انا طالبه في اولي ثانوي و دي اكيد سنه مهمه و محتاجه مذاكره المشكله اللي عندي ان انا لما باجي اذاكر بحس بملل كبير اوي مش بكمل 10 دقايق ممكن حدا يقولي طريقه مذاكره او حل
وعليكم السلام ورحمة الله وبركاته يا بنتي، أولاً أحييكِ على إدراكك إن السنة دي مهمة، ده لوحده خطوة كويسة. الملل السريع ده شائع جدًا في أولى ثانوي، خاصة مع كم المواد والضغط. المشكلة مش فيكِ، لكن في طريقة المذاكرة اللي بتستخدميها. جربي الطريقة دي عمليًا: ابدئي بجلسات قصيرة جدًا (10 دقايق بس) ثم خذي استراحة قصيرة 3-5 دقايق (تمشي في البيت، تشربي مية، تغيري وضعيتك). بعد كل 3 جلسات زي كده، خذي استراحة أطول 15 دقيقة. المهم إنكِ تكوني نشيطة أثناء الـ10 دقايق: بدل ما تقرئي بس، لخصي الفقرة بكلامكِ، أو حلي أسئلة فورًا، أو شرحي المعلومة لنفسكِ بصوت عالي. ده بيقلل الملل لأن المخ بيشتغل بدل ما يتلقى بس. كمان غيري المواد كل جلسة، يعني متذاكريش مادة واحدة أكتر من جلستين متتاليين. وحددي هدف صغير وواضح لكل جلسة (مثلاً: أحل 5 مسائل رياضة أو ألخص صفحتين تاريخ). لما تخلصي الهدف ده، كافئي نفسكِ بحاجة بسيطة تحبيها. الاستمرارية أهم من الكمية، وكل ما تتقدمي حتى لو بخطوات صغيرة هتحسي بالإنجاز. لو عايزة أفكار إضافية أو طرق مخصصة لمادة معينة، ابحثي عن أسئلة مشابهة على فدني، هتلاقي تجارب كتير مفيدة. أنتِ قادرة، وبالتوفيق يا قمر.
تم النشر الثلاثاء، ١٥ سبتمبر ٢٠٢٦
ايه السبب؟ بتفتحي سوشيال كتير؟ لو دا السبب فبعدي عنها خالص عشان بتقلل قدرتك النفسية على التحمل، واعرفي أنت بتذاكري ليه وعددي الأسباب، ليه السنة دي مهمة وهكذا؟ المواد اللي عندك ليها أهمية فاعملي بحث عن فوائد دراسة كل علم من العلوم اللي عندك، ليه بتدرسي عربي أو انجلش أو. أيا يكن المواد
تم النشر الأربعاء، ١٦ سبتمبر ٢٠٢٦
في طرق كتير اكيد في طريقه هتناسبك انا مثلا التخليص كان بيخليني أذاكر ساعات طويله وكنت بحفظ كويس مع اني مكنتش بذاكر خالص كنت بجيب اقلام جاف الوان وهايلايتر مش لازم خمسميت نوع على قد مقدرتك حتى لو هيلايتر واحد وهاتي كشكول او كراسه تكون للتخليص وابداي اكتبي بخط جميل واعملي خرايط ذهنيه ده هيخليكي تحبي المزاكره وكمان بيخليكي تحفظي المعلومه اسهل واقوى هو كان بيخرج معايا جدا ولكن في طرق كتير زي انك تعملي تاسكات وتذاكري خمسه وعشرين دقيقه وتفصلي خمس دقايق اسمها بمودورو تكنيك وتكافئي نفسك بعد كل ساعه مزاكره مثلا ومتذاكريش ولو حسيتي انك مش علرفه تذاكري جربي اماكن مختلفه وبلاش مذاكره على السرير خالص عشان لما كنت بذاكر على السرير مكنتش ببقا مركز وكنت بنام من الزهق ودوري بردو على طرق على التيكتوك هتلاقي طرق كتير وجربي الي قلتلك عليه
تم النشر الثلاثاء، ١٥ سبتمبر ٢٠٢٦
بودكاست فاهم لامجد سمير..عارف انك هتقول انا مش بركز ١٠ دقايق عشان اركز في بودكاست..بس هو هيشدك لاني كنت زيك و اتشديت ليه و لكلامه جدا ..و ممكن حتى تعمل حاجة و انت بتسمعه..بس يكون في اهتمامك انك تسمعه و هتلاقي ربنا جذب ودنك لكلام مهم..ف سيبت اللي في ايدك و ركزت معاه..و البودكاست نفسه فيه خطوات عملية بالفعل تتعمل
تم النشر الثلاثاء، ١٥ سبتمبر ٢٠٢٦
لعرض السؤال في فدني اضغط هنا