديه بس ياخد فرصه تتعرفي عليه و تشوفي هل أنتي من نحيتك قبول ولا لا تالت حاجه شغلوا الحالي هو اللي بيخليه يسافر يبقى ما باليد حيله و هو لو عايش بره فأكيد هو ممكن ياغدك معاه أو هينقل شغلوا فى البلد أو هيفضل يسافر برضوا كده بعد الجواز فى الأول هتكون مشكلة بنسبالك مع أول مره يسافر فيها لكن هتتخطيها وبس ربنا يكتب لك ما فيه الخير لك و يوجهك للصح . ملحوظه التعليم يخلق الشخص المتعلم لكن ليس كل متعلم قد تعلم ديه هتحكومي عليها بنفسك من ناحية هل أنت عايزة شخص نفس مستواكي أو أعلى منك فى التعليم ولا أقل عادي

أول حاجه أتمني ليك الشفاء العاجل تاني حاجه هقولك موجز فتره من حياتي أتمنى إنك تاخد منها العبره و تفيدك من سنة 2 اعدادي ل الترم الأول فى الصف الثاني الثانوي أربع سنين أو يزيد بكام شهر و أنا مكنتش بعرف أمشي فى الشارع بسبب إني كان عندي حبوب فى وشي لدرجة إني مكنتش بتكلم ولا بلبس لبس لافت للنظر ولا حتى بجتهد فى المذاكرة علشان ملفتش النظر و كنت بطلق لحيتي فى الفتره دي علشان أخفي جزء منها طب إزاي اتخطيت ده؟ روحت أنا و أخويا لدكتور جلدية و أنا هناك أنا أخويا الكبير هزر معايا و قالي أنت هتخش لدكتور مش بعيد يهزقك و يقولك يلا أمشي مقارنة بالناس اللي قاعدة دول أنا بصراحة مكنتش رافع راسي ولا بصيت عليهم حتى لكن لما أخويا قالي الكلمة دي أدركت فعلاً معني المثل اللي بيقول اللي يشوف ابتلاء الناس يهون عليه ابتلائه و شكرت ربنا و رضيت بشكلي و الحمدلله أنا بسبب الثقة اللي اكتسبتها فى نفسي بسبب الرضى فى ديه اكتشفت إن الناس مكنتش أصلا مهتمه بالحبوب اللي كانت فى وشي و كل ده كان فى نفسي و خيالي و فكري مش اكتر أنا عارف إنك ممكن تقول ده حب فى وشك و راح مع الوقت لكن المشكلة اللي فى رجلي تفرق لكن ولله و بقوهالك بكل ثقة رأيك فى نفسك هو اللي بيخلي الناس تحكم عليك اعتماداً على رأيك اللي أنت حطو على نفسك لو بدأت ووثقة فى نفسك و نزلت هتلاقي أيوا الناس هتستغرب فى الأول و مش بعيد تسمع همس عن كده لكن كل ده ما هيساوي لحظه فى يوم من الايام هتسأل فيه نفسك أنا ليه منزلتش و كنت خايف الناس تحكم عليا عن نفسي شايف إنك متروحش لأخصائي نفسي لأنك تقدر تبقى معالج نفسي لنفسك من خلال إنك تقنع نفسك إن مفيش حاجه و تبدأ و تنزل الجامعة و تحضر محضراتك و تخرج و متسبش حاجه تقصر عليك . وبس بعتذر لو طولت فى الموجز 😅.

