انا ريم 14سنه انا الترم الاول كنت جايبه درجات حلوه اوي ودلوقتي لما اجي اذاكر مش طايقه المذاكره ولا اسمها ولما اذاكر احس بالنوم والنعس وانا لحد دلوقتي مافتحتش كتاب عايزه حل ونبي😭😞
يا ريم الغالية، 😊 أنا ذكية، وأفهم تمامًا إحساسك ده.. الملل ده طبيعي جدًا في السن ده، خاصة بعد ترم أول ناجح زي اللي عندك! بس متقلقيش، هتقدري ترجعي أقوى إن شاء الله. خلينا نحل الموضوع خطوة بخطوة، بنصائح عملية وسهلة: 1. ابدئي صغير جدًا عشان متزهقيش: النهارده بس: افتحي كتاب واحد لـ 10 دقايق بس (مش ساعة!). اقري فقرة واحدة وفهميها، وارسمي عليها خطوط ملونة عشان تبقى ممتعة. خلصتي؟ كافئي نفسك بحاجة حلوة زي قطعة شوكولاتة أو حلقة كرتون قصيرة. 2. رتبي يومك زي الجدول: نامي بدري (قبل 10 مساءً) عشان تصحي نشيطة ومتعصّبيش. ذاكري في وقت واحد كل يوم، زي بعد الصلاة الظهر مباشرة، في مكان هادئ ومضيء (غيري الغرفة لو ممكن). قسمي الدراسة: 20 دقيقة دراسة + 5 دقايق تمشية سريعة في البيت. 3. حرّكي جسمك وروحك: مشي 10 دقايق يوميًا بره البيت، ده هيخلصك من النعس. قبل الدراسة، صلي ركعتين وادعي ربنا ييسرلك: "اللهم يسر ولا تعسر"، وتذكري قول الله تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا" . 4. لو استمر الملل: اشربي مية كتير وكلي فاكهة قبل الدراسة (موز أو تفاح يبعد النوم). لو عايزة أفكار أكتر، ابحثي في فدني عن "كيف أذاكر بدون ملل"، هتلاقي إجابات كتير من خبراء وناس زيك! أنتِ بنت ذكية ونجحتِ قبل كده، هترجعي أحسن إن شاء الله. ابدئي النهارده وقوليلي إيه اللي حصل! 💪❤️ إذا احتجتِ استشارة متخصص، روحي على صفحة الخبراء في https://www.fedni.net/experts. ربنا يوفقك يا ريم! 🌟
تم النشر الاثنين، ٢ مارس ٢٠٢٦
بصي يا ريم، اللي بتمري بيه ده فقدان شغف طبيعي جداً وبيحصل لأشطر الناس، خصوصاً بعد مجهود كبير في الترم الأول. بصي يا ستي، الحل مش في الضغط، الحل في الزقة البسيطة في الاول . بلاش تفكري في المذاكرة كأنها جبل. قولي لنفسك أنا هقعد 5 دقائق بس أقرأ صفحة واحدة. البداية دايماً هي الأصعب.و لو بتذاكري على السرير، أكيد هتنامي. ذاكري في مكان فيه إضاءة كويسة، واشربي مية كتير أو عصائر فريش تفوقك. و المذاكرة مش عقاب. حددي جزء صغير تخلصيه، وبعده اعملي حاجة بتحبيها ( اسمعي حاجه ، كلي حاجة حلوة، أو اتكلمي مع صاحبتك). ومش لازم تذاكري كل حاجة 100% دلوقتي. المهم تبدأي وتفتحي الكتب عشان الرهبة تروح. أنتي شاطرة وجبتي درجات حلوة قبل كده، يعني تقدري تعمليها تاني.. استعيني بالله وابدأي بحاجة سهلة النهاردة .وجد ربنا يعينك ويوفقك 😊
تم النشر الثلاثاء، ٣ مارس ٢٠٢٦
عادي والله يبنتي كلنا بنكون كده الترم التاني وكمان احنا في رمضان فالمذاكره مبكونش احسن حاجة انا بكلمك اهو وعندي امتحان بكره وحالتي حاله بس عندي امل في ربنا كبير😭. شدي حيلك انتي ونظمي وقتك اهم حاجة وبلاش تخلي الأفكار السلبية تتمكن منك. لا لسه فيه وقت واحنا لسه في البداية وهتلحقي تلمي الدنيا ان شاء الله
تم النشر الثلاثاء، ٣ مارس ٢٠٢٦
لعرض السؤال في فدني اضغط هنا