تم حذف هذا السؤال
قبل أي شيء لازم تعرف إن في كل حاجة ربنا خلقها في اتنين (الصالح و الطالح)، يعني إى الكلام ده؟ يعني في الدنيا دي هتقابل ناس شبهك و ناس لأ و ناس كويسة و ناس لأ و ناس تتعاشر و ناس لأ و ناس تبقى فترة و تروح و ناس تبقى فترة و تكمل مدى الحياة، هيا ديه الدنيا في تغيير دائماً ولكن ربنا خلقنا بطبيعة فذة جداً اسمها التكيف علشان كده احنا لسا مكملين على وجه الدنيا عكس غيرنا من المخلوقات. --- أولاً أنا فاهمك كويس جداً و عارف يعني إى تحس إن مهما عملت لشخص معين يسئ الظن فيك و يفكر أنك ممكن تأذيه أو حتى تعمل اللي هو فكر فيه، صدقني عوضاً عن ناس كتير أنا فاهمك كويس جداً، طيب أنا ليه بقولك كده؟ علشان متاخدش كلامي كطبطة وخلاص. --- ثانيا - الدنيا ديه يا اخي في الله مش بتقف على حد و مش معنى أنك قابلت شخص وحش فالبقية مثله، عارف أنك قصدك التعامل مع البقية هيبقى صعب نظرا للي أنت مريت بيه لكن خليني اسألك هل من الصح نحكم على الجماعة من الفرد أو العكس؟ لأ طبعاً، طيب اعمل إى؟ مش بقولك عديها لأ بقولك اتعلم منها شوف الشخص ده عمل إى و أنت عملت إى و خلي بالك مع الشخص القادم، قبل ما تقول على حد صاحبي الأول اعرف هل هو يستاهل ولا لأ؟ و صدقني في يوم هتلاقي ناس مش بس تحبها لأ ده مش هيعجبك إى مجلس من غيرهم. --- ثالثًا- عايز اقولك حاجة ديه ليك أنت و ديه اختيارية مش شرط تعملها أو لأ و لكن انصحك تحاول تعملها لأنها في صالحك، طيب إى هيا؟ هيا أنك تسامح، إى ده! أه والله زي ما قراتها، مش بقولك سامحه و ارجع كلمه لأ بقولك سامحه و متملاش قلبك بكره أو بغض أو ضيق من حد مهما حصل، لأن احنا كلها ساعات و ماشيين فبلاش تقابل ربك و أنت شايل منه فتحسب عليك، الموضوع صعب عارف لكن صدقني و عن تجربه هتفهم إحساس سيدنا النبي لما قال لقومه "اذهبوا فانتم طلقاء"، الإحساس لوحده من لذته مش هتشيل من حد أصلاً مهما اذاك. --- رابعا- بلاش تخلي اللي الشخص ده عمله يخليك تعامل الناس بشكل مش حلو، دائما و أبدا عامل الناس باخلاقك أنت و تربيتك أنت، مش معناها أنك تقل من نفسك علشان حد لأ، معنى كلامي أنك تعامل الناس دائمًا و أبدا بالحسنى و لو لم يستحقوا لأن بكل بساطة أنت اللي كسبان من وراهم مش العكس. و اخيرا أحنا بشر و افتكر أنك بتتعامل مع بشر فكل إنسان خطاء، فمهما حصل يا صديقي اعرف إن مهما كان هو مين هيغلط ولكن إن شاء الله ربنا هيرزقك بشخص مهما غلط مش هتشيل منه لأن بكل بساطة هو هيكون يستاهل لقب رفيق الدنيا و الاخره بنسبالك. هسيبلك صور تحت يمكن تفيدك أو توصلك معلومة. وبس اتمنى يكون في إفادة....
