السلام عليكم ورحمه الله وبركاته
كنت عايزة اعرف هل لو دخلت كلية آداب علم نفس هتبقى حاجة كويسة ولا لأ
انا ما اعرفش انا ممكن اشتغل ايه غير اخصائية في مدرسة
و انا بحب علم النفس بصراحة بس والدي مش موافق عليها فعايزة اقنعه لو هي فعلا كويسة
و انا ادبي عموما بس مش عايزة ادخل سياسة و اقتصاد علشان حاساها كبيرة عليا لان السياسة عايزة ناس قوية و انا من اقل موقف ممكن ازعل 😅
فلو حد عنده معلومة ياريت يفيدني و شكرا لحضراتكم 🤍
عليكم السلام ورحمة الله و بركاتة، قبل إى شئ اوعي تتدخلي الكلية بالعناد مع اهلك حتى لو هيا كلية احلامك، اهلك ثم اهلك ثم اهلك ثم اخوتك ثم انتي، مش بقولك كده تقليل منك لكن الاهل ليهم فضل كبير جداً فينا فبلاش نرمية في الأرض، طيب و الحل؟ الحل بسيط تتكلمي مع اهلك و تحولي توصلي وجهة نظرك و تفهمي وجهة نظرهم لأن ممكن هما شايفين ليكي حاجة أنتي مش شايفاها. كلية علم نفس فيها اشهر مجال الكل عارفه و بنقول عليه دكتور نفساني أو اخصائي نفساني، في اللي بيفتح مكان خاص بيه و فيه اللي بيشتغل تبع مستشفى و فيه اللي بيكون تبع شركة و في اللي بيشتغل معلم في مدرسة و في اللي بيشتغل اخصائي في مدرسة و كل واحد ولهو تخصص معين، في اللي بيتخصص في التعامل مع المشاكل الأسرية و هكذا و في اللي بيتخصص في التعامل مع الأطفال إلى أخره (وطبعا التطبيق هنا مليان خبراء كتير تقدري تشوفيهم بنفسك)، طيب الفكره بقى في أنك تعملي لنفسك شغل خاص و تلاقي زباين لأن الناس مش بتثق في إى حد بسهولة بخصوص الحاجات ديه فده هيكون تحدي و مخاطرة كبيره جداً بنسبالك لو شايفة نفسك تقدري و هتكوني قد المواجهة ودي ولكن بعد المشوارة مع اهلك. طيب بالنسبة لسياسة و اقتصاد، هنا أنا بكلمك على اللي سمعته لكن أنا لا علم لي بأي حاجة عنها، إى حد بيتخرج من الكلية دي لازم يكون معاه حد يساعدة يلاقي شغل معاها (وسطة يعني)، لكن لو عايزه تودي و تعملي دورك و تسيبيها على الله ودي، وربنا مش هيخيب ظنك، ولكن ده برضوا بعد المشوارة مع اهلك. معلومة اثناء فترة الجامعة حاولي تظبطي الانجليزي بتاعك بحيث توصلي ل B2 على الأقل و بعدها اتعلمي لغة تانية زي الماني أو اسباني أو فرنساوي او إيطالي ( لغة من اللغات المشهورة)، و لو عرفتي تخلصي جامعة و أنت متعلمه تلات لغات هتكوني عملتي لنفسك خدمة. بس اتمنى يكون في إفادة...
تم النشر الاثنين، ١٩ أكتوبر ٢٠٢٦
سياسه و اقتصاد مبقتش زى زمان لو. هتشتغلى فيها لازم واسطه و لازم تسافرى آداب حلوة بس علم نفس لازم تشوفى حد دخلها و اشتغل بيها لان بردو ناس كتير بيتخرجو منها مبيشتغلوش بيها عامة ايا يكن هتخشي كليه ايه اشتغلى على مهاراتك انجليزى مثلا اكسيل و كلام ده عشان هو الاهم ف سوق العمل و هينفعك ايا يكن هتشتغلى ايه
تم النشر الأحد، ١٨ أكتوبر ٢٠٢٦
وعليكم السلام ورحمة الله وبركاته يا حبيبة، شكراً إنك شاركتيني تفاصيلك بصراحة كده. أول حاجة، إنك بتحبي علم النفس ده أساس قوي جداً، لأن الشغف بيخلي الدراسة أسهل وأمتع، وكمان بيساعدك تستمري في المجال بعد التخرج. كلية آداب علم نفس خيار كويس لو أنتِ فعلاً مهتمة بفهم السلوك البشري والمساعدة في حل المشكلات النفسية، وده يتوافق مع قيمنا الإسلامية في الرحمة والإحسان للآخرين. بالنسبة لفرص الشغل، مش هتقتصري على وظيفة أخصائية مدرسة بس. بعد التخرج ممكن تكملي دراسات عليا (دبلوم أو ماجستير) عشان تفتحي أبواب أوسع زي العمل في المستشفيات أو العيادات النفسية كمرشدة أو معالجة تحت إشراف، أو في مجال الموارد البشرية في الشركات (لأن فهم الناس مهم جداً هناك)، أو البحث العلمي، أو حتى في المنظمات غير الحكومية اللي بتدعم الصحة النفسية. كمان فيه فرص في التدريب والتطوير الذاتي أو الكتابة والتوعية. المهم إنك تبني مهارات إضافية زي التواصل والتحليل أثناء الدراسة عشان تكوني جاهزة. عشان تقنعي والدك، ركزي على إن المجال ده بيسمح لكِ تساعدي الناس وتكوني مفيدة في المجتمع، وده يرضي الله، وكمان أبرزي إن شغفك هيخليكِ تتفوقي وتجدي فرص أفضل. قوليله إنك مش هتدخلي مجال "كبير" زي السياسة والاقتصاد لأنكِ عارفة حدودك وبتختاري اللي يناسب شخصيتك الحساسة والعاطفية، وده نضج منك. جربي تتكلمي معاه بهدوء وتشاركيه أمثلة على ناس نجحوا في المجال، ولو لسه متردد اقترحي إنكِ تبحثي مع بعض عن الفرص المتاحة. أنتِ قادرة تختاري الطريق المناسب لكِ، ولو عايزة تتكلمي أكتر عن خطوات عملية أو كيف تطوري نفسك في المجال، أنا هنا. جربي تبحثي عن أسئلة مشابهة على فدني عشان تشوفي تجارب بنات تانيين.
تم النشر الأحد، ١٨ أكتوبر ٢٠٢٦
لعرض السؤال في فدني اضغط هنا