عليكم السلام ورحمة الله و بركاتة قبل أي حاجة عايز اسألك سؤال مش عايزك تجاوبيني عليه عايزك تسأليه لنفسك، أنتي ليه أصلاً سايبه رأيه يأثر فيكي و هو ملهوش فرض رأي عليكي؟ علشان تعرفي تجاوبي على السؤال ده لازم تعرفي إن فترة الخطوبة ما ها إلا إشهار بالوعد إنه عايز يكمل دينه معاكي قدام الكل مش في الخفاء، و الوعد ما هو إلا مجرد كلام و ممكن قائل الكلام يعمل عكسه عادي جداً، و كمان عايز أقولك مهما شوفتي رد مني أو من غيري أو من مين يفضل لو تتكلمي مع اهلك قبل ما تاخدي اى قرار و تفكري بنفسك بشكل موضوعي برضوا. # أولاً، من الواضح جداً أنك بتتنازلي كتير علشانه و يهمك امره، بمعنى آخر في تعلق منك و ده مش عيب، العيب إن التعلق ده يبان قدامه بشكل يسمحله يأثر عليكي بالشكل ده، فخدي بالك كويس جداً من النقطة دي علشان أنتي بنفسك قولتي مكنتش بعمل كذه و دلوقتي بقيت بعمل كذه. # ثانيا، دلوقتي أنا هسألك سؤال لو أنتي كنتي مقتنعه بكلامه و عارفه أنو صح مثلاً ليه بتسألي السؤال ده؟ لأن أنتي في نفسك حاسه إن في حاجة غلط، يعني إيه أكون مش عايزه اعمل كذه علشان حرام يقوم هو يقولي عكسه علشان منظره و شكله لو رايحين مناسبة، مينفعش طبعاً. #ثالثا، لو عايزه تعملي حاجة و تقربي بيها لربنا، أولا ابحثي عنها على النت كويس جداً و اتاكدي من المعلومة و بعدها استشيري والدتك و والدك و بعدها تاخدي قرار، إيه ده!! امال فين خطيبي في الحسبة؟ ملناش دعوه بخطيبك بقى هو ملهوش دعوه بيكي في حاجة زي كده أصلاً المفترض لو في شوية عقلية أنتي هنا مش بس بتقربي من ربنا انتي بتحفظك نفسك من عيون الناس و و ده من المفترض شيء يفرح أي حد من خطيبته أو زوجته، لكن والله أعلم بالرد اللي قالهولك ده فهو همه شكله قدام الناس معاكي وبس. # رابعا، هو يوم واحد في العمر!!!!، هو فعلا يوم واحد في العمر، لكن السؤال هنا نخلي اليوم ده مليان جبال من الذنوب ولا أجر؟، الفرح مش عيب لكن، الفرح بشكل يغضب الله هو العيب، و ياما ناس اتجوزت و عملوا فرح إسلامي جميل و كل الحضور كانوا مبسوطين و فرحانين افتكري إن الحضور أصلاً موجودين علشان يباركوا و يفرحوا معاكوا، مش علشان يعصوا الله معاكوا، في فرق كبير جداً مش كده؟ أنصحك تتكلمي مع والدك و والدتك و توضحيلهم اللي بيحصل منه و اللي هيحصل علشان كده في تجاوز و كمان لسا هيحصل كمان تجاوز. أتمنى يكون في إفادة. أنصحك لو تصلي صلاة استخارة و تتكلمي مع اهلك و تعيدي ترتيب الدنيا تاني
بصي أنا مش خبير في المواقف ديه، لكن اللي اعرفه هو إن لكل واحد فينا طاقة معينة في الأحتمال و أول ما تخلص بينفجر في وش اللي قدامه، فأنا حابب اسألك سؤال حالياً أنتي في فترة الخطوبة و شايفة أنك حرفياً بتتنازلي علشان مش مثلاً على أمور عادية و مبادئ ممكن تتغير مع الوقت لأ، حضرتك بتتنازلي في "الدين" و ده مفيش في تنازل، أنا رأي أنك تفكري تاني بالعقل و تسيبي العاطفة بعيد لأن اللي أنتي شايفاه ده جزء بسيط جداً من الشخص اللي أنتي هتتعاملي معاه بشكل يومي، فأنا صراحة لسا عند رأي بانك تتكلمي مع اهلك و تعرضي عليهم الموقف بالكامل و تاغدي قرار بناءً على مشورتهم..... و للمعلومة أنا حتى سألتلك والدتي يمكن كانت تقول رد مختلف لكن للأسف نفس الحاجة.
تم النشر الثلاثاء، ١٣ أكتوبر ٢٠٢٦
هو بيقتنع بالنقاش مع الوقت وساعات كتير اوي بيرجع يقولي إنه كان غلطان في كذا ويتأسف ف اعتقد لو تناقشت معاه في الامر و وضحت لي ممكن ياخد باله من الي هو قاله، انا ساعات بحسه لسه مش عارف الصح من الغلط في حاجات معينة خصوصا معندهوش اخوات بنات و انا اول تجربة ارتباط لي، بصلي كتير اول صلاة استخارة و لما بتبقا في مشكلة و اقعد اصلي كتير صلاة استخارة بتتحل بسرعة وبتبقا مشكلة كبيرة بين العيلتين و بتتحل بسهولة من طرفه
تم النشر الثلاثاء، ١٣ أكتوبر ٢٠٢٦
لعرض الإجابة في فدني اضغط هنا