تم النشر الاثنين، ٢٦ أكتوبر ٢٠٢٦
اول حاجه مش شرط انك تقرب من حد وتدى فرصه وكل الى جواك يكون معتمد على اصدقاء او حتى انهم يبقو معاك عشان مش تتاذى بعدين وجودهم معاك تمام حلو اوى وعدم وجودهم متخليش يأثر فيك اى حد كدا مش اصحاب بس لا تطلع كل الى جواك عشان حد انت فاكر انك واثق فيه او غيره او اى حد بجد وكل واحد فى الدنيا صحاب او حتى غيره هيفكر فى نفسه اولا راحته فى نفسه وجود انسان تانى معاه دا حد عادى اى شخص بجد والله مثلا الواحد هيتعامل دى صحبتى دى كويسه دى كذا ايوا عادى ممكن انت تكون كويس وصحابك يكونو كويسين معاك وكل حاجه مظبوطه بس اهم حاجه متعتمدش على حد على وجود حد و على ان دا فرصه انه هيكون معاك وهيكون يظن بيك خير او كدا متخليش دا الى يشغلك بجد كل واحد بيفكر فى وجوده نفسه مصلحته شخصيته دى حقيقه ودى عند اى شخص فى الكوكب ومش معناه انى اكون كويس معاك وانى بتعامل مع مثلا الشخص التانى بطريقه كويسه و بحب وود يبقى معنى كدا ان التانى هيفكر فيك قبل نفسه ف انت وجود اى حد معاك مش تخليه يأثر على نفسيتك اطلاقا اطلاقا بجد اهم حاجه سلامك الداخلى انت من جوه تكون مرتاح الناس التانيين عابرين كل الى حواليك عابر انت بس تكون ايه وجودهم حلو عندى صحاب عندى اى حد يكون معاك من باب انه معاك فى الرحله فى وقتك رحلتك انت حياتك انت مع بعض مثلا بتحب صديقك مثلا صحابك اى حاجه تكون مشاعر خارجيه عاديه لا هتاثر ولا توثر عليك اطلاقا بحيث لما يحصل حاجه او مثلا سوء ظن ودى حاجه سهله عادى بناء على اللي موجود انت تمام مش هتفرق معايا سوء ظن او غيره كدا كدا مش هتقف عليه او هتتاثر بيه مش هقولك بمعنى كلامى مش تصاحب لا معنى كلامى خلى مشاعرك خارجيه لا تؤثر عليك هتكون حاجه حلوه آه لكن مش توصل انك تحس بكدا وكأن جواك او خنقتك من كدا تخليك تحس الاحساس بدا بسبب حد اصلا هو مش حاسس انك مهم ليه ف بيعيد الموضوع من جديد لانه بالنسباله عادى والاشخاص الى زى كدا متخليش ليها وجود فى حياتك بجد خلى سلامك النفسى ووجودك واحساسك هما اهم حاجه نفسك ومصلحتك وحياتك بتحب صحابك او غيره مشاعر عاديه لا تتأثر بيها ولا تاثر عليك عشان بجد كل شخص فتره فى حياتك وبعدين مش هيدوم وجوده او حتى قربه بعدين كل واحد مع نفسه احلامه مصلحته مش هتقف على حد وكل حاجه حرفيا كدا دلوقتي كل حاجه واهم حاجه انت شعورك احساسك وجودك والناس متأثرش فيك ولا باى حاجه ودى مش انانيه لا انا بقول عادى اتعامل معاهم عادى حب ود مع اى حد مش صحاب بس تكون كويس كويس وكريم وكل حاجه كل حاجه عادى بس متجيش على نفسك من جواك يعنى انت وحدك حياه والتانين عادى برضو حياه بتجسيد شخص كويس اهم حاجه سلامه الداخلى ونفسيته متتاثرش بحد وتمارس عادى حياتك مع اى حد من غير اى اعتماد او حتى اى حاجه على غيرك تجاه نفسيتك
