عايز اثبت على الصلاة والقرآن والقراءه العامه
فيديوهات لو سمحتم تثبتني على الصلاة وتساعدني
لاني وصلت لمرحله وحشه قلبي ماااااات لدرجة اني لا صلاة ولا صوم ولا اي خير بعمله وذنوب كل يوووووم
وعايز كتب أقرأها تشجعني على القراءه في البدايه
كل ده عشان ابعد عن الذنوب
السلام عليكم، "إن الإيمان ليخلقُ في جوف أحدكم كما يخلق الثوب، فاسألوا الله أن يجدد الإيمان في قلوبكم" صدق رسول الله صلى الله عليه وسلم. وقال العلماء: "الإيمان قول وعمل، يزيد وينقص" وأيضا "الإيمان يزيد بالطاعة وينقص بالمعصية" *** ففي البداية أول خطوة هتكون إنك تستعين بالله وتدعيه وتسأله يجدد إيمانك وبعد كده تبدأ بخطوات متدرجة ومن غير ما تتقل على نفسك. لو تقلت مرة واحدة بالطاعات والعبادات يومين وهتوقف وهتحس باليأس والإحباط من نفسك فترفق بها وافتكر "أحب الأعمال إلى الله أدومها وإن قل" و"قليل دائم خير من كثير منقطع". *** بالنسبة للصلاة، ادعي يوميا وبكثرة "ربي اجعلني مقيم الصلاة ومن ذريتي" ولو مش هتعرف تثبت الصلوات كلها في موعدها ثبت صلاة واحدة تقوم لها أول ما تسمع الأذان وباقي الصلوات هتصليها طبعا (بس ممكن في أي وقت خلال الوقت المتاح للصلاة) وبعد كم يوم تثبت صلاة تانية وهكذا، وعامة، الصلاة بتبقى أسهل مع الوقت ومجرد تدربك على القيام للصلاة مع الأذان خلال كم يوم هتلاقيك بقيت تقوم على طول لكل صلاة في أذانها. *** حتى لو بتعمل ذنوب كتير خلي الباب مع ربنا مفتوح، الصلاة على الأقل ابدأ بالرجوع لها تدريجيا وبعد كده من نفسك هتلاقيك بتضيف صلوات نوافل وطاعات تانية زي صيام التطوع وغيره إن شاء الله. *** بلاش الشيطان يضحك عليك ويخليك تيأس بالحالة اللي ظاهرة من كلامك، اعتبر نفسك في حرب معه وجهاد النفس صعب بس افتكر إن ربنا قال "والذين جاهدوا فينا لنهدينهم سبلنا" فلما تستعين بالله وتجاهد نفسك عشان ترجع للطريق المستقيم إن شاء الله ربنا هيعينك. *** وطبعا هيساعدك جدا تسمع بودكاستات دينية أو ثقافية، ممكن أرشح لك دول على الأقل: بودكاست وعي لأحمد عامر. https://www.youtube.com/@waie بودكاست إيه المشكلة. https://www.youtube.com/@Eh_El_Moshkla بودكاست فنجان. https://www.youtube.com/playlist?list=PLeNNUmE-BlnEls2kOkiV2CXMezV6oaq8I **** تدبر القرآن هيزود إيمانك إن شاء الله ويثبتك، فممكن أرشح لك دورة مفاتح التدبر لمهندس فاضل سليمان وحلقات تدبر سور القرآن كاملة على قناته. https://www.youtube.com/playlist?list=PLukAHj56HNKanxm3TkWWGXrMTGm2xpqGU وقناة "إنه القرآن" لأحمد عبد المنعم. https://www.youtube.com/@itsthequranofficial/videos *** بالنسبة للقراءة، فالقراءة فيها أنواع كتير، حدد الأول عاوز تقرأ نوع إيه بالضبط. وممكن بعدها تبحث على جوجل أفضل كتب للمبتدئين في مجال كذا أو تطلب من أي تطبيق ذكاء اصطناعي يرشح لك. *** طولت شوية بس حبيت أفيدك قدر الإمكان. بالتوفيق.
تم النشر الثلاثاء، ٨ سبتمبر ٢٠٢٦
أخي الكريم، أشعر بصدق مشاعرك وألمك من هذه المرحلة الصعبة، وأنت تصف قلبك بأنه "مات" وأن الذنوب أصبحت يومية. هذا شعور شائع عندما يبتعد الإنسان عن الطاعات، لكنه أيضاً دليل على أن فيك خيراً كثيراً لأنك تبحث عن طريق العودة. تذكر أن الله يفرح بتوبة عبده أكثر مما يفرح أحدكم بضالته، والباب مفتوح دائماً مهما طال الغياب. ابدأ بخطوات صغيرة وعملية لتثبت على الصلاة: اجعل نيتك أن تصلي ولو صلاة واحدة في وقتها كل يوم، ثم أضف الثانية تدريجياً. لا تنتظر "الإحساس" بالخشوع، بل افعل الفعل أولاً وسيأتي الخشوع مع الاستمرار. للقرآن، ابدأ بقراءة صفحة واحدة يومياً بعد كل صلاة، حتى لو كانت قصيرة، فالاستمرار أهم من الكمية. أما الصيام فيمكنك البدء بصيام الإثنين والخميس أو أيام بيض كل شهر لتعود تدريجياً. بالنسبة للفيديوهات التي تثبتك على الصلاة، ابحث داخل التطبيق أو على المنصات عن محاضرات تتحدث عن "فضل الصلاة وكيفية المحافظة عليها" أو "علاج قسوة القلب"، فهذه المحتويات غالباً ما تكون مليئة بالقصص المؤثرة والنصائح العملية التي تعيد الروح. أما الكتب التي تشجعك على القراءة في البداية، فابدأ بكتب خفيفة ومباشرة مثل "الطريق إلى الله" أو كتب ابن القيم المختصرة التي تتحدث عن إصلاح النفس، أو أي كتاب يجمع بين القصص والنصائح اليومية حتى لا تشعر بالثقل. حدد لنفسك هدفاً بسيطاً: اقرأ ١٠ صفحات يومياً من أي كتاب مفيد، وستجد أن الرغبة في القراءة تنمو مع الوقت. كل هذا للابتعاد عن الذنوب يبدأ بتوبة صادقة في قلبك، ثم استبدال الوقت الذي كان يضيع في المعاصي بصلاة أو قراءة. أنت قادر على ذلك، وكل يوم جديد فرصة. ابحث داخل فدني عن أسئلة مشابهة لترى تجارب الآخرين وتستفيد منها.
تم النشر الثلاثاء، ٨ سبتمبر ٢٠٢٦
طول ما انت حاسس كده يبقى قلبك لسه فيه خير ودي في حد ذاتها نعمة أول حاجة الدعاء خصوصا ف أوقات الإجابة ما بين الأذان والإقامة وفي الثلث الأخير من الليل. وحاول تعمل جدول بسيط وتحطه قدام عينك خصوصا ف اكتر مكان بتقعد فيه ف البيت وحاول تتوضى قبل الأذان بشوية واول ما الأذان يأذن قوم صلي وخلي الاستغفار على لسانك طول الوقت وحط الصلاة اول حاجة ف يومك وبعدها ابدأ بالقرآن حتى لو صفحة واحدة أو نص صفحه واسمع قرآن كتير ومع الوقت هتحس إن قلبك بيلين شوية بشوية وحاول تدخل طاعات تانية ف يومك حتى لو بسيطة وعارفة إن الموضوع مش سهل بس جاهد نفسك على قد ما تقدر خصوصا ف الصلاة وافتكر إن كل خطوة بتاخد عليها أجر ومتيأسش ابدا حتى لو وقعت او قصرت يوم ارجع تاني ومتستسلمش ربنا غفور رحيم. وافتكر قول الله تعالى {قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعًا} {والذين جاهدوا فينا لنهدينهم سبلنا و إن الله لمع المحسنين} ربنا يعينك ويقويك على نفسك ويتوب علينا وعليك. وادعي دايمًا "اللهم ردنا إليك ردًا جميلًا."
تم النشر الأربعاء، ٩ سبتمبر ٢٠٢٦
ربنا يعينك يا بطل
تم النشر الثلاثاء، ٨ سبتمبر ٢٠٢٦
الدعاء ليلا ونهارا بالثبات.... ليس لنا الا الدعاء...
تم النشر الثلاثاء، ٨ سبتمبر ٢٠٢٦
لعرض السؤال في فدني اضغط هنا