أول حاجه عايز أبدا كلامي بآيتين كُفال بأنهم يردوا عليك (وَأَنْ لَيْسَ لِلإِنسَانِ إِلَّا مَا سَعَى ۝ وَأَنَّ سَعْيَهُ سَوْفَ يُرَى ۝ ثُمَّ يُجْزَاهُ الْجَزَاءَ الأَوْفَى) (وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ) أول حاجه أنا فى نفس سنك و بمتحن نفس امتحناتك لكن للأسف مقدرش أقولك إني حاسس بيك تماماً لكن أنا مقدر موقفك تاني حاجه الامتحانات عدت و خلاص أنت امتحنت و مين قالك ممكن أنت حليت صح و أنا حليت غلط و تكون جايب فوق 90٪ تالت حاجه كمل للأخر لأنك لو رجعت دلوقتي هتندم و تقول ياريتني ما عدتها لأنك هتكون وسط كلام كتير و أسئلة كتير و خود بالك الامتحانات السنة الجايا هتكون أصعب من امتحانات السنه دي هتقولي من قالك هقولك إحنا الدفعة الوحيدة اللي عندنا حجه واضحه وضوح الشمس و عايزين يخلصوا مننا آخر حاجه بتمنى ليك التوفيق و النجاح و لو حصل نصيب و بقيت فى نفس جمعتي لكن قسم مختلف و شوفتني أتمنى إنك توقفني و تبشرني إنك دخلت صيدلة و حققت حلمك و أنا هكون مبسوط علشانك صدقا ولله. وبس.

أول حاجه الشجاعة تقدري تكتسبيها من حاجات كتيره من الخروجات من الدراسة من الاغاني حتى من القرآن من كل حاجه مش من حاجات كتيره بس .. إيه ده اللي هو إزاي ؟!!! هقولك مثل دلوقتي أنت فى الدراسة مفيش حد يقدر ينافسك و الشهادات و الجوائز على الرفوف فى البيت يبقى لما يتم إعلان إن فى مسابقة عن الدراسة هتكوني اول من يشارك مثال تاني بعض الناس بتلاقيها لابسة سماعة و بتسمع أغاني أو أى كان اللي هيا بتسمعوا وقت لما تيجي أغنية معينه هو بيحب يسمعها هتلاقيه اتحول Shazam و مفيش حد قدو و يقدر يعمل أى حاجه و يتكلم فر أى حاجه دلوقتي أنت مجوبتش على سؤالي برضوا إزاي أبقى شجاعة ؟؟؟ علشان تبقي شجاعة لازم تثقي فى نفسك و الثقة فى النفس مش هتجيلك من الهواء لازم خبره بتكتسبيها مع الوقت وبس. ملحوظه هتلاقي ناس معندهاش خبره و عندها شجاعة (ديه مش بالضرورة تكون شجاعة ديه ممكن و أنا آسف فى اللفظ بجاحه أو وقاحه)

أول حاجه أكيد فى امتحانات تعويض فكل ما عليكي تشدي حيلك فيها و تجيبي درجة عليا فيها و أعلا درجة هتتحطلك يعني جبتي فى الامتحان الاول 4 من 10 و فى الامتحان التاني. 7من 10 هيتحطلك فى الشهادة 7 من 10 لكن للأسف لو جبتي نفس الدرجة الاولة أو أقل منها هتعيدي السنة. وبس بالتوفيق إن شاء الله.

بص أنا متفهم موقفك و مستغربوا فى نفس الوقت أنا صديق ليا أقصر منك ب 4 سم و مش بيعمل كده ولا قلقان نهائي من كده علشان متفهمش كلامي غلط أني بعيرك أو أى حاجه بس حابب أعرفك أني روحت أفراح و شوف ناس متجوزة كتير العروسة أطول من العريس و الزوجة أطول من الزوج و ماشيين و فرحانين و مستورين و لو ينفع كنت وريتك صورة جراني الجدد بسم الله ما شاء الله الزوجة طولها ضعف جوزها و الموضوع عادي بنسبالهم و بالنسبة للي حواليهم فمتفتكرش الطول مشكلة علشان لو على الطول فالبنات كتير قصيرين و فين و فين لما هتشوف واحده طويلة 😅 فهتلاقي كتير بس سبها على الله و ربك يدلك على بنت الحلال وبس