تم النشر الخميس، ٢٩ أكتوبر ٢٠٢٦
أفهم شعورك يا محمد، واللي مررت بيه فعلاً مؤلم ويخلي الواحد يحس بالخذلان والخوف من الاقتراب من أي حد تاني. الإنسان أحيانًا بيسوء الظن في الآخرين مش دايمًا بسبب الشخص نفسه، لكن بسبب تجاربه السابقة أو مخاوفه الداخلية أو حتى طريقة تفكيره اللي بتخليه يفسر الأمور بشكل سلبي. ده مش مبرر طبعًا، لكنه بيوضح إن الإيذاء ده غالبًا نابع من مشاكل الشخص نفسه مش منك. اللي حصل معاك مرتين خلّاك تحس بالنفور، وده رد فعل طبيعي وصحي. الحمد لله إنك قدرت تدرك إن الشخص ده مش مناسب، وده خطوة مهمة في حماية نفسك. التروما اللي بتحس بيها دلوقتي بتخليك تشك في النوايا، لكن ده مش معناه إن كل الناس زيه. في ناس صادقين وبيحبوا الصداقة الحقيقية بدون أغراض. خد وقتك دلوقتي عشان تتعافى، وركز على بناء ثقتك بنفسك أولاً من خلال أنشطة بتحبها وبتطور من مهاراتك. لما تحس إنك جاهز تعطي فرصة لحد تاني، ابدأ بخطوات صغيرة ولاحظ التصرفات على مهل بدون ما تتعجل. ادعي ربنا إنه يرزقك بصحبة صالحة، وتذكر إن الصداقة الحقيقية بتبنى على الثقة المتبادلة والاحترام مش على الشك. أنت مش لوحدك في الشعور ده، وهتتجاوزه بإذن الله.
تم النشر الاثنين، ٢٦ أكتوبر ٢٠٢٦
عزز نفسك ومعتش تكلمه تاني
تم النشر الأحد، ١ نوفمبر ٢٠٢٦
صوابعنا مش زی بعضها و کمان انت اتآذیت مرتین بس من نفس الشخص فمنعممش و کمان حقک علی نفسک تکون مع حد شبهک طب انا قعدت 11 سنه مع واحده و مش اتآذيت مرتين اتآذيت ميت مره و كنت بعدي و بسكت كنت بكمل علشان كانت عشره عمري بس خلاص قفلت بقى الحمد الله و ربنا معوضني باللي شبهي باللي برتاح معاهم و بيحسوا بيا و بيودوني فحتى لو اتآذيت متقولش انا اتآذيت قول انا اتعلمت اهم حاجه خليك نضيف خليك بطبعك خلي بالك اه اما تتغير و تبقى وحش لا فمشي الدنيا لانك ياما هتشوف 🙂
تم النشر الثلاثاء، ٢٧ أكتوبر ٢٠٢٦
عملت كدا الحمد لله @. .
تم النشر الاثنين، ٢٦ أكتوبر ٢٠٢٦
سييك منه وعيش حياتك.
تم النشر الاثنين، ٢٦ أكتوبر ٢٠٢٦
اعتزل ما يؤذيك أخي، وأسأل الله العظيم رب العرش العظيم أن يرزقك صُحبة صالحة طيبة تهون عليك مصاعب الحياة، ادعوا فما خاب في الله رجاء
تم النشر الاثنين، ٢٦ أكتوبر ٢٠٢٦
@Sara Abdel الحمدلله انا عملت كدا فعلا
تم النشر الاثنين، ٢ نوفمبر ٢٠٢٦
@شهد صبري والله انا عايز اقولك انا بقيت مرتاح نفسيا من وقت ما بعدت عنه لان المشكلة ال حصلت اول مره معرفتش انساها الصراحة و حاولت اتغاضى عن شعوري دا بس لما لقيت الموقف اتكرر تاني مش سكتله و حقيقي انا بحمد ربنا اني بعدت
تم النشر الخميس، ٢٩ أكتوبر ٢٠٢٦
اللهم امين يارب @عثمان حمزة 🤍🤍
تم النشر الاثنين، ٢٦ أكتوبر ٢٠٢٦
لعرض السؤال في فدني اضغط هنا