أنا في ثالثه ثانوي ودلوقتي عدا شهرين من الثانويه العامه وانا لحد دلوقتي مش بذاكر كويس وبلعب على الموبايل بس ماقدرش اني اسيبه لاني الدروس بتبقى عليه يعني لازم يكون معايا وانا بذاكر وانا تعبت صراحه ومش بصحى بدري بقفل المنبه وينام تاني خايفه جدا
كيف اعلي همتي أنا تعبت
قبل إى حاجة عايز أقولك إن كلامنا عن نفسنا هو اكتر حاجة بتأثر فينا، لأن أنا بتكلم عن نفسي أنا، و مين هيكدب على نفسه؟ مفيش صحيح؟ فخلي بالك من كل حرف بتقولية عن نفسك علشان تأثيره عليكي هيكون كبير جداً. # أولا عايز اقولك إن التليفون ما هو إلا أداة، مش مهو المتحكم في حياتنا، بالعكس احنا اللي متحكمين في كل حاجة، فمينفعش نخلي حاجة أحنا اللي متحكمين فيها تشتت انتباهنا صحيح؟ في فكل تليفون وضع اسمه عدم الإزعاج أو التركيز مع اختلاف الأسماء ممكن طالما أنتي مضطرة كده كده تمسكي التليفون علشان الدراسة تفعليه، طيب ده فائدته إى؟ تقدري تختاري و أنتي مفعله الميزة دي أنهي تطبيق يجبلك إشعارات و أنهي يشتغل أصلاً فتقتدري و أنتي بتحضري الدرسين الاونلاين تفعليها و تقفلي كل تطبيق بيجيبلك إشعارات لعدد ساعات معينه أو حتى طول اليوم. طبعاً الحل ده متوفر لو أنتي مش متاح مثلاً تطبعي PDF اللي بيتوفر من على المنصة، أصل أكيد المنصة إى كانت هيا اسمها إى مش هتديكي الكتاب أو الملزمة اللي هتذاكري منها على شكل PDF بحيث أنك ترجعيلها وقت ما تحتاجيها. ممكن تقوليلي طيب أنا بكون مستنيه ناس ترد عليا، مستنية ارد على الكومنتس بتاع الناس على البوست بتاعي علشان التقدير و كده، مستنية معرفش، طيب أصل فلانه هتبعتلي معرفش إى، أصل معرفش إى ممكن يوصلني في الوقت، هنا بقى هقاطعك معلش و هقولك، هل حياتك هتقف لو معملتيش إى كان من الحاجات ديه؟ أكيد لأ فبلاش نديها أهمية اكتر من حجمها، طيب دلوقتي خلينا نقول أنك مثلاً مثلاً بجد الموضوع مهم و أنتي مستنية رسالة معينة جداً و الرسالة دي مثلاً على الواتس، تدخلي تقفلي كل الإشعارات إلا إشعارات الشات بتاعت الشخص اللي أنتي مستنية يبعتلك ( ده في حالة لو فعلا الرسالة مهمة جداً جداً) طبعا نفس الحاجة تطبق على بقيت التطبيقات، اللي ممكن حد يبعتلك عليها انما الباقي يتقفل نهائي. # طيب نيجي بقى لنقطة الصحيان و قفل المنبة، بصي ديه بتيجي من حاجة واحدة فقط ألا و هيا "عدم وجود هدف واضح"، بمعني إى؟ بمعنى أنك مش مرتبه أمورك سايباها عشوائية وقت ما تصحي يحلها ربنا ابقى اعمل كذه، مش مديه الموضوع اهميته بشكل آخر، فلازم قبل إى حاجة تبدأي ترتبي أمورك و تقفلي النت من التليفون و تحطي منبه محترم يخليكي 7/8 ساعات في اليوم و تحطي التليفون بعيد و تعلي الصوت على الآخر و لما يرن تروحي تقفليه و في اللحظة دي ما تفكريش حتى ترجعي تاني للسرير روحي على طول لدورة المياة و اغسلي وشك و توضي و صلي و توكلي على الله. لو شايفة برضوا إن ده مش هيعمل فرق، في تطبيقات منبه بتخلي مثلاً لما المنبة يرن متعرفيش تقفليه غير لما تعملي حاجة معينه، زي مثلاً تكتبي باسورد طويل أو تسجلي ريكورد أو تاغدي صورة، في كتير منها و امثله كتير منه، فتقدري تنزلي اللي يناسبك مثلاً. بخصوص موضوع اللعب تقدري تمسحيها لو الموضوع صعب أنك تبعدي عنها أو تقدري تشيليها من الشاشة الرئيسية و تحددي لنفسك ساعة أو اتنين فقط بعد المذاكرة في اخر اليوم و تلعبي فيهم(و برضوا تقفلي الإشعارات منها) لكن لو صعب عليكي فيبقى لازم تمسحيها. و حاجة أخيرا اعرفي إن الهدف اللي نفسك فيه مش هتقدري تحققية غير بالإرادة و الإيمان بنفسك و طبعاً بتوفيق الله، لكن ربنا مش هيوفقك غير لما تسعي بنفسك ( إن الله لا يغير ما بقوما حتى يغيروا ما بأنفسهم) فتوكلي على الله و اعرفي إن التليفون ده مجرد أداة، أنتي المتحكمة مش هو. هسيبلك صور تحت يمكن تفيدك. أتمنى يكون في إفادة....
تم النشر الجمعة، ٩ أكتوبر ٢٠٢٦
على فكرة دي حاجة حلوة عشان انتِ مش بدأتي أول السنة جد لانك لو كنتِ بدأتيها جد من الأول هتيجي قبل الامتحان بشهر وهتتعبي وهتدخلي ف اكتئاب وعلى لسه قدامك الشهور جاية كتير ولسه قدامك فرصة تلمي المواد اللي تراكمت عليكِ وعلى فكرة لو فضلتي تقنعي نفسك انك مش هتقدري تلمي أي مادة والكلام اللي يحبط دا ف مش هتنجحي ف حاجة. لسه قدامك وقت اعملي جدول كويس بحيث أنك تقدري تلمي الدنيا ومتضغطيش ع نفسك ورفهي عن نفسك، ولما تذاكري كويس ابقى هاتي لنفسك حاجة تكافئ نفسك بيها لان دا بيكون دافع ليكِ أنك تكملي. وكلامي دا عن تجربة. بالتوفيق ان شاء الله وربنا يحقق حلمك يارب🦋🤎.
تم النشر السبت، ١٠ أكتوبر ٢٠٢٦
يا بنتي، أنا فاهمة تمامًا إحساسك بالإرهاق والخوف ده، خاصة وأنتِ في ثالثة ثانوي والوقت بيجري. الضغط ده طبيعي، ومش ضعف منك، لكنه إشارة إنك محتاجة تغييرات صغيرة ومستمرة عشان ترجعي تسيطري على يومك. ربنا سبحانه وتعالى بيقول "إن مع العسر يسرًا"، فخدي بالك إن الهمة بتيجي بالخطوات العملية مش بالشعور لوحده. ابدئي بخطة يومية بسيطة: قسمي المذاكرة لجلسات قصيرة زي ٢٥ دقيقة مذاكرة ثم راحة قصيرة، وحددي هدف يومي صغير زي مراجعة درس واحد بس. حطي الموبايل في مكان بعيد أثناء الجلسة دي، ولو الدروس عليه استخدميه بس للدروس ثم أغلقيه فورًا. عشان الصحو المبكر، حطي المنبه بعيد عن السرير عشان تضطري تقومي، وابدئي بموعد نوم ثابت حتى لو تدريجيًا. كل يوم اكتبي إنجازاتك الصغيرة عشان تشوفي تقدمك وده هيرفع همتك. أنتِ قادرة يا قمر، والخوف ده هيتحول لقوة لو بدأتِ دلوقتي بخطوة واحدة. جربي تطبقي ده لأسبوع وشوفي الفرق، ولو عايزة نصائح إضافية ابحثي عن أسئلة مشابهة على فدني عشان تاخدي وجهات نظر أكتر. ربنا يوفقك ويسهل أمرك.
تم النشر الخميس، ٨ أكتوبر ٢٠٢٦
معنديش لا لاب توب او كمبيوتر و أنا بحضر مادتين اونلانين علي التلفون كان نفسي اخدهم سنتر بس مفيش مدرسين حلوين جنبي سالت كتير اوي وملاقتش غير اونلاين، أنا طول عمري طالبه متوسطه عادي ما كنتش بهتم بالمذاكره اوي بس في سنه ثالثه اعدادي اخدتها جد جدا جدا لدرجه ان كان انفي بينزف من كتر ضغط المذاكره وما كنتش بنام ولا بضيع وقتي وجبت 98٪ بس بعد السنه دي رجعت تاني طالبه متوسطه وكسوله تاني ومش عارفه اغير دا بحاول أستعين بالله كتير بس مش عارفه
تم النشر الخميس، ٨ أكتوبر ٢٠٢٦
طيب قبل ما اجاوبك ممكن أسأل طالما التليفون هو عامل كبير جداً في عدم تقدمك هل في إمكانية أنك تستخدمي لاب توب أو كمبيوتر؟ او تطبعي الكتاب أو الملزمة اللي بتذاكري منها؟
تم النشر الخميس، ٨ أكتوبر ٢٠٢٦
لعرض السؤال في فدني اضغط هنا