سلام الله عليكم ...
انا طالب في الصف الثالث الثانوي الازهري..
مرّ شهران [ ٨ ، ٩ ] وأنا لم أنتج أي شيء ومراكم.
مع العلم انني جيد جدا دراسيًا ، لستُ بمرتبة العباقر
او بما تُسمى بال ( دحيح ) .
وتائه جدا ، آمال عائلتي بي ، خالي تولّى أمري..
من المصاريف إلى الجوارب .
أتمنى تساعدوني لانني تائه جدا
انا كمان ٣ث ازهر وعلى فكره عادي جدا اللي انت بتمر بيه متحسسش نفسك بالذنب عشان بتقارن نفسم باللي حواليك انا عارفه انت حاسس ان مل الناس بتبذل مجهود اضعاف وبتجيب درجات حلوه في الشوانل بس صدقني دي اخرر حاجه ممكن تحدد نتيجتك في الثانويه ..شهرين عدو مش كتير ومممن جدا تداركهم بس انت اهم حاجه ابدا من دلوقتي اكتب جدول اسبوعي ماافورش في المهام اليوميه بردو لان الدروس لوحدها مرهقه جدا فحاولت تكتب كلل اللي اتراكم عليك في ورقه وقسمو على مدار مثلا الشهر اللي جاي ده مع الجديد بردو بحيث تضغط نفسك الشهر ده بس وبعد كده تبقا زيم زي صحابك ..والمواد الشرعيه لو انت بتاخد درس خليك ماشي في الجديد معاهم والقديم اتفرج على مستر عبد الوهاب حجازي شاطر اوي وهيخسسك ان الموضوع سهل وبالنسبه للنحو وكده في اظن واحد اسمو المفيد في العربي كان حلو بردو فحاول تلحق اللي فاتك من اليوتيوب او منصه والجديد احضرو لايف
تم النشر الأحد، ٢٧ سبتمبر ٢٠٢٦
السلام عليكم ورحمة الله وبركاته مش مهم ما فاتك المهم انك متفضلش واقف في مكانك اهم شئ الاستمرارية مش معني كده انك تعمل لنفسك تارجت مش القصد لكن علي قد ما انت تستوعب و كل تأخيره و فيها خير و الاهم من الحفظ الفهم و ربنا يوفقك في حياتك أن شاء الله
تم النشر الجمعة، ٢٥ سبتمبر ٢٠٢٦
وعليكم السلام ورحمة الله وبركاته، يا بني. أولاً، أحب أطمئنك إن اللي بتمر بيه مش غريب على كتير من الشباب في سنك، خاصة في الثانوية الأزهرية اللي فيها ضغط دراسي كبير ومسؤوليات. إنك واعي بتأخرك وبتشعر بثقل آمال أهلك ده دليل على إنك إنسان مسؤول. المهم دلوقتي إنك تبدأ خطوة بخطوة عشان ترجع تسيطر على الوقت بدل ما الوقت يسيطر عليك. ابدأ بتقسيم المواد اللي متراكمة عليك لأجزاء صغيرة. مثلاً، خد كل مادة وقسمها لمواضيع يومية واضحة (مش "هذاكر تاريخ"، لكن "هقرأ ٤ صفحات من الدرس الفلاني وأحل ٥ أسئلة"). اعمل جدول يومي بسيط فيه وقت ثابت للدراسة ووقت للراحة والصلاة والأكل، وخلّي أول أسبوعين تركز على مراجعة اللي فات أكتر من الجديد. لو لقيت صعوبة في مادة معينة، اسأل مدرسك أو زميلك اللي بيفهمها، ومتستحيش تطلب مساعدة؛ ده مش ضعف. كمان، تذكر إن عمك بيتحمل عنك كتير، وده نعمة كبيرة، فخلّي جزء من نيتك في الدراسة إنك ترد له الجميل بالنجاح والاجتهاد. ادعُ الله كتير بالتوفيق، واقرأ آية "وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا"، وخلّي التوكل على الله مصحوب بجهد عملي. لو حابب تشوف تجارب مشابهة، ابحث عن أسئلة مشابهة على فدني، هتلاقي ناس كتير مرت بنفس الشعور ونجحت تتجاوزه. أنت قادر، والبداية دلوقتي هتفرق جدًا. لو عايز تكتب لي خطتك أو المواد اللي متراكمة، أنا هنا أساعدك نرتبها مع بعض.
تم النشر الخميس، ٢٤ سبتمبر ٢٠٢٦
التوفيق من الله سبحانه وتعالي وهو سر إستمراريتك ونجاح فلازم علاقتك بالله سبحانه وتعالى تكون كويسه
تم النشر السبت، ٢٦ سبتمبر ٢٠٢٦
بلاش تيأس و تضيع وقتك في الحزن و الندم على التراكم خد خطوات واقعية حتى لو هتتعب في الفترة دي عشان تلحق إللي فاتك بس أكيد أمل أهلك فيك و حلمك يستحق ولا إيه؟!
تم النشر الخميس، ٢٤ سبتمبر ٢٠٢٦
متبصش أنو عدىٰ شهرين من غير انتاجية شوف أنو اتبقالك اكتر منهم بكتييير، لسة باقيلك فرص لا تُحصى عشان تستعيد همتك تاني، أنت بس استعن بالله ولا تعجز، و تفاءل و إن شاء الله يكون لأمل أهلك فيك نتيجة مُرضية ليك و ليهم،
تم النشر الخميس، ٢٤ سبتمبر ٢٠٢٦
انت لسا ف البدايه الحق لم بدري لو راكمت اكتر من كدا الدنيا هتضيع منك وطول مانت متحركتش من مكانك محدش هيحركك ومفيش حاجه هتستناك الوقت بيعدي
تم النشر الأحد، ٢٧ سبتمبر ٢٠٢٦
لعرض السؤال في فدني اضغط هنا