السلام عليكم انا مجموعي 80 في المية علمي علوم واختارت اداب علم نفس والحقيقة اني متعددة الشغف ومش عارفة اختار الكلية بالرغم ان المرحلة التانية انتهت من التنسيق وانا جالي بطاقة الترشيح اداب لأني اختارتها رغبة اولى والكل معارضني لأني كنت علمي علوم وبيقولولي الكليه ملهاش مستقبل ممكن حضرتك تنصحني وتقولي اكمل ولا لاء وازاي لو دخلت اطور نفسي بحيث اتخرج اشتغل وممكن حضرتك تكلمني عن الكلية من ارض الواقعامامي كلية علوم ولكني عندي فوبيا من الدم ولا أستطيع ادخل كلية علمية بسبب الموضوع ولم يبقى لي من الكليات سوى اداب وتجارة وإعلام وأثار وسياحة وفنادق وكليات التربية وعلما بأني نمطي هو INTP طبقا ل Mbti والنمط الخامس من الأنياجرام
وعليكم السلام متحكميش عالكلية بنمط الشخصية لأن شخصية الفرد بتتغير مع التجارب ويمكن اكتساب مهارات جديدة، وطبيعي شخصيتك هتتغير في الجامعة. مين شخص حضرتك ان عندك فوبيا من الدم؟ ولو سبب رفضك للكليات العملية هو اعتقاد فوبيا الدم فممكن نعالج الموضوع ده وتختاري كلية عملية. موضوع اختيار الكلية معرفش هينفع تغيريه ولا لا. ولكن الاختيار بيكون انتي بتحبي تدرسي ايه وايه مجالات العمل المتاحة بعد التخرج وازاي تطوري نفسك. وكل مجال محتاج مجهود، وحاليا كل المجالات بقت مزدحمة، فايا كان اختيار الكلية هيتطلب تعليم وتطوير مستمر.
تم النشر الاثنين، ٢٤ أغسطس ٢٠٢٦
لعرض السؤال في فدني اضغط هنا