عاوزه احكي مشكله بتواجهني مش عارفه المشكله فياا ولافي الشخص اللي معايا عندي 22سنه ومرتبطه بشخص هو كويس جدا ومحترم بس انا دايما بشك ان هو بيتكلم مع حد تاني رغم ان محصلش اي حاجه تدل ان في حاجة
هو دايما يقولي ليه شايفني على طول ان انا خاين ومش كويس رغم ان مفيش حاجه اصلا وعلي طول بنتخانق بسبب الموضوع ده هل ده عادي ولا دي حاجه نفسيا فياا انا 🙂🙂🙂🙂🙂🙂🙂🙂🙂
قبل إى شئ مش عيب اننا نبقى خايفين نخسر حد فبنتمسك بيه أوي عن طريق اننا من أقل حركة أو نفس نبقى متحاملين أو بنفكر بزيادة في إى ممكن يحصل، لكن اللي مينفعش فعلا هو اننا نخلي التمسك ده يخسرنا الشخص اللي قدمنا، فلازم نخلي بالنا جداً لأن على قد ما الحضن كويس ولكن لو كان شديد ممكن يعصر اللي قدامك بيه. -- أنا دائماً بشك فيه انو بيخوني: بصي ده لهو اسباب كتير، يعني إى أنا مريضة أو حاجة؟ لأ لأ أنتي زي الفل لا تقلقي، امال إى الاسباب؟ تعالي معايا و هقولك: ممكن حضرتك تكوني بتفتحي السوشيل ميديا كتير فانتي شوفتي مواقف كتير لخيانة الشباب فمن إى حركة بسيطة من خطيبك شايفاه بيخونك. ملحوظة النقطة السابقة تطبق على حاجات كتير زي مثلاً الفرجة كتير على الافلام أو المسلسلات و هكذا أو التعامل مع الناس. و ممكن يكون السبب أنك تعرضي لموقف قبل كده لسا مأثر فيكي و مخليكي حاسة بعدم الامان فده برضوا بيطلع على خطيبك. و ممكن يكون فعلا فيه حاجة غلط، يعني إى؟ يعني اصلك هتحسي بكده ليه ممكن يكون فيه إن في الموضوع و ممكن والله أعلم خطيبك بيعمل حاجة(خلي الفكرة دي آخر حاجة، بلاش تكون المبدأ الاساسي) طيب كده عرفنا إى اللي ممكن يكون السبب، طيب إى الحل بقى؟ الحل هو أنك تثقي فيه، ما أنا واثقة فيه بس هو الاحساس بيجيلي كده, لأ أنا قصدي ما بقولك تثقي ليه هو أنك تثقي فيه فعلا، بمعنى مثلاً لو جالك الإحساس ده كلمي نفسك و قولي طيب هو هيخونك ليه؟ لو عايز يخونك أصلاً هيكمل ليه؟ طيب هل هو قدامة إى علمات تدل على الخيانة؟، كلمي نفسك كده و اقعدي اسألي نفسك الاسئلة دي و جاوبي عليها، و مع الوقت الفكره دي هتروح. طيب حاجة مهمة جداً عايز احذرك منها، أنتي في فترة الخطوبة فتعاملي بجدية و خلي بالك إن الخيانة ده اتهام خطير، و مع الوقت ممكن هو يضايق من كده علشان في الأول و في الآخر كلنا عندنا طاقة و بتخلص في الآخر، فأحذري. وبس اتمنى يكون في إفادة...
تم النشر الثلاثاء، ٣ نوفمبر ٢٠٢٦
حاولي تسيبي الافكار دي عشان ممكن العلاقه تتدمر بسببها، المشكله مش فيكي دا عادي اي حد مخطوب بتجيلو الوسواس دا، طول ما مش معاكي دليل ف طنشي ولو حابه تتأكدي يا ستي اعملي اكونت فيك وادخليله بس ملوش لازمه يعني، دا لو حابه تريحي ضميرك
تم النشر الجمعة، ٦ نوفمبر ٢٠٢٦
جوابي في نقطتين: أولا ... لو انتو مخطوبين لبعض فمينفعش التكهن والتشكيك من أولها طالما مفيش دليل على الخيانة فلا ترهقي نفسك بالتفكير والشك .. ولازم خطوبتكم تكون منضبطة بضوابط الشرع ثانيا.. لو ارتباطكم ده مفيش خطوبة ولا زواج يبقى هنا نحط ألف خط وخط ... اي علاقة بين الجنسين خارج إطار الزواج يبقى العلاقة دي حرام فلازم تفهمي كده مفيش حاجه اسمها ارتباط اصلا دي علاقات غير مشروعة كلها الحل اتقي الله وعيش حياتك بعفاف واقطعي العلاقة دي كفاية الوقت اللي قضتوه مع بعض في المعاصي
تم النشر الأربعاء، ٤ نوفمبر ٢٠٢٦
عايز احاول افيد حضرتك لكن الأول، حضرتك ذكرتي كلمة مرتبطة، إى هو مفهوم الارتباط هنا يعني مثلاً خطوبة ولا إى بظبط؟(للعلم مفيش حاجة أسمها ارتباط خارج نطاق الخطوبة)
تم النشر الثلاثاء، ٣ نوفمبر ٢٠٢٦
متحاوليش انك تتاكدي لان دا هيتعبك نفسيا ومن حيث الشك ف معظم البنات كدا
تم النشر الأربعاء، ٤ نوفمبر ٢٠٢٦
خطوبه حاولي سنه بظبط
تم النشر الثلاثاء، ٣ نوفمبر ٢٠٢٦
لعرض السؤال في فدني اضغط هنا