انا شاب و بدأت اشتغل ف مكان جديد و المكان فيه شباب و بنات دايما حاسس ان كل الي موحودين حاطني ف دماغهم وديما بيقفولي ع الواحدة وانا بدأت أتعب نفسيا ايه حل الهبل ده
مع العلم ان الشباب اكبر مني بحوالي 10 سنين و البنات تقريبا قدي الي هو متوسط أعمارهم 25 سنة
احل الموضوع ده ازاي وانا مش في وضع اني اسيب الشغل ده والمدير مطريلها خالص
قبل إى شئ عايز افهمك أنا مقدرش احكم على الموقف من غير ما اشوفه أو حتى اتكلم معاهم على الأقل، لكن هحاول على قد ما اقدر افيدك بناءً على كلامك و تجربتي، و اسرع و أفضل و احسن حاجة أنت ممكن تعملها هو أنك تتكلم معاهم و تقولهم احساسك، مش شرط تتكلم معاهم كلهم يعني ممكن لو شخص بعينه أنت شايف أنه ثقة و باين عليه أنه ثقة فتقدر تتكلم معاه و تفهم منه ليه هما واقفين علي الواحده. -- أنت قولت هنا أنك لسا جديد في المكان و الآنسات في سنك و الشباب اكبر منك، يعني بالمعنى أنت اصغر شاب ما بينهم، ممكن و والله اعلم يكون مثلاً أنت فعلا بتغلط غلطات تخليهم يشتغلوا هما شغل زيادة علشان كده بتلاقي ردود فعلهم اوڤر (لو ده هو الوضع يبقى الكلام معاهم ملهوش لازمة، كلم مديرك على طول لأنك المفترض اسمك جديد و لازم يتعاملوا بشكل أفضل من كده) أو ممكن مثلاً بسبب انك لسا جديد فبيعاملوك بحذر و الحذر ده جاي بتركيز منهم لشغلك(لو ده هو الوضع ممكن تتكلم معاهم و تحاول تخليهم في صفك بكلامك و روحك) و ممكن برضوا يكون الموضوع مش مبالغة منهم ولا حاجة و أنت بس مستصغر الموقف(لو ده هو الوضع فلازم تحسبها من تاني و تحاول تتكلم معاهم بحيث هما يكلموك اكتر) الاحتمالات كتيير جداً و لكن اغلبها ممكن يتحل بأنك تتكلم معاهم و تحاول تفهم ليه بيعاملوك كده و بكده هتريح دماغك و دماغهم. -- أنت قولت في اخر سؤالك، إن المدير مطريلها!، لو قصدك هنا مثلاً إن المدير بيعدي للبنات اللي هما اسلوبهم معاك مش لطيف معام، فهنا الحل الانسب مش الكلام، الحل الانسب من انك تعمل شغلك وبس و تقلل احتيكاكك بيه و تحاول تلاقي شغل تاني، لأن المدير اللي بيعامل البنت احسن من الولد علشان بس هيا بنت، فده شخص مش تما. -- ملحوظة لو في إى تعدي من إى بنت عليك بلاش تكلم معاها و كلم مديرك و قوله يخلي فلانه تخلي بالها من كلامها معاك، لأن في الغالب الكلام معاهم مش بيجيب بنتيجة. -- حاول تعمل لنفسك مقام وسطهم، يعني إى؟ المثل بيقول لكل مقاما مقال، مش لكل سن مقال فحاول تخليهم يحترموك لذاتك عن طريق أنك تظهر اخلاقك و اسلوبك الحسن. وبس اتمنى يكون في إفادة...
تم النشر الأربعاء، ٤ نوفمبر ٢٠٢٦
أولاً، أنا فاهمة إنك شاب جديد في شغل وبتحس إن الكل بيركز عليك وبيحطك في دماغه، وده بيأثر عليك نفسياً، خاصة إنك مش قادر تسيب الشغل. ده شعور طبيعي في البداية، لأن الانتقال لمكان جديد بيخلي الواحد حساس أكتر للنظرات والكلام، ومع اختلاف الأعمار (الشباب أكبر منك والشبابات في سنك) ممكن يحصل سوء تفاهم أو شعور بالغربة. خلينا نفكر في حلول عملية وواقعية تناسب وضعك. ابدأ بتقييم الموقف بهدوء: هل اللي بتحسه حقيقي ولا جزء منه توتر طبيعي من التغيير؟ جرب تسجل ملاحظات يومية بسيطة عن المواقف اللي بتحصل، عشان تميز بين الواقع والإحساس. بعد كده، ركز على أدائك في الشغل نفسه، لأن المدير مش مهتم، فأفضل طريقة تحمي نفسك هي تثبت قيمتك من خلال الإنجاز. حاول تكون مهني جداً في تعاملك مع الجميع، ما تدخلش في نقاشات شخصية زيادة عن اللزوم، ورد على أي كلام بابتسامة مهذبة وموضوعية. من ناحية نفسية، مارس أنشطة بعد الشغل تساعدك تفرغ الضغط، زي المشي أو الرياضة الخفيفة أو حتى قراءة قرآن وتذكر إن الصبر والتوكل على الله بيخففوا الهموم. لو لقيت فرصة، اتكلم مع مديرك بطريقة إيجابية عن احتياجك لدعم في التكيف مع الفريق، بدون ما تلوم حد. ولو استمر الشعور ده وأثر عليك أكتر، فكر في استشارة متخصص نفسي لو أمكن، عشان تتعلم تقنيات تتعامل بيها مع القلق الاجتماعي. في النهاية، أنت قادر تتجاوز المرحلة دي، والشغل ده فرصة تبني خبرة. جرب تبحث عن أسئلة مشابهة على فدني عشان تشوف تجارب ناس تانية، ولو عايز تتكلم أكتر عن خطوات محددة أنا هنا.
تم النشر الثلاثاء، ٣ نوفمبر ٢٠٢٦
@Kamal saied حقيقي مش قادر افهم هم ليه حاطني ف دماغهم من اول يوم شغل وهو كدا هل طبيعي يبقي في ناس بالمنظر ده وناس قابلتها الموقف ده وقدرو يتعاملو معاهم، مجال شغلي العدسات الطبية
تم النشر الثلاثاء، ٣ نوفمبر ٢٠٢٦
عايز احاول افيد حضرتك بس عندي سؤال الأول لو سمحت، حضرتك شايف ليه هما حاطينك في دماغهم و واقفين ليك على الواحدة، و إى هو مجال شغلك؟
تم النشر الثلاثاء، ٣ نوفمبر ٢٠٢٦
لعرض السؤال في فدني اضغط هنا