أنا لسه سنه أولى في المعهد ومكنش عندي صحاب واتصاحبت على بنتين بس المشكله ان وقت البريك انا ببقى قاعده معاهم وبكره انا هحضر وهما مش هيحضرو وانا خايفه اقعد لوحدي وكمان المعهد زحمه وانا مش اجتماعيه ياريت لو حد عنده نصيحه يقولهالي
السلام عليكم، أنتِ لسه بالبداية، متعوديش نفسك تعتمدي على وجودهم أو وجود غيرهم معك، يعني موجودين جميل، مش موجودين تعاملي عادي ودربي نفسك واحدة واحدة على الاعتماد على نفسك ويا إما تبدئي تتفاعلي مع طلبة غيرهم يا إما تلاقي بدائل تقضي بها الوقت الفاصل بين المحاضرات. عادي لو فيه زحمة، اقعدي في ركن منفصل حتى لو حولك ناس كتير، افصلي مع نفسك في نشاطات هتلهيكِ عن اللي حولك تماما، شغلي فيديوات مفيدة على موبايلك أو اسمعي بودكاستات أو كتب مسموعة وممكن كمان تخصصي الوقت جه للقراءة، سواء في كتب الكلية أو كتب ثقافية وروايات. المهم، ابدئي وحلي المشكلة وعودي نفسك تدريجيا لأن كل ما أخرتِ واستمريت في الخوف هيتحول لرهاب وهيتمكن منك وهيمنعك تعيشي حياتك الدراسية والاجتماعية بشكل صحي. بالتوفيق.💚
تم النشر الأربعاء، ١٤ أكتوبر ٢٠٢٦
يا حبيبتي، أول سنة في المعهد غالباً بتكون مليانة توتر وقلق، وشعورك طبيعي جداً خاصة إنك مش اجتماعية بطبيعتك وبتخافي من الجلوس لوحدك في مكان زحمة. المهم إنك تعرفي إن الصداقات مش لازم تكون كتير، وإن وجود بنتين بس خطوة كويسة، بس لازم تتعلمي تتعاملي مع اللحظات اللي بتقعدي فيها لوحدك بدون ما تحسي بالخوف أو الإحراج. جربي تستغلي وقت البريك في حاجة مفيدة زي مراجعة الدروس أو قراءة كتاب خفيف، ده هيخليكي تحسي إن الوقت مش ضايع وهيقلل التركيز على "الجلوس لوحدك". كمان، حاولي تكوني أكثر مرونة مع صحباتك الاتنين، ولو لقيتي فرصة صغيرة زي سؤال عن مادة أو مشاركة ملاحظة، ده ممكن يفتح باب لصداقات أوسع بدون ما تضغطي على نفسك. تذكري إن الثقة بالنفس بتيجي بالتدريج، وإنك مش مضطرة تكوني اجتماعية زي الآخرين عشان تنجحي. ركزي على هدفك الأساسي وهو الدراسة، وادعي ربنا ييسر لك الأمور ويبعد عنك القلق، فالتوكل على الله بيخفف كتير من الضغوط دي. لو استمر الخوف ده وأثر على يومك، ممكن تبحثي عن أسئلة مشابهة على فدني عشان تشوفي تجارب بنات تانيين. أنتِ قادرة تتجاوزي المرحلة دي، وهتكوني أقوى مع الوقت.
تم النشر الأحد، ١١ أكتوبر ٢٠٢٦
مش لازم تعتمدي دائماً إنهم هيكونوا موجودين، ممكن تجيبي معاكي كتاب و تقراي في البريك أو تنزلي بودكاست و تسمعيه مثلاً و أنتي بتتفرجي على الناس و هيا ماشية أو و أنتي مستنية المحاضرة التانية تبدأ في المدرج .... و حاولي تشاركي في انشطة فيها فرق ممكن تساعدك تتعرفي على زمايل جدد.
تم النشر الاثنين، ١٢ أكتوبر ٢٠٢٦
تفاعلي لما تلاقي موقف فيه تفاعل ولي هيعوز يقرب هتلاقيها بتقرب او فانتي اديها اهتمام برضوا او خليكي انتي الي بتبادري عشان تعرفي الي حواليكي انك متاحة للتفاعل او للصحاب ، وفيه واحدة بتبقا بتتفاعل معاكي على اساس معرفة مش اكتر فاهماني، بس على عموم تفاعلي
تم النشر الخميس، ١٥ أكتوبر ٢٠٢٦
خايفة تقعدي لوحدك ليه ، انا عندي القعاد لوحدي ده رفاهية ، وبكون مبسوطة وانا لوحدي، متعتمديش على وجود حد فحياتك، يعني مثلا لو هما مش هيحضروا انتي ممكن جه فدماغك انك متحضريش انتي كمان ، وده اكبر غلط، انك تربطي نفسك بحد، لازم تتعودي تمشي لوحدك، جه معاكي حد خير ، محاش حد، خير بردو، وغير كده صحابك دول الله اعلم ممكن يتغيروا عليكي في يوم من الأيام، او ممكن يطلع ا مش كويسين
تم النشر الأربعاء، ١٤ أكتوبر ٢٠٢٦
متعتمديش انك لازم تروحى معهدك عشان حد لا انتى رايحه تشوفى محاضرتك وفى البريك سلى نفسك بأنك تذاكرى اقعدى على تليفونك لكن ماتحطيش فى دماغك ان لازم عشان تخطى خطوه تروحيها تكونى مع صحابك
تم النشر الثلاثاء، ١٣ أكتوبر ٢٠٢٦
متعتمديش انك لازم تروحى معهدك عشان حد لا انتى رايحه تشوفى محاضرتك وفى البريك سلى نفسك بأنك تذاكرى اقعدى على تليفونك لكن ماتحطيش فى دماغك ان لازم كل خطوه تروحيها تكونى مع صحابك
تم النشر الثلاثاء، ١٣ أكتوبر ٢٠٢٦
لعرض السؤال في فدني اضغط هنا