عليكم السلام ورحمة الله و بركاتة، قبل إى شئ اوعي تتدخلي الكلية بالعناد مع اهلك حتى لو هيا كلية احلامك، اهلك ثم اهلك ثم اهلك ثم اخوتك ثم انتي، مش بقولك كده تقليل منك لكن الاهل ليهم فضل كبير جداً فينا فبلاش نرمية في الأرض، طيب و الحل؟ الحل بسيط تتكلمي مع اهلك و تحولي توصلي وجهة نظرك و تفهمي وجهة نظرهم لأن ممكن هما شايفين ليكي حاجة أنتي مش شايفاها. كلية علم نفس فيها اشهر مجال الكل عارفه و بنقول عليه دكتور نفساني أو اخصائي نفساني، في اللي بيفتح مكان خاص بيه و فيه اللي بيشتغل تبع مستشفى و فيه اللي بيكون تبع شركة و في اللي بيشتغل معلم في مدرسة و في اللي بيشتغل اخصائي في مدرسة و كل واحد ولهو تخصص معين، في اللي بيتخصص في التعامل مع المشاكل الأسرية و هكذا و في اللي بيتخصص في التعامل مع الأطفال إلى أخره (وطبعا التطبيق هنا مليان خبراء كتير تقدري تشوفيهم بنفسك)، طيب الفكره بقى في أنك تعملي لنفسك شغل خاص و تلاقي زباين لأن الناس مش بتثق في إى حد بسهولة بخصوص الحاجات ديه فده هيكون تحدي و مخاطرة كبيره جداً بنسبالك لو شايفة نفسك تقدري و هتكوني قد المواجهة ودي ولكن بعد المشوارة مع اهلك. طيب بالنسبة لسياسة و اقتصاد، هنا أنا بكلمك على اللي سمعته لكن أنا لا علم لي بأي حاجة عنها، إى حد بيتخرج من الكلية دي لازم يكون معاه حد يساعدة يلاقي شغل معاها (وسطة يعني)، لكن لو عايزه تودي و تعملي دورك و تسيبيها على الله ودي، وربنا مش هيخيب ظنك، ولكن ده برضوا بعد المشوارة مع اهلك. معلومة اثناء فترة الجامعة حاولي تظبطي الانجليزي بتاعك بحيث توصلي ل B2 على الأقل و بعدها اتعلمي لغة تانية زي الماني أو اسباني أو فرنساوي او إيطالي ( لغة من اللغات المشهورة)، و لو عرفتي تخلصي جامعة و أنت متعلمه تلات لغات هتكوني عملتي لنفسك خدمة. بس اتمنى يكون في إفادة...
شكر لله فقط، ربنا يوفقك إلى ما يحب ما يرضاه...
تم النشر الثلاثاء، ٢٠ أكتوبر ٢٠٢٦
كده فهمت عليك جزاك الله خيرا. انا فعلا لما لقيت ان والدي رافض قلت خلاص مش هتكلم في الموضوع خلاص و اللى اقدر عليه حاليا اني اجمع معلومات يمكن تقنعه و قلت مش هجيب سيرة لحد ما اخلص امتحانات علشان لو ما اقنعش بردو ما اتأثرش انا و كده و مين عارف صحيح يمكن بعدين الاقي كلية تانية احسن. فشكرا لحضرتك تعبت حضرتك معايا
تم النشر الثلاثاء، ٢٠ أكتوبر ٢٠٢٦
في دينا الجميل مفيش حاجة أسمها نجاح في حاجة أسمها سعي و فلاح... السعي هو المجهود المبذل بنية خالصة، و الفلاح هو وصولك لنتيجة مرجوة أو مش مرجوة بنسبالك لكن هيا افضلك بكتير.
تم النشر الثلاثاء، ٢٠ أكتوبر ٢٠٢٦
لأ معلش كده أنت فاهمة غلط، في فرق بين يكون عندنا هدف نسعاله و بين اننا نفكر في هو اللي لسا هيحصل بعدين او ازاي امنع حاجة تحصل بعدين، فرق شاااسع جداً كمان.... أنتي ممكن بما أنك ادبي تحطي هدفك أنك تدخلي كليه أداب قسم علم نفس و تعملي اللي عليكي و الباقي على ربنا، لكن ده مش معناااه أنك تفكري في محادثة و جدال لسا هيحصل بعدين و مش عارفه إن كان هيحصل ولا لأ.... من الصح يكون عندنا هدف نسعاله، ولكن ده مش معناه أننا نقتل نفسنا بالتفكير في احتمالات مش ممكن تحصل... توكلي على الله و الله خير من نوتكل عليه.
تم النشر الثلاثاء، ٢٠ أكتوبر ٢٠٢٦
اصل دايما بيتقال لازم يبقى عندك هدف بتذاكري علشانه و كده 😅 بس تمام ان شاء الله مش هحط دا في دماغي حاليا و اخليها على الله
تم النشر الثلاثاء، ٢٠ أكتوبر ٢٠٢٦
طيب يبنت الناس لسا بدري هتقنعي والدك على حاجة لسا بدري عليها 😂😂😂🤣 .... اصبري و لما تشوفي مجموعك يدخلك إى ابقي فكري في كل ده، لكن أنتي كده سابقة وقتك و بتشغلي دماغك بحتمالات ملهاش لازمة دلوقتي.... في فيلم كونغ فو باندا مستر اوجواي قال مقولة جميلة جداً، yesterday is a history, tomorrow is a mystery, but today is a gift, that's why it's called the present...... بلاش تسبقي الأيام و خليكي في وقتنا الحاضر و لما يجي ساعتها ربنا هيوجهك بنفسه للي هو خير ليكي.. رب الخير لا يأتي إلا بالخير فطمئني.
تم النشر الاثنين، ١٩ أكتوبر ٢٠٢٦
انا ثانوية عامة لسه
تم النشر الاثنين، ١٩ أكتوبر ٢٠٢٦
هو حضرتك لسا هتدخلي جامعة ولا إى بظبط علشان بس افهم؟
تم النشر الاثنين، ١٩ أكتوبر ٢٠٢٦
انا مش عايزة اعاند فعلا و علشان كده كنت عايزة اعرف اكتر عنها علشان اقدر اقنعهم، انا مش ناوية على سياسة و اقتصاد خالص بصراحة حساها كبيرة عليا يعني من اللى بشوفه في العالم السياسي دلوقت صعب ابقى واحدة فيه كلهم عايزين مصلحتهم، و ممكن آخد كورسات لغات مش مشكلة بس انا مش عايزة دراستي الجامعية تبقى في السون بصراحة مش عايزة ادخل جامعة ادرس فيها لغة ولا اتنين وانا ممكن آخد كورسات في نفس اللغتين دول و خلاص فوالدي عايزني ادخل السون بس والدتي موافقة على اداب علم نفس فمش عارفة اقنع والدي ازاي😅
تم النشر الاثنين، ١٩ أكتوبر ٢٠٢٦
لعرض الإجابة في فدني اضغط هنا