قبل إى حاجة عايز احيكلك موقف اتقال في فيلم كده كالاتي: تخيلي إن في بنت في اوضة فيها 10 شباب و كلهم مهتمين بيها و كلهم مستنيين غمزة بس من عيونها او لمحة (حاجة لله ونبي 😅) و هيا مش مدياهم إى اعتبار ولا مهتمة، لحد ما يدخل الشاب رقم 11 و يكون فعلا مش مهتم ولا في باله أصلاً 😃، ولا كأنها موجودة من الأساس، كلامة مش منمق ولا فارق معاه وجودها أصلاً، هنا البنت لازم تنجذب للشاب ده، لأنه "الفعل الشذ"، هو مش قاصد يجذبها ولا هيا قاصدة تعجب بيه لكن إى حاجة خارجة عن العادة دائماً و أبدأ بتشدنا مهما كانت إى هيا. واضح جداً قدامي أنك عارفه كويس ليه مينفعش اللي بيحصل و ليه لازم يقف علشان كده أنتي بتسألي من الأساس، مش هقولك مكنش لازم تعملي كذه و كذه، لأ لأ خالص اللي حصل حصل، و لكن المهم دلوقتي. طيب الحل إى أنا تعلقت بيه جداً، خليني أقولك قصة حد حكهالي، مره واحد قالي يا كمال أنا اتعرفت على بنت من لعبة و فضلت معاها لمدة اسبوع و لكن لو حلفتلك انهااا أنا بس على شكل بنت مش هتصدق لدرجة آني ضعفت قدامها نفسياً و مبقتش قادر اخبي على نفسي حاجة(كان بيقول عليها نفسه علشان هيا فعلا من الصفات اللي قال عليها هيا فعلا كانت هو علشان هو لو كان بنت كان هيبقى زيها)، بعد الأسبوع ده هو قالها اللي بنعمله ده مش صح و كده احنا بنهلك في نفسنا ممكن رقم والدك؟، محبش فكرة انه هيكمل كده حتى و هو عارف كويس أنه مش هيغلط أو مش هيتخطى لحدودة و لو فكر البنت اللي قدامه مش حد غريب ديه هو و هتحرجة جاامد جداً فكان عارف هو رايح على إى فدخلها في الموضوع على طول و الحمدلله قالهالي بنفس مكسورة محصلش نصيب لأن البنت كان عندها شوية مشاكل منعاها تخليه يكلم ابوها علشان يتقدم فهو مقبلش بامر الواقع الصراحة و كلمها مره و اتنين و تلاته و احرجته مره و اتنين و تلاته لحد ما عمل حركة بسيطة مكنش متأكد أصلاً انها هتبعتله بسببها لكن لما بعتتله و حاول معاها تاني نهى الوضع و قالها يا فلانه أنا زهقت و مش هستنى تاني ولا هشيل آمل من آنك في يوم ما هترجعي و بس كده خلص كلامة و حد نقطة للقصة دي و قالي مبقتش افكر فيها زي الأول و أنا هتوكل على الله و هسيبها على الله، يعني ببساطة محبش يدخل في الدوامة الطويلة دي. إى المغزى من القصة دي معلش؟ المغزى هنا مش أني احبطك ولا أقولك أنو غلطان، لأ المغزى هنا إن اللي ليكي هيكون ليكي و لو اجتمع اهل الأرض علشان يغدوه منك و اللي مش ليكي و أنتي عايزاه ليكي لو ملكتي الكون و ما فيه في كف ايدك مش هيبقى ملكك، هيا ديه سنة الحياة و سيدنا النبي قالها لابن عباس " رفعة الأقلام و جفت الصحف" فخلاص كله مكتوب ( و كله خير كبير جداً و أحسن من اختيارنا كمان) طيب و بعدين اللي اقدر اقولك تعمليه دلوقتي هو هو نفس كلام استاذة ألاء ولكن بشياكة شوية، مش هقولك متقطعيش الأمل في إنه ممكن يجيلك لأ هقولك ادعي في صلاتك و كل ما تفتكريه ادعيله بالتوفيق و يسر الحال، و هو لو ليكي يبنت الناس هتشوفيه قاعد مع ولدك و بيقرأ الفاتحة. طيب لو مجاش خير يا بنت الناس الله اعلم مش يمكن لو كنتي كملتي معاه كانت حصلت مصيبة؟ مش يمكن كنتي اضايقتي منه جامد بعدين؟ مش يمكن يطلع اسلوبة مش عجبك بعدين؟ مش يمكن ديه كتيره أوي. طيب اعمل إى دلوقتي؟ بكل بساطة ادخلي امسحي رقمة و امسحي إى حاجة تخليكي تتواصلي معاه نهائي(بالمعنى الحرفي "نهائي")، و ركزي في حياتك و دنيتك و شوفي أمورك و اعرفي إن اللي شاريكي عمره ما هيكلمك على النت و حطي نفسك مكان بنتك و اختاري زي كأنك أم نيابة عن نفسك و هتعرفي قد إى مينفعش نحرق في مشاعر بعض من خلال النت أو العلاقات العاطفية الغير شرعية اللي ملهاش لازمة. و اعرفي إن الوقت مش بيقف لحد كملي للآخر و اللي فيه الخير دائماً و أبدأ هيطرق بابك، و تيقني بالله خير، رب الخير لا يأتي إلا بالخير والله. أخيرا حاولي تخلي التجربة دي تجربها نهائية بحيث أنك متدخليش ولا تتعاملي بأي موقف مشابة نهائي في المستقبل ولا تخلي نفس الأسباب تحصل و خلي دائماً التعامل بحدود مش معنى اننا عارفين أنو حرام و حطين حدود يبقى نعمله خلي بالك اجنا اللي عارفين مصيبتنا اكبر من اللي مش عارفين ﴿قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ ۗ إِنَّمَا يَتَذَكَّرُ أُولُو الْأَلْبَابِ﴾ [سورة الزمر، الآية 9] خلي بالك و ركزي علشان كلنا هنتحاسب لوحدنا محدش هيشيل شيلتك غير نفسك و اعرفي إن سيدنا النبي وصانا بيكوا تلات مرات فاللي مش هيبتغي الحلال كخطوة اوله معاكي مش عارف قيمتك وفقط. هسيبلك صور تحت ممكن تساعدك أو توصلك معلومة جديدة. وبس اتمنى يكون في إفادة...
المقصد من كلامي مش أنك ترني بالمعنى الحرفي، المقصد كان أنك تحطي حواجز قدام أنك تتواصلي معاه بشكل عام علشان لو حتى جيتي تضعفي يكون حتى التواصل معاه صعب فتكسلي أو تعرفي تلحقي نفسك.
تم النشر الثلاثاء، ٢٠ أكتوبر ٢٠٢٦
الكلام كان بينا رسايل بس مفيش مكالمات وانا استحالة اكلمه انا بعاني من أني عايزه اكلمه بس مش هكلمه
تم النشر الثلاثاء، ٢٠ أكتوبر ٢٠٢٦
نصيحة بما إنك حافظة رقمة تقدري تكتبي عليه مثلاً كلمة تفكرك أنك مترنيش و تخلي الوصل لرقمة صعب، زي مثلاً أنك تقفلي على رقمة بحيث كل ما تيجي تفتحية تروحي تدخلي على الخزنة و بعد الخزنة تشوفي كلام كتير و بعد الكلام الكتير تشوفي نقطة تانية تخليكي مترنيش و هكذا، أو تقدري تمسحي رقمة وبس و تعحطي زي نوته قدامك طول الوقت (في الشاشة الرئيسية في التليفون مثلاً) يكون فيها كلمة بسيطة تفكرك أنك مترنيش و متضعفيش.
تم النشر الثلاثاء، ٢٠ أكتوبر ٢٠٢٦
بالتوفيق و ربنا يوجهك للي لما يحب و يرضاه.
تم النشر الثلاثاء، ٢٠ أكتوبر ٢٠٢٦
بالله مش عارفة أرد بأي من حلاوة الكلام! جبت الناهية اتكلمت في النقطة اللي مصدعاني ومخلّياني فاقدة السيطرة بجد 😂❤️🩹 جزاك الله خير الجزاء، استغربت إن حضرتك مردتش، بس مكنتش أتخيل إنك هتكتب كل ده بجد. شكرًا جدًا. وأنا كمان هحط نقطة للقصة دي، هو أصلًا حاطط نقاط مش نقطة، وكل حاجة خلصت، وقالها: عايزك في الحلال، بس أنا اللي هبلة وبروح أبعتله. بس خلاص، فركش على كده، هعمل بكل حرف حضرتكم قلتوه، وإن شاء الله لو ضعفت هاجي أصدعكم، أعلش بقى 😩😂 هو والله مش علشان يعني اتنيلت على عيني وحبيته هقول كده، بس بالله كويس، مش بس كويس شخص تديلوا الامان من غير اي كلام ،وانا مش بقول كدا من فراغ ، انا اتحريت عنه لانه من محافظة وانا من محافظة تانيه خالص ، وبالله سمعت قصص كتير وشوفت، بس بالله نيته خير. وإن شاء الله مش هوصيكم، أول ناس هتحضر الفرح 😂😂 أمزح، نو فرح، بنسوي عمرة إن شاء الله 😂❤️ فعلاً، لو بنوتي عملت كده، أنا كنت هتلاشى في وقتها، وهيُغشى عليا، الموت فساعتها! الموضوع مش هزار، إحنا بنتكلم في جنة ونار. ربنا يهدينا جميعًا يا رب ويتوب علينا. رقمه مش بيتمسح، حافظاه زي اسمي 🙂😩❤️🩹 أصلًا بفكر أشيل التليفون خالص، هحاول، ادعولي بالله. والله ليسه ذنبي، لقد أجرم عليا قلبي بالحب، فشَارِب الحب لا يفيق أبدًا، ليتني ما ذُقته أبدًا 😩😩 آه، شوفت الصور، تحفةةة، سرقتهم 😂😂🙂 بدعيله دايمًا، بل بخلي كل الناس تدعيله، حتى ماما، بس مش بذكره هو كاسم، بالله ربنا يرزق بنات المسلمين حد في نقاء قلبه بجد، بس مش هتلاقوا، علشان أنا خدت النسخة الأصلية، مفيش منها تقليد حتى 😂😂😝😝 كفاية كده، متشكررررين، هفضل أدعيلكم دايمًا، جزاكم الله خير الجزاء، يا رب في الجنة إن شاء الله 🥺♥
تم النشر الثلاثاء، ٢٠ أكتوبر ٢٠٢٦
لعرض الإجابة في فدني اضغط هنا