أنا في أولى جامعة كليه تجارة وقربت على الامتحانات ومش كنت بذاكر من أول السنه و متراكم عليا خمس مواد (مبادئ الاقتصاد - المحاسبه الماليه - رياضيات الأعمال - سلوك تنظيمي - لغه انجليزيه)
عاوزه خطه مذاكره بطريقة حلوه عشان أنا بمل من المذاكره وكمان بحس اني بنسى المعلومات بسرعه وكمان عاوزه أجيب تقديرات اعمل ايه
و ملاحظه كمان بروح الجامعة يومين في الأسبوع وبقية الأسبوع بيبقى عندي حاجات بس من الساعة 5 وبخلص 11 وفي يوم فاضي بس كل ما اقول هذاكر برجع تاني لان بحس أن الوقت عدى على اني أبدأ مذاكره وبس
اولاً كده صلي ع النبي عشان بذكره يحلو الكلام. ثانيا مفيش حاجه بتيجي بالسهل سواء بقي فلوس نجاح تقدير حتى الراحه ما بتجيش بالساهل. فلازم عشان تحصلي ع اللي بتحبيه لازم تتعبي فيه و دايماً خليكي عارفة (إن الله لا يضيع أجر من أحسن عملا) فا مفيش حد هيدوس على نفسه ويذاكر و يتعب ويسهر و يسيب الللعب والانستا و الخروجات و يجي على نفسه عشان عايز يوصل وفي الآخر تكون النتيجة صفر مفيش بمعنى الكلمة مفيش حد بيتعب و بعد كده ما يلاقيش ، وخليكي ديما عارفة إن الله لايجمع أمنين ولا خوفين. يعني عشان ترتاحي لازم تتعبي و تبجي على نفسك. اما انك ترتاحي في الاول و الاخر لا ده مش موجود. ففي الاول تعب و في الاخر راحة. وصدقيني مفيش حد بيتعب و ما بيوصلش و بالنسبة للخطه اللي انتي محتاجاها فصراحه ما عنديش المعلومات الكايفة اللي اقدر اديهالك لكن ممكن تحطي المود لآداة Ai سواء كان شات جي بيتي او Gemini و هو هيديكي خطة مظبوطه إن شاء الله. وربنا يوفقك و يحفظك و يحقق لك كل اللي تتمنيه ❤❤
تم النشر الخميس، ٢٠ نوفمبر ٢٠٢٥
هقولك شوية نصائح لو مشيت عليهم هيفرقو معاك بإذن الله جدا اول حاجه لازم تستشعر أهمية اللي انت بتذاكره دا وليه وهتعمل بيه ايه في المستقبل ان شاء الله. شوف مثلا فديوهات عن اهمية المواد دي في وقت فراغك علشان تفتح نفسك للمذاكرة. تاني نقطة ابعد نفسك عن الفاشلين والناس اللي بيحسسوك انهم مبيذاكروش وهما دحيحة. خلي صحابك ناس عندها همة وطموح هتبقي زيهم. دي طانت نصائح عامة. بالنسبة للوضع الحالي التراكم دا ممكن يسببلك تسويف. ابدأ دلوقتي انك تقسم المتراكم دا لأجزاء صغيرة وقسمها علي أيامك بشكل واقعي بدون مبالغة علشان ما تحبطش. هتحس بإنجاز لما تخلص كل يوم الجزء الصغير اللي حددته لنفسك. وخلي في هامش صغير لنسبة الخطأ يعني لو عندك ١١ يوم اعمل حسابك علي ١٠ ايام ونفس الشيئ في عدد الساعات.
تم النشر الخميس، ٢٠ نوفمبر ٢٠٢٥
والله أنا ازيك بردو لسه أولي و مركمه حاجات كتيره جدا و احيانا بعيط لاني مش اقدره ازاكر أنا معنديش نصيحة ليكي انك حاولي تزاكري و تعدي
تم النشر السبت، ٢٢ نوفمبر ٢٠٢٥
لعرض السؤال في فدني اضغط هنا