كنت عاوز اتعرف على بنت بس انا مش اجتماعي زي اصحابي مش عارف اتكلم ولا اقول اي حاجه خالص
قبل إى شئ عايز اقولك سؤال بسيط جداً و أنا متأكد ردك هيكون بالنفي بس هسأل هولك برضوا، هل أنت ترضى آني اكلم اختك أو والدتك أو عمتك أو خالتك أو بنت خالتك أو بنت عمتك أو ستك في نطاااق التعرف زي ما أنت عايز؟ ما العلم انها مش تبقى تعارف بس ولا، ولا عمرها كانت تعارف بس، كلنا عارفين الكلام اللي بيتقال بين الولد و البنت، كلنا عارفينه صح ولا إى؟ فعايزك تفكر و تقولي هل ترضى ولا لأ. # أولاً كل واحد فينا بيجله الشعور اللي عندك دلوقتي، ألا و هو إحساس ان الواحد عايز يتعامل مع الطرف الآخر، الواحد زهق من التعامل مع الرجال عايز انسه بقى كده كتير، صح مش كده؟ إى واحد فينا حتى اصلحنا و افضلنا و اقومنا بيجيله الإحساس ده و الرغبة في كده. و كمان عايز أنت لو مقتنع إن الطلب اللي أنت طالبه ينفع يتطلب مكنتش مثلاً عملت سؤالك بشكل مجهول (اصلك عايز تتعرف على بنت) هيا بقى تتعرف عليك ازاي و أنت عامل السؤال بمجهول الهوية 😂😂، مخاويين هما ها 🤣، أنت يا صديقي مش مش عارف تتعامل معاهم أنت بس عارف أنه مينفعش علشان كده لما بتيجي تتعامل معاه ضميرك بيأنبك و بتبقى خائف لأنك في الأول و في الآخر بتعصي الله. فأنا مش عايزك تفهم رد الأنسة المحترمة انها مثلاً بتقولك أنت غلط بشكل شديد هو بس مينفعش، لأ هيا بس قصدها تقولك رب العالمين حرم عليك كده و قالك متقربش من الحاجة دي و الحلال هو الجواز غير كده لأ و التعامل يكون بحدود، ده كان قصدها فاتمنى ميكنش ردها مؤذي ليك. ثانيا، مفيش حاجة أسمها أنا مش اجتماعي زي اصحابي، هو أصلاً أنت لو مش اجتماعي أزاي عندك صحاب 😂😂🤣، سؤال منطقي صح؟ خليني اشرحلك، محدش فينا اجتماعي بالشكل الكامل ولا انطوائي بالشكل الكامل، كلها فروق فردية و كل واحد فينا عنده جزء انطوائي و جزء اجتماعي و احنا اللي بنختار نخلي انهي جزء اكبر من التاني. ثالثًا، صحابك اللي بتشير إليهم في الرسالة لو هما فعلا ماشيين بالنهج ده و بيتعاملوا مع الآنسات بالشكل ده، فانت دورك تنصحهم و تتكلم معاهم و تعرفهم غلطهم ولو مرضيوش مش هقولك اقطع علاقتك بيهم بس هقولك قلل احتكاكك معاهم لأنهم كده صحبه سوء هتضرك و هتشدك للغلط فقط. هسبلك صور تحت ممكن تفيدك. ملحوظة كلمة تسكن اللي هتلاقيها في الصورة تحت ديه مش هتيجي إلا بالجواز فقط. اتمنى يكون في إفادة...
تم النشر الجمعة، ٩ أكتوبر ٢٠٢٦
تتعرف على بنت ؟!!!!!! إنت ما تعرفش إن اللي إنت بتتكلم فيه ده حرام . طبيعي إنك تكون بحاجه لبنت لتفريغ مشاعرك اتجوز وعف نفسك الحلال أفضل بكتيير
تم النشر الجمعة، ٩ أكتوبر ٢٠٢٦
@.. .. مع كامل احترامي لحضترك و ردك،،، لكن كان في طريقة افضل و اصح من كده نفهم الراجل الطيب فين الغلط و ليه هو غلط و إى اصح يتعمل، مش نهول الموضوع و نخليه جريمة 😂😂😂... هو لو مش عارف أنه غلط مكنش عمل السؤال بهوية مجهولة... فاتمنى لو ينفع يعني حضرتك تاخدي بالك، أصل ديه مشاعر وربنا سبحانه و تعالى لما كلم سيدنا النبي على أذي مكة و الطائف مقالوش ولقد نعلم أنما يضيق جسدك من أذاهم لأ قاله "ولقد نعلم أنما يضيق صدرك بما يقولون"... ربنا يجعلنا سبب من أسبابه في مساعدة الناس إن شاء الله.
تم النشر الجمعة، ٩ أكتوبر ٢٠٢٦
لعرض السؤال في فدني اضغط هنا