عليكم السلام ورحمة الله و بركاتة قبل أي شيء عايز أقولك آيتين من القرآن و سؤال، إن شاء الله مجرد ما تقرأي الآيتين هتفهمي أنا عايز أقول إى و السؤال هيبينلك أنتي ليه مختلفة عنهم، بس قبل ما اقولهم عايز بس أقول حاجة، ما شاء الله باين على حضرتك من طريقة الكلام الوقار و الاحترام و كمان بتعرفي تصيغي كلامك بطريقة جميلة من غير ما يكون فيه حساسية من نوع ما ( يعني ساعات لما تقرأ سؤال حد أو تعقيب حد، تقول في نفسك هو بيتكلم كده ليه هو ليه بيقول كذه كذه كذه، لكن أنا بقالي فترة مشوفتش حد بيكتب حاجة بالشكل ده فما شاء الله عليكي و ربنا يخليلك والديكي، باين عليهم احسنوا التربية). أولاً الآيتين: ﴿وَهُوَ الَّذِي جَعَلَكُمْ خَلَائِفَ الْأَرْضِ وَرَفَعَ بَعْضَكُمْ فَوْقَ بَعْضٍ دَرَجَاتٍ لِّيَبْلُوَكُمْ فِي مَا آتَاكُمْ﴾ [الأنعام: 165] ﴿وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ﴾ — البقرة: 216 ثانيا السؤال: تفتكري ليه ربنا حطك في الموضع ده؟ ليه مثلاً مثلاً محطكيش مكان واحدة من رفيقاتك؟ ( حاولي تفتكري في الاجابه مع نفسك مش شرط تجاوبيني، حاولي كده تبصي على الآيتين المذكورين فوق و بعدها تجاوبي مع نفسك) لكل واحد في الدنيا ديه دوره و رزقه و حياته و أهله و حياته بختصار، محدش فينا شبه التاني، محدش فينا بياكل نفس الأكل( هو فعلا ديه حقيقة لكل بيت طريقة مختلفة في طبخ نفس الأكل محدش بيعمل أكل زي التاني)، طيب إى الحكمة في كده؟ الحكمة في كده بتختلف من شخص للتاني؛ و لكن محدش بيدرك فين الحكمة غير لما بيتدبر في معاملة ربنا معاه في اللي بيخليه يشوفه و اللي مش بيخليه يشوفه. ليه هما أحسن مني مع اننا عايشين في نفس المكان؟ أولاً مش معنى أنهم جابوا درجات أعلى منك أو اتعملهم تمثال في الشارع أو حتى طلعوا على الهواء يخليهم أحسن منك في حاجة، كل ده نظرة دنياوية محبطة، محدش فينا أحسن من التاني إلا بتقوى الله. طيب أنا ليه مش زيهم؟ و هما أحسن منك في إى؟ النت عندك مليان شوفي نفسك تتعلمي إى و اتعلميه و بأقل تكلفة أو ببلاش كمان ( في منصه اسمها ينفع عامله عرض اشتراك سنة ب 400 جنية بس، فيها كورسات لغات و برمجة و حاجات كتير جداً)، مش مهم هما بيعرفوا يعملوا إى ولا ربنا خلاهم يعملوا إى، المهم احنا عايزة تشوفي غيرك وصل لأي علشان تشجعي نفسك تكملي مش عيب و حتى لو هتروحي تسأليهم شخصيا هما عملوا كده ازاي عشان تحسني من نفسك مش عيب ولا يقلل منك. طيب اتعامل مع الشعور بالتأخير ده أزاي؟ بصي هو ردي هيكون غريب لكن أحسن طريقة تتعاملي بيها مع ده هو شكر الله عليه! زاي يعني؟ افتكري إن كل حاجة مكتوبة و كل حاجة حصلت هيا تدبير من ربنا ليكي( هل رب الخير يأتي بشى إلا و كان خير؟) و هل في تدبير أحسن من تدبير ربنا؟ أكيد لأ فاشكري ربنا في صلاتك و اعرفي إن كل اللي احنا فيه ده حكمة مش ممكن لو كنتي مكان زميلتك اللي طلعت على الهواء كنتي مثلاً قولتي كلمة كده ولا كده خلت أحد ما لا يستحق يضايقك طول عمرك؟ لو هنخش في أسأله مش يمكن ديه هنلف الكوكب كله، فهسيبك أنتي تفكري في كلمة مش يمكن مع نفسك مع كل حالة من اللي ذكرتيهم فوق. أخيرا أنا خدت بالي أنك شايفة الجزء الخارجي ( الإنجازات )، جربي في مره تشوفي حياة من حياة رفيقة واحدة من رفيقاتك، لو واحدة منهم مقربة ليكي و ينفع تزوريها، روحي و زوريها من الوقت للتاني أو خليها تكلمك عن حياتها و ركزي في كل نقطة و هتعرفي ليه ربنا مخلكيش مكانها أو زيها. أنا عارف اني طولت بس هقول آخر حاجة فعلا، فكرة اننا نبص للناس و نزعل لو هما كانوا في مكانة احسن و معيشة احسن أو إى كان المستوى بس هما احسن مننا فيه، و لكن لما الواحد يفتكر اننا بنتحاسب على أقل شيء و يعرف إن ربنا بينا رؤوف و إن كل اللي بيحصل ده لطف من ربنا و يفتكر سورة الكهف هيعرف إن الواحد في نعمه و هيركز في نفسه، أنتي مش مطالبة بليه هما أحسن منك، أنتي مطالبة بأنتي هتعملي إى في حياتك، و صدقيني والله مع احترامي ليكي و لكل الآسات و البنات و السيدات الا إن من رأي و من رأي الإجماع إن الأفضل للبنت هو بيتها، تركز على بيتها و معيشتها و اهلها و زوجها و اطفالها مش أي حاجة تاني، شخصيا أنا شايفك أحسن منهم لأنك في بيتك مش بتخرجي مش بتروحي هنا ولا هناك و ده هو الصح، يعني لو في خروجة جماعية بتروحي مع الاهل لكن لو مفيش بيتك افضلك و ده اللي اخدت بالي من كلامك و صدقيني تاني ده افضلك و تقدري تبحثي و تسألي كمان. هسيبلك صور تحت اتمنى تساعد و لو بشئ بسيط. وفقط أتمنى يكون في إفادة ...
معذرة إن الجزء القصة مكانش واضح، قصدي بيه هو آخر جزء أنتي قولتيه، اللي هو أنا مقتنعه ايوا إن الحياه للبنت في بيتها أفضل لأنها أساس الأسرة لكن ده ميمنعش إلى اخر كلامك، هنا أنا مكنتش بقول القصة بحد ذاتها أنا كنت بستشهد بالأسلوب اللي ربنا سبحانه و تعاله استعمله مع سيدنا النبي ألا و هو أنت من حقك تاخد حقك ايوا بس خود بالك لو عملت كذه احسن و افضلك..... على موقفك أنتي بقى؟ أنتي من حقك تعرفي كل حاجة فعلا بتحصل حواليكي، لكن في حاجات معرفتها إضاعة للوقت و المجهود و الوعي فيفضل لو متركزيش فيها، بس ده اللي قصدته اتمنى يكون اوضح كده
تم النشر الأربعاء، ٧ أكتوبر ٢٠٢٦
فعلاً حاولت بكل الطرق اشوف العلاقة بين القصة اللي حضرتك استشهدت بيها و بين الكلام اللي بقوله و معرفتش اوصل لطريق واضح ، و زي ما قلت في حاجات كتير حوالينا تافهة حالياً العلم بها و من عدمه زي بعض ، الموضوع صعب جداً و معقد و الحياة كلها كده الصراحة ، عامتاً ان شاء الله خير ربنا يوفقنا جميعاً.
تم النشر الأربعاء، ٧ أكتوبر ٢٠٢٦
حاجة تانية علشان تحسبا لو كلامي مش واضح، خليكي واعية باللي حواليكي ايوا، لكن مش لازم تكوني واعية بالتفاهات اللي متداولة من هنا و هناك و اولها الترندات، و مش لازم نكون واعيين بجارنا أو قرايبنا بيعملوا إى، الدنيا كل ما كانت بسيطة كل ما كان افضل لأن في الأول و الآخر أحنا عابرين سبيل زي ما سيدنا النبي نصحنا نتصرف زي الغريب أو عابر السبيل........ ملخص الوعي شئ جميل لكن في أمور الوعي فيها مُضر بينا و بل حوالينا.... ربنا يوفقك لما يحب و يرضاه إن شاء الله
تم النشر الأربعاء، ٧ أكتوبر ٢٠٢٦
المقصد في حاجات ايوا محبب تتعمل، و في حاجات مش محبب لأ يفصل لو تتعمل لأنها أفضل و أحسن
تم النشر الأربعاء، ٧ أكتوبر ٢٠٢٦
بخصوص آخر جزء أنتي قولتيه هقولك اسلوب جميل جداً ربنا سبحانه و تعالى بيعمله معانا و كان أول حاجة ظهر عليها هيا مع سيدنا النبي و هند بنت عتبه و عمه سيدنا حمزة رضي الله عنه، طبعاً كلنا عارفين القصة ألا و هي بختصار في غزوة أحد مات و أخذ إلي مكة و هند بنت عتبه عملت عملتها علشان تغيظ سيدنا النبي...... هنا بقى يجي موقف سيدنا النبي، اتعصب، و كان هيجهز جيش و يروح ينتقم و ده حقه ولكن نزل قول الله ألا و هو ....﴿وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ ۖ وَلَئِنْ صَبَرْتُمْ لَهُوَ خَيْرٌ لِّلصَّابِرِينَ وَاصْبِرْ وَمَا صَبْرُكَ إِلَّا بِاللَّهِ ۚ وَلَا تَحْزَنْ عَلَيْهِمْ وَلَا تَكُ فِي ضَيْقٍ مِّمَّا يَمْكُرُونَ﴾ [النحل: 126–127] ......... لاحظي هنا ربنا قال سيدنا النبي إي؟ حقك و روح خد حقك و لكن لو صبرت فده خير ليك و أفضل..
تم النشر الأربعاء، ٧ أكتوبر ٢٠٢٦
شكراً لرد حضرتك و لملاحظتك و علي الصور المفيدة الحمد لله و هشوف طريقة احفظها بيها، احياناً الواحد من وقت للتاني بينسي حاجات تكاد تكون بديهية (و ده اللي لاحظته و انا بقرأ الكلام اللي كتبته أمبارح و الردود علي سؤالي) و بيحتاج ان حد يفكره بيها من وقت للتاني ، و اعتقد ان ما شاء الله الردود كفت و وفت بزيادة و هحاول اقرأها من وقت للتاني ، أما بالنسبة لأخر جزء فانا فعلاً شايفة كده ان الافضل للمرأه بيتها فعلاً و ان ده أهم دور في حياتها و اهلها لأنها أساس الاسرة لكن مش معني كده اني اكون مُغيبة عن الواقع و الحياة عامتاً و كل جديد بشكل كلي او جزئي و ده جزء من الاحساس اللي كنت حاسة بيه معرفش حضرتك ممكن تفهم مقصدي او لأ .
تم النشر الأربعاء، ٧ أكتوبر ٢٠٢٦
لعرض الإجابة في فدني اضغط هنا