أول حاجه أنا مش عارف أقول صيغة مبسطة لسؤالي فالصيغة غلط تمام،
أنا دلوقتي الأول لما كنت بشوف حد بتاع بخور (اللي بيعد يبخر فى المحلات مش اللي بيبيع البخور ذات نفسوا) كان بيصعب عليا و لو موقفتش اديلوا فلوس بفضل حاسس بتأنيب الضمير و زعلان لحد لما فى مرا جربت أنصح واحد فيهم فدايق فأنا ادايقت بدوري مسكتش غير لما اعتذرتلوا فى الشارع لحد لما كنت فى خطبة من خطب الجمعة و الخطيب فكرني بحديث عن الرسول وواحد بيطلب منو صدقة فالرسول نهره و خلاه يبيع اللي يملك و بنص المبلغ جبلوا رأس الفاس و بالنص التاني طعام لعائلته و قالوا يروح يشتغل و ميشوفوش غير بعد 15 أو 10 أيام و فعلاً أشتغل و حسن حياته ،
من ساعتها و أنا شايف إنهم غلط و بقيت حرفياً أرفض حتى اديهم و لو جنيه مش عايزة و بكتفي بكلمة الله يسهلك و تحولة نظرة الحزن اللي كنت ببصلهم بيها لنظرة شفقة عليهم و على اللي هما عاملينوا فى نفسهم و كل ده بيزيد لما بشوف واحد فقد جزء من أطرافه (الزراعين و الرجلين )و مع ذلك بيشتغل و بيصرف على نفسوا
بس بصراحه مش عارف يعني بدأت تجيلي أفكار أني كده بخيل و بحرم واحد من الرزق و أفكار كتير فيها أنا الوحش ،
انا عارف إن ديه وساوس بس المثل بيقول الوقاية خير من العلاج
فياريت لو فى غلط أنا بعملوا فى نقطة دي أحب اسمعة و لو مفيش غلط أحب تأكدلي أني بتصرف صح على الأقل.
و لو وصلت قراءة لحد هنا أنا بشكرك من قبل ما تجاوب .
والله يا كمال انت شخصية جميلة وربنا ينعم عليك بالحكمة ولين القلب لاخر عمرك. المؤمن لازم يكون فطن يكون بيتصدق بردوا لمن يستحق وانا شايفه ان دى مش قسوة وانت عملت اللى تملكه وهو النصيحة . عن أبي سعيد الخدري رضي الله عنه قال سمعت رسول الله صلى الله عليه وسلم يقول: "من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان" رواه مسلم وانا شايفه انك بتغير المنكر ده واللى انت شايفه تسول بالنصيحه وهى ما تملك ...فلا بأس ...جدد النيه ان ما تفعله لله قبل اى شىء ومتزعلش نفسك
تم النشر الخميس، ٦ يوليو ٢٠٢٣
بص يصديقي بتوع البخور دول كلهم بيدورو ع رزق ف مكان غلط ف انت كدا مش بتحرمو م الرزق ولا حاجة هوا اصلا البخور دا هبل كلو وملهوش اي لازمة انت اللي عليك انك متنهروش بس لو طلب منك فلوس وقوله كلمة طيبة زي الله يسهلك بس لكن مش واجب عليك خالص تدي واحد زي دا فلوس اصلا ولا هتاثم اما متديهوش
تم النشر الخميس، ٦ يوليو ٢٠٢٣
لعرض السؤال في فدني اضغط